Shehu aktualisht jeton në Florida, SHBA, ku udhëheq një jetë të tërhequr në qytetin e Miamit.

Sipas burimeve hetimore, edhe Drejtoria e Antimafias italiane, ka marrë informacione nga qyteti i Vlorës për një përfshirje të mundshme të tij në shpërthimin e ndodhur më 16 tetor, përpara banesës së Ranuccit në Pomezia.

Aktualisht, kjo mbetet një hipotezë hetimore që kërkon verifikime të mëtejshme, por po ndiqet me kujdes nga prokurorët e Antimafias në Romë, në bashkëpunim me karabinierët e njësive hetimore në Frascati dhe Via In Selci.

Pistat e hetimit

Një ndër pistat kryesore që po shqyrtohet lidhet me një episod të Report, transmetuar më 21 prill 2024, që analizonte projektet e qendrave për migrantët në Shëngjin dhe Gjadër, si pjesë e marrëveshjes mes qeverive të Romës dhe Tiranës.

Në këtë material, emri i Artur Shehut,përmendet disa herë dhe lidhet me rrjete biznesi dhe marrëdhënie me qarqe politike e institucionale në Shqipëri.

Sipas Report, Shehu përshkruhet si një narkotrafikant me lidhje të mundshme me Cosa Nostra-n dhe Sacra Corona Unita-n, i përmendur më parë në hetime ndërkombëtare.

Gjithashtu, Report pretendon se Shehu ka dhuruar një sipërfaqe prej 30 mijë metra katrorë pranë Vlorës për një fondacion të lidhur, gjeneralin Fabrizio Lisi.

Ky transaksion dyshohet se është ndërmjetësuar nga Engjëll Agaçi, sekretar i përgjithshëm i Këshillit të Ministrave dhe bashkëpunëtor i afërt i kryeministrit Edi Rama, figurë kyçe në marrëveshjen për migrantët.

Hetim ndërkombëtar

Emri i Shehut nuk është i panjohur për median ndërkombëtare. Në mars të vitit 2021, gazeta amerikane Miami Herald i kushtoi një artikull investigativ me titull: “Nga një vilë në Miami Beach, një burrë me lidhje të dyshuara me mafian ndërton një perandori biznesi në Shqipëri”, ku përshkruhet jeta e tij luksoze në SHBA dhe aktivitetet në Shqipëri.

Prokuroria italiane po heton edhe këtë profil ndërkombëtar, duke krahasuar të dhënat nga Shqipëria me lëvizjet e Shehut në muajt e fundit.

Në kërkim autorët

Ndërsa dyshimet për përfshirjen e krimit të organizuar shqiptar po thellohen, autoritetet italiane po vijojnë kërkimet për autorin ose autorët që kanë vendosur mjetin shpërthyes, ku dyshohet se kanë tentuar të futen edhe në shtëpinë e dytë të gazetarit gjatë verës, pa sukses.

Për shkak të numrit të lartë të hetimeve sensitive të realizuara nga Report gjatë viteve, pista e motiveve mbetet e gjerë.

Megjithatë, fokusi i hetuesve aktualisht po shkon drejt lidhjeve me segmentet e mafias shqiptare, të cilat mund të jenë ndjerë të goditura nga zbulimet e fundit mediatike./ Panorama

The post Atentati ndaj gazetarit italian Sigfrido Ranucci/ “La Repubblica”: Po hetohet emri i Artur Shehut, lidhjet e tij të dyshuara me mafian dhe me Engjëll Agaçin appeared first on Albeu.com.

Në fjalën e tij për mediat, ai tha se u thirr për Inceneratorin e Tiranës, ndërsa shtoi se të gjithë duhet të jenë në dispozicion të drejtësisë.

“U thirrja për inceneratorin e Tiranës. Mendoj se ky nuk duhet të krijojë një lajm. Duhet të jemi në dispozicion të organeve të drejtësisë. Falemiderit!”, u shpreh ai.

The post Engjëll Agaçi del nga SPAK: U thirra për inceneratorin e Tiranës appeared first on Albeu.com.

