Alibeaj: Ka të goditur nga opozita por s’ka të goditur nga pozita. Sot  ka të proceduar nuk ka asnjë gjë publike lidhur me kryeministrin, perceptimi sipas opinionit publik është i tillë gjithçka është e goditur, përveç kryeministrit. Besoj se shpejtësia në procedimet penale duhet të jetë e tillë që të vendosë po të krijojë dhe të japë sinjale besimi të publiku se askush pavarësisht postit që mban është mbi ligjin. Jeni viktimë e suksesit tuaj!

Dumani: S’mund të plotësojmë orekset mediatike ne nuk kemi axhendë. Për ne pak rëndë i ka emri, por prova ka rëndësi edhe ju jeni jurist dhe prova prevalon me çdo gjë, këtë po demonstrojmë brenda ditës dhe po ecim me hapa të ngadaltë që të mos bëjmë autogol.

Sa i përket deputetëve të cilët gëzojnë imunitet, Dumani tha SPAK nuk i ka duart e lidhura për t’i hetuar.

Gjatë raportimit në Komisionin e Ligjeve, drejtuesi i SPAK u shpreh se është e mirëpritur çdo iniciativë për lehtësimin e hetimit, por theksoi se pengesat janë të pakta.

Altin Dumani nënvizoi se heqja e kufizimit të kontrollit do të ishte lehtësim për punën e prokurorëve të posaçëm.

Dumani: Lidhur me imunitetin parlamentar ne zbatojmë dispozitat aktuale, është e mirëpritur çdo iniciativë për lehtësimin apo heqjen e atyre pak pengesave, sepse duhet të jemi realistë pak pengesa kemi sa i përket çështjes së imunitetit. Ne jemi të lirë të hetojmë dhe kjo është gjëja më e madhe që është arritur.

Nuk i kemi duart e lidhura për të hetuar një person që ka imunitet. Momenti tjetër është ai i kontrollit dhe arrestimit. I mirëpritur nga ana jonë ndoshta do të ishte lehtësimi nëpërmjet të paktën heqjen e kufizimit që ka të bëjë me kontrollin. Është mjet kërkimi prove. Për të gjetur prova duhet të kërkosh./albeu.com

The post “Të gjithë goditen, veç Ramës”, Dumani i përgjigjet Alibeajt: Ecim ngadalë të mos bëjmë autogol appeared first on Albeu.com.

Seanca nisi me interpelancën e kërkuar nga Grupi Parlamentar i Partisë Demokratike me ministrin e Drejtësisë Ulsi Manja, lidhur me amnistinë penale.

Në fjalën e tij nga foltorja e Kuvendit, Enkelejd Alibeaj parashtroi pyetjet e tij të cilat ia adresoi Ulsi Manjës. Alibeaj tha se nga ligji i amnistisë kanë përfituar mbi 100 të dënuar për korrupsion dhe kjo sipas tij nuk është e drejtë.

Alibeaj thotë se PD do të ndërmarrë çdo hap për vënien para përgjegjësisë të kujtdo duke filluar me dhënien e llogarisë nga ministri i Drejtësisë.

Alibeaj: A e ka konsultuar versionin fillestar? A u konsultuan amendamenetet me institucionet e drejtësisë? A i janë përcjellë Komisonit të Ligjeve të dhënat dhe numri i personave që do të përfitonin nga amnistia? Unë nuk kam parë një listë të tillë në Komisonin e ligjeve.

Kujtojmë se zbatimi i amnistisë nisi me 24 prill. 780 të burgosur fituan ditën e 24 prillit lirinë pasi miratimit nga parlamenti të amnistisë penale. Mes atyre që lanë qelitë ishin edhe të dënuar për vrasje, për kultivim të lëndëve narkotike si dhe ish zyrtarë.

Në burgun e Recit në shkodër u liruan 135 të burgosur. Një prej tyre, ish kryebashkiaku i Lezhes Fran Frrokaj, i dënuar për shpërdorim detyre.

Nga amnistia do përfitojnë ulje dënimi edhe 800 të dënuar të tjerë. Po ashtu, përjashtohen nga ndjekja penale edhe shumë persona të arrestuar gjatë protestave të opozitës.

The post “Pse përfituan mbi 100 të dënuar për korrupsion nga Amnistia”, Alibeaj i kërkon llogari ministrit Manja appeared first on Albeu.com.

