Enti Shtetëror i Auditimit kreu auditimin e pasqyrave financiare dhe të përputhshmërisë së veprimtarisë së Fondit të Sigurimeve Shëndetësore të Republikës së Maqedonisë së Veriut për vitin 2024. Për paraqitjen e drejtë dhe të vërtetë të pasqyrave financiare, si dhe për harmonizimin e operacioneve me dispozitat ligjore përkatëse, auditorët dhanë mendim të kualifikuar. Edhe pse janë ndërmarrë masa për zbatimin e rekomandimeve të dala nga auditimet e mëparshme, dobësitë vazhdojnë të jenë të pranishme dhe kërkojnë përmirësime në nivel sistemik.

Sipas konstatimeve të auditimit, likuiditeti i Fondit ndikohet nga pagesa e parakohshme e mjeteve që burojnë nga kontributet e institucioneve kompetente. Si pasojë, bëhet më i vështirë shlyerja në kohë e detyrimeve ndaj institucioneve shëndetësore, brenda kufijve të rimbursimeve të dakorduara.

Në mënyrë konkrete, deri në shkurt të vitit 2026, detyrimet e papaguara të Fondit të Sigurimit Pensional dhe Invalidor për kontributet kapin shumën prej 8.415.865 mijë denarësh, ose afërsisht 137 milionë euro. Ndërkohë, hendeku ndërmjet mjeteve të planifikuara dhe realizimit të tyre vijon të zgjerohet.

Për shkak të mungesës së mjeteve të mjaftueshme në buxhet, në fund të vitit 2024 Ministria e Shëndetësisë kishte 2.136.300 mijë denarë fonde të papaguara, afërsisht 35 milionë euro, për kontributet e personave të pasiguruar.

Probleme janë evidentuar edhe në funksionimin dhe zhvillimin e sistemit informativ të Fondit. Auditimi ka konstatuar mungesë të dokumenteve strategjike, kapacitete të pamjaftueshme njerëzore, funksionim vetëm të pjesshëm të disa moduleve dhe hapësirë të kufizuar për avancimin e tyre të mëtejshëm. Po ashtu, ngritja e sistemit të recetave elektronike ka pësuar vonesa, ndërsa kontrollet aktuale të sistemit gjatë lëshimit dhe faturimit të recetave nuk garantojnë nivel të mjaftueshëm mbikëqyrjeje.

The post ESHA: Likuiditeti i FSSH-së ndikohet nga pagesa e parakohshme e fondeve mbi bazën e kontributeve të institucioneve kompetente appeared first on Albeu.com.

Enti Shtetëror i Auditimit (ESHA), në auditimin për funksionimin e Agjencisë së Punësimit të Republikës së Maqedonisë së Veriut, konstaton se gjatë vitit 2024 për masat aktive të punësimit janë paguar 1.442.207 mijë denarë, ose 23,4 milionë euro, por se në shpërndarjen e tyre nuk është respektuar parimi i zhvillimit të balancuar rajonal.

Sipas gjetjeve të auditimit, mbi gjysma e mjeteve për masat individuale është përqendruar në një numër të kufizuar qendrash të punësimit. Konkretisht, 62.05 përqind e masës së vetëpunësimit, si edhe më shumë se 50 përqind e masave për subvencionimin e pagave dhe atyre për punësimin dhe rritjen e personave juridikë, janë realizuar vetëm në disa qytete, përkatësisht në Shkup, Tetovë, Strugë, Kumanovë dhe Probishtip, ndërsa pjesa tjetër e vendit ka përfituar dukshëm më pak.

Auditorët evidentuan parregullsi dhe mospërputhje në punën e Agjencisë së Punësimit, për çka dhanë mendim të rezervuar lidhur me realitetin dhe objektivitetin e pasqyrave financiare, si dhe mendim të kundërt për pajtueshmërinë me rregulloret ligjore, udhëzimet dhe politikat e përcaktuara për vitin 2024.

“Në vitin 2024, Agjencisë e Punësimit pagoi 1.326.958 mijë denarë ose afërsisht 21.541.526 euro për kompensim në para në rast papunësie, nga të cilat 876.960 mijë denarë (14.236.364 euro) për kompensim në para dhe 449,998 mijë denarë (7.305.162 euro) për siguri materiale, që përfaqëson 40.6% të shpenzimeve totale të Agjencisë së Punësimit në vitin 2024. Pagesat për kompensim në para janë më të larta me 27.13 përqind, ose me 187,148 mijë denarë, krahasuar me vitin 2023”, theksojnë nga ESHA.

The post ESHA: Për masat e punësimit u shpenzuan 23.4 milionë euro, por ndarja nuk respekton zhvillimin e balancuar rajonal appeared first on Albeu.com.

Në raportin e ESHA-s theksohet se auditimi për vitin 2024 ka dhënë opinion negativ lidhur me paraqitjen e saktë dhe të drejtë të gjendjes financiare dhe rezultateve të aktiviteteve financiare, si edhe për përputhjen e transaksioneve financiare me legjislacionin, udhëzimet dhe politikat përkatëse të përcaktuara.

Sipas raportit, të ardhurat nga kontributet e arkëtuara për PIO1 gjatë vitit 2024 janë rritur me 14% në krahasim me vitin 2023, duke arritur në 71,435,601 mijë denarë dhe duke zënë 61.74% të totalit të të ardhurave të realizuara.

Megjithatë, kjo rritje e të ardhurave në vitin 2024 mbetet e pamjaftueshme për të mbuluar shpenzimet për pensione, të cilat po ashtu shënojnë rritje çdo vit dhe gjatë vitit 2024 kanë arritur në 90.277.241 mijë denarë.

Të dhënat nga regjistri tregojnë se në fund të vitit 2024, sistemi numëronte 556.294 persona të siguruar dhe 343.048 pensionistë. Kjo përkthehet në një raport prej 1.63 të siguruar për çdo pensionist, duke shënuar një rënie të lehtë krahasuar me vitin paraprak.

The post ESHA: Të ardhurat nga kontributet nuk mbulojnë ende mungesën financiare në sistemin shtetëror pensional appeared first on Albeu.com.