Publikimi nga Departamenti amerikan i Drejtësisë i miliona dokumenteve që lidhen me aktivitetin e financierit amerikan të dënuar për krime s*ksuale, i cili u gjet i vdekur në qelinë e tij, ka shkaktuar tronditje globale, përfshirë edhe në Norvegji.

Dokumentet zbuluan lidhjet e tij me figura publike, ndër to princesha, si dhe politikanë të lartë norvegjezë, drejtues biznesi dhe diplomatë.

“Isha e manipuluar dhe e mashtruar”, tha Mette-Marit në një intervistë për NRK. “Sigurisht që do të doja të mos e kisha njohur kurrë”, shtoi ajo për Epstein.

“Është jashtëzakonisht e rëndësishme për mua të pranoj se nuk e verifikova të kaluarën e tij më në thellësi dhe gjithashtu të pranoj se u manipulova dhe u mashtrova në një masë kaq të madhe”, u shpreh ajo, duke i dhënë fund spekulimeve mbi natyrën e marrëdhënies së tyre. “Ishte një marrëdhënie miqësore: ai ishte para së gjithash mik i imi. Por nëse pyetja është nëse kishte një natyrë tjetër, përgjigjja është jo”, theksoi princesha.

Dokumentet zbulojnë komunikim të shpeshtë mes Mette-Marit dhe Jeffrey Epstein, madje edhe shumë kohë pas pranimit të fajësisë së tij në vitin 2008 për përfshirje në prostitucion të të miturve dhe dënimit nga një gjykatë në Florida.

Princesha 52-vjeçare, e cila kërkoi falje ndaj Harald V dhe Queen Sonja me një deklaratë më 6 shkurt, nuk është akuzuar për asnjë vepër penale.

Ndërsa raportimet fillestare mediatike sugjeronin lidhje me Epstein, dokumentet e reja tregojnë se marrëdhënia e tyre kishte përmasa më të gjera, çka shkaktoi një reagim të pazakontë kritik nga kryeministri i vendit dhe thirrje që princesha të japë një dëshmi të plotë.

Mette-Marit, bashkëshortja e princit trashëgimtar Haakon të Norvegjisë, kishte kontakte me Epstein nga viti 2011 deri në 2014 dhe madje qëndroi për katër ditë në shtëpinë e tij në Palm Beach gjatë një vizite private në vitin 2013, sipas dokumenteve amerikane. “Nuk pashë kurrë asgjë të paligjshme”, deklaroi ajo për NRK.

Popullariteti i familjes mbretërore ka rënë në muajt e fundit, sipas një sondazhi të shkurtit me 1,009 të anketuar.

Rreth 60% e norvegjezëve thanë se mbështesin monarkinë, nga 70% që ishte kjo përqindje në janar, sipas një sondazhi të realizuar nga Norstat dhe publikuar më 21 shkurt nga NRK.

Ndërkohë, 27% e të anketuarve u shprehën në favor të republikës, nga 19% që ishte kjo shifër në të njëjtën periudhë më parë.

The post Princesha e Norvegjisë Mette-Marit flet për marrëdhënien e saj me Epstein: Do doja të mos e kisha takuar kurrë, më manipuloi, ishte mik i imi appeared first on Albeu.com.

Artistja theksoi se raportimet shpesh fokusohen në elementë sensacionalë. “Po mendoj për të gjitha ato histori që flasin për vajza të mitura dhe festa seksuale, në vend që të shkruajnë për viktimat që ishin fëmijë të trafikuar”, tha ajo.

Sipas saj, ky lloj trajtimi e maskon realitetin e rëndë të abuzimit. “Është sikur po vendoset gjithçka nën një lloj veli për të mbrojtur ndoshta lexuesin ose për të fshehur atë që po ndodh realisht”, shtoi Lipa. Ajo vuri në dukje se një pjesë e madhe e diskutimit publik është përqendruar te emrat e njohur të lidhur me Jeffrey Epstein dhe bashkëpunëtoren e tij Ghislaine Maxwell, duke lënë në hije viktimat dhe natyrën sistematike të abuzimit dhe trafikimit të të miturve.