Pas reagimit të Ramës, i cili hodhi poshtë spekulimet për “pazare me Berishën”, Alibeaj tha se asgjë nuk ka ndryshuar që prej vitit 2008 kur pazarin e bëri po me “Non Gratën”.

Rama theksoi më herët  se “pazari me Non Gratën” është akuzë dhe shpifje e pabazë, që sipas tij bëhet për të helmuar opinionin e publikut shqiptar.

“Vetëm një idiot i lindur bën sikur nuk e kupton që Rama po bën pazar pë Reformën Zgjedhore. Vetëm një gjë ama duhet pranuar se e ka thënë drejt: asgjë nuk ka ndryshuar! Asgjë nuk ka ndryshuar me 2008 kur pazarin e beri po me Non Grata-n. Asgjë nuk duan të ndryshojnë: listat të mos i hapin; diaspora të mos votojë; të marrin mandate gratis në tavolinë. Mund të jeni 3 hapa para me spërdredhje siç keni bërë për 30 vjet në kurriz të shqiptarëve por mos harroni se shqiptarët shkelmin e kanë gati!”,  shkruan Alibeaj në rrjetin e tij social ne Facebook.

Ditën e djeshme PS dhe Rithemelimi ranë dakord për ngritjen e 2 komisioneve hetimore nga tetë që kishte kërkuar opozita si edhe për ngritjen e një nënkomisioni për reformën zgjedhore.

Pakti Rama-Berisha në 2008

Fill pas shpërthimit të Gërdecit në mars 2008, gjatë muajit prill të atij viti, në atë kohë kreu i opozitës Edi Rama dhe Kryeministri Berisha u ulën dhe bënë një marrëveshje të thelluar ku parashikoheshin ndryshime thelbësore të Kushtetutës, përfshi edhe Kodin Zgjedhor.

Ndryshimi kryesor lidhej me kalimin nga një sistem i përzier zgjedhor, pra një kombinim mes sistemit maxhoritar dhe atij proporcional, në sitemin proporcional rajonal.

Kjo çimentoi pushtetin e krerëve të partisë duke shmangur individualitetet dhe rolin e deputetëve “të fortë” në zonat e tyre si edhe zbehu pozicionet e ministrave po ashtu duke fuqizuar ndjeshëm kryeministrin. Shqipëria vijon sërish të apikojë ndryshimet e vitit 2008 dhe ky i tanishmi duket të jetën Pakti II Rama-Berisha, pavarësisht se do të firmoset nga Gazment Bardhi dhe Bledi Çuçi. /albeu.com 

The post “Vetëm një idiot bën sikur s’kupton”, Alibeaj i përgjigjet Ramës: Asgjë s’ka ndryshuar nga 2008, po bën pazar “Zgjedhoren” appeared first on Albeu.com.

Sekretari i Përgjithshëm i PD, shprehet se “këto pazare janë të fshehta dhe nuk dihet se ca do japin e shesin”.

“Sot zhvillohen negociata, Rama-Berisha. Praktikisht grupi i Rithemelimit është Berisha dhe PS është Rama. Ndjesia e parë që më vjen nuk është e mirë. Shqiptarët i kanë ndjerë nga 2008 e këtej efektet e asaj marrëveshje që goditi sistemin zgjedhor.

E dyta, unë e kam thënë në dalje janë negociata, pazare. Nuk dihet ca do bëjë kush, ca do japë, ca do shesë. Duket në pamje të parë me aq informacione që mediat kanë raportuar që nuk është në interes të publikut. Interesi i publikut është ajo ca kemi ofruar në Komisionin e Reformës Zgjedhore, listat e hapura, një sistem ndryshe nga sistemi i 2008, ku deputetët të jenë të qytetarëve dhe jo kryetarëve. Nëse këto pazare synojnë të kalcifikojnë edhe njëherë atë të 2008-së, asgjë e mirë për shqiptarët nuk vjen”, tha Alibeaj për Report Tv.

Alibeaj i jep përgjigje edhe Rithemelimit që kërkon më shumë përfaqësim në komisionin e Reformës Zgjedhore, duke thënë se vendet i takojnë Partisë Demokratike, si forca e dytë e dalë nga zgjedhjet e 2021. Alibeaj u ndal edhe në kërkesat e tyre për ndryshimet e Kodit Zgjedhor, nga vota e emigrantëve, listat e hapura dhe Shqipëria një zonë zgjedhore.