I pyetur nga gazetarët se për çfarë është thirrur, Agaçi nuk ka pranuar të flasë.

Ende nuk dihet arsyeja e thirrjes së tij në Prokurorinë e Posaçme, por mendohet se është thirrur në lidhje me Inceneratorët.

Kujtojmë se pak kohë më parë emri i tij u përmend edhe në një investigim të medias italiane Rai3./albeu.com

The post Sekretari i Përgjithshëm i Kryeministrisë, Engjëll Agaçi shkon në SPAK appeared first on Albeu.com.

Reagimi i Engjëll Agaçit

Në vëmendje të personelit redaktues të “Report”.

Po lexoj se objekti i investigimit tuaj gazetaresk ka të bëjë me Protokollin për emigrantët, të përcaktuar midis qeverisë shqiptare dhe asaj italiane, i miratuar më pas me ligj nga parlamentet përkatëse dhe i kaluar në testin e kushtetutshmërisë nga Gjykata Kushtetuese e Shqipërisë.

Të them të drejtën, nuk e gjej lidhjen e sa më sipër me aktivitetin tim të mëparshëm profesional si avokat në Itali, i cili përfundimisht ka përfunduar pak para datës 15.09.2013, ditë në të cilën pata nderin të merrja detyrën e Sekretarit të Përgjithshëm të Qeverisë Shqiptare, post që e mbaj edhe sot.

Në lidhje me hetimin tuaj, sinqerisht nuk shoh ndonjë interes publik për të hetuar veprimtarinë time personale dhe profesionale në të kaluarën, e cila është krejtësisht e palidhur dhe e parëndësishme me atë aktuale. Mbi të gjitha, nga thelbi i pyetjeve tuaja vërej se nuk është bërë një verifikim i kujdesshëm i burimeve tuaja.

Sigurisht që këto janë vëzhgime që do të vlerësohen me kujdes nga redaksia e sjellshme siç tregohet më sipër. Në çdo rast, për shkak të funksionit që mbaj dhe për transparencë dhe vërtetësi më të madhe, ofroj disponueshmërinë time për t’iu përgjigjur të gjitha pyetjeve tuaja.

Është e vërtetë që keni luajtur rolin e ndërmjetësit në negociatat për shitjen e 30 mijë hektarëve tokë nga Artur Shehu te fondacioni Eftimiadi, që u zhvilluan më 28 shkurt 2015?

Më datë 31.03.2012, si Jurist, mora përsipër një detyrë formale nga Gjykata e Triestes, në emër të Kuratorit të atëhershëm, për të ndjekur ngjarjet dokumentare dhe materiale të Amanetit të Vërtetë të të ndjerit Z. Salvatore Eftimiadi. E kam ndërprerë veprimtarinë në fjalë pasi kam marrë funksionin institucional të sipërpërmendur dhe ia kam komunikuar kuratorit fillimisht verbalisht dhe më pas komunikuar zyrtarisht edhe nga Studio Juridike, pjesë e së cilës kam qenë.

A është e vërtetë që në ushtrimin e profesionit tuaj si avokat në Itali keni kryer funksione asistence ligjore dhe/ose konsulence në favor të shumë shtetasve shqiptarë të përfshirë në procedimet penale për trafik droge në gjykatat italiane?

Në veprimtarinë time të gjatë profesionale si avokat në Itali kam asistuar shumë shtetas italianë, padyshim edhe shqiptarë dhe komunitete të tjera të huaja në Itali. Në disa nga procedurat kam ndihmuar ish-klientët e mi të përfshirë në krimet e parashikuara me Dekretin Presidencial 309/90 (Ligji për Narkotikët).

Konkretisht, a keni dhënë ndihmë ligjore dhe/ose këshilla për Renardo Nallbanin, Alxi Nallbanin, Dritan Nikollin dhe Artur Shehun?

