Mateo Kovacic pritet të ndahet nga Manchester City në këtë merkato vere, pasi drejtuesit e klubit i kanë bërë të ditur se mund të kërkojë një ekip të ri.

Sipas Football Insider, mesfushori kroat nuk konsiderohet më pjesë e projektit të kampionëve të Anglisë, pas një sezoni të komplikuar që u ndikua edhe nga lëndimet.

Edhe pse 32-vjeçarit i ka mbetur edhe një vit në kontratë, ai ka rrëshqitur poshtë në renditjen e mesfushorëve të Pep Guardiolës.

Në këtë situatë ka ndikuar edhe afrimi i mundshëm i Elliot Anderson nga Nottingham Foresti, një lëvizje që do ta shtyjë Manchester Cityn të krijojë më shumë hapësira në skuadër.

Kovacic shpreson që paraqitjet e tij me Kroacinë në Kupën e Botës 2026 të kenë tërhequr vëmendjen e klubeve të tjera, edhe pse gjatë sezonit të kaluar ai luajti vetëm nëntë ndeshje me fanellën e Cityt.

Megjithatë, deri në këtë moment, për mesfushorin kroat nuk ka mbërritur asnjë ofertë konkrete.

The post Manchester City nxjerr në treg Mateo Kovacic, mesfushori nuk hyn më në planet e Marescas appeared first on Albeu.com.

Manchester City po bëhet gati për një verë shumë aktive në tregun evropian të transferimeve, pasi pas përfundimit të afrimit të Elliot Anderson, synon të mbyllë edhe tre marrëveshje të tjera të rëndësishme me kërkesë të Enzo Marescas.

Trajneri italian i ka paraqitur sekretariatit teknik një kërkesë zyrtare me objektiv të qartë afrimin e tre futbollistëve të nivelit botëror, një operacion që sipas planit të hartuar do të kërkojë një investim total prej 250 milionë eurosh.

Kjo lëvizje lidhet me nevojën për të formuar një skuadër dukshëm më të zgjeruar në krahasim me atë që kishte në dispozicion Pep Guardiola, ndërsa në sfond pritet një ristrukturim i thellë i brendshëm, me rreth dhjetë largime zyrtare përgjatë javëve të ardhshme të verës.

Sipas raportimeve të fundit konfidenciale të publikuara nga mediumi prestigjioz The Athletic, Maresca e sheh si jetike përforcimin e tre roleve kyçe për të ruajtur konkurrueshmërinë e sistemit të tij taktik në Ligën Premier. Klubi anglez ka nisur tashmë kontaktet e para për të përshpejtuar procedurat kontraktuale për tre objektivat kryesorë.

Në të njëjtën kohë, drejtuesit e klubit nga Etihad po punojnë edhe për të garantuar vazhdimësinë e tre prej emrave më të rëndësishëm të skuadrës, duke siguruar stabilitetin e Josko Gvardiol, Phil Foden dhe anësorit belg Jeremy Doku.

Për të realizuar këtë paketë me tri blerje, në zyrat e klubit britanik do të nevojitet një menaxhim financiar i kujdesshëm, me synimin për të ruajtur menjëherë forcën konkurruese të ekipit dhe njëkohësisht ekuilibrin afatgjatë të lojtarëve aktualë kryesorë.

Një nga repartet që Maresca kërkon të forcojë me urgjencë është krahu i djathtë i mbrojtjes, ku objektivi i parë i identifikuar nga italiani është Malo Gusto i Chelseat.

Brenda klubit vlerësohet lart forca fizike dhe profili i mbrojtësit francez, ndaj Manchester City është i gatshëm t’i paraqesë klubit nga Stamford Bridge një ofertë prej 70 milionë eurosh.

Në mesfushë, zgjedhja e parë e Cityt vjen nga Ligue 1, ku Ayyoub Bouaddi i Lille konsiderohet si profili ideal për të plotësuar rotacionin në këtë repart.

Skautët e klubit po bëjnë gati një ofertë prej 80 milionë eurosh për 18-vjeçarin franko-maroken, një lëvizje që është përshpejtuar pas konfirmimit të transferimit të përhershëm të Sandro Tonali te Tottenham Hotspur.