Rikujtojmë se së fundmi ylli i muzikës pop ka ndarë mendime personale mbi sfidat që sjell jeta mes turneve botërore dhe marrëdhënieve në distancë. 30-vjeçarja iu përgjigj një fanseje që kishte emigruar për punë dhe kërkonte këshilla se si të ruante lidhjet me njerëzit e dashur nga larg. “Jam mësuar me këtë ritëm, sidomos gjatë turneve,” u shpreh ajo, duke pranuar se me kalimin e kohës bëhet më e përballueshme, por kurrë plotësisht e lehtë. Sipas saj, dhimbja nuk lidhet vetëm me momentet e mëdha që humbet, por edhe me mungesën e përditshmërisë dhe çasteve të vogla që ndërtojnë afërsinë.

The post “Po fshihet ajo që po ndodh realisht…”/Dua Lipa reagon zemërthyer për rastin e Epstein appeared first on Albeu.com.

BBC shkruan se Mandelson, u pa duke u kthyer në shtëpinë e tij në Londër në orën 02:00 lokale.

Mandelson, u arrestua të hënën në Camden, në veri të Londrës dhe u dërgua në një komisariat për t’u marrë në pyetje.

Forca e rendit kishte nisur një hetim më herët këtë muaj mbi pretendimet se, ndërsa shërbente si ministër i qeverisë, Mandelson kishte përcjellë informacione qeveritare të ndjeshme për tregun te i ndjeri, i dënuar për pedofili, Jeffrey Epstein.

Arrestimi i së hënës pasoi urdhër-kontrolle në dy adresa në Wiltshire dhe Camden, shtoi deklarata e policisë.

Mandelson, nuk ka komentuar publikisht në javët e fundit mbi dosjen Epstein, por sipas BBC, qëndrimi i tij është se nuk ka vepruar në mënyrë kriminale dhe nuk ka qenë i motivuar nga përfitimi financiar.

Mandelson, u bë ambasador i Britanisë në SHBA në shkurt 2025, por u shkarkua në shtator pasi Downing Street tha se kishin dalë informacione të reja mbi thellësinë e marrëdhënies së tij me Epstein.

Qeveria ka thënë se pret të publikojë dokumentet e para që lidhen me emërimin e Mandelson në “fillim të marsit”.

Të hënën pasdite, ai u pa duke u shoqëruar nga shtëpia e tij në Londër nga oficerë civilë, të cilët e vendosën në pjesën e pasme të një makine pa shenja identifikuese.

Konsultimet mes policisë dhe Shërbimit të Prokurorisë së Kurorës janë në vazhdim.

Akuzat ndaj Lord Mandelson, dolën në pah pasi Departamenti Amerikan i Drejtësisë publikoi muajin e kaluar një grup dokumentesh, përfshirë emaile mes tij dhe Epstein.

Një email i vitit 2009 duket se tregon se Mandelson kishte përcjellë një vlerësim nga një këshilltar i kryeministrit të atëhershëm Gordon Brown mbi masa politike, përfshirë një “plan shitjeje asetesh”.

Ai gjithashtu, duket se kishte diskutuar një taksë mbi bonuset e bankierëve dhe kishte konfirmuar një paketë shpëtimi të afërt për euron një ditë para se ajo të shpallej në vitin 2010.

Duke reaguar ndaj arrestimit të Mandelson, familja e së ndjerës Virginia Giuffre, e cila akuzoi Andreë Mountbatten-Windsor për abuzim seksual, tha se “përgëzon autoritetet britanike për ndërmarrjen e veprimeve domethënëse dhe për trajtimin e dosjeve Epstein me urgjencën që ato kërkojnë”. Andrew ka mohuar vazhdimisht çdo veprim në lidhjet e tij me Epstein.

Në një deklaratë, Sky dhe Amanda Roberts thanë: “Kontrasti me mosveprimin e vazhdueshëm në Shtetet e Bashkuara është i pamohueshëm. Të mbijetuarit meritojnë transparencë, hetim të shpejtë dhe drejtësi reale, pavarësisht se kush është i përfshirë”.

Qeveria do të vazhdojë të bisedojë me policinë mbi dokumentet që mund të publikohen, pasi më parë ishte nënkuptuar se një arrestim mund të kishte implikime për atë proces.

Qeveria ende dëshiron të publikojë dokumente, të cilat shpreson se do të mbështesin pretendimin e kryeministrit Keir Starmer se Mandelson “kishte gënjyer” gjatë procesit të verifikimit të tij.