Ju sjell në vëmendje se legjislacioni italian dhe ai europian për mbrojtjen e të dhënave personale më pengon të zbuloj emrat e ish-klientëve të mi, përveç me pëlqimin e tyre. Në çdo rast, është e drejta dhe e drejta juaj të keni akses në dosjet e gjykatave vendore për kontrollet e nevojshme. Por, mund të përjashtoj absolutisht që mbiemri i fundit të ketë qenë një ish-klient i imi.

Keni pasur një rol konsulence apo ndonjë rol tjetër në hartimin e Protokollit midis Italisë dhe Shqipërisë për emigrantët?

Është pjesë e detyrave të mia aktuale të shikoj të gjitha dokumentet që i paraqiten Këshillit të Ministrave. Pra, edhe sikur të mos isha pjesë e grupit të negociatorëve për hartimin e Protokollit ndërmjet Italisë dhe Shqipërisë, sigurisht që kam dhënë kontributin tim modest.

Tiranë, 5 Prill 2024″.

The post RAI 3 publikon letrën e Engjëll Agaçit: Kam qenë avokat i personave të përfshirë në aktivitete trafiku appeared first on Albeu.com.

RAI 3 thoshte se njeriu kyç i paktit me italinë është Ëngjëll Agaçi, Sekretari i Përgjithshëm i Këshillit të Ministrave, duke e quajtur edhe një ish-avokat të trafikantëve të drogës.

Në një reagim për median italiane “La repubblica”, Agaçi njoftoi se do të ngrejë padi për shpifje ndaj emisionit. Krahasimi i bërë nga programi televiziv sipas Agaçit, është shumë i dëmshëm për reputacionin e tij. Ai thekson se media italiane para se të publikonte investigimin duhet të verifikonte burimet e informacionit.

“Kam lënë detyrën ligjore dhjetë vjet më parë dhe krahasimi i bërë nga programi televiziv Report është shumë i dëmshëm për reputacionin tim. Unë kam udhëzuar tashmë avokatët e mi italianë që të ngrenë një padi për shpifje kundër programit televiziv shtetëror italian. Burimet duhet të verifikohen dhe po ashtu edhe lajmet”, ka thënë Agaçi në reagimin e tij.

Emisioni investigativ “Report” të RAI 3 trajtoi mbrëmjen e së dielës marrëveshjen mes Shqipërisë dhe Italisë për çështjen e emigrantëve. Në investigimin e RAI-it u shfaq Engjëll Agaçi si personi kyç i kësaj marrëveshje mes dy kryeministrave, marrëveshje e cila nuk ka patur transparencën e duhur nga asnjëra palë.

Media italiane e ka cilësuar Agaçin si ish-avokat i narkotrafikantëve dhe person që ka tentuar të korruptojë kreun e interpolit të Romës.

Duke u ndalur te marrëveshja Rama-Meloni për refugjatët, RAI 3 thekson se pakti mund të kushtojë rreth 1 miliardë euro, pa zgjidhur asnjë problem dhe me rrezikun që një pjesë e këtyre parave të sekuestrohet nga një sipërmarrës i njohur italian, i cili mburret me kredi në Tiranë.

Në një investigim nga gazetari Giorgio Mottola, raporti bëri llogaritjen e operacionit të emigrantëve në Shqipëri dhe zbuloi “një seri mospërputhjesh”. Nga dokumentet e konsultuara del se krahasuar me 36 mijë emigrantë të parashikuar nga Meloni, dy qendrat e pritjes shqiptare do të presin maksimumi 2822 emigrantë, duke qenë se kapaciteti maksimal është më pak se një mijë persona.

