Eni Imami ka folur së fundmi për mediat, duke zbuluar atë që e konsideron si gabimin më të madh të karrierës së tij. Edhe pse 33-vjeçari ka arritur të shpallet 3 herë kampion në Superiore me skuadra të ndryshme, si Dinamo, Kukësi dhe Tirana, ai pranon se ende ndien mall për periudhën te Vllaznia.

“Më bëhet qejfi për Vllazninë. Ishallah të kualifikohet dhe të shkoj sa më lart në Kupat e Europës. Është një skuadër që unë kam kaluar shumë mirë. Jam bërë pishman që kam ikur.

Pas largimit nga Vllaznia, sikur Zoti më bëri ters. Aty isha mbret, njerëzit më donin, unë i doja njerëzit. Qytetin e doja, çdo gjë perfekte.

Ishte atë vit që Dinamo u ngjit në elitë. Po vija në shtëpin time, pavarësisht se në Shkodër ndihesha si në shtëpin time. Unë ashtu e ndjeva, ashtu e mendova, pavarësisht se pastaj doli skarco në aspektin personal dhe atë profesional.

Pavarësisht investimit të madh, ne ramë nga elita. Pastaj ngeca te Dinamo dhe luajta në Kategorinë e Parë”, u shpreh Imami.

The post Eni Imami rrëfen pengun më të madh të karrierës: “Te Vllaznia isha mbret, njerëzit më donin” appeared first on Albeu.com.