Megjithatë, përplasja kryesore për stafin teknik të kampionëve anglezë pritet të jetë në repartin ofensiv, aty ku për të rigjallëruar krahët objektivi kryesor është Yan Diomande nga Bregu i Fildishtë.

Për sulmuesin e RB Leipzig, City është i gatshëm të investojë fuqishëm me një ofertë fikse prej 120 milionë eurosh, duke synuar kështu të prishë marrëveshjen paraprake verbale që futbollisti i ka dhënë tashmë Paris Saint-Germain.

The post Maresca synon tre afrime të mëdha te Manchester City, me kosto totale 250 milionë euro appeared first on Albeu.com.

Enzo Maresca ka folur për herë të parë pas ndarjes me Chelsean dhe marrjes së drejtimit të Manchester Cityt, duke theksuar se largimi i tij në mesin e sezonit erdhi si një zgjedhje tërësisht personale.

Trajneri italian, përmes një mesazhi në rrjetet sociale, bëri të ditur se në fund të dhjetorit 2025 vendosi të japë dorëheqjen nga Chelsea, hap që më pas i mundësoi rikthimin te Manchester City.

“Në fund të dhjetorit 2025 mora vendimin e vështirë për t’u larguar nga Chelsea. Ishte vetëm vendimi im. Dorëheqja ime hapi rrugën që t’i bashkohesha Manchester Cityt, një klub që e njoh shumë mirë. Jam jashtëzakonisht i lumtur që tani jam pjesë e Manchester Cityt”, shkroi ai.

Maresca pranoi gjithashtu se largimi i tij në një fazë të ndjeshme të sezonit solli vështirësi për Chelsean, ndaj u kërkoi ndjesë tifozëve dhe klubit.

“E pranoj se largimi im nga Chelsea në mes të sezonit shkaktoi vështirësi për klubin dhe kërkoj falje për këtë. Nuk ishte as qëllimi dhe as dëshira ime.”

Tekniku italian shprehu mirënjohje për mënyrën se si ishte trajtuar në Stamford Bridge dhe vlerësoi periudhën e kaluar me klubin londinez.

“U trajtova shumë mirë nga të gjithë te Chelsea. Së bashku arritëm suksese të mëdha dhe krijuam kujtime që do t’i ruaj gjithmonë me shumë krenari”, përfundoi Maresca.

Tashmë, ai e ka nisur zyrtarisht punën si trajner i Manchester Cityt, duke u rikthyer te klubi ku më herët kishte qenë pjesë e stafit teknik të Pep Guardiolës.

The post Maresca i kërkon ndjesë Chelseat: Vendosa vetë të largohesha, i lumtur për rikthimin te Manchester City appeared first on Albeu.com.

Manchester City ka bërë zyrtare emërimin e Enzo Marescas si trajner të ekipit.

Klubi anglez ka vendosur ta zëvendësojë Pep Guardiolan me ish-ndihmësin e tij, i cili deri vonë drejtonte Chelsean.

Në njoftimin zyrtar, City bëri të ditur se tekniku italian ka firmosur një marrëveshje trevjeçare, e cila mbetet në fuqi deri në vitin 2029.

“Manchester City është i lumtur të konfirmoj afrimin e Enzo Maresca si trajner. Italiani ka nënshkruar kontratë trevjeçare deri në verën e vitit 2029”, thuhet në komunikatë.

Vetë Maresca u shpreh i kënaqur për rikthimin te City dhe për skuadrën që do të marrë drejtimin.

“Manchester City është klub që e njoh shumë mirë dhe për ta menaxhuar këtë klub është mundësi brilante për mua”.

“Do të jetë aventura ime e tretë këtu. E njoh këtë klub, kërkesat dhe pritjet. Kualiteti i njerëzve që punojnë këtu e bënë të veçantë dhe dua t’i falënderoj që kanë shfaqur besim në aftësinë time”, deklaroi ai.

The post Manchester City emëron Enzo Marescan në krye të skuadrës appeared first on Albeu.com.

Interesi lidhet me Enzo Marescan, trajnerin e ri të klubit anglez, i cili dëshiron të bashkohet sërish me futbollistin francez me të cilin ka punuar më herët te Chelsea.