“Dhe kostot tashmë janë jashtë kontrollit: ndërtimi i dy qendrave ka shkuar nga 35 milionë në 65 dhe rrezikon të rritet më tej duke qenë se afati i punimeve tashmë është shtyrë nga maji në prill. Kostot të cilat, siç del nga dokumentet e konsultuara nga raporti, do të përballohen me shkurtime të rënda për Ministrinë e Universitetit, Mjedisit dhe Shëndetësisë. Por ekziston edhe rreziku që një pjesë e parave të destinuara për Shqipërinë mund të përfundojnë duke fryrë llogaritë e Francesco Becchettit, nipi i diskutueshëm sipërmarrës i ras-ve të landfilleve Manlio Cerroni, themeluesi i Agon Channel. Shqipëria u dënua me 135 milionë euro dëmshpërblim për biznesmenin italian, por nuk ka ndërmend ta paguajë. Dhe për këtë arsye ai vendosi të sekuestronte në mënyrë parandaluese një pjesë të fondeve të destinuara për qeverinë e Tiranës. Por, raporti zbulon edhe identitetin e njeriut kyç në marrëveshjen mes Italisë dhe Shqipërisë: Engjëll Agaçi, Sekretari i Ramës.

“Agaçi është një avokat i rëndësishëm shqiptar me zyrë edhe në Romë. Në të kaluarën, klientë të tij ishin edhe disa nga bosët kryesorë të mafies shqiptare, të gjykuar në Itali. Në vitin 2016, disa nga klientët e tij përfunduan në qendër të një polemike ligjore”, vijon investigimi i “Report”.

“Sipas asaj që raportuan magjistratët italianë, shumë bosë të mafias shqiptare, të dënuar me dënime nga 10 deri në 20 vjet në Itali, u ekstraduan shumë lehtë në Shqipëri, ku pasi mbërritën ata vuanin dënime shumë më të ulëta ose madje u liruan nga burgu. Sipas raportit, avokati Agaci zë një nga postet qendrore të qeverisë Rama, si sekretar i përgjithshëm i Këshillit të Ministrave. Kur Giorgia Meloni shkoi me pushime në Shqipëri këtë verë për të diskutuar detajet e marrëveshjes për emigrantët, ai ishte gjithashtu i pranishëm, përkrah Edi Ramës dhe kryeministrit italian”.

Raporti thekson më tej se “Engjëll Agaçi ka qenë konsulent i kreut të Interpol General Lisi, oficer ndërlidhës mes Tiranës dhe Romës, në luftën kundër trafikut të drogës. Lisi duhej të menaxhonte një operacion pronash të paluajtshëm që kishte të bënte me zotërimin e disa tokave për fondacionin e tij dhe iu drejtua avokatit Agaci i cili e vuri në kontakt me një frontmen të Artur Shehut, kreu i trafikantëve të drogës në kontakt me Cosa Nostra dhe Sacra Corona Unita, Lisi na tha se nuk e dinte kush ishte Shheu dhe se kishte besim tek Agaci. Edhe Rama dhe qeveria jonë i besuan Agacit, ishte ai që në rolin e këshilltarit ligjor të Ramës, ndoqi në emër të qeverisë shqiptare ankesën e paraqitur nga opozita në Gjykatën Kushtetuese shqiptare në lidhje me marrëveshjen mes Italisë dhe Shqipërisë për emigrantët. Agaci shpëtoi investimet milionere nga Italia që do të mbërrijnë në Shqipëri. Po flasim për rreth një miliard euro në 5 vjet”.

The post “Njeriu kyç i paktit të refugjatëve, avokat i narkotrafikantëve”/ Engjëll Agaçi reagon pas investigimit, padit për shpifje programin e RAI 3 appeared first on Albeu.com.

Sipas News 24, ai ka mbërritur në dyert e Prokurorisë së Posaçme pas përfundimit të orarit zyrtar ku është takuar me prokurorin Dritan Prençi i cili ka nën hetim çështjen e Inceneratorëve të Tiranës.

“Më herët Agaçi ka dhënë dëshmi në Komisionin Parlamentar e ngritur për hetimin e Inceneratorëve, për të cilat është në burg Lefter Koka dhe në arrest shtëpie ish deputeti i PS Alqi Bllako. Gjasat janë që SPAK po përfundon hetimet”, ka deklaruar gazetarja Lala.

The post Ëngjëll Agaçi 1 orë në SPAK, zbardhen detaje nga marrja në pyetje e sekretarit të Këshillit të Ministrave appeared first on Albeu.com.