Darren Jones, sekretar i përgjithshëm i kryeministrit, u tha deputetëve të hënën se regjistrat që detajojnë pyetjet pasuese të bëra nga Downing Street gjatë procesit fillestar të verifikimit për emërimin nuk do të përfshihen në paketën e parë të materialeve të publikuara, për shkak të “interesit për këtë dokument” nga Policia Metropolitane.

Udhëheqësja konservatore Kemi Badenoch tha se arrestimi i Lord Mandelson ishte “momenti përcaktues i kryeministrisë së Sir Keir”.

Badenoch, e cila tha se kryeministri ishte “i dobët”, shtoi: “Të shohësh njeriun që ai emëroi në postin më të lartë në shërbimin tonë diplomatik duke u arrestuar nga policia është një imazh që mendoj se do të mbetet me ne për shumë, shumë vite”.

Mandelson, është nxitur nga politikanë amerikanë në pyetjet e hetimit të Kongresit mbi Epstein.

Ai nisi të punonte për Partinë Laburiste në vitet 1980, duke luajtur një rol kyç në lëvizjen New Labour dhe në fitoren dërrmuese zgjedhore të Sir Tony Blair në vitin 1997.

The post U arrestua për lidhjet me Epstein, lirohet me kusht ish-ambasadori britanik appeared first on Albeu.com.

Dr. Michael Baden, deklaron se “ende nuk është bindur” nga përfundimi i Shërbimit të Mjekësisë Ligjore të Nju Jorkut, i cili kishte vendosur se Epstein kishte kryer vetëvrasje me varje.

Siç theksoi në një intervistë për gazetën The Telegraph, “sipas mendimit tim, vdekja e tij ka shumë gjasa të jetë shkaktuar nga presion strangulues, mbytje, dhe jo nga varje”.

Ai shtoi se; “bazuar në të gjitha informacionet tashmë të disponueshme, justifikohet një hetim i mëtejshëm për shkakun dhe mënyrën e vdekjes”.

Dr. Baden, nuk e kreu vetë autopsinë e 11 gushtit 2019, por ishte i pranishëm si vëzhgues. Sipas tij, në atë moment si ai ashtu edhe shërbimi i mjekësisë ligjore ranë dakord se nevojiteshin më shumë të dhëna për të përcaktuar përfundimisht shkakun e vdekjes.

Në një version të deklasifikuar të raportit të autopsisë, i publikuar në dhjetor në kuadër të publikimit të parë të ashtuquajturave “dosjet Epstein” nga Departamenti i Drejtësisë i SHBA-së, “mënyra e vdekjes” figuron si “në pritje”, ndërsa fushat “vetëvrasje” dhe “vrasje” rezultojnë bosh.

Sipas Baden, pesë ditë pas publikimit të certifikatës së vdekjes me shënimin “në pritje të hetimit të mëtejshëm”, kryemjekja ligjore e atëhershme e Nju Jorkut, dr. Barbara Sampson, vendosi se vdekja kishte ardhur si pasojë e varje­s dhe e klasifikoi mënyrën e saj si “vetëvrasje”.

Ai pretendon se dr. Sampson, nuk ishte e pranishme në autopsi, ndërsa ajo ka hedhur poshtë publikisht pretendimet e tij, duke deklaruar se e mbështet përfundimin e saj.

Tre frakturat në qafë

Avokatët e Epstein kishin deklaruar në atë kohë se rezervat e Baden përputheshin me të tyret dhe se “nuk ishin të kënaqur” me gjetjet e mjekësisë ligjore.

Vetë patologu, thekson se nuk ka parë prova që të vërtetojnë se është kryer një studim i mëtejshëm para vendimit përfundimtar.

DOJ surveillance footage shows an orange figure walking up the stairs to Jeffrey Epstein’s cell—the last movement seen before his body was found the next morning.

The figure is believed to be someone wearing an orange inmate jumpsuit.

Their identity and exact answers remain… pic.twitter.com/fwTRKpxlAE

— Shadow of Ezra (@ShadowofEzra) July 30, 2025

Raporti zyrtar përmend tre fraktura në qafë, një në kockën hioide të majtë dhe dy në kërcin tiroide, djathtas dhe majtas.

Sipas Baden, në 50 vite përvojë me rishikime të vdekjeve të të burgosurve, nuk ka hasur asnjë rast vetëvrasjeje me varje me tre fraktura në qafë.

