epidemiolog Archives - Albeu.com

Varianti “Ba5” “sundon” në Shqipëri, parashikimi i epidemiologut: Tjetër valë në dimër, por më e butë

E S — Fri, 26 Aug 2022 14:26:36 +0000

Varianti Ba5 i “Omicron” po dominon dhe në Shqipëri. Megjithkëtë ky mutacion i Covid e kaloi pikun e përhapjes në mesin e korrikut. Prej fundit të muajit, të infektuarit, të shtruarit në spital dhe humbjet e jetës sipas specialistëve të Institutit të Shëndetit Publik nisën rënien në pjesën më të madhe të vendit.

Pavarësisht kësaj specialistët parashikojnë një tjetër valë në dimër ndonëse jo me intensitetin e atyre që kaluam.

Interesi për tu vaksinuar sipas epidemiologut Artan Simaku është rritur, por ende nuk nuk janë arritur nivelet e rekomanduara nga Organizata Botërore e Shëndetësisë.

“Me një dozë mbi 16 vjec 61% me 2 doza 59% dhe 3 doza 15% “, tregon ai.

Në këtë valë të Covid u vu re se shumica e atyre që u shtruan në spital apo humbën jetën prej virusit ishin mbi 50 vjeç prandaj mjekët përsërisin thirrjen për tu vaksinuar, me qëllim shmangien e formave të rënda të sëmundjes.

BASHKITË ME RRITJE TË TË INFEKTUARVE

Këlcyrë

Kolonjë

Belsh

Selenicë

Konispol

Peqin

Mirëditë

Finiq

Rrogozhinë

Vau i Dejës

Bulqizë

Shijak

Kukës.

The post Varianti “Ba5” “sundon” në Shqipëri, parashikimi i epidemiologut: Tjetër valë në dimër, por më e butë appeared first on Albeu.com.

Ndërron jetë epidemiologu i njohur shqiptar

E S — Mon, 30 May 2022 14:58:41 +0000

Mjekësia shqiptare ka humbur ditën e sotme një nga profesionistët më të mirë në fushën e epidemiologjisë, Dr. Ibrahim Luloçi i njohur si Dr.Mimi.

Lajmin për ndarjen nga jeta të epidemiologut të njohur, e ka dhënë Instituti i Shëndetit Publik.

Doktor Luloçi ishte një epidemiolog me shumë eksperiencë, pasi punoi për shumë vite pranë repartit të mikrobeve aerogene, duke drejtuar disa fushata vaksinimi që nga Variola në vitin 1972 deri tek poliomieliti, fushatat masive të Fruthit dhe Rubeolës në vitet 2000 -2001.

Postimi i ISHP:

Instituti i Shëndetit Publik humbet një personalitet në fushën e imunizimit. Ndahet nga jeta Dr.Ibrahim Luloçi, i njohur ndryshe si Dr. Mimi. Si epidemiolog me shumë eksperiencë, ai punoi për shumë vite pranë repartit të mikrobeve aerogene duke drejtuar disa fushata vaksinimi që nga Variola në vitin 1972 deri tek poliomieliti, fushatat masive të Fruthit dhe Rubeolës në vitet 2000 -2001.

Dr. Luloçi ishte themeluesi i programit te zgjeruar të vaksinimit dhe së bashku me kolegët e tjerë krijuan depon e parë moderne frigoriferike në vend për ruajtjen e vaksinave.

U prehsh në paqe Dr. Mimi! Respekt dhe mirënjohje nga i gjithë stafi i ISHP-së.

The post Ndërron jetë epidemiologu i njohur shqiptar appeared first on Albeu.com.

Çfarë ndodh nëse kalon afati i dozës së dytë të vaksinës? Flet epidemiologu Alimehmeti

E B — Tue, 25 May 2021 20:32:15 +0000

Epidemiologu Ilir Alimehmeti thotë se tejkalimi me një i javës i afatit për marrjen e dozës së dytë të vaksinës kundër Covid -19 nuk krijon probleme. I ftuar në emisionin Përballë të gazetarit Lutfi Dervishi, Alimehmeti tha: “Pak ditë s’ka pse të ketë ndonnjë efekt nëse shkon disa javë sipër nuk mund ta themi dot se nuk e ka studiuar njëri. Një vonesë e vogël pak ditore edhe për arsye administrative mund të ndodhin, pak ditë deri në një javë besoj nuk ka problem. Më shumë duhet pyetur prodhuesi dhe testuesi që ku jemi dhe sa kjo vlen dhe është e sigurtë.”, tha Almehmeti.

E rëndësishme sipas tij është që njerëzit të marrin të dyja dozat.

“Me njërën nuk mund ta ndjejmë veten të sigurtë. Vlen një më mirë se hic nëse doza është e një vaksine me efikasitet të lartë me një dozë. Në këtë rast Pfizer dhe Astrazenica”, tha Alimehmeti në Përballë./albeu.com

The post Çfarë ndodh nëse kalon afati i dozës së dytë të vaksinës? Flet epidemiologu Alimehmeti appeared first on Albeu.com.