Ende nuk dihet arsyeja pse Agaci ndodhet në këto ambiente.

Ndërkohë para mediave ai ka zgjedhur që të mos flasë, duke u shprehur: Nuk kam koment raporton News 24.

Ai është akuzuar nga opozita si i përfshirë në aferën e Inceneratorëve. Kujtojmë se Agaçi është thirrur si dëshmitar edhe në komisionin hetimor parlamentar të ngritur për këtë çështje.

The post Engjëll Agaçi thirret në SPAK, nuk flet para kamerave: S’kam asnjë koment! appeared first on Albeu.com.

Gjatë marrjes në pyetje të sekretarit të Përgjithshëm të Këshillit të Ministrave Ëngjëll Agaçi, Jorida Tabaku iu drejtua atij me një pyetje në lidhje me arrestimin e disa personave në Itali që sipas saj kanë njohje me Agaçin.

Kjo solli reagimin e deputetit socialist Etjen Xhafaj i cili tha se me këtë ritëm duket se komisioni do të vazhdojë edhe për 5-6 orë të tjera pasi duhet show pas përfundimit të Big Brother Vip.

“Unë e kam për procedurë doja t’ju falenderoja për dëshminë tuaj korrekte. Ajo që po ndodh këtu dhe ky është konstatim. Konstatimin po e bëj me një objektiv. Duke qenë se besoj se do jemi nja 5-6 orë.

Tani që ka mbaruar Big Brother duhet një shoë alternative dhe duhet vëmendje alternative. Do vazhdojë të pyesim bazuar në famën dhe imazhin që keni. Do doja të fokusoheshim tek ato që kemi disa ditë që i përsërisim”, u shpreh ai./albeu.com/

The post “Do zëvendësojmë Big Brother”, deputeti socialist te “Inceneratorët”: Do vazhdojmë dhe 5-6 orë këtu appeared first on Albeu.com.

Kujtojmë se ditën e djeshme u zhvillua një mbledhje maratonë në komisionin për inceneratorët, që nisi në orën 11:00 dhe përfundoi pas mesnate. Mbledhja e djeshme, ku dëshmuan kryebashkiakja e Durrësit, Emirjana Sako, ministrja e Transportit, Belinda Balluku, kryebashkiaku i Fierit, Armando Subashi, ish-ministri i Financave, Shkëlqim Cani, si dhe zëvendëskryeministri Arben Ahmetaj, u shoqërua me shumë tensione dhe debate./albeu.com

The post EMRAT/ Nga Agaçi te Veliaj, kush janë politikanët që do të dëshmojë sot në Komisionin Hetimor për Inceneratorët appeared first on Albeu.com.

Logu shkruan gjithashtu se ai ka shkelur ligjin dhe duhet të mbajë përgjegjësi.

Deklarata e plotë:

Në datën 11.11.2014, ministri i Mjedisit Lefter Koka i drejton një shkresë Agjencisë së Prokurimit Publik (APP) duke i kërkuar dhënien e mendimit lidhur me projektvendimin për procedurën e dhënies me koncesion të inceneratorit të Elbasanit, në procedurën përzgjedhëse ME NEGOCIM PA SHPALLJE PARAPRAKE TË NJOFTIMIT TË KONTRATËS (shih fotot 1&2).

Në padurim për të marrë një përgjigje, vetëm 6 ditë pas shkresës së parë, në datën 17.11.2014, ministri Koka i drejton sërish një shkresë APP-së duke kërkuar dhënien e mendimit për projektvendimin e sipërcituar (shih foton 3).

Një ditë më pas, në datën 18.11.2014, APP i kthen përgjigje ministrit Koka, duke cituar nenin 22, pika 3 të ligjit nr. 125/2013 “Për koncesionet dhe partneritetin publik/privat”, sipas të cilit për dhënien e koncesioneve/PPP mund të përdoren vetëm njërën nga tri procedurat: PROCEDURËN E HAPUR, PROCEDURËN E KUFIZUAR DHE PROCEDURËN ME NEGOCIM ME SHPALLJE PARAPRAKE TË NJOFTIMIT TË KONTRATËS (shih foton 4&5).

