enekelda kapedani Archives - Albeu.com

Videot virale në “TikTok”: KLGJ zbardh vendimin e pezullimit të kryegjyqtares Kapedani, detyrat që i ngarkon ILD-së

E B — Wed, 14 Jul 2021 09:42:01 +0000

Këshilli i Lartë Gjyqësor ka zbardhur vendimin e pezullimit nga detyra të kryegjyqtares së Elbasanit, Enkeleda Kapedani.

Ne vendim thuhet se, KLGJ i lë disa detyra Inspektorit të Lartë të Drejtësisë.

Sipas KLGJ, ILD duhet të caktojë një ekspert IT dhe të përcaktojë se kush i publikoi videot e Kapedanit në rrjetin “Tik Tok”.

KLGJ gjithashtu i kërkon ILD që të verifikojë sa persona kanë pasur akses për t’i parë videot e gjyqtares, e cila shfaqej duke bërë sfilatë në ambientet e Gjykatës së Elbasanit, ose duke thyer rregullat e qarkullimit rrugor në timon. Po ashtu i ka caktuar ILD-së të dokumentojnë tekstet që shoqërojnë në sfond imazhin e magjistrates./albeu.com

The post Videot virale në “TikTok”: KLGJ zbardh vendimin e pezullimit të kryegjyqtares Kapedani, detyrat që i ngarkon ILD-së appeared first on Albeu.com.

Bëri “namin” me videot provokuese në Tik Tok, nis seanca për shkarkimin e Kapedanit

admin — Mon, 07 Jun 2021 11:59:12 +0000

Ka nisur mbledhja në Këshillin e Lartë Gjyqësor, ku do të shqyrtohet kërkesa e ILD-së për shkarkimin e gjyqtares së Elbasanit, Enkeleda Kapedani. Vetë gjyqtarja është e pranishme në seancë, ku do të përballet me inspektorin Artur Metani.

Metani: Në rastin konkret ekzistojnë kushtet ligjore për caktimin ndaj magjistrates Enkeleda Kapedani të masës provizore të pezullimit nga ushtrim i detyrës deri në përfundimin e procedimit disiplinor, për shkak se vazhdimi i magjistratit në detyrë diskrediton rëndë figurën dhe pozitën e magjistratit.

Kujtojmë se Kapedani u bë virale pas publikimit të videove provokuese në Tik Tok, ku përveç se tregonte rrobat e shtrenjta dhe luksin, gjithashtu bënte gjeste si gishti i mesit apo dorën në shenjë pistolete.

The post Bëri “namin” me videot provokuese në Tik Tok, nis seanca për shkarkimin e Kapedanit appeared first on Albeu.com.

Nuk kanë fund! Dalin video të tjera provokuese të gjyqtares Kapedani, shan me gishtin e mesit (VIDEO)

admin — Tue, 01 Jun 2021 19:36:09 +0000

Video të tjera të gjyqtares Enkeleda Kapedani po qarkullojnë me shpejtësi në rrjet. Në disa gjyqtarja duket teksa drejton makinën dhe ekspozon veshjet e saj ndërkohë që shoqëron videot edhe me këngë.

Në një prej tyre, Kapedani nuk nguron as të bëjë dorën në formën e pistoletës dhe te një tjetër ngre lart gishtin e mesit.

Kujtojmë se një ditë më parë Inspektori i Lartë i Drejtësisë, Artur Metani, urdhëroi nisjen e hetimit disiplinor ndërsa, në gjykatë mbërritën dhe ekspertë për të fotografuar ambjentet.

The post Nuk kanë fund! Dalin video të tjera provokuese të gjyqtares Kapedani, shan me gishtin e mesit (VIDEO) appeared first on Albeu.com.

Tik Tok i “bëri gropën”, koha kur gjyqtarja e Elbasanit konkurronte për Miss Shqipëria (VIDEO)

E B — Tue, 01 Jun 2021 07:27:53 +0000

Ditën e djeshme, në mediet online u shpërndanë me shpejtësi video të kryetares së Gjykatës së Elbasanit, Enkeleda Kapedani, e cila ishte shumë aktive në Tik Tok.

Emri dhe videot e saj u bënë virale duke shkaktuar reagime në shumta nga njerëzit dhe nga organet e drejtësisë.

Siç u bë e ditur që të hënën, Kapedani ka konkurruar për Miss Shqipëria në vitin 2003. Atë kohë, gjyqtarja ka qenë vetëm 18 vjeç dhe thoshte se merrte pjesë në këtë spektakël për të hedhur një hap drejt së ardhmes.

Kujtojmë se pas publikimit të videove, Inspektoriati i Lartë i Drejtësisë e vuri nën hetim, ndërsa ministrja e Drejtësisë Etilda Gjonaj i dënoi rëndë veprimet e saj duke u shprehur se është një nga zyrtarët e drejtësisë që nuk kanë kaluar Vettingun janë pikërishta ata që gërryejnë sistemin e drejtësisë.

Kapedani bëri disa reagime në rrjete sociale duke thënë se ajo nuk kishte Tik Tok dhe e gjitha ishte një sulm ndaj imazhit të saj./albeu.com

The post Tik Tok i “bëri gropën”, koha kur gjyqtarja e Elbasanit konkurronte për Miss Shqipëria (VIDEO) appeared first on Albeu.com.