Vajza e deputetit të ndjerë socialist, Bashkim Fino, Megi Fino, aktualisht shërben si zëvendësministre në Ministrinë për Evropën dhe Punët e Jashtme që nga qershori i vitit 2021.

Ndërsa Brahimllari, ish-nënkryetar i Partisë së Lirisë, kandidoi për Partinë Socialiste në zgjedhjet parlamentare të 11 majit, por pa arritur të sigurojë mjaftueshëm vota për t’u bërë deputet.

Kush është Megi Fino

Megi Fino lindi në Janinë më 7 Prill 1993. Studimet parauniversitare në programin International Baccalaureate (IB) Diploma i përfundoi në Pekin në vitin 2012. Më pas studioi drejtësi në City, University of London në Britaninë e Madhe, prej të cilit zotëron edhe diplomën Master (LLM) në të Drejtë Publike Ndërkombëtare dhe në vijim diplomën e Masterit Profesional të Praktikës Ligjore (LPC).

Në vitin 2015, u diplomua në gjuhën kineze (mandarin) nga SOAS University of London. Fino u angazhua si këshilltare ligjore për çështjet e emigracionit në studio ndërkombëtare gjatë studimeve universitare dhe pasuniversitare, si dhe në qendra për shërbim juridik falas, me orientim asistencë sociale. Prej vitit 2018, ajo punoi si avokate në studion ligjore CMS Adonnino Ascoli & Cavasola Scamoni në Tiranë, dhe më pas si eksperte rregullatore në departamentin ligjor dhe të marrëdhenieve me jashtë të kompanisë Vodafone Albania.

Në vitin 2021 Fino hartoi Indeksin e Integritetit, pjesë e projektit STAR 3 për reformën e qeverisjes lokale, duke shërbyer si këshilltare integriteti e Programit për Zhvillim të Kombeve të Bashkuara (UNDP). Ajo flet rrjedhshëm anglisht dhe spanjisht, si dhe njeh mire gjuhën kineze, italiane dhe greke. Megi Fino shërben si Zëvendësministre në Ministrinë për Evropën dhe Punët e Jashtme që nga qershori 2021.

The post Megi Fino zgjidhet kryetare e Këshillit Bashkiak të Tiranës, Endrit Braimllari nënkryetar appeared first on Albeu.com.

Braimllari është shprehur se në opozitë ka opozitarë të vërtetë dhe ‘fake opozitarë’ që as emrin nuk i përmendin dot Erion Veliajt.

Reagimi i Braimllarit:

Në opozitë ka opozitarë të vërtetë dhe ‘fake opozitarë’ që as emrin nuk i përmendin dot Erion Veliajt.
Ne kemi vendosur të qëndrojmë në betejë, jo për partinë, por për qytetarët.
Aksioni opozitar në Tiranë kundër Veliaj ka marrë përmasa të mëdha.
Bashkë me shumë qytetarë kemi protestuar prej vitesh në mbrojtje të Teatrit Kombëtar që u shkatërrua barbarisht nga Veliaj dhe drejtorët e tij të arrestuar.
Kemi protestuar në mbrojtje të banorëve të Unazës së Re, në mbrojtje të banorëve të Bulevardit të Ri të cilët u dhunuan barbarisht nga policia bashkiake e Veliajt.
Është koha që të bashkojmë të gjithë energjitë opozitare kundër hajdutërisë me Inceneratorin e Tiranës dhe aferën 5D ku pronari i vërtetë është në krye të bashkisë Tiranë.

The post Braimllari: Në opozitë ka opozitarë të vërtetë dhe “fake opozitarë” që as emrin nuk i përmendin dot Erion Veliajt appeared first on Albeu.com.

I ftuar në Abc News, Braimllari tha se ka dhënë dorëheqjen nga funksioni i nënkryetarit të Partisë së Lirisë, në funksion të moralit politik.

Brahimllari u shpreh se situata në Partinë e Lirisë, nuk ka lidhje me çështjen e hetimit të SPAK, për lobimet në SHBA.

