Partizani do të udhëtojë mbrëmjen e sotme drejt Rrogozhinës, ku në orën 18:30 do të sfidojë Egnatian në takimin e javës së 5-të të “Abissnet Superiore”.

Pak përpara kësaj përballjeje, kampionët në fuqi janë përballur me një lajm negativ. Eneo Bitri nuk është rikuperuar plotësisht nga dëmtimi dhe nuk pritet të jetë në dispozicion për këtë duel delikat.

Qendërmbrojtësi 30-vjeçar e nisi si titullar ndeshjen kundër Elbasanit, por lëndimi e detyroi të zëvendësohej pas vetëm 21 minutash lojë. Ndaj Partizanit ai mund të qëndrojë në stol, megjithëse mundësitë që të aktivizohet janë të pakta.

Për skuadrën e drejtuar nga Nevil Dede, kjo përbën një mungesë me peshë. Ndeshja do të kishte gjithashtu një domethënie të veçantë për Bitrin, i cili ka kaluar vite të arta te Partizani.

The post Gëzon Partizani, ish-kapiteni i të kuqve rrezikon të mungojë për Egnatian appeared first on Albeu.com.

Egnatia zbret sonte në fushë për ndeshjen e dytë të “play off”-it të Europa League, ku do të përballet me Lillestrom. Takimi do të zhvillohet në “Arasen Stadion” dhe do të nisë në orën 19:00.

Pak përpara kësaj sfide të rëndësishme, e cila lidhet me synimin e madh të rrogozhinasve për të siguruar një vend në grupet e turneut evropian, tre titullarë të ekipit u janë drejtuar tifozëve me mesazhe të veçanta. Kapiteni Albano Aleksi, Eljon Sota dhe Eneo Bitri kanë kërkuar mbështetje të fortë për Egnatian në këtë mbrëmje historike.

Albano Aleksi: “Kjo është një ditë shumë e rëndësishme për ekipin dhe për futbollin shqiptar. Ne nuk luajmë vetëm për veten, por për gjithë Shqipërinë, ndaj shpresojmë që tifozët tanë dhe mbështetësit e skuadrave të tjera të jenë sa më të shumtë në numër. Pas kaq shumë vitesh, synojmë të japim maksimumin dhe të arrijmë në grupet e Europa League.”

Eljon Sota: “I ftojmë të gjithë tifozët shqiptarë të na mbështesin, pasi kjo është një natë e madhe për ne dhe për futbollin shqiptar. Së bashku besojmë se mund të marrim një rezultat pozitiv.”

Eneo Bitri: “Ju presim në stadium për një mbështetje sa më të zjarrtë. Na jepni forcë që t’ia dalim. Forca Egnatia!”

The post Egnatia për historinë në Norvegji, titullarët bëjnë thirrje për mbështetje maksimale appeared first on Albeu.com.

Një ndeshje me shumë emocione dhe gola është luajtur në Rrogozhinë, ku Egnatia dhe Celje u ndanë në barazim 3-3, në përballjen e parë të raundit të dytë eliminues të Ligës së Kampionëve. Pas takimit, ka folur për mediat mbrojtësi i skuadrës shqiptare, Eneo Bitri.

Ai theksoi se shënimi i golave tashmë është kthyer në një praktikë të përvitshme për të dhe shpreson ta ruajë këtë formë të mirë. Bitri shtoi se pozicionimi i tij në fushë është gjithmonë i saktë, aty ku e kërkon situata. Që nga momenti i transferimit të tij, objektivi ka qenë i qartë: të paktën pjesëmarrja në Conference League. Ai zbuloi se presidenti Agim Demrozi i ka siguruar të gjitha premisat e nevojshme, duke e gjetur klubin në gjendje kampioneje si në aspektin sportiv ashtu edhe në atë organizativ, gjë që e sheh si arsyen kryesore të hapave përpara që po hedh Egnatia.