“Edhe një frakturë kërkon hetim për mundësi vrasjeje. Dy sigurisht që kërkojnë hetim të plotë”, thekson ai.
Nga ana tjetër, dr. Sampson ka argumentuar se frakturat e kockës hioide dhe të kërcit mund të vërehen si në rastet e vetëvrasjes, ashtu edhe në ato të vrasjes.

“Minuta e humbur” në pamjet e kamerave

Pyetje të tjera janë ngritur pas publikimit të dokumenteve qeveritare dhe pamjeve nga kamerat e sigurisë.

Në një video nga nata e vdekjes është konstatuar një “minutë e humbur”, fakt që ka nxitur spekulime për hyrjen e një personi të tretë në qeli.

Në një tjetër pamje dallohet një “shkëndijë” portokalli në shkallët që çojnë drejt qelisë së izoluar, me autoritetet që kanë deklaruar se “ndoshta” bëhej fjalë për një të burgosur.

Ndërkohë, gardianët dyshohet se nuk e kishin kontrolluar Epstein për orë të tëra, megjithëse ishin të detyruar ta bënin këtë çdo gjysmë ore, ndërsa dy kamera pranë qelisë ose nuk funksiononin, ose nuk kishin regjistruar pamje.

Dr. Baden, ka shprehur gjithashtu dyshime për litarin e gjetur në vendngjarje, të bërë nga një çarçaf portokalli, duke thënë se “nuk përputhej me shenjat në qafë”.

Ai pretendon gjithashtu se zhvendosja e trupit dhe transportimi i tij në infermierinë e burgut ishin veprime “jashtëzakonisht të pazakonta”, të cilat mund të kenë çuar në humbjen e provave kritike, si dhe përmend edhe humbjen e përcaktimit të saktë të kohës së vdekjes.

The post Misteret rreth vdekjes së Epstein, mjeku ngre dyshime: Nuk jam i bindur për autopsinë, kishte tre… appeared first on Albeu.com.

Nga Parisi, Macron theksoi se procesi duhet të ndiqet nga drejtësia amerikane, duke shmangur çdo koment të drejtpërdrejtë mbi përmbajtjen e dokumenteve apo emrat e përfshirë në to. “Drejtësia amerikane duhet të bëjë punën e saj”, u shpreh presidenti francez në deklaratat e tij për mediat.

Ai shtoi se mendimet e tij shkojnë për viktimat e kësaj çështjeje, por nënvizoi se nuk i takon atij të komentojë një hetim që është ende në zhvillim. Në të njëjtën kohë, Macron iu referua dorëheqjes së Jacques Lang, president i Institutit të Botës Arabe, duke theksuar se ky i fundit ka marrë vetë vendimin për t’u larguar nga posti i tij.

“Ky është një rast për të cilin nuk mund të komentoj. Jacques Lang mori vendimin e tij”, deklaroi Macron, duke konfirmuar se dorëheqja u bë e ditur gjatë fundjavës.

Reagimi i presidentit francez vjen pas publikimit nga Departamenti amerikan i Drejtësisë të miliona dokumenteve të lidhura me dosjen Epstein, të cilat kanë sjellë në vëmendje emra të njohur nga politika, arti dhe kultura në disa vende, përfshirë edhe Francën.

Sipas dokumenteve të publikuara, emri i Jacques Lang, ish-ministër i Kulturës gjatë presidencës së François Mitterrand, përmendet rreth 600 herë. Po ashtu, në disa raste është përmendur edhe emri i vajzës së tij. Megjithatë, përmendja e emrave në dokumente nuk përbën automatikisht akuzë penale dhe autoritetet nuk kanë konfirmuar përfshirje direkte në veprime të paligjshme.

Përveç Lang, në dokumente shfaqen edhe emra të tjerë nga skena politike dhe kulturore franceze, mes tyre Olivier Colom, ish-këshilltar i ish-presidentit Nicolas Sarkozy, dirigjenti i njohur Frederic Chaslin, si dhe regjisori fitues i çmimit Oscar, Michel Hazanavicius.

Publikimi i dosjes Epstein ka rihapur debatet mbi përgjegjësinë institucionale, transparencën dhe trajtimin e rasteve të ndjeshme që përfshijnë figura publike, ndërsa pritet që autoritetet amerikane të vijojnë hetimet dhe të sqarojnë rolin e secilit emër të përmendur në dokumente.