Ai shtoi se çdo person duhet të marrë përgjegjësi për atë që i takon.

“Ilir Meta është faktor i padiskutueshëm. Problemi sot, më vjen keq që diskutohet çështja e partisë, problemi është sesi do të godasim keqqeverisjen. Konventa e 27 prillit do të gjejë një mënyrë për bashkim. Unë në konventë do të shkoj. Dorëheqja ime është bërë për të ofruar një shans për unitetin. Në konventë do të shkojmë me dy teza. Unë po bëj një hap pas. Ajo është një hapje e partisë që kryetari e bëri dhe ne e vlerësuam.

Nuk besoj se lidhet me çështjen e hetimit të SPAK. Në çështjen e hetimit që po hetohet për çështjen e lobimit, zotëria sot është në krye të partisë dhe nuk përfshihet në këtë çështje. Brahimllari nuk është thirrur në SPAK për të dhënë si person që ka dijeni për një çështje që i përket kryetarit të partisë, unë jam thirrur për një çështje që i përket Monika kryemadit në 2019 dhe që është sqaruar, është totalisht e ligjshme dhe e rregullt.

Unë merrem me rojen e partisë? Unë jam nënkryetar partie. Unë nuk kam dhënë dorëheqjen në funksion të këtij rrethimi. Unë e kam dhënë dorëheqjen në funksion të moralit tim politik. Çdo person duhet të marrë përgjegjësi për atë që i takon. Tradhti me Edi Ramën? Ka nevojë Edi Rama për ta tradhtuar unë? Çfarë po flisni”, theksoi ai.

The post SPAK po shkund partinë e Metës? Braimllari flet pas dorëheqjes: Çdo person duhet të marrë përgjegjësi për atë që i takon appeared first on Albeu.com.

Lajmin e dorëheqjes e ka bërë me dije vetë Braimllari përmes një reagimi në rrjete sociale.

Dorëheqje e tij vjen pikërisht një ditë pasi Meta paralajmëroi spastrime në radhët e Partisë së Lirisë me argumentin se është koha e rithemelimit të partisë dhe dhënies fund të dualizmit të drejtimit.

Reagimi i Braimllarit

Jap dorëheqjen nga funksioni i NënKryetarit të Partisë së Lirisë.

Falenderoj të gjithë anëtarët e partisë për mbështetjen që më kanë dhënë në këto 19 vite.

Të nderuar anëtarë të Komitetit Drejtues Kombëtar, po ju drejtohem si institucioni i cili më ka zgjedhur në funksionin e nënkryetarit të Partisë së Lirisë. Me një pjesë prej jush jemi bashkë që prej 19 vitesh. Së bashku, kemi kaluar sfida dhe beteja të ndryshme, kohë të vështira dhe të mira por ajo që na ka bërë bashkë ka qenë bashkëpunimi, solidariteti dhe fryma e ekipit.  Gjej rastin të falenderoj gjithësecilin prej jush, çdo themelues dhe bashkëudhëtar të aksionit tonë politik.

Në këto 19 vite, koha për ne nuk kishte kuptim, orët dhe ditët iknin shpejt, në organizim, në takime dhe në fushatë. Jemi takuar herët në mëngjes, darkave vonë duke ndenjur netë të tëra pa gjumë për të çuar përpara çështjet tona themelore. Këto 19 vite kanë qenë një eksperiencë fantastike, ku u rritëm brenda strukturave të Lëvizjes Socialiste për Integrim. Ne u udhëhoqëm nga ndjenja dhe mendimi i të qenit një familje, ku në pjesën më të madhe sakrifikuam dhe qëndruam në ballë të çdo beteje.

Teksa shkruaja këtë letër, me erdhi në mendje dita e parë kur nisa angazhimin në Lëvizjen Socialiste për Integrim. Atë kohë isha një gjimnazist 16 vjeçar plot energji, pasion dhe ëndrra për të ardhmen. Sot, pas 19 vitesh jam baba i dy vajzave dhe tani arrij të kuptoj që e gjithë sakrifica jonë ka rënë mbi familjen dhe të gjithë ne i detyrohemi shumë asaj për mbështetjen e jashtëzakonshme.