Italiani pritet të marrë drejtimin e Manchester Cityt si zëvendësues i Pep Guardiolës, pasi ka arritur akordin për një kontratë trevjeçare me klubin nga “Etihad Stadium”.

Pas largimit të Guardiolës në fund të sezonit të kaluar, kampionët e Anglisë kanë hyrë në një fazë të re ndryshimesh, ndërsa Maresca ka nisur punën për të përforcuar skuadrën.

Burimet bëjnë të ditur se Chelsea është i hapur të shqyrtojë oferta që kalojnë 40 milionë funte për mbrojtësin e djathtë gjatë kësaj vere.

Interesimi i Cityt për Guston vjen në një moment kur klubi kishte monitoruar edhe Enzo Fernandezin, ndërsa mesfushori tashmë është shndërruar në një objektiv të rëndësishëm për Real Madridin.

Në të njëjtën kohë, Chelsea është shumë pranë afrimit të një mbrojtësi të ri të djathtë, pasi ka dalë fitues ndaj Interit në garën për talentin Marco Palestra.

Për sezonin 2026/27, Manchester City ka aktualisht Matheus Nunes dhe Rico Lewis si alternativa në krahun e djathtë të repartit mbrojtës.

Gusto është ende i lidhur me Chelsean edhe për katër vite të tjera, pasi iu bashkua klubit londinez nga Lyoni në janar të vitit 2023.

23-vjeçari luajti 72 ndeshje me Chelsean nën drejtimin e Marescas dhe ishte pjesë e skuadrës që fitoi Ligën e Konferencës dhe Kupën e Botës për Klube gjatë sezonit të plotë të trajnerit italian në stol.

Sezonin e kaluar, mbrojtësi francez regjistroi 49 paraqitje në të gjitha garat, ndërsa tani ndodhet me kombëtaren e Francës në Kupën e Botës në Amerikën e Veriut.

Ai shënoi paraqitjen e 12-të me Francën pasi u fut nga stoli në fitoren ndaj Irakut të hënën.

The post Enzo Maresca synon te Manchester City rikthimin e Malo Gustos nga Chelsea appeared first on Albeu.com.

“Djajtë e kuq” po analizojnë me qetësi situatën për të kuptuar më mirë, nëse do t’i besojnë një trajneri deri në fund të këtij sezoni, apo do të firmosin me një emër të madh që në këtë moment.

Zërat e fundit flasin për disa kandidatura, të cilave u është shtuar ajo e italianit Enzo Maresca, i cili sapo është larguar nga Chelsea. Drejtori sportiv i Manchester United, Omar Berrada, ka një lidhje me trajnerin italian, pasi ishte pikërisht ai që e çoi te Manchester City.

The post Pasuesi i Amorim te Manchester United, në skenë del edhe italiani Maresca appeared first on Albeu.com.

“Malo Gusto është në dispozicion, Romeo Lavia jo. Do të ishte një mundësi për t’u dhënë minuta atyre që kanë luajtur më pak, është e njëjta gjë që mund të bëjmë edhe në Konferencë. Shpresoj të jetë një mundësi e mirë për ta në një ndeshje zyrtare. Ne do të përpiqemi të përgatitemi sa më mirë që të mundemi, siç bëjmë gjithmonë, për të fituar”.

Një vlerësim për punën e deritanishme

“Ne jemi më përpara sesa prisnim. Jo në aspektin e rezultateve, por në mënyrën se si ekipi po përparon dhe luan. Ne duhet të mësojmë shumë, shumë gjëra dhe duhet të përmirësojmë shumë gjëra. E rëndësishme është që ne jemi duke shkuar në drejtimin e duhur”.

The post Chelsea, Maresca: Jemi më përpara sesa mendonim appeared first on Albeu.com.

Broja mbeti jashtë skuadrës që humbi 2-1 ndaj Real Madridit në stadiumin Bank of America në Charlotte, pavarësisht se nuk kishte asnjë dëmtim.

22-vjeçari, i cili gjysmën e dytë të sezonit të kaluar e kaloi në formë huazimi te Fulhami, pritet të largohet këtë verë.