The post Dosja Epstein tronditi Francën, Macron thyen heshtjen appeared first on Albeu.com.

Dorëheqja e tij u bë e pashmangshme pas zbulimeve të kontakteve të tij me Jeffrey Epstein dhe hapjes së një hetimi financiar nga prokurorët francezë. Përpara se të jepte dorëheqjen, Ministria e Jashtme franceze thirri një takim urgjent për të shqyrtuar marrëdhënien e tij me pedofilin amerikan.

Më herët të shtunën, prokurorët financiarë francezë hapën një hetim ndaj Jacques Lange dhe vajzës së tij, producentes së filmave Caroline Lange, me dyshimin për “pastrim të të ardhurave nga evazioni fiskal i rënduar”. Emrat e tyre shfaqen në dosjet e Epstein. Të dy kanë mohuar çdo shkelje.

Largimi i Lange është shembulli i fundit i pasojave në Evropë nga dosjet e publikuara nga Departamenti i Drejtësisë i SHBA-së mbi Epstein më 30 janar. Lange është figura më e shquar publike në Francë e implikuar në zbulimet e fundit të korrespondencës private të financierit amerikan të dënuar për krime seksuale.

Lange shërbeu si Ministre e Kulturës nën Presidentin Socialist François Mitterrand në vitet 1980 dhe 1990, duke mbikëqyrur projekte ikonike arkitekturore moderne si Piramida e Luvrit. Që nga viti 2013, ai ka drejtuar Institutin e Botës Arabe, një organizatë kulturore dhe kërkimore që promovon të kuptuarit e botës arabe dhe është nën mbikëqyrjen e Ministrisë së Jashtme Franceze.

Sipas dosjeve të Epstein, Lange korrespondoi me financierin me ndërprerje nga viti 2012 deri në vitin 2019, kur Epstein u gjet i vdekur në qelinë e tij.

Emri i Lange shfaqet më shumë se 600 herë në dosje, sipas agjencive të lajmeve, dhe vajza e tij përmendet vazhdimisht.

Caroline Lange dha dorëheqjen këtë javë nga Shoqata Franceze e Prodhuesve të Pavarur pasi emailet zbuluan se ajo kishte krijuar një kompani jashtë vendit me Epstein në vitin 2016 për të investuar në punën e artistëve të rinj. Ajo ka mohuar çdo shkelje dhe tha se u largua nga kompania në vitin 2019, kur dolën akuza të reja kundër Epstein.

Sipas faqes investigative Mediapart, Caroline Lang shfaqet gjithashtu si përfituese e 5 milionë eurove në testamentin e Epstein. Ajo i tha transmetuesit publik France 2 këtë javë se nuk ishte në dijeni të testamentit, nuk e kishte parë kurrë dokumentin dhe nuk kishte marrë kurrë para.

Jacques Lang ka mohuar çdo përfshirje, duke thënë se ishte “i shokuar” kur pa emrin e tij të listuar në statutin e kompanisë jashtë vendit në vitin 2016 dhe se ai i ishte afruar Epstein vetëm si filantrop.

Në një linjë mbrojtjeje të përsëritur nga bashkëpunëtorët e tjerë të Epstein, Lange ka pohuar se nuk ishte në dijeni të aktiviteteve të tij kriminale, pavarësisht dënimit të tij në vitin 2008 për nxitjen e një të miture për prostitucion.

“Si mundet një njeri kaq i sjellshëm, kaq simpatik, kaq bujar të ketë kryer mizori të tilla?”, i tha France 2 këtë javë, duke shtuar se u trondit kur mësoi për akuzat kundër Epstein në vitin 2019.

Një video që u shfaq tregon Lange me Epstein përpara Piramidës së Luvrit në Paris në mars 2019, vetëm disa muaj para se Epstein të akuzohej për trafikim vajzash të mitura vetëm. Le Monde dhe Mediapart, të cilat kanë shqyrtuar dosjet, thanë se asnjë nga dokumentet e lëshuara nga Departamenti i Drejtësisë i SHBA-së nuk sugjeron që Lang ose vajza e tij ishin të përfshirë në krimet seksuale të Epstein. Më herët këtë javë, Lang tha se nuk kishte ndërmend të jepte dorëheqjen dhe se e takoi Epstein përmes Ëoody Allen.