Puna në këto 19 vite më ka njohur me shumë anëtarë dhe simpatizantë nga jugu në veri, nga lindja në perëndim dhe tek secili prej tyre kam ndjerë një angazhim maksimal ku ndryshe nga forcat e tjera politike ajo që na motivonte ishte energjia pozitive e ekipit dhe forca jonë e përbashkët për ti bërë ballë çdo beteje.  Gjatë 19 viteve kam ushtruar funksione të larta në parti. Falenderoj kryetarin Ilir Meta për mundësinë e dhënë ndër vite.

Në të gjitha funksionet e mia jam udhëhequr nga fryma e bashkëpunimit, solidaritetit dhe meritokracisë. Kam vlerësuar punën në terren dhe komunikimin e përditshëm si një mundësi për të mbajtur kontaktet me gjithësecilin prej jush dhe për të ndarë sëbashku problemet tona të familjes politike por jo vetëm. Në shumë raste kam qenë ekuilibrues i problemeve tona të brendshme, me bindjen maksimale që në parti duhen të gjithë dhe partia është e të gjithëve.

Ndihem krenar, që si kryetar i forumit Rinor i dhamë jetë një aksioni ku me mijëra të rinj në të gjithë Shqipërinë e kthyem LRI-në në organizatën më të fortë rinore në vend dhe më gjerë. Puna jonë me rininë në të gjithë Shqipërinë na afroi më shumë me njëri tjetrin duke u bërë një strukturë solide. Me kënaqësinë më të madhe them se sot shumë bashkëudhëtarë të forumit rinor vijojnë të japin kontributin e tyre në parti.

Në memorien time, viti 2008 ka qenë dhe do të jetë i paharruar pasi beteja për mbrotjen e Kushtetës ishte e drejtë. Së bashku me mijëra të rinj, na u desh të protestonim për ditë të tëra dhe të shpërndanim derë më derë, kauzën tonë të drejtë.

Viti 2017 për mua dhe për të gjithë ju, na përballi me një sfidë të vështirë, ku një pjesë zgjodhi pushtetin, ne vazhduam opozitën. U përballëm në një betejë të fortë ekzistenciale për vendin, parlamentarizmin dhe vetë opozitën. Aty qartazi, u treguan qëndrestarët e vërtetë që nuk panë interesin personal por u udhëhoqën nga interesi i përbashkët për të forcuar partinë në një opozitë të fortë,  duke treguar një bosht të fortë të qëndresës opozitare.

Në 6 vite, që kam mbajtur detyrën e Sekretarit të Përgjithshëm të LSI, bashkë me shumë kolegë i dhamë ritëm partisë dhe opozitës duke u bërë një zë i fortë i mbrojtjes së interesit qytetar në Parlament dhe në rrugë. Kemi organizuar me qindra protesta kombëtare dhe lokale. Nuk mund të harroj, mbi 10-tra protesta kombëtare, mbi dy vite protesta tek Unaza e Re, ku çdo ditë unë me disa kolegë u angazhuam personalisht në mbrojtje të banorëve. E paharruar për mua është protesta e banorëve të Kukësit ku me shumë kolegë u zhvendosëm atje në mbrotje të interesit qytetar, protesta në mbrotje të Teatrit Kombëtar ku u kthye në një betejë të vërtetë qytetare. Nuk mund të harroj orët e panumërta, në komisariate policie, prokurori dhe gjykata në mbështetje të qytetarëve që besuan dhe u bashkuan me kauzën e opozitës dhe për këtë motiv dhunoheshin nga pushteti.

Për këtë përiudhë, dua të falenderoj Monika Kryemadhin e cila në detyrën e kryetares ishte në ballë të këtij aksioni dhe pse në momentet tona më të vështira, duke i dhënë zemër dhe ritëm aksionit tonë opozitarë.