“Komisioni i Reformës Zgjedhore është kërkuar nga PD, nga kjo sigël apo vulë, këtu e dy vite më parë, atëherë kur Berisha dhe Rama nuk e donin, por ka qenë këmbëngulja e PD dhe Bashës që e kërkoi si një nevojë për të përmirësuar rregullat e lojës në zgjedhje. Unë jam dakord që të marr qortimet e kësaj bote nëse kërkesat e ofruara do ishin amorale, do ishin për interesin, për karrigen tonë, s’do shkonin në interesin e publikut. Listat e hapura nuk janë gjë tjetër veçse një rikthim i sistemit mazhoritar, qytetarët të zgjedhin përfaqësuesin e tyre, deputeti i tyre të mos lëvizë pozicionet e veta politike sipas interesit apo nevojës për tu bërë edhe njëherë deputetë.

Kemi kërkuar votën e diasporës, Shqipëria është e përgjysmuar. Çdo sistem zgjedhor pa votën e diasporës është i pavlefshëm. Kemi kërkuar që vota e shqiptarëve të jetë e njëjtë, si në veri si në jug. Votimin dhe numërimin elektronik. Nëse këto janë çështje që nuk i interesojnë shqiptarëve, jam unë sebepi i sherrit, por nëse këto i interesojnë shqiptarëve nuk jam unë, është dikush tjetër që e ka ngritur në mënyrë jo të ndershme këtë çështje. Unë jam përfaqësues i PD, i së vetmes parti politike të regjistruar në regjistrat e shtetit shqiptar, forca e dytë në 2021. Sipas rregullave funksionale i takon përfaqësimi partisë, por atyre që qëndrojnë në këtë sigël. Ca tha Rama, nëse dështon komisioni. S’ka pse të dështojë komisioni, pse do dështojë”, tha Alibeaj.

The post Alibeaj: Negociatat Rama-Berisha pazar, jo në interes të qytetarëve! Përfaqësimi në “Zgjedhore” i takon PD appeared first on Albeu.com.

Mësohet se përveç se do të konstituohet, Këshilli Kombëtar do të zgjidhë edhe Sekretarin e Përgjithshëm, nënkryetarët, sekretariatet dhe kryesinë e PD-së.

Deri më tani flitet që Enkelejd Alibeaj do të zëvendësoje Gazment Bardhin. Ndërsa për nënkryetarë përfliten emrat e Roland Bejkos dhe Flutura Açkës.

Në mbledhje janë të pranishëm 246 anëtarë, çka do të thotë se është plotësuar kuorumi për vendimmarrje.

PROPOZIMET

Xhemal Bushati – Kryetar i Këshillit Kombëtar

Enkelejd Alibeaj- Sekretar i Përgjithshëm

Nënkryetarë të PD

Flutura Açka

Kreshnik Çollaku

Orjola Pampuri

Roland Bejko

Jemin Gjana- Kryetar i komisionit zgjedhor

Emrat e kandiduar në postin e Sekretarit:

SEKRETAR EKZEKUTIV PER ORGANIZIMIN

TAULANT ZENELI

SEKRETAR EKZEKUTIV PER BURIMET NJEREZORE DHE KOORDINIMIN DIXHITAL

ENDRI HASA

SEKRETAR EKZEKUTIV PER CESHTJET LIGJORE DHE ZGJEDHORE

INDRIT SEFA

SEKRETAR PER PROGRAMIN

ARBIAGALLIU

SEKRETAR PER SIGURINE KOMBETARE DHE KOORDINIMIN EURO-ATLANTIK

XHEMAL GJUNKSHI

SEKRETAR PER TE PERNDJEKURIT POLITIKE

GJERGJ HANI

SEKRETAR PER REFORMEN ZGJEDHORE

REZART KTHUPI

SEKRETARE PER GRUAN

TAULANDA JUPI

SEKRETAR PER RININE

BLENDI SULAJ

SEKRETAR PER MARREDHENIET ME PUBLIKUN

EDVIN KULLURI

SEKRETAR PER PUSHTETIN VENDOR DHE DECENTRALIZIMIN

ALFRIDA MARKU

The post Mbledhja e Këshillit Kombëtar nga Basha, cilat janë propozimet për Sekretarin e Përgjithshëm dhe nënkryetarë të PD appeared first on Albeu.com.

Deputeti i PD-së, Enkelejd Alibeaj tha se socialistët nuk kanë moral të flasin për spiunët kur në grupin e tyre kishin Rrahjen dhe Ahmetajn, ndërsa Gogu tha se Rraja duhet respketuar për standardin që ka vendosur.