The post Iu përmend emri 600 herë në dosjen Epstein, jep dorëheqjen si president i institutit arab në Francë ish-ministri, Jacques Lange appeared first on Albeu.com.

Mesazhet tregojnë se Mandelson, gjatë kohës që mbante poste të larta në qeverinë e Partisë Laburiste, i ka rrjedhur Epsteinit informacione të ndjeshme qeveritare dhe financiare, përfshirë planet e Thesarit për një taksë mbi bonuset e bankierëve gjatë krizës financiare të vitit 2008. Dokumentet sugjerojnë se ai mund të ketë ndikuar në tregjet financiare, duke vendosur Britaninë në rrezik. Hetimi policor, i zhvilluar nga Policia Metropolitane e Londrës, përfshiu dy prona të Mandelson në Londër dhe Wilshire, të cilat u kontrolluan, ndërsa aktualisht nuk janë bërë arrestime. Materialet do të analizohen për të përcaktuar nëse ai ka shkelur ligjin dhe ka dhënë informacion të klasifikuar një personi jashtë institucioneve shtetërore.

Mandelson dha dorëheqjen nga Dhoma e Lordëve dhe Partia Laburiste pas publikimit të zbulimeve, duke kërkuar falje për marrëdhënien me Epsteinin dhe për çdo ndikim të mundshëm mbi viktimat. Megjithatë, fakti që Kryeministri aktual Keir Starmer e emëroi atë ambasador në SHBA në vitin 2024, pavarësisht historikut të njohur me Epsteinin, ka ngjallur kritika dhe presion të madh brenda Partisë Laburiste.

Gordon Brown, i cili ka qenë rival politik i Mandelson për dekada, theksoi për BBC Radio 4 se: “Ky është informacion financiar i klasifikuar. Ai e vuri Britaninë në rrezik. Mund të kishte shkaktuar dëme të mëdha tregtare.” Ish-kryeministri kërkoi gjithashtu reforma të menjëhershme kushtetuese për të luftuar korrupsionin dhe për të rritur transparencën në politikë dhe në Dhoma e Lordëve. Sipas dokumenteve të rrjedhura, Mandelson gjithashtu ofroi një shtëpi pushimi për Epsteinin në Toskanë dhe diskutoi marrëveshje financiare të ndjeshme. Policia po vazhdon hetimet e thelluara mbi këtë çështje, që ka përçarë politikën britanike dhe ka rikthyer vëmendjen mbi lidhjet e zyrtarëve të lartë me financierë të dyshuar për krime të rënda.

The post “Informator” i Epsteinit/ Britania në mes të skandalit ‘Mandelson’, policia bastis shtëpitë e ish-ministrit appeared first on Albeu.com.

“Dosjet Epstein” të publikuara së fundmi kanë zbuluar se autoritetet besojnë se një i burgosur “misterioz” mund të ketë pasur qasje në vendin ku mbahej Jeffrey Epstein natën e vdekjes së tij.

I fshehur midis tre milionë faqeve me dokumente ligjore dhe mijëra imazheve, qëndron një ekspozitë që duket se bie ndesh me versionin zyrtar të orëve të fundit të pedofilit famëkeq.
Hetuesit federalë shqyrtuan pamjet filmike me qark të mbyllur nga Qendra Korrektuese Metropolitan në Nju Jork, ku ishte i burgosur Epstein, dhe vunë re një figurë portokalli duke u ngjitur në një shkallë për në qelinë e tij natën e vdekjes së tij.
Sipas të dhënave zyrtare, Epstein kreu vetëvrasje diku pas orës 6:30 të mëngjesit më 10 gusht 2019, kur u zbulua nga një roje burgu duke i shpërndarë mëngjesin. Raporti fillestar i mjekut ligjor arriti në përfundimin se ai kishte kryer vetëvrasje duke u varur.
Megjithatë, deri më sot, nuk është përcaktuar asnjë kohë zyrtare e vdekjes, pasi dy nga kamerat që monitoronin qelinë e tij u gjetën të “mosfunksionuara” dhe më pas u vunë nën shqyrtim nga FBI-ja.
Raporti theksoi se në orën 22:39 të mbrëmjes më 9 gusht 2019, agjentët e FBI-së vunë re “diçka portokalli që dukej sikur po ngjitej shkallëve të Katit L, ndoshta një i paraburgosur që po shoqërohej në atë kat”.
Pavarësisht kësaj, analiza nga dy autoritetet hetimore bie ndesh me deklaratat publike të bëra nga të paktën dy zyrtarë të lartë amerikanë.
Bill Barr, i cili ishte prokuror i përgjithshëm i SHBA-së gjatë mandatit të parë të Trump, pretendoi në një intervistë të vitit 2019 se ai kishte shqyrtuar personalisht pamjet e sigurisë që konfirmonin se askush nuk hyri në zonën ku Epstein po qëndronte natën kur vdiq.
Dhe majin e kaluar, ish-zëvendësdrejtori i FBI-së, Dan Bongino, i tha Fox News: “Ka video të qarta si drita. Ai është i vetmi person atje dhe i vetmi person që del. Mund ta shihni.”

