Chelsea po vijon aktivitetin intensiv në merkaton e verës, por pas afrimit të tetë futbollistëve të rinj nën drejtimin e Xabi Alonsos, klubi londinez po përgatitet të largojë 11 lojtarë. Nga këto transferime, drejtuesit synojnë të përfitojnë rreth 573 milionë euro.

Sipas Mirror, kjo lëvizje synon të rikthejë ekuilibrin në skuadër pas shpenzimeve të mëdha të kryera gjatë kësaj vere.

Nën drejtimin e Xabi Alonsos, Chelsea ka afruar Morgan Rogers, për të cilin pagoi rreth 136 milionë euro, si dhe Maxence Lacroix, Danny Welbeck, Jordan Henderson, Valentín Barco, Geovany Quenda, Marc Ballestra dhe Emmanuel Emega.

Numri i madh i futbollistëve në dispozicion ka krijuar mbingarkesë në organikë dhe, për këtë arsye, klubi është gati të shqyrtojë ofertat për disa prej emrave të njohur.

Trevoh Chalobah duket pranë një kalimi te Como, në një marrëveshje që pritet të kushtojë rreth 36 milionë euro. Në shitje janë vendosur gjithashtu Axel Disasi, për 29 milionë euro, dhe Benoit Badiashile, vlera e të cilit është caktuar në 35 milionë euro. Ndërkohë, Malo Gusto mund të largohet në rast se për të mbërrin një ofertë prej 87 milionë eurosh.

Një tjetër emër i përfshirë në këto spekulime është Enzo Fernandez. Për mesfushorin argjentinas, i transferuar nga Benfica në janar të vitit 2023, Chelsea kërkon rreth 139 milionë euro.

As Pedro Neto nuk shihet si i paprekshëm nga drejtuesit e klubit. Portugezi mund të shitet nëse një ekip tjetër ofron afërsisht 81 milionë euro.

Reparti i sulmit pritet të pësojë gjithashtu ndryshime, pasi ardhja e Danny Welbeck ka rritur konkurrencën për vendet në formacion dhe ka vendosur disa sulmues në listën e largimeve.

Liam Delap konsiderohet një prej kandidatëve kryesorë për t’u larguar, pas një sezoni zhgënjyes. Në të njëjtën kohë, Nicolas Jackson, i vlerësuar me 75 milionë euro, ka tërhequr interesimin e Aston Villas pas huazimit të tij te Bayern Munich.

Chelsea është i gatshëm të dëgjojë oferta edhe për Marc Guiu, kartoni i të cilit vlerësohet me 29 milionë euro, si dhe për Emmanuel Emegha, që ka një vlerë prej 23 milionë eurosh.

Lista plotësohet nga David Datro Fofana, për të cilin klubi kërkon rreth 3.5 milionë euro.

Nëse të gjitha këto largime realizohen sipas vlerësimeve aktuale, Chelsea mund të arkëtojë afro 573 milionë euro. Këto të ardhura do të ndihmonin në financimin e projektit të ri të Xabi Alonsos dhe në reduktimin e ndjeshëm të numrit të lojtarëve në skuadër.

The post Chelsea përgatit një valë largimesh, 11 lojtarë në listën e shitjeve appeared first on Albeu.com.

Një futbollist që mbërriti te Chelsea gjatë merkatos së verës po shihet si i largueshëm, edhe pse ende nuk ka vendosur fanellën e klubit në një takim zyrtar.

Drejtuesit e “Bluve” mbeten tejet aktivë në këtë periudhë transferimesh, teksa kanë siguruar shërbimet e Morgan Rogers nga Aston Villa në një marrëveshje që i afrohet shifrës 136 milionë euro.

Sipas burimeve të The Athletic, Chelsea tani po vlerëson mundësinë e afrimit të Danny Welbeck, sulmuesit me eksperiencë të Brighton, pasi trajneri Xabi Alonso synon të shtojë kilogramë përvoje në grupin e tij.

Një lëvizje e tillë do të shtonte edhe më shumë rivalitet në repartin e avancuar, i cili tashmë numëron emra si Nicolas Jackson, Liam Delap, Emmanuel Emegha dhe Joao Pedro.

Pikërisht për këtë arsye, klubi po rishikon pozitën e disa prej sulmuesve dhe raportohet se Emegha mund të lejohet të largohet nëse paraqitet një ofertë e leverdishme.

Talenti holandez u transferua në Londër gjatë verës nga Strasburgu për rreth 25 milionë euro, por një dëmtim në kofshë nuk e ka lejuar të debutojë ende me ekipin e ri.

Gjatë sezonit të shkuar, Emegha u ndesh me probleme të shpeshta fizike, duke u aktivizuar në vetëm 18 raste, çka mund të peshojë në vendimin përfundimtar të Xabi Alonsos.

Megjithatë, shifrat e tij nga sezoni 2023/24 mbeten një sinjal shprese për të ardhmen në “Stamford Bridge”, pasi ai shënoi 14 gola në 29 ndeshje të Ligue 1 me fanellën e Strasburgut.

The post Xabi Alonso ka vendosur, talenti i Chelseat gati të ikë pa regjistruar as edhe një paraqitje appeared first on Albeu.com.