Duke analizuar rrjedhën e lojës, Bitri vlerësoi ndikimin e hyrjes së Adjessas, profili i ndryshëm i të cilit në krahasim me Bakayokon solli njëfarë rregullimi në fraksionin e dytë të ndeshjes. Sipas tij, përparësia absolute e Egnatias duhet të jetë mospranimi i golave, përpara se të mendojnë për fazën sulmuese. Ai u shpreh se skuadra humbi shumicën e dueleve për topin e dytë, me përjashtim të golit të dytë që erdhi nga një moment shpërqendrimi.

Duke hedhur vështrimin drejt sfidës së kthimit, mbrojtësi është i bindur se do të jetë një histori krejt tjetër. Lidhur me alternativat që ka në dispozicion trajneri, Bitri theksoi se lojtarët e ardhur rishtazi që ishin në bankinë kanë cilësi thuajse të barasvlershme me titullarët. Për sa i përket gjendjes fizike, ai garantoi se i gjithë grupi është në formën maksimale dhe gati për të dhënë kontributin e vet në terren.

The post Eneo Bitri flet pas spektaklit në Champions: Presidenti Demrozi më përmbushi kushtet, jam gjithmonë në vendin e duhur appeared first on Albeu.com.

“Newsport.al” mëson se lojtari ka qenë prej kohësh në bisedime me Partizanin. Madje, pas rikthimit në Shqipëri, ai ka zhvilluar edhe një takim me drejtuesit e kuq, ku palët kishin arritur në parim një marrëveshje me 18 herë kampionët e vendit.

Më pas, në mëngjesin e ditës pasuese, Bitri u nis drejt Rrogozhinës për të respektuar ofertën e Egnatias dhe për t’u komunikuar drejtuesve të klubit se zgjedhja e tij ishte të firmoste me Partizanin.

Megjithatë, zhvillimet morën tjetër rrjedhë gjatë takimit me drejtuesit e Egnatias. Propozimi financiar i paraqitur, i shoqëruar edhe me bonuset e përfshira në kontratë, e shtyu mbrojtësin të rishikonte qëndrimin e tij. Në këto rrethana, shtatlarti vendosi pa humbur kohë të nënshkruante me kampionët në fuqi, i bindur edhe nga objektivat ambiciozë të klubit rrogozhinas.

Pas firmës, Bitri u largua nga Rrogozhina në drejtim të Tiranës. Por në momentin kur drejtuesit e Partizanit e kontaktuan për të mbyllur zyrtarisht marrëveshjen paraprake, ai i njoftoi se tashmë kishte hedhur firmën me Egnatian, duke i kapur në befasi drejtuesit e kuq.

Bitri shihej si një nga elementët më të rëndësishëm të merkatos së Partizanit për sezonin e ri, por në fund Agim Demrozi lëvizi më shpejt dhe siguroi shërbimet e një futbollisti me eksperiencë dhe cilësi. Ashtu si në “Ëndrrën e një nate vere”, ku mjafton një natë për të përmbysur gjithçka, edhe në këtë rast ishte një ofertë më e mirë ajo që ndryshoi gjithë historinë, duke bërë që të nesërmen Bitri të mos zgjohej si i kuq, por si rrogozhinas.

The post Si ndryshoi gjithçka brenda natës për Eneo Bitrin, nga marrëveshja me Partizanin te firma me Egnatian (PRAPASKENAT ME DREJTUESIT E PARTIZANIT) appeared first on Albeu.com.

Këtë herë bëhet fjalë për ish-futbollistin e Skënderbeut, Nazmi Gripshin. Sipas “Supersport” bëhet me dije se fantazisti gjatë 48 orëve të ardhshme pritet të kalojë te skuadra e Cracovias. Tek kjo e fundit pak ditë më parë u trasnferua edhe Eneo Bitri.

Për 26-vjeçarin mësohet se skuadra polake do të derdhë në arkat e Ballkanit të Dajës plot 400 mijë euro. Nëse ky operacion do të konkretizohet me sukses, atëherë 26-vjeçari do të bënte hapin e madh në karrierë. /newsport.al/

The post Shokë skuadre me Eneo Bitrin, skuadra polake ofron 400 mijë euro për ish-in e Skënderbeut appeared first on Albeu.com.