endrit Archives - Albeu.com

“Kur dashurohesh kujt i tregon”, Endrit Thaçi me përgjigje interesante

D Marku — Mon, 13 Oct 2025 14:34:39 +0000

Djali i ish-presidentit Hashim Thaçi, Endrit Thaçi, ka ndarë së fundmi disa momente personale dhe ndjenja nga vizitat e familjes në Hagë, ku po mbahet babai i tij.

Gjatë një bisede për “Grida Duma Podcast”, ai tregoi se familja viziton Thaçin çdo muaj.

“Diskutojmë për tema të ndryshme, për aktivitetet e tij ditore, për librat që lexon. Momenti më i vështirë është kur mbaron takimi dhe ne duhet ta lëmë brenda. Dhimbje tepër e madhe”, rrëfeu Endriti.
Ai shtoi se ndjehet me fat dhe krenar që është djali i Hashim Thaçit.

“Jam me fat dhe shumë i lumtur që jam djali i tij, djali i një çlirimtari që fitoi luftën ndaj Serbisë, i një arkitekti që bashkë me shokët e tij bëri pavarësinë e Kosovës. Është përgjegjësi e madhe, por krenaria dhe lumturia janë në qiell”, u shpreh tutje.

Përballë përgjegjësive familjare, ai foli edhe për momentin kur iu desh të merrte përsipër rolin e kryefamiljarit në moshë të re.
Intervista nuk la pa prekur edhe çështjet e zemrës dhe dashurisë.

Kur Grida Duma e pyeti: “Po kur ti bie në dashuri, me kë flet?”, Endriti u përgjigj me sinqeritet: “Ende s’kam rënë në dashuri, po kur do bij, do të flas me nënën”.

Kështu, ai tregoi një kombinim të ndjeshmërisë dhe lidhjes së fortë familjare që e karakterizon, edhe në momentet më të vështira të jetës.

The post “Kur dashurohesh kujt i tregon”, Endrit Thaçi me përgjigje interesante appeared first on Albeu.com.

Aksioni blic me urdhër të SPAK, në “listën e zezë” edhe të fortët e bandës së Durrësit

Xh — Fri, 17 May 2024 08:30:09 +0000

Detaje të reja dalin nga mega operacioni i SPAK, i cili nisi mëngjesin e kësaj të premteje në disa qytete të Shqipërisë.

Më herët u raportua se SPAK ka lëshuar rreth 50 urdhër arreste për persona të njohur të botës së krimit.

SPAK ka lëshuar urdhër arrest edhe për Plaurent Devishajn dhe Endrit Doklen

Kush është Plaurent Dervishaj

Plaurent Dervishaj është anëtari i bandës së Durrësit. Ai është në kërkim për vrasjen e Vajdin Lames. Dervishaj është kunati i Lulzim Berishës dhe një prej personazheve kryesore të Bandës së Durrësit. Dervishaj u arrestua në Dubai, por u la i lirë, pas rrëfimit të dëshmitarit të drejtësisë Luftar Reçit, i cili ka treguar dinamikën e vrasjes së Klodian Saliut.

Në këtë vrasje, Reçi ka treguar se e ka kryer së bashku me Indrit Taullaun dhe Plaurent Dervishajn. Ndërsa sipas Luftar Reçit, Lulzim Berisha ishte njeriu që i kishte propozuar vrasjen e ish-mikut të tij Saliu, në këmbim të vrasjes së hasmëve të Luftar Reçit.

Kush është Endrit Dokle

Endrit Dokle, anëtar i “Bandës së Durrësit”, ishte akuzuar së bashku me 16 persona të tjerë, si pjesë e bandës famëkeqe, ku disa prej tyre janë dënuar për vrasje, plagosje, atentate, rrëmbime, trafik droge e qenie njerëzore. Ai ka drejtuar një prej fraksioneve të bandës dhe me Lulzim Berishën, njeriun që sipas Prokurorisë e krijoi atë, pati një armiqësi të hapur për vite me radhë, madje tentoi edhe ekzekutimin e tij. E ashtuquajtura “banda kriminale”, me drejtues të përbashkët Lulzim Berishën dhe Klodian Saliun, funksiononte prej vitit 1994 në qytetin e Durrësit.

The post Aksioni blic me urdhër të SPAK, në “listën e zezë” edhe të fortët e bandës së Durrësit appeared first on Albeu.com.

“Fëmija është i imi”, Endrik Beba reagon mbi akuzat e ish-bashkëshortes

D Marku — Wed, 21 Feb 2024 11:11:15 +0000

I ftuar në emisionin “Shqipëria Live”, Endrik Beba ka dhënë opinionin e tij rreth ndodhive që kanë ndodhur jashtë gjatë qëndrimit të tij në BBV. Bëhet fjalë për situatën ku ish-gruaja e Endrik Bebës ka reaguar në rrjetet sociale duke sqaruar se djali i Endrikut është i saj dhe jo i partneres së tij aktuale, Kleas.

Në postimin e saj në Instastory, ajo shprehet se Endriku nuk e përmend atë sepse ka frikë se del e vërteta e ndarjes së tyre. Gjithashtu ajo kërkoi që të mos flitej më për djalin e saj dhe se fjalët që ka thënë Endriku për të birin “janë viktimizime dhe mashtrime që kalojnë çdo limit”.

Në lidhje me situatën e krijuar, Endrik Beba thotë se mediat e kanë keqinterpretuar mesazhin e saj, pasi ajo donte vetëm që të mos të përmendej më në publik djali i tyre.

Erjona Rusi: Doja të të pyesja për partneren tënde aktuale, ke thënë tek Bieta që është kërcënuar, nga kush?

Endrik Beba: Nga profile false, ofendime, kërcënime për fëmijën.

Arjon Muça: Janë profile false të cilat janë mbyllur tani, kemi thjesht screen shot që i ka bërë Klea dhe kaq.

Erjona Rusi: Është frikësuar?

Endrik Beba: Jo nuk është frikësuar sepse është vajzë inteligjente dhe i kupton të gjitha. Këtu në foto keni nxjerrë ish-bashkëshorten dhe jo Klean.

Erjona Rusi: Është thjesht një screenshot i marrë portalet.

Endrik Beba: Është diçka që është keqinterpretuar sepse është përmendur djali nëpër portale dhe ka dashur të sqarojë që djali është i saj.

Arjol Muça: Më vjen keq Endrik që më së shumti u fol për ish-partneret e tua apo për partneren aktuale dhe nuk arritëm t’i jepnim fokus apo vëmendje personit që ti je, një artist.

Endrik Beba: Kjo është ajo gjëja që mua më dha një kolaps emocional. Këto historitë e shkuara, nëse unë do doja të isha në luftë me personat që kam patur në jetën time, të cilët kanë pasur një rol të rëndësishëm ose nuk kanë një rol të rëndësishëm, unë do kisha zgjedhur të hyja dorë për dore me ta, në atë shtëpi. Unë zgjodha të hyj vetëm.

The post “Fëmija është i imi”, Endrik Beba reagon mbi akuzat e ish-bashkëshortes appeared first on Albeu.com.