Zyrtarët thanë se energjia u ndërpre në orët e vona të pasdites, më 14 nëntor, pasi një linjë që furnizonte këtë shtet me energji elektrike nga Rumania, u shkëput nga sistemi.

Zëvendëskryeministri i Moldavisë, Andrei Spinu, tha më vonë gjatë ditës se furnizimi me energji elektrike ishte “rikthyer në shumicën e lokaliteteve”.

Ai shtoi se rreziku i ndërprerjeve të energjisë elektrike mbetet ende i lartë.

Presidentja moldave, Maia Sandu, denoncoi sulmet në infrastrukturën e Ukrainës, duke thënë se ato prekën gjithashtu një numër të madh njerëzish jashtë territorit ukrainas.

Presidenti i Ukrainës, Volodymyr Zelensky, tha se sulmet ruse me raketa, që goditën të martën disa qytete të Ukrainës, kanë çuar në ndërprerje të energjisë elektrike në të gjithë vendin.

Në fillim të nëntorit, pas dëmtimit të madh në rrjetin elektrik, kur Rusia lëshoi dronë kamikazë mbi Ukrainën, miliona ukrainas mbetën pa energji elektrike. Kievi e akuzoi më pas Moskën për “terrorizëm energjetik”.

Rusia ka nisur pushtimin në shkallë të gjerë të Ukrainës në fund të shkurtit.

Perëndimi e ka dënuar ashpër sulmin dhe ka ndërmarrë sanksione të ashpra kundër Rusisë. Ukrainën, në anën tjetër, është duke e ndihmuar me armatim.

Të martën ka pasur raporte se dy raketa të prodhimit rus kanë rënë në Poloni – vend anëtar i NATO-s – duke shkaktuar vdekjen e dy personave. Këto raporte janë duke u hetuar.

The post Sulmet me raketa në Poloni, ndërpritet energjia elektrike në Moldavi appeared first on Albeu.com.

“Dëmet që po shohim janë katastrofike”, tha guvernatori Pedro Pierluisi. Stuhia goditi një urë në qytetin malor qendror të Utuados, që policia raportoi se ishte instaluar nga Garda Kombëtare pas goditjes së uraganit Maria në vitin 2017.

Fiona ishte e përqendruar 45 milje në jug-juglindje të Punta Cana, Republika Domenikane me erëra maksimale të qëndrueshme prej 85 mph (140 km/h) të dielën mbrëma, sipas Qendrës Kombëtare të Uraganeve të SHBA, raporton abcnews.go

Para 33 vitesh edhe uragani Hugo goditi Porto Rikon e cila u cilësua si një stuhi e kategorisë 3. Presidenti i SHBA Joe Biden shpalli gjendjen e jashtëzakonshme në territorin amerikan pasi stuhia iu afrua ishullit jugperëndimor.

 

View this post on Instagram

 

A post shared by ABC News (@abcnews)

The post Ndërpritet energjia elektrike dhe përmbyten shtëpitë, Uragani Fiona godet Puerto Rikon (VIDEO) appeared first on Albeu.com.

Nga ky vendim do të preken të gjithë ata që paguajnë fatura të energjisë elektrike më shumë se 7 600 lekë në muaj. Çdo kilovat i konsumuar mbi këtë fashë do të paguhet deri në 4 herë më shtrenjtë krahasuar me çmimin aktual.

Si përkthehet kjo?

Kryesisht gjatë dimrit familjet shqiptare konsumojnë më shumë energji elektrike për shkak të të ftohtit dhe se një pjesë e pajisjeve përdoren pikërisht për t’u ngrohur. Aktualisht, konsumatorët familjarë e paguajnë një kilovat energji elektrike me 9.5 lekë të reja, e cila për 800 kWh që është fasha limit, përkthehet në një faturë mujore prej 7 600 lekësh.

Ndërkohë, çmimi i energjisë elektrike sot në treg është rreth 42 lekë për kWh. Çdo kilovat i harxhuar mbi fashën 800 kWh do të paguhet me këtë çmim.

Afati

Balluku shtoi se kjo fashë do të zgjasë së paku deri më 31 dhjetor. Ndërsa më pas do të rishikohet.

“Cdo kilovator mbi 800 kilovator është 42 lekë në total. Kjo do të jetë deri më 31 dhjetor më pas do analizohet sërish, për të parë se ku jemi.” tha Balluku.

“Do kemi një taskforcë për humbjet në rrjet. Monitorim në terren i punonjësve të OSHEE.”

Balluku u shpreh se ka nisur një projekt për vendosjen e paneleve diellore në tarracat e pallateve. Me këtë projekt qeveria do të financojë 70 % të çmimit.

“Kemi nisur një projekt me 2 mijë abonentë. Dhe do japim 70 % financim nga shteti për panelet diellore për ngrohjen e ujit. Kjo është 20-30% për ngrohjen e ujit konsumi i përgjithshëm për familjet.” tha Balluku./abcnews.al

The post Katër herë më shumë, sa do të shkojë fatura e energjisë elektrike këtë dimër nëse harxhoni më shumë se 800 kWh appeared first on Albeu.com.