The post Dosjet e Epstein, një i burgosur misterioz hyri në qelinë e tij natën që kreu vetëvrasje? appeared first on Albeu.com.

Një gazetar i drejtoi Mbretit një pyetje për dosjet Epstein, teksa ai përshëndeste qytetarët, por Mbreti nuk reagoi.

Më herët, Mbreti dhe Mbretëresha zhvilluan disa angazhime në fshat, përfshirë takime me vendasit në një pub dhe një shëtitje përgjatë rrugës kryesore.

Vëllai i Mbretit, Princi Andrew, përmendet sërish në publikimin e fundit të dosjeve Epstein. Megjithatë, përfshirja në këto dokumente nuk përbën provë për shkelje. Princi Andrew ka mohuar vazhdimisht çdo akuzë që lidhet me krimet e Epstein.

The post I vëllai përmendet në dosjet e çështjes ‘Epstein’, Mbreti Charles injoron pyetjet e gazetarëve për Dukën Andrew appeared first on Albeu.com.

Ndër dokumentet e reja, të publikuara disa ditë më parë, gjendet një email që Epstein kishte marrë me 26 fotografi të kësaj vile, si dhe një prerje nga New York Post me titullin “për 50 milionë dollarë mund të bëheni pronar i vilës së fundit nga epoka e artë e Manhatanit”.

Më 10 dhjetor 2018, Epstein mori një email nga këshilltari financiar David Mitchell, i cili e informonte se në këtë ndërtesë kishte ndodhur një zjarr dhe se ndoshta ishte momenti i duhur për të dërguar një ofertë, raporton klix..ba.

Më pas, financieri dërgoi një lidhje të New York Post në dy adresa emaili, ku përmendej zjarri, dhe ata e informuan se ndërtesa tani duhet të ishte dukshëm më e lirë.

Megjithatë, Epstein në fund nuk e bleu vilën. Ajo u shit katër vjet më vonë për 50 milionë dollarë, ndërsa Serbisë i takuan 40 për qind e shumës, në bazë të Aneksit B të Marrëveshjes për suksesionin e pasurisë së ish-RSFJ-së jashtë vendit. Shtetit tonë i takuan 7.5 milionë dollarë.

Interesant është fakti se, gjatë përpjekjes për ta blerë këtë ndërtesë, Epstein kontaktoi edhe ish-Përfaqësuesin e Lartë në Bosnje dhe Hercegovinë, Miroslav Lajçak.

Ishte data 25 tetor 2017 kur Epstein i dërgoi një SMS Lajçakut se “shkova ta shoh ish-ambasadën jugosllave. Më thanë se është në shitje, por se të pesë qeveritë duhet të bien dakord, ajo serbe dhe të tjerat. Interesante”.

Lajçak iu përgjigj se “kurrë nuk do të bien dakord. Që nga viti 2001 po përpiqen të merren vesh për ndarjen e pasurisë dhe fundi nuk duket. Për gjithçka që lidhet me ish-Jugosllavinë ose shtetet pasardhëse aktuale, duhet të konsultohesh me mua, i njoh deri në thelb”.

Kujtojmë se Lajçak përmendet shpesh në dosjet për Epsteinin dhe se disa ditë më parë, për këtë arsye, ai dha dorëheqje nga posti i këshilltarit të kryeministrit sllovak, Robert Fico.

The post Epstein dëshironte të blinte “Vilën e Titos”, Lajçak i shpjegoi se vendet e ish-Jugosllavisë nuk do të bien kurrë dakord appeared first on Albeu.com.