Në një deklaratë nga selia blu, zëdhënësja e PD Genta Vangjeli, deklaron se kjo kompani është krijuar nga bashkëshorti dhe vjehrri i Emirjana Sako dhe aktualisht rezulton në pronësi të kunatit të saj.

“Me këtë kontratë 12-mujore, qytetarët e Durrësit detyrohen të paguajnë 10 mijë euro në çdo muaj për një kompani të familjes së kryetares së bashkisë.

Këto para dhe të tjera, mund të kishin shkuar për kanalizimet, për ndihmën e familjeve të përmbytura dhe për parandalimin e katastrofave të përsëritura”, tha ajo.

Deklarata:

Mjaftojnë pak ditë me shi, që Durrësi të shndërrohet në kënetë.
Qytetarët zgjohen me ujë nëpër oborre dhe brenda shtëpive, ndërsa rrugët e lagjeve kthehen në lumenj ku lëvizet me gomone dhe paddleboard.

Ky nuk është as fenomen natyror dhe as fatkeqësi, është pasojë direkte e keqmenaxhimit, papërgjegjshmërisë dhe korrupsionit në Bashkinë Durrës.

Prej kohësh qytetarët e Durrësit denoncojnë Bashkinë, me në krye Emirjana Sako, si dhe Shoqërinë Rajonale Ujësjellës-Kanalizime Durrës, tashmë nën drejtimin e Olsen Kavalli, për dështimin në mirëmbajtjen e kanalizimeve.

Përmbytjet përsëriten, dëmet rriten, ndërsa askush nuk mban përgjegjësi. Ndërsa qytetarët përballen me pasojat dramatike të përmbytjeve, UK Durrës vijon pa asnjë ndjeshmëri me tendera klientelistë dhe të dyshimtë.

Shoqëria Rajonale Ujësjellës-Kanalizime Durrës sh.a., ku pronare e rëndësishme është edhe Bashkia Durrës, këtë javë ka shpallur fituese në një procedurë prokurimi kompaninë ‘Mektrin Motors’ sh.p.k., një kompani e lidhur drejtpërdrejt me familjen e kryetares së bashkisë.

Kjo kompani është krijuar nga bashkëshorti dhe vjehrri i Emirjana Sako dhe aktualisht rezulton në pronësi të kunatit të saj.

Skandali thellohet nga fakti se në këtë tender është paraqitur një ofertë e vetme, sikur të mos ekzistojnë qindra subjekte që ofrojnë shërbime riparimi automjetesh. Vlera fituese arrin gati 98% të fondit limit, apo 11.6 milionë lekë.

Me këtë kontratë 12-mujore, qytetarët e Durrësit detyrohen të paguajnë 10 mijë euro në çdo muaj për një kompani të familjes së kryetares së bashkisë.

Këto para dhe të tjera, mund të kishin shkuar për kanalizimet, për ndihmën e familjeve të përmbytura dhe për parandalimin e katastrofave të përsëritura.

JO! Ato përfundojnë në xhepat e familjarëve të pushtetit. Përballë këtij skandali heshtja është bashkëfajësi.

Emirjana Sako duhet të mbajë përgjegjësi politike dhe të japë menjëherë dorëheqjen. Njëkohësisht, organet e drejtësisë duhet të veprojnë pa vonesë për të hetuar dhe për të ndëshkuar çdo shkelje të ligjit. Durrësi nuk mbytet nga shiu, mbytet nga korrupsioni.

The post Denoncimi i Partisë Demokratike: Pas përmbytjes, Ujësjellësi i Durrësit i jep tenderin kompanisë së burrit të kryebashkiakes Emirjana Sako (VIDEO) appeared first on Albeu.com.