Debati

Alibeaj: Fatkeqësisht ke të drejtë Toni, kur thua për një ish-sekretar partie apo një spiun të Sigurimit të Shtetit po më fal me çfarë doze morali e thua këtë kur jo më larg se sa dje një kolegu yt Rrahman Rraja e ka marrë vesh gjithë dynjaja se çka bërë? Votat e të cilit i gëzon ti. Jo më larg se një orë më parë, një kolegu yt, Arben Ahmetaj ka marrë rrugën për te 7 penxheret. Ku është morali që tregon ti në këtë sallë parlamenti?

Sajmir Korreshi: Kemi edhe shokun Gjici.

Toni Gogu: Sa për Rrahjen, kolegun tonë të nderuar, ai ka vendosur një standard që ne të dy si prind është mirë ta respektojmë. Sa i përket Ahmetajt, ky është një standard i vjetër në PS. Ne me ligjin nuk bëjmë shaka. Ne me ligjin strukemi të gjithë dhe jemi të barabartë. Çfarë iu ka trembur ju?

The post “Socialistët nuk kanë moral”, debate te “Ligjet”, Gogu: Rraja është i nderuar, duhet respektuar appeared first on Albeu.com.

Grupi i deputetëve, në përbërje të të cilit ishin Gazmend Bardhi, Dashnor Sula, Bledion Nallbati, Helidon Bushati, Jorida Tabaku, Lefter Gështenja dhe Sajmir Koreshi të cilët kërkuan zhvillimin e zgjedhjeve së pari nëpër degë e më pas për kryetar.

Alibeaj: Modeli ndryshe është të respektojmë sigurisht lirinë e shprehjes së çdo njeriu. Kush kështu? Unë e thashë, çfarë të them më tepër, distancim. Partia Demokratike është baza, janë njerëzit. Qëndrimet emocionale mos i merrni. Në mbledhje, asnjëri prej anëtarëve të kryesisë nuk ka qenë nën presion. Unë isha në mbledhje dhe asnjëri prej tyre nuk ka qenë nën presion., ka pasur qëndrime të ndryshme, por… Kryetarët e degëve janë PD-ja. Nuk ka pasur dhunë, por fjalë ka pasur, jam dakord. Nëse ndonjëri nga ju është ndjerë i fyer dhe në një situatë jo normale ju këkroj dhe ndjesë.

Do duhet që një orë e më parë PD të marrë formën e plotë të funksionimit të saj. Zgjatja e drejtimit të saj me kryetar të komanduar nuk ishte zgjidhja më e mirë. Ka qenë vendim i Kryesisë dhe Grupit Parlamentar, që ne do të vazhdonim me kryetar të komanduar deri pas zgjedhjeve. Ishte e arsyeshme dhe e nevojshme që menjëherë sa të mbaronin zgjedhjet vendore të hynim në riformësimin e PD-së. Nuk arrij ta kuptoj që edhe pas një zgjatjeje prej 1 viti e ca ne të marrim ende kohë. Kohë për çfarë. Duhet të vendosim rregulla në Statut që e bëjnë pothuajse jo të domosdoshme se cili është kryetari i partisë. Ndaj edhe në mbledhje unë propozova një statut të ndryshuar, i cili do duhet të bëjë këtë gjë, një parti me rregulla ku gjithsecili të gjejë vendin e tij.

Çfarë ndodhi në mbledhjen e kryesisë

Kryesia e Partisë Demokratike zhvilloi një mbledhje e cila zgjati 10 orë dhe doli me vendimin për apjen e garës për kreun e ri të partisë. Me 17 vota pro, 2 kundër dhe 3 abstenime, Kryesia vendosi që gara për kreun e ri të demokratëve të mbahet më 29 korrik.

Ky vendim, ka sjellë tensione në mbledhje, pasi deputetët, që njëherazi janë edhe anëtarë të Kryesisë, nuk kanë pranuar që zgjedhjet të mbahen tani. Me këtë situatë, vihet re një tjetër përçarje mes Partisë Demokratike, që pasoi edhe me dorëheqjen e Jorida Tabakut nga posti i nënkryetares. Në një deklaratë për mediat, Tabaku e cilësoi këtë vendim si nëj hap që e zvogëlon më shumë partinë.

“U tërhoqa nga vendi i nënkryetares së PD. unë gjykoj që PD do ecë para, do bëhet alternativë kur secili nga ne të anashkalojë egot personale dhe të mendojë për të mirën e përbashkët”, tha Tabaku. 