Autoritetet qeveritare maqedonase synojnë të kursejnë energji elektrike në mënyrë që muajt e dimrit të kalohen më me lehtësi. Ministri i Ekonomisë, Kreshnik Bekteshi tha se dimri që vjen do të jetë ndër më të vështirët me të cilët është ballafaquar ndonjëherë vendi, teksa njoftoi vendimet që i mori të martën qeveria për të kursyer energjinë elektrike.

“Rekomandimet, udhëzimet dhe obligimet janë ndarë në disa kategori, para së gjithash duke u nisur nga fakti nëse bëhet fjalë për konsumin familjar, për kompani apo hapësira të objekteve publike në pronësi të pushtetit qendror, siç janë ministritë, agjencitë e ndryshme, organet e administratës shtetërore dhe institucione të tjera”.

Ndërsa masat për institucionet qeveritare dhe publike janë të detyrueshme, atyre të pushtetit lokal, kompanive private dhe konsumatorëve familjarë u rekomandohet të ndjekin urdhrin që vlen për institucionet dhe agjencitë qeveritare.

“Qëllimi kryesor që duhet të arrihet është ulja e konsumit të energjisë elektrike me 15% krahasuar me muajin e njëjtë të një viti më parë. Nëse nuk arrihet ky qëllim do të pasojnë sanksione të ndryshme për drejtuesit e institucioneve të përcaktuara në kuadër të vendimeve qeveritare”, tha ministri Bekteshi.

Masat do të hyjnë në fuqi nga 1 shtatori dhe do të zgjasin deri më 31 mars të vitit të ardhshëm.

Masat parashikojnë, mes tjerash shkyçjen e dritave dekorative nga objektet dhe fasadat, mospërdorimin e dritave në hapësira ku ka dritë dielli, shkyçjen e kompjuterëve pas përfundimit të punës, përdorimin e arsyeshëm të kondicionerëve, varësisht temperaturave, etj.

Autoritetet në Shkup synojnë që të mos blejnë nga jashtë energji elektrike deri në fund të këtij viti dhe prodhimin vendas ta rrisin përmes kapacitetit të termocentraleve. Megjithatë, për këtë qëllim nevojiten sasi të konsiderueshme të qymyrit që do të importohej nga jashtë./VOA/

The post Kriza e energjisë elektrike, Maqedonia e Veriut prezanton masat e reja të kursimit appeared first on Albeu.com.

Televizoni SCAN ka siguruar shifrat zyrtare, që janë pjesë e studimit të ndërmarrë nga Ministria e Infrastrukturës dhe Energjisë për mundësinë e rikthimit të skemës së tarifimit me 2 fasha të energjisë elektrike, ku jepen të dhënat e sakta edhe mbi numrin e familjeve që preken nga ky ndryshim.

Sipas të dhënave, konsumi total për vitin 2021 nga konsumtorët familjarë arriti në rreth 3 mln Mwh energji, ndërkohë që 725.856 Mwh, apo rreth 32% e kësaj sasie i përket pikërisht fashës së konsumit mbi 700 kwh, për të cilën qeveria ka deklaruar se do të kërkojë faturim me çmimet e tregut të parregulluar.

Rreth 50% e kësaj sasie energjie i takon fashës së konsumit 700-1000 kwh, ndërkohë që pjesa tjetër është në fashën e konsumit mbi 1000 kwh.

Të njëjtat të dhëna tregojnë se tarifimi me çmime më të larta në fashën mbi 700 Kwh do të prekë 56,699 familje, nga 1,092,547 abonentë që janë në total.

Megjithatë, ajo që bie në sy është fakti se 252,567 abonentë kanë konsum “zero” të energjisë, çka do të thotë se nëse përllogarisim familjet me konsum aktiv, atëherë  rritja e çmimit do të prekë  6.75% të familjeve që jetojnë në Shqipëri.

Aktualisht, qeveria ka bërë publik planin për rritjen e çmimit të energjisë elektrike përmes tarifimit me 2 fasha të energjisë.
Sipas kësaj skeme, deri në 700 kwh energjia do të vijojë të tarifohet me 9.5 lekë/Kwh, ndërkohë që çdo KW i konsumuar mbi këtë nivel do të faturohet me çmimet e tregut, që janë rreth 3.5 herë më të larta. Aktualisht, nuk ka ende një aplikim të depozituar pranë Entit Rregullator të Energjisë për ndryshimin e skemës së faturimit, ndërkohë që referuar proceduarve ligjore në fuqi, është pikërisht ky dikaster që do të vendosë nëse do të ketë ndryshime apo jo.

Burimi: SCAN

The post Energjia do shtrenjtohet për 32% të konsumit! Ja sa familje preken nga rikthimi i faturimit me dy fasha appeared first on Albeu.com.