Atentati ku mbeti i vrarë 40-vjeçari dyshihet të ketë qenë i mirëorganizuar dhe kjo kuptohet prej faktit se në vendngjarje janë gjetur dhjetëra gëzhoja.

Të paktën tre persona dyshohet të kenë marrë pjesë në atentat. 40-vjeçari ishte nisur nga Shëngjini në drejtim të Lezhës dhe në zonën e njohur si Ujësjellësi, atij i kanë zënë pritë dyshohet tre persona.

Ndërsa hetimet vazhdojnë, të paktën 20 persona janë shoqëruar. Në zonë, hetuesit kanë sekuestruar kamerat e sigurisë në zonë në përpjekje për të identifikuar autorët.

Ndërsa familja Nikulaj ka hapur dyert e mortit, ata nuk kanë pranuar të japin ndonjë deklaratë për mediat. Policia po heton në disa pista, ku ajo kryesorja është gjakmarrja.

The post I zunë pritë tre persona, atentati ndaj Nikulajt i planifikuar, pistat ku po heton policia appeared first on Albeu.com.

Disa persona janë shoqëruar në lidhje me ngjarjen, teksa hetimet vazhdojnë.

40-vjeçari u qëllua me breshëri plumbash në vendin e quajtur Ura e Trenit, teksa po lëvizte me automjetin e tij fouristrade ML në drejtim të Lezhë.

Nga mënyra se si është organizuar ngjarja duket një atentat i mirëfilltë i organizuar ndërsa dyshimet kryesore janë për hakmarrje nga ana e fisit Lekstakaj që kanë lënë brenda pak muajve tre të vrarë.

Konflikti midis dy familjeve ka nisur në vitin 1996 pas një sherri banal dhe prej vitesh, ata janë hakmarrë me njëri-tjetrin duke shkaktuar viktima të shumta.

Entjan Nikulaj është djali i xhaxhait të Ardian Nikulajt i vrarë me armë zjarri në muajin prill të këtij viti në lokalin e tij në Shëngjin.

Ndërkohë, në muajin korrik mbeti i vrarë Nikolin Lekstakaj.

The post Atentati ndaj Nikukajt në Lezhë, policia gjen 25 gëzhoja, shoqërohen disa persona appeared first on Albeu.com.