Deputetët braktisën mbledhjen pasi kërkuan që fillimisht të mbahen zgjedhjet në bazë, e më pas të caktohet kryetari i ri. Orët e fundit të mbledhjes u shoqëruan edhe me tensione dhe tone të larta. Gazment Bardhi, Saimir Korreshi, Helidon Bushati, Dashnor Sula, Lefter Gështenja, Bledion Nallbati, Dhurata Çupi ishin deputetë që braktisën të parët mbledhjen e Kryesisë, rreth orës 01:00 të mesnatës.

Gjatë largimit nga mbledhja, deputetët janë sharë dhe ofenduar nga militantët që ishin mbledhur para selisë blu. Nga ana tjetër, anëtarët e tjerë të Kryesisë u kërkuan deputetëve llogari se përse nuk kanë qenë aktivë në fushatën për zgjedhjet e 14 majit, sidomos në atë të Tiranës.

Pas hapjes së garës, pritet me interes vendimi i Lulzim Bashës nëse do të kandidojë sërish për drejtimin e Partisë Demokratike, duke pasur parasysh që tashmë ai është kthyer në politikën aktive dhe largimin e tij e arsyeton si veprim që të tërhiqej Berisha. Kryesia ka lënë afat që deri më 20 qershor të dorëzohen kandidaturat për kreun e PD-së, ndërsa kandidatët do të kenë rreth 1 muaj afat për të bërë fushatë zgjedhore. Konkretisht nga data 24 qershor deri më 27 korrik dhe më pas mbahen zgjedhjet.

Deri më 15 korrik, çdo degë e Partisë Demokratike, duhet të evidentojë anëtarët me të drejtë vote. Më pas, për të miratuar këto zgjedhje, brenda muajit shtator duhet të mbahet Kuvendi Kombëtar i PD-së.

Çfarë kërkojnë deputetët e PD
Grupi i PD parashtroi platformën me 5 pika ku përfshihen dhe hapat që sipas tyre do të sjellin procesin e riorganizimit brenda PD. Krijimin e një grupi pune përbashkues për ndjekjen dhe realizimin e procesit të riorganizimit, sipas një plani të qartë, transparent dhe gjithëpërfshirës, që ndjek këto hapa:
– Hapi i parë: Hapja e partisë dhe certifikimi i anëtarsisë aktuale;
– Hapi i dytë: Fillimi i procesit të zgjedhjeve në nivel seksioni, grupseksioni dhe dege;
– Hapi i tretë : Procesi i zgjedhjes së kryetarit të Partisë.

Si u votua

Pro:

• Enkelejd ​Alibeaj
• Flutura​ Açka
• Jemin ​Gjana
• Taulant Zeneli
• Endri​​ Hasa
• Indrit​ Sefa
• Kreshnik​ Çollaku
• Roland ​Bejko
• Gentian​ Gaba
• Agron ​Kapllanaj
• Arbi​​ Agalliu
• Fitim ​​Zekthi
• gazmend​ koduzi
• Merita ​Bakiu
• Orjola ​Pampuri
• Taulanda ​Jupi
• Xhemal ​Gjunkshi
• Kundër: Jonila Godole dhe Flamur Hoxha
• Abstenim: Jorida Tabaku, Juela Hamati dhe Oriela Nebiaj

/Albeu.com/

The post “Bardhi qëndrim emocional”, Alibeaj: Anëtarët e Kryesisë nuk u vunë nën presion, por ka pasur debate të forta appeared first on Albeu.com.

Në një intervistë për Euronews, ish-kryetari i komanduar i PD-së tha se deputetëve opozitarë nuk duhet t’ju vijë turp që të paguhen në propocion me pozicionin që ata kanë.

“Nuk duhet të kemi turp dhe nuk duhet të kenë turp sidomos deputetët e opozitës që për shkak të gjithë nevojave dhe kërkesave që kërkon për të ushtruar detyrën e deputetit të kërkojnë një mbështetje financiare në propocion me detyrën që kanë.

Por më mirë një deputet i paguar propocionalisht, por jo hajdut, se sa një deputet hipokrit që bën sikur nuk i do paratë, por nga ana tjetër shtrin duart. Sinqeriteti vlerësohet më shumë.”

Alibeaj tha se kjo vlen më shumë për deputetët e opozitës, ndërsa për deputetët që thanë se kjo rritje pagash është më shumë se ç’duhet, Alibeaj tha se kjo është një mendësi bolshevike.