Maresca u pyet pse mungonte Broja pas ndeshjes kundër Realit dhe ai tha: “Ishte thjesht një vendim”.

The post Broja-Maresca, takim për të sqaruar të ardhmen appeared first on Albeu.com.

Drejtorët sportiv të Chelseat, Paul Winstanley dhe Laurence Stewart, e kanë identifikuar ish-trajnerin e Leicester Cityt si kandidatin e tyre kryesor për të zëvendësuar të larguarin Mauricio Pochettino.

Dyshja arritën që të sigurojnë shërbimet e 44-vjeçarit pas një takimi që patën në Marbella të Spanjës, aty ku gjetën një marrëveshje në lidhje me pagën e tij dhe stafit të tij, krahas kompensimit prej 10 milionë eurosh që kanë paguar për të.

Welcome to Chelsea, Enzo Maresca! 👊#WelcomeEnzo pic.twitter.com/ZKfuXKQdGD

— Chelsea FC (@ChelseaFC) June 3, 2024

Maresca, i cili ka punuar nën urdhrat e Pep Guardiolës tek Man City, është i etur që të sjellë stafin e tij me vete tek Chelsea pas largimit të Pochettinos.

Kësisoji, ish-portieri i Chelseat, Willy Caballero, pritet që të jetë pjesë e stafit të trajnerëve të italianit.

Përveç Caballeros, Enzo Marescas do t’i bashkohen edhe emra si Danny Walker, Michele De Bernardin, Marcos Alvarez dhe Javier Molina Caballero.

Pronarët e klubit, Todd Boehly dhe Clearlake Capital besojnë se Maresca është kandidati më i përshtatshëm për të drejtuar Chelsean sezonin e ardhshëm. /Telegrafi/

The post ZYRTARE / Chelsea njofton se Enzo Maresca do të jetë trajneri i ri appeared first on Albeu.com.

Tifozët e Chelseat mbetën të befasuar javën e kaluar kur klubi njofoti se Mauricio Pochettino është larguar me marrëveshje të dyanshme.

Pronarët e klubit Clearlake Capital dhe konsorciumi i drejtuar nga Todd Boehly nuk humbën kohë për të gjetur zëvendësuesin e tij, pasi trajneri i Leicester Cityt, Enzo Maresca, pritet që gjatë kësaj jave të emërohet si trajner i ri i tyre.

Leicesteri raportohet se i ka dhënë Chelseat lejen për të biseduar me 44-vjeçn italian pasi “Blutë e Londrës” e kanë identifikuar atë si objektivin e tyre kryesor para Roberto De Zerbit dhe Thomas Frank.

Sipas The Standard, Maresca u bë kandidati kryesor i Chelseat pasi ai i ndau planet e tij në mesin e shumë ideve për të rikthyer versionin më të mirë të mesfushorit Enzo Fernandez.

Fituesi i Kupës së Botës me Argjentinën momentalisht po rikuperohet nga operacioni që pati shkaku i një problemi shëndetësor i cili iu shfaq gjatë pjesës së dytë të sezonit.

23-vjeçari ende nuk është përshtatur mirë me ambientin në Londër dhe ndonëse ka shfaqur copëza të kualitetit që posedon, ai nuk ka arritur që ta dëshmojë pse Chelsea pagoi 106 milionë euro për shërbimet e tij në 2023.

Fernandez ka dështuar që të krijojë një partneritet të suksesshëm me Moises Caicedon, por Maresca raportohet se i ka ofruar klubit disa sisteme të ndryshme të formacioneve që do t’i lejojë lojtarët të shfaqin versionin e tyre më të mirë.

Ani pse Marseca ka drejtuar vetëm 53 ndeshje në Angli dhe asnjë në Ligën Premier, drejtuesit e Chelseat e pëlqejnë pikëpamjen e tij për futbollin dhe eksperiencën që ka pasur me Pep Guardiolën si asistent i tij./Telegrafi/

The post Plani që Enzo Maresca ka hartuar për yllin e Chelseat i bindi drejtuesit e klubit ta punësojnë atë appeared first on Albeu.com.