Në zgjedhjet e përgjithshme të vitit 2021, mora përgjegjësinë e drejtuesit politik për Qarkun Korçë.  Rrethanat politike dhe jo politike e bën të pamundur marrjen e mandatit në këtë qark. Personalisht bëra maksimumin, dhashë të gjithë kontributin dhe eksperiencën time në një fushatë të papreçendent. Isha i pari në betej dhe në denoncimet e përditshme kundër abuzimi me pushtetin. Për mua ekipi është i pari. Sakrifica sublime e atyre që mbështetën LSI-në në qarkun e Korçës meritonte dhe do ta ketë gjithmonë mbështetjen time. Për mua dhe sot ajo fushatë vazhdon të ketë koston e saj, duke u endur dyerve të gjykatave mbi proçese gjyqi pa fund të nisura politikisht kundër meje nga kundërshtarët politik gjatë fushatës. Por unë ndihem krenar edhe sot që besova tek një ekip i ri, i cili nuk zhgënjeu dhe është premtues për të ardhmen.

Të nderuar anëtar të Komitetit Drejtues Kombëtar i gjendur në kushtet e pamundësisë për të kryer funksionin e nënkryetarit të partisë, për shkak të faktorëve të brendshëm kam vendosur të jap dorëheqjen nga ky funksion. Po bëjë unë i pari disa hapa pasë për të treguar që për mua e rëndësishme është uniteti me njeri tjetrin.  Do të vazhdoj me përkushtimin maksimal angazhimin tim si i zgjedhur vendor në këshillin bashkiak të Tiranës për të qenë zëri i qytetarëve dhe për të mbrojtur të drejtat e tyre, për të krijuar shanse dhe mundësi për çdo qytetar të Tiranës.  Ju uroj suksese dhe punë të mbarë në rrugëtimin tonë të përbashkët!

/albeu.com

The post Përplasjet me Metën, jep dorëheqjen Endrit Braimllari: Falenderoj Monika Kryemadhin appeared first on Albeu.com.

Sekretari i Përgjithshëm i LSI-së, Endrit Braimllari ka konfirmuar ndarjen e me Partinë Demokratike.

Komentet ai i bëri në një intervistë për Report Tv, ku tha se ato i kanë kërkuar Lulzim Bashës që mos të tradhëtojë kauzën e opozitës për interesa personale. I pyetur nëse po aludonte për një marrëveshje mes Ramës dhe Bashës, Braimllari tha se koha do ta tregojë këtë.

Së fundmi, numri dy i LSI tha se LSI nuk ka bërë asnjë kërkesë për një grup parlamentar dhe nuk i ka kërkuar deputetë hua Bashës.

“I kemi kërkuar të mos tradhëtohen interesat e opozitës për interesa personale apo interesa të Edi Ramës. Ne nuk kemi këkruar as deputetë të caktuar për të pasur grup parlamentar, e vetmja gjë që kemi kërkuar ka të bëjë që mos të tradhëtohen interesat e opozitës për interes të Ramës.

Është koha që do ta tregojë nëse ka një marrëveshje mes Ramës dhe Bashës!  LSI është koherente në qendrimet e saj, nuk ka asnjë kërkesë të LSI-së për grup parlamentar. Ne jemi forcë opozitare, për ne ka rëndësi që të 4 përfaqëësuesit e LSI janë një zë i fortë i atyre që përfaqësojnë.

LSI ka vendosur që të qendrojë në opozitë parimore dhe marrja e vendimeve tona në opozitë ka qenë vendimarrje e cila në disa raste bëhej për të ruajtur fryëmn opozitare. Kërkesa e vetme që LSI ka adresuar kundrejt kryetarit të PD ka të bëjë me faktin që të mos tradhëtohet kauza e opozitës për interes të Edi Ramës. Ne kemi qendruar korrekt dhe të pastër në opozitë. Nuk kemi kërkuar as deputet, as ministra, as grup parlamentar”, tha Braimllari./albeu.com

The post Konfirmon Braimllari, PD-LSI ndahen përfundimisht: Basha nuk duhet të tradhëtojë opozitën për Ramën appeared first on Albeu.com.