“Deputetë të cilët bëjnë si komunistët e një herë e një kohe; “I pari në sakrifica dhe i fundit në privilegje”, kjo është mendësi bolshevike. Duhen thënë gjërat hapur dhe nuk duhet abuzuar me financat, por deputetët nuk duhet të kenë asnjë tundim për të rënë pre e joshjeve. Ky është mjet i pavarësisë dhe imunitetit ndaj korrupsionit për deputetët e opozitës”, tha Enkelejd Alibeaj./Albeu.com/

The post Rritja e pagave të deputetëve, Enkelejd Alibeaj: Duhet mbështetja financiare, mos të vjedhin appeared first on Albeu.com.

Sot, Alibeaj ka reaguar duke e cilësuar Berishën “humbësin më të madh” të zgjedhjeve, ndërsa shtoi se paska bërë armiq të rinj.

Më tej, Alibeaj tha se bashkëpunimi i Berishës dhe Ilir Metës në kurriz të demokratëve dhe shqiptarëve është një nga arsyet pse pati refuzim masiv në 14 maj dhe që e mban në këmbë regjimin e Edi Ramës.

Reagimi i Alibeajt:

Humbësi i madh i zgjedhjeve të 14 majit paska gjetur sot armiq të rinj, duke publikuar dhe listën e të përjashtuarve të radhës. I zhytur në disfatën që i solli demokratëve dhe opozitës, sindroma e komunizmit i rikthehet si përherë kur humb duke shpallur grupe armiqësore. Shqiptarët e kanë të qartë se shkaku i përçarjes së opozitës është Sali Berisha, sikundër aleanca e tij me Ilir Metën ka prodhuar këshilltarë të LSI me votat e demokratëve në çdo këshill bashkiak. Bashkëpunimi i Sali Berishës dhe Ilir Metës në kurriz të demokratëve dhe shqiptarëve është një nga arsyet pse pati refuzim masiv në 14 maj dhe që e mban në këmbë regjimin e Edi Ramës.

The post Berisha “i hoqi vizën e kuqe” në PD, reagon Alibeaj: Humbësi i madh i zgjedhjeve paska gjetur armiq të rinj appeared first on Albeu.com.

Ditën e sotme një grup deputetësh kanë thirrur një mbledhje urgjente të grupit për të plotësuar vakancën e krijuar.

Grupi Parlamentar i Partisë Demokratike është mbledhur dhe ka propozuar zgjedhjen e deputetit Gazment Bardhi si Kryetar të Grupit Parlamentar të Partisë Demokratike dhe nisjen e procedurës së njoftimit të Kuvendit mbi emërimin e Kryetarit të ri të Grupit, pas dorëheqjes së Enkelejd Alibeajt.

Grupi Parlamentar i Partisë Demokratike regjistron 33 anëtarë, nga të cilët kanë votuar pro të gjithë deputetët e pranishëm dhe asnjë kundër.

Deputetët që kanë votuar pro kryesimit të grupit nga Gazment Bardhi janë: Jorida Tabaku; Orjola Pampuri; Arbi Agalliu; Dhurata Çupi; Kreshnik Çollaku; Saimir Korreshi; Lulzim Basha; Dashnor Sula; Gazment Bardhi; Lefter Geshtenja; Zheni Gjergji; Qani Xhafa; Helidon Bushati; Orjela Nebiaj; Ramadan Likaj; Xhelal Mziut; Flamur Hoxha; Eralda Bano dhe Bledion Nallbati.

Gjithashtu, kanë shprehur mbështetjen për kryesimin e grupit nga Gazment Bardhi deputetët e Partisë Demokratike që janë të regjistruar në grupet parlamentare të aleatëve të PD: Merita Bakiu; Selaudin Jakupllari; Andia Ulliri; Emilja Koliqi.

Kanë munguar në mbledhje deputetët Agron Gjekmarkaj dhe Ferdinand Xhaferaj, deputetët e “grupit Berisha” Greta Bardeli; Lindita Metaliaj; Edi Paloka; Ervin Salianji; Tomor Alizoti; Sorina Koti; Bujar Leskaj; Isuf Çelaj; Ina Zhupa dhe Kastriot Piroli, si dhe deputetët Enkelejd Alibeaj, i dorëhequr nga pozicioni i kryetarit dhe Flutura Açka që ndodhet jashtë Shqipërisë./Albeu.com/

The post Pas dorëheqjes së Alibeajt, Gazment Bardhi zgjidhet Kryetar i Grupit Parlamentar të PD-së appeared first on Albeu.com.