1. Bashkia Durrës, ka lejuar ushtrim aktiviti nga subjekte private në pasuri shtetërore pa Kontratë-Qiraje;

2. 34 raste ku edhe pse ka procesverbal konstatimi për ndërtime pa leje, nuk është vjiuar procedura brenda afatit për nxjerrjen e vendimit për “Prishje Objekti të Kundërligjshëm“ dhe vendimit për “Dënim me Gjobë“;

3. Nga 119 vendime për “Prishje e Objektit të Kundërligjshëm“, janë të ekzekutuara vetëm 25 vendime;

4. “Urdhërat e Ekzekutimit“ për prishjen e objektit të kundërligjshëm, nuk zbatohen duke vijuar me prishjen e objekteve me justifikimin se mjetet ekskavator mund të dalin jashtë përdorimit gjatë procesit të ekzekutimit

5. Vendime “Për Dënimin me Gjobë“ të pa likujduara.

6. Detyrime në vlerën 7.3 milion euro, dhe për pakësimet e tyre nga Bashkia Durrës nuk administrohet asnjë dokument për vlerën e pakësuar;

7. Kontrata qiraje të cilat nuk zbatohen por tejkalojnë hapsirat publike të përcaktuara në to duke sjellë mungesë të ardhurash;

8. Administrimi dhe mbledhja e taksave dhe tarifave vendore në mosrespektim të menaxhimit financiar dhe kontrollit;

9. Nga auditimi i 6 procedurave të prokurimit publik gjatë vitit 2022 me vlerë totale 5.2 milion euro, janë gjetur shkelje për përllogaritje të gabuar e fondit limit, hartim i kritereve për kualifikim të paargumentuara, janë skualifikuar padrejtësisht OE me ofertat më të ulëta, dhe janë kualifikikuar OE të shpallur fitues në mospërmbushje të kritereve të kualifikimit;

10. Nga auditimi i zbatimit të punimeve të ndërtimit të 7 kontratave për punë publike, me vlerë totale prej 2.8 milion euro, rezultuan punime ndërtimi të pakryera;

11. Përdorim pa efektivitet të fondeve në Bashkinë Durrës;

12. Taksat e ndikimit në infrastrukturë janë përllogaritur në mënyrë të parregullt;

13. “Depozitimi i mbetjeve urbane”, me vlerë të kontratës 2.8 milion euro pa tvsh , realizuar nga OE “Integrated Energy BV spv ” (për 12 muaj), rezultoi se në kontratë nuk ekzistojnë specifikime teknike të detajuara, nuk ka një peshore dhe as persona përgjegjës për peshimin e mbetjeve para transportit për në Landfill-in e Sharrës, duke mbartur riskun për shifra fiktive të ardhura nga Furnizuesi dhe për pagesa të pajustifikuara.

14. Bashkia Durrës, përfaqësuar nga titullari institucionit, si personi i ngarkuar nga ligji, nuk ka kryer ekzekutimin e Vendimit Gjyqësor të Formës së Prerë.

15. Titullari i Bashkisë Durrës nuk ka ngritur komision për nxjerrjen jashtë përdorimit të aktiveve, duke sjellë si pasojë moskryerjen e procedurës së nxjerrjes jashtë përdorimi dhe asgjesimit të aktiveve etj…

The post Partia Demokratike: Të dorëhiqet Emirjana Sako, KLSH ka zbuluar dhjetëra shkelje e ndëshkuar 39 zyrtarë appeared first on Albeu.com.

Komisioneri Shtetëror i Zgjedhjeve, Ilirjan Celibashi miratoi tabelat përmbledhëse zgjedhore për dy nga bashkitë e vendit e vendit Tiranë dhe Durrës.

The post “Vendoret”, Celibashi miraton rezultatin në bashkitë Tiranë dhe Durrës, Sako dhe Veliaj zyrtarisht fitues appeared first on Albeu.com.

Sipas rezultateve të bëra publike nga KQZ, në Durrës janë numëruar 96 nga 342 kuti në total.

Sako numëron 13821 kundrejt 10856 votave të kanidatit të “Bashkë Fitojmë”, Igli Cara.

/Albeu.com.

The post Numërohen 96 kuti në Durrës, kryeson kandidatja socialiste Emirjana Sako appeared first on Albeu.com.

Jepni pëlqimin tuaj: Kush fiton në Durrës?

Në Durrës janë përballë Emirjana Sako e Partisë Socialiste dhe Igli Cara i koalicionit Bashkë Fitojmë.

Secili prej lexuesve do të ketë mundësi të votojë vetëm një herë në sondazh gjatë një javë.

FUTU KËTU TE FAQJA KRYESORE E SONDAZHIT

The post SONDAZH/ Beteja për Durrësin, bashkinë e fiton Emirjana Sako apo Igli Cara? appeared first on Albeu.com.