Duke qenë se procedura e propozuar nga ministri Koka, “ME NEGOCIM PA SHPALLJE PARAPRAKE TË NJOFTIMIT TË KONTRATËS” nuk bënte pjesë tek asnjëra prej procedurave të parashikuara nga ligji për koncesionet dhe prokurimet publike, APP i kërkon ministrit që procedura të kryhet në përputhje me parashikimet ligjore. Për dijeni të këtij informacioni, është vendosur edhe Sekretari i Përgjithshëm i Qeverisë, ËNGJËLL AGAÇI. Ky i fundit pra, ka qenë plotësisht në dijeni se procedura e propozuar ishte në kundërshtim me ligjin.

Megjithëse, Agaçi ka qenë i vetdijshëm për shkeljen flagrante të nenit 22 të ligjit për konçesionet, ai i ka paraqitur Qeverisë për miratim Vendimin e Këshillit të Ministrave Nr. 907, datë 17.12.2014 për miratimin e sigurimit të financimit për kontratën koncesionare të inceneratorit të Elbasanit. Madje, paligjshmëria arrin deri aty sa në përmbajtje të këtij vendimi thuhet se “Autoriteti Kontraktues…ka shpallur procedurën…”, në një kohë kur ishte mëse e qartë se nuk kishte pasur asnjë shpallje dhe procedura e ndjekur ishte haptazi anti-ligjore.

Për të kuptuar paligjshmërinë e veprimeve të Sekretarit të Përgjithshëm të Qeverisë, duhet të analizojmë kompetencat e tij që rregullohen sipas ligjit nr. 9000, datë 30.1.2003 “Për organizimin dhe funksionimin e Këshillit të Ministrave”. Konkretisht, neni 9 parashikon se Sekretari i Përgjithshëm i KM ushtron, ndër të tjera, kompetencat si vijon: c) KTHEN NË BAZË TË ARGUMENTEVE LIGJORE, PROJEKTAKTET E PARAQITURA PËR SHQYRTIM, KUR ATO BIEN NË KUNDËRSHTIM ME KUSHTETUTËN OSE LIGJIN.

Ëngjëll Agaçi pra, do të duhej t’i kishte kthyer për shqyrtim projektvendimin Ministrisë së Mjedisit, duke qenë se nuk ishte në përputhje me ligjin. Duke mos vepruar kështu, ai ka shkelur ligjin dhe duhet të mbajë përgjegjësi. Prandaj, sot me të drejtë qytetarët që kanë ndjekur seancën e djeshme të Komisionit Hetimor të Inceneratorëve, ku vetë drejtoresha e APP-së, Reida Kashta dëshmoi se për ne, procedura e ndjekur për dhënien e koncesionit të inceneratorit të Elbasanit nuk ekziston, pyesin: PSE NUK MERRET I PANDEHUR SEKRETARI I PËRGJITHSHËM I EDI RAMËS, ËNGJËLL AGAÇI?!

Sigurisht, as ne, as qytetarët dhe askush tjetër nuk është naiv. Ata e dinë fare mirë se kryefajtori i aferës 430 milionë euro të inceneratorëve është EDI RAMA, dhe se sekretari i tij është vetëm një vegël në duart e tij. Por, të qënurit vegël e paligjshmërisë në duart e shefit nuk të përjashton nga përgjegjësia. Ndaj sot është rasti që SPAK të dëshmojë vendosmërinë në luftën kundër korrupsionit në nivelet e larta, duke marrë të pandehur Ëngjëll Agaçin. Mbase, ai mund t’i bëjë të vetmin nder vendit të tij që kur u kthye nga Italia, duke ndihmuar në zbardhjen e plotë të kësaj mega-afere korruptive./albeu.com/

The post “Pse nuk merret i pandehur Ëngjëll Agaçi?” Këshilltari ligjor i grupit të PD, publikon dokumentet dhe i kërkon llogari SPAK appeared first on Albeu.com.