ensi maze Archives - Albeu.com

Vrasja e 20-vjeçarit në Tiranë për një vajzë, vetëdorëzohet në polici autori

Erv Isa — Thu, 20 Apr 2023 15:03:35 +0000

Është vetëdorëzuar në polici 18-vjeçari Axel Hoxhaj, i cili në bashkëpunim me bahskëmoshatarin e tij të arrestuar disa ditë më parë, goditi me thikë për vdekje 20-vjeçarin Stiven Toshkësi.

Ngjarja e rëndë ka ndodhur më datë 18.04.2023, rreth orës 00:15, në rrugën “Skënder Sallaku” .

Dy 18-vjeçarët Ensi Maze dhe Axel Hoxhaj qëlluan me thikë 20-vjeçarin Stivens Toshkesi. Si pasojë e plagëve i riu humbi jetën rrugës për në spital.

Sherri mes të rinjve ka nisur për një vajzë, pasi dyshohet se një nga autorët i ka ngacmuar të dashurën viktimës.

Pikërisht për këtë kishin bërë sherr edhe disa ditë më parë, ndërsa mbrëmjen e djeshme sherri ka degraduar në përdorimin e thikës.

Por si ndodhi sherri që përfundoi në tragjedi në orët e para të mëngjesit sot?

Viktima sapo kishte lënë punën kur është përballur me dy 18-vjeçarët, të cilët e kishin qëlluar pas shpine, duke i shkaktuar plagë të rënda.

Po ashtu mësohet se i riu sapo kishte dalë nga puna e tij, kur është sulmuar nga dy adoleshentët, të cilët dyshohet se e kanë planifikuar sulmin.

Njoftimi i policisë

Tiranë

Vetëdorëzohet autori i dyshuar i ngjarjes së ndodhur me datë 18.04.2023, ku humbi jetën shtetasi S. T.

Si rezultat i presionit të kontrolleve të pandërprera nga shërbimet e Policisë dhe falë negociatave të vazhdueshme me familjarët, ditën e sotme, në DVP Tiranë, është vetëdorëzuar shtetasi A. H., 18 vjeç, banues në Tiranë.

Ky shtetas, më datë 18.04.2023, rreth orës 00:15, në rrugën “Skënder Sallaku”, në bashkëpunim me shtetasin E. M., 18 vjeç, (arrestuar disa orë pas ngjarjes), kanë goditur me mjet prerës shtetasin S. T., 20 vjeç, i cili si pasojë ka ndërruar jetë.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale./albeu.com/

The post Vrasja e 20-vjeçarit në Tiranë për një vajzë, vetëdorëzohet në polici autori appeared first on Albeu.com.

Sherri nisi për të dashurën e viktimës, detaje nga vrasja e 20-vjeçarit në Tiranë

Erv Isa — Tue, 18 Apr 2023 06:31:48 +0000

Detaje të reja kanë dalë në lidhje me vrasjen e 20-vjeçarit, Stiven Toshkësi, i cili u godit për vdekje me thikë nga dy 18-vjeçarë, Ensi Maze dhe Axel Hoxhaj.

Maze është arrestuar, ndërsa autori tjetër është në kërkim nga Policia. Ngjarja e rëndë ndodhi rreth orë 00:35 në rrugën “4 Dëshmorët”, në afërsi të gjimnazit “Partizani”, Tiranë.

Por cila është zanafilla e sherrit mes të rinjve që përfundoi me vdekjen e 20-vjeçarit? Konflikti mes Enzi Maze, Axel Hoxhaj dhe Stiven Toshkësi, ka ndodhur për një vajzë.

Konkretisht njeri nga dy 18 vjeçarët ngacmonin të dashurën e 20-vjeçarit. Të rinjtë ishin konfliktuar gjithashtu për këtë shkak edhe dy javë më parë në rrugën e Elbasanit në Tiranë./albeu.com/

The post Sherri nisi për të dashurën e viktimës, detaje nga vrasja e 20-vjeçarit në Tiranë appeared first on Albeu.com.

Vrasja e 20-vjeçarit në Tiranë, arrestohet një nga autorët

Xh — Tue, 18 Apr 2023 05:45:27 +0000

Policia e Tiranës ka vënë në pranga një nga autorët e dyshuar të vrasjes së 20-vjeçarit në Tiranë.

Bëhet fjalë për shtetasin Ensi Maze.

Ngjarja e rëndë ndodhi rreth orës 00:35 në rrugën “4 Dëshmorët”, në afërsi të gjimnazit “Partizani”.

Gjatë një konflikti për motive të dobëta, shtetasit Ensi Maze, E. M., 18 vjeç, dhe Axel Hoxhaj, 18 vjeç, kanë goditur me thikë shtetasin Stiven Toshkësi, 20 vjeç.

Ky i fundit si pasojë e plagëve të marra ka ndërruar jetë në spital.

Grupi hetimor po punon për kapjen e autorit tjetër dhe sqarimin e plotë të rrethanave të ngjarjes./albeu.com/

The post Vrasja e 20-vjeçarit në Tiranë, arrestohet një nga autorët appeared first on Albeu.com.