Rama deklaroi se ambicia e qeverisë është krijimi i modeleve të reja, ku stadiumet e qyteteve të mund të bëhen edhe motorë socialë dhe ekonomikë zhvillimi.

Rama: Tre kompanitë e kualifikuara për në fazën finale janë studio prestigjioze në skenën e arkitekturës bashkëkohore. Stadiumi i ri qytetit të Durrësit, nuk është thjesht një stadium, por një qendër e re e qytetit, e cila krijon kushtet optimale për futbollin, por edhe një qendër plot jetë në 24 orë, në 7 ditët e javës, ku ndërthuren të gjitha rrugët e jetës për komunitetin durrsak dhe një atraksion më tepër për të gjithë ata që vizitojnë Durrësin.

Rama theksoi se qeveria është e vendosur të bëjë për Durrësin shumë më tepër.

Rama: Durrësi është në një moment fantastik të një kthese të madhe, si e gjithë Shqipëria në fakt. Ka përpara një të ardhme domethënëse, një perspektivë të qartë për qytetin, komunitetin e ata që do të vijnë më pas. Në fushën e sportit do të bëjmë shumë për tepër. Kemi projekte për të kthyer Durrësin në një destinacion të talenteve në shkallë kombëtare dhe rajonale.

Në ceremoninë finale të konkursit ndërkombëtar për shpalljen e projektit fitues për projektin e stadiumit të ri si qendër tjetër e qytetit, garojnë 3 studio prestigjioze të arkitekturës bashkëkohore: 51N4E (Belgjik) Bjarke Ingels Group, BIG (Danimarkë) dhe MVRDV(Holandë).

Kryetarja në detyrë e bashkisë së Durrësit Emiriana Sako u shpreh se bashkë me qeverinë shqiptare i hapën rrugë një tjetri projekti madhor, stadiumit të ri të Durrësit.

Sako: Ka nisur një vit më parë një angazhim dypalësh me ministrin e Arsimit dhe Sporteve dhe bashkinë e Durrësit për ngritjen e klasave sportive, sot kemi mbi 300 nxënës që janë pjesë e skuadrave të shkollës në disiplinat sportive basketboll, volejboll duke krijuar kështu një lëvizje masive në shkollat e qytetit të Durrësit. Kemi vlerësuar të gjitha kapacitetet që ka bashkia jonë në terren dhe në mandatin që vjen do të parashikojmë ndërtimin e 9 terreneve sportive të shtrira në njësi të ndryshme administrative për t’u dhënë të gjithë fëmijëve mundësinë e aksesit në veprimtari sportive. Kemi përfunduar projektin e rikonstruksionit të pallatit të sportit “Ramazan Jala”, ku është një angazhim që e kemi me qytetarët e Durrësit dhe jemi duke zbatuar projektin e Parkut Vala ku në rreth 8 mijë m2 po ndërtohen fusha sportive të disiplinave të ndryshm.

Duke folur për stadiumin e ri të Durrësit, Sako tha se “ky projekt vjen si gur themeli ku së bashku me projektet e Kryeministrit të infrastrukturës portuale, marinës Porto-Romano, projektin e amfiteatrit, projektin e hekurudhës Durrës-Tiranë, do bëjmë të mundur që Durrësi të jetë një qytet i mirëfilltë evropian.

Sako: Uroj që Durrësi të nisë sot një kapitull të ri me studion fituese në arkitekturë bashkëkohore. Falënderoj të gjitha studiot që u bënë pjesë e këtij konkursi./Albeu.com/

The post Rama dhe Sako prezantojnë maketet për stadiumin e ri “Niko Dovana”: Gur themeli për një qytet evropian appeared first on Albeu.com.

E zhveshur nga kostumi i politikës, Sako ndau “copëza” nga fëmijëria dhe jeta e saj jashtë dyerve të bashkisë.

Kryebashkiakja, ka ndarë me kryeministrin dhe publikun edhe momentin e parë kur ka menduar që t’i futej politikës.

Edi Rama: Cili ka qenë momenti i parë i kontaktit tënd serioz ose më saktë kur ti ke menduar pa e menduar që do ishe vetë ndonjëherë pjesë e saj, por kur  ke menduar për politikën dhe çfarë ke menduar momentin e parë kur ke filluar të mendosh për politikën si një spektatore, qytetare, kalimtare?

Kryetarja e Bashkisë së Durrësit Emiriana Sako: Dua ta filloj duke qenë e sinqertë që nuk kam pasur ambicie për të qenë kryetare bashkie.

Kryeministri Edi Rama: Jo, kjo dihet se nuk kishe ambicie që të çoi, të çoi tërmeti. Po këtu po pyes për diçka tjetër, përpara sesa të vijmë te drejtimi i bashkisë. Çfarë ke menduar për politikën? Domethënë ke menduar që është një punë e poshtër dhe?

Kryetarja e Bashkisë së Durrësit Emiriana Sako: Më tepër indiferente sesa punë e poshtër. Pra, kam pasur një paragjykim, mendoj që është momenti tani edhe për të dhënë një model. Kur je i ri dhe të jepet një mundësi për të dhënë një model sa i takon politikës.

PJESË NGA PODCASTI

Kryetarja e Bashkisë së Durrësit Emiriana Sako: Ka pasur momente që kam qenë në vështirësi sepse situata kur unë fillova detyrën ishe më e vështirë sesa e kisha menduar, por ajo që i kam thënë vetës është “Ani bëj punën sepse çdo gjë do gjejë vendin e vet”. Kështu që, për mua, veriu i drejtimit është vetëm puna. Kjo pastaj është, pra duke bërë punën, ke mbështetjen e njerëzve.

Kryeministri Edi Rama: Sa përshtypje të bën presioni, presioni i opinionit, presioni i grupit të interesit, presioni i vendimmarrjeve që shpeshherë bëhen të vështira për arsye nga më të ndryshmet. Të lënë pa gjumë, për shembull?

Kryetarja e Bashkisë së Durrësit Emiriana Sako: Po varet. Në qoftë se ka një presion të pabazuar, zero, pra një media apo një.. pra që thonë fakte, të cilat unë jam shumë e qetë që nuk qëndrojnë. Presione nga grupet e interesit përpiqen që t’i dëgjoj se mbase ka grupe interesi, të cilët kanë të drejtë në atë që kërkojnë dhe përpiqem që të kem aftësinë e adaptimit të mendjes me zgjidhjet, pra të mos qëndroj kokëfortë në momente të caktuara ku realisht duhet marrë një vendim, i cili është për të mirën e të gjithëve, por të përpiqem të kem një mendje që adaptohet me zgjidhjet e reja.

Kryeministri Edi Rama: Por ndërkohë, nuk mund të harrojmë që ti, përveç këtij presioni të madh, ke dhe një presion tjetër, që është presioni i të qenit edhe nënë me dy binjakë, që kjo është një tjetër shaka e madhe e universit ndaj teje sepse universi pasi solli tërmetin dhe të vuri ty në krye të bashkisë e tani jemi tek sfida tjetër që…

Kryetarja e Bashkisë së Durrësit Emiriana Sako: Po, është e vërtetë, kam dy fëmijë, dy djem, Tomas dhe Greg, binjakë, identikë, dhe ngjajnë shumë, të cilët janë 8 vjeç tani. Në fillim ka qenë shumë e vështirë, por me mua ka ndodhur kjo, që besoj se ndodh me çdo grua që bëhet nënë, që pasi bëhet nënë mund të mbajë akoma më shumë ngarkesë dhe përgjegjësi sesa mbante përpara se të ishte nënë. Kështu që, ata kanë qenë një, patjetër se duan kohën e vet e me radh, por kanë qenë dhe si udhërrëfyes në këtë rrugën time. Shumë vendime që marr apo shumë gjëra që bëj i kam, si me thënë, përderisa i bëj për ata duhet dhe për të gjithë fëmijët e tjerë. Pra, në qoftë se Durrësi duhet të jetë një qytet më i mirë, unë së pari e bëj për fëmijët e mi që kanë lindur dhe rriten në këtë qytet, por automatikisht e bëj për të gjithë fëmijët e qytetit, pra qoftë shkollat, qoftë hapësirat publike; një qytet më të jetueshëm dhe më të mirë.

/Albeu.com/

The post “Nuk kisha ambicie të bëhesha kryetare bashkie”, nga takimi me kