Duke folur në ditën e tretë dhe të fundit të Konferencës Vjetore të Sigurisë, në Bratislavë, Presidentja e Komisionit Europian tha se Ballkani Perëndimor ka mundësi të mëdha për furnizimet me energji, që të mos jetë e varur nga lëndët djegëse jo të ripërtëritshme ruse, mirëpo për këtë rajoni duhet të rrisë efektivitetin energjitik dhe të zgjerojë llojshmërinë e burimeve energjitike.

“Rajoni i Ballkanit Perëndimor ka mundësi të mëdha për furnizimet me energji, që të mos jetë e varur nga lëndët djegëse ruse. Për këtë duhet që të rrisi efektivitetin energjitik dhe të zgjerojë llojshmërinë e burimeve energjitike me ata partnerë që janë në të njëjtën linjë mendimi. Për t’i arritur këto, natyrisht, ka nevojë për më shumë investime dhe për zhvillimin e energjisë së rinovueshme. Ballkani Perëndimor mund të arrijë pavarësinë energjitike nga Rusia dhe një përafrim më të të ngushtë për të përshpejtuar anëtarësimin në Bashkimin Europian”, tha Ursula von der Leyen, Presidente e Komisionit Europian.

Zonja Von Der Leyen shprehu gatishmërinë e Bashkimit Europian për shtimin e fondeve në mbështetje të vendeve të Ballkanit Perëndimor në kuadër të procesit për anëtarësimin e tyre në union. Ajo tha se rajoni ka nevojë urgjente për investime dhe njoftoi një plan zhvillimi për Ballkanin Perëndimor, i cili sipas saj, do të bëjë të mundur, që qytetarët e këtyre vendeve të gëzojnë që sot disa nga përfitimet e anëtarësimit në Bashkimin Europian.

“Këto investime do të përmirësojnë jetën e qytetarëve dhe do të zbusin rrugëtimin drejt anëtarësimit në Bashkimin Europian. Për këtë arye duhet të shtojmë fondet dedikuar Ballkanit Perëndimor. Mendoj se ky plan me 4 pika është oferta e duhur për Ballkanin Perëndimor dhe në momentin e duhur, në këto kohë të trazuara”, theksoi Ursula von der Leyen, Presidente e Komisionit Europian.

Zonja Von Der Leyen foli gjithashtu edhe për nevojën emergjentë për të forcuar mbështetjen ushtarake për Ukrainën duke njoftuar se është propozuar një Akt i ri për Prodhimin e Municioneve.

“Ukraina do të dalë më e fortë nga kjo luftë. Gjithnjë e më shumë njerëz po valëvisin flamuj evropianë në Moldavi dhe Gjeorgji, ku dëshira për një vend në Bashkimin Evropian po shtohet me vendosmëri. Ballkani Perëndimor dhe Bashkimi Europian po afrohen gjithnjë e më shumë. Ky momend duhet shrfrytëzuar për të krijuar një Evropë më të bashkuar”, tha Ursula von der Leyen, Presidente e Komisionit Europian.

Komisioni Europian ka njoftuar një plan prej më shumë se 500 milionë eurosh për të ndihmuar kompanitë europiane të prodhimit të armëve që të përmirësojnë teknologjinë e tyre, të hapin linja prodhimi dhe të trajnojnë personelin./voa

The post Von der Leyen: Ballkani Perëndimor mund të arrijë pavarësinë energjitike nga Rusia appeared first on Albeu.com.

Turqia ndodhet mes Evropës dhe rajonit të pasur me energji të Lindjes së Mesme. Me infrastrukturën e saj të gjerë të tubacioneve të lidhura në rrjetin evropian të furnizimit me gaz, Turqia beson se mund të luajë një rol vendimitar për t’i dhënë fund vartësisë së BE-së nga gazi rus.

“Situata në Ukrainë ka krijuar një problem serioz për energjinë në Evropë. Ndoshta zgjidhja është furnizimi i Evropës me gaz natyror nga Mesdheu Lindor përmes Turqisë. Këto janë çështje interesante që do të diskutohen nga palët”, thotë Ilnur Cevik, këshilltar i lartë i presidentit turk.

Në Mesdheun Lindor, Izraeli ka rezerva të mëdha gazi, të zbuluara së fundmi. Turqia po propozon që një tubacion nga Izraeli të lidhet me rrjetin turk, për të furnizuar Evropën.

Bashkëpunimi energjetik u diskutua në vizitën e muajit të kaluar të presidentit izraelit në Ankara.

“Është projekt i rëndësishëm për të lidhur gazin izraelit dhe atë të Mesdheut Lindor në rrjetin kombëtar turk, prej nga mund të dërgohet gaz në Evropë. Nuk është e lehtë, por me përpjekjet e përbashkëta të Turqisë, Izraelit dhe Bashkimit Evropian projekti mund të realizohet”, thotë Mithat Rende, ish ambasador i Turqisë në Katar.

Ministrat e energjisë në Turqi dhe Izarel do të takohen në Jeruzalem, më vonë këtë muaj.

Por marrëdhëniet e tendosura mes dy vendeve shtojnë dyshimet nëse Izraeli është gati t’i besojë Turqisë për arritjen e marrëveshjes. Ndërkohë, Uashingtoni mbështet planet e tubacionit turko-izraelit të gazit, thonë analistët.

“Përpjekjet e përbashkëta të Izraelit dhe Turqisë janë në interesin e Shteteve të Bashkuara, që si aktorë perëndimorë të bashkëpunojnë në rajon. Sa i përket energjisë, jam më pak optimiste se një ditë gazi izraelit do të kalojë përmes Turqisë. Një opsion tjetër, si Egjipti është më i mundur”, thotë Gallia Lindenstrauss nga Instituti për Studime të Sigurisë Kombëtare.

Gazi nga rajoni gjysmë autonom kurd në Irak është një alternativë tjetër për furnizim të Evropës.

“Gazi i Kurdistanit në Irak, është gati dhe distanca nga fushat deri në rrjetin turk është shumë e shkurtër. Tani është koha, vullneti politik ekziston, është e përshtatshme, pse jo?”, thotë ish konsulli i përgjithshëm turk në Kurdistan, Aydin Selcen.

Sulmet me raketa të muajit të kaluar në Erbil, për të cilat fajësohet Irani, sipas vëzhguesve, janë paralajmërim i Teheranit kundër marrëveshjes.

Bagdadi duhet të bekojë çdo marrëveshje të mundshme, që do të thotë, se ka ende shumë punë, para se Turqia të sigurojë rolin që po kërkon./VOA

The post Roli i Turqisë për shkëputjen e varësisë së Evropës nga energjia ruse appeared first on Albeu.com.

Kjo vjen pasi ministri i tij i jashtëm, Gabrielius Landsberg, tha se Bashkimi Evropian duhet të rrisë sanksionet ndaj importeve të naftës ruse.

Duke folur për gazetarët në Bruksel, ai tha: “Është e pashmangshme që ne të fillojmë të flasim për sektorin e energjisë dhe ne mund të flasim patjetër për naftën, sepse ajo është e ardhura më e madhe për buxhetin e Rusisë.”

Megjithatë, kryeministri holandez Mark Rutte tha se BE është ende e varur nga nafta dhe gazi rus dhe “nuk mund ta ndërpresë veten deri nesër”.

Këtë muaj, SHBA dhe Britania e Madhe njoftuan një ndalim të naftës ruse, ndërsa BE tha se do t’i jepte fund varësisë së saj nga gazi rus.

Presidentja e Komisionit Evropian Ursula von der Leyen tha se blloku kishte blerë mjaftueshëm gaz natyror të lëngshëm për të siguruar që ai të mund të ishte i pavarur nga importet ruse deri në fund të dimrit.

The post A mundet BE-ja të heqë dorë nga energjia ruse? appeared first on Albeu.com.

Studiuesi i Marrëdhënieve Ndërkombëtare, Ferdinand Gjana, ka komentuar vendimin e fundit të SHBA-ve për të ndaluar importin e energjisë ruse, ku përfshihet gazi dhe nafta.

Gjana tha se ky vendim ishte i domosdoshëm, pasi kjo ëhstë një mënyrë për të luftuar ekonomikisht Rusinë, por që do t6ë ketë pasoja negative në të gjithë botën.

“Unë mendoj se ky vendim ishte i detyruar, do të ketë dhe shumë hapa të tjerë, do të ketë pasoja ku të gjithë do të ndikohemi. Vejndimi i fundit do të pasohet dhe nga shtete të tjera, do të agravojë situatën në aspektin ekonomik, atë ushtarak dhe global’, u shpreh eksperti i marrëdhënieve ndërkombëtare.

Gjana tha gjithashtu se lufta që po përballemi është shumë më e komplikuar se pandemia e koronavirusit me të cilën po jetojmë prej dy vitesh.

‘Në ditë e para të pandemisë shumë njerëz, shumë prej nesh mendonte se ajo do mbaronte pas dy ditësh pas dy javësh pas dy muajsh, por sot po bëjmë dy vjet nga fillimi pandemisë. Kjo luftë është shumë më serioze dhe shumë më e komplikuar se pandemia”, tha Gjana.

The post Vendimi i SHBA për energjinë ruse, Gjana: I domosdoshëm, por do të agravojë situatën ekonomike në botë appeared first on Albeu.com.

Ndërkohë, kryeministri i Mbretërisë së Bashkuar Boris Johnson gjatë një konference për shtyp me kryeministrin kanadez Justin Trudeau dhe atë holandes Mark Rutte, ka thënë se Evropa nuk mund të mbyllë thjesht përdorimin e naftës dhe gazit brenda natës.

“Ka varësi të ndryshme në vende të ndryshme dhe ne duhet ta kemi parasysh këtë. Nuk mund të mbyllësh thjesht përdorimin e naftës dhe gazit brenda natës, madje edhe nga Rusia,” tha Johnson.

Ai theksoi që ajo që duhet të bëjmë “është të sigurohemi që të gjithë po lëvizim në të njëjtin drejtim”

“Ne do ta bëjmë atë së bashku, duke u siguruar që të gjithë të kemi zëvendësuesit dhe furnizimet që na duhen”.

Rutte pranoi se varësia ndaj energjisë ruse është ende e pranishme në shumë pjesë të Europës dhe bëri thirrje që çdo ndalim të bëhej “me zell”./albeu.com

The post Kryeministri britanik: Ndalimi i energjisë ruse duhet të jetë një vendim i përbashkët appeared first on Albeu.com.