Enxhi Ferhati Archives - Albeu.com

Bisedat mes çiftit zbuluan laboratorin “e miellit”, Çervanaku informonte të fejuarën për çdo lëvizje

E S — Wed, 30 Nov 2022 15:46:19 +0000

Bisedat mes Denilson Çervanakut dhe të fejuarës së tij, Enxhi Ferhati nxorën zbuluar trafikantët e lidhur me laboratorin e drogës në Fier. Burime pranë grupit hetimor i thanë Tv Klan, se nga përgjimet e kryera, telefonike dhe ambientale, rezulton se 25-vjeçari Çervanaku informonte të fejuarën e tij për çdo lëvizje të grupit.

Këto biseda të kryera prej dy të rinjve, tashmë të arrestuar, çuan SPAK dhe Policinë në thellimin e hetimeve. Edhe pse në shumë raste bisedat mes tyre ishin të koduara, prokuroria arriti të kuptojë se ata flisnin për një laborator të ngritur nga Frakull.

Pikërisht aty u gjetën dhe sekuestruan 430 kg kokainë. Operacioni i SPAK çoi në pranga 10 persona.

Referuar dosjes hetimore 3 ishin personat kryesorë të veprimtarisë kriminale, konkretisht Nikolin Gjolena, si dhe vëllezërit Zenel e Viktor Çernavaku. Ky i fundit thirrej nga grupi dhe me nofkën ‘Drejtori’.

Burime nga grupi hetimor bëjnë me dije se në vijimësi të hetimeve, SPAK pritet të dërgojë disa letërporosi për tërheqje të akteve në Kolumbi dhe Mal të Zi.

Me këto dy shtetet, prokuroria dhe policia shqiptare ka patur komunikime të vazhdueshme për disa muaj deri goditjen e grupit kriminal dhe zbulimin e laboratorit të drogës.

The post Bisedat mes çiftit zbuluan laboratorin “e miellit”, Çervanaku informonte të fejuarën për çdo lëvizje appeared first on Albeu.com.

Laboratori i drogës në Fier, gjykata lë në burg 10 të arrestuarit

E B — Sat, 26 Nov 2022 10:46:48 +0000

10 të arrestuarit për laboratorin e drogës në Fier, janë lënë në burg nga gjykata.

Ata akuzohen për përfshirjen e tyre në laboratorin e drogës me kokainë, i cili u gjet mbrëmë në kuadër të megaoperacionit ku morën pjesë DEA, SPAK dhe policia malazeze.

Të arrestuarit janë Viktor Cervanaku, Zenel Cervanaku, Denilson Cervanaku, Enxhi Ferhati, Nikolin Gjolena, Klajdi Vrioni (Kodra), Julian Malaj, Redion Meshi, Bledar Matoshi, Marildo Rona.

Kujtojmë se operacioni u zhvillua dy ditë më parë, ku morën pjesë DEA, SPAK dhe policia malazeze duke bërë të mundur kapjen e 430 kg kokaine të fshehur në 400 kliogram pleh kimik në Tivar, ndërkohë që u zbulua dhe laboratori që përdorej për përpunimin e kokainës në Frakull të Fierit.

Gjithashtu, strukturat e Policisë kanë kryer kontrollin e 14 ambienteve, në qytete të ndryshme (Tiranë, Lushnjë dhe Fier), dhe si rezultat, janë sekuestruar: 6 armë zjarri, 2 armë gjahu, municion luftarak, rreth 16 000 euro dhe 20 paleta me rreth 24 ton “pleh artificial”./albeu.com

The post Laboratori i drogës në Fier, gjykata lë në burg 10 të arrestuarit appeared first on Albeu.com.

EMRAT/ Laboratori i drogës në Fier, kush janë 10 të arrestuarit për 430 kg kokainë

E B — Fri, 25 Nov 2022 11:03:44 +0000

Mësohen emrat e 10 shqiptarëve të arrestuar, të cilët akuzohen për përfshirjen e tyre në laboratorin e drogës me kokainë, i cili u gjet mbrëmë në kuadër të megaoperacionit ku morën pjesë DEA, SPAK dhe policia malazeze.

Të arrestuarit janë Viktor Cervanaku, Zenel Cervanaku, Denilson Cervanaku, Enxhi Ferhati, Nikolin Gjolena, Klajdi Vrioni (Kodra), Julian Malaj, Redion Meshi, Bledar Matoshi, Marildo Rona.

Klajdi Kodra

Bledar Matoshi

Denilson Çervanaku

Kujtojmë se operacioni u zhvillua ditën e djeshme, ku morën pjesë DEA, SPAK dhe policia malazeze duke bërë të mundur kapjen e një sasie të madhe droge të fshehur në 400 kliogram pleh kimik në Tivar, ndërkohë që u zbulua dhe laboratori që përdorej për përpunimin e kokainës në Frakull të Fierit.

Prokuroria e Posaçme SPAK doli në një konferencë për mediat në lidhje me operacionin që zbuloi një laborator droge ne Fier.

Prokurori i çështjes është shprehur se hetimet kanë nisur në korrik dhe se porositësi i lëndës narkotike është shqiptar, ku dhe bëri me dije se janë kapur 430 kg kokainë./albeu.com

The post EMRAT/ Laboratori i drogës në Fier, kush janë 10 të arrestuarit për 430 kg kokainë appeared first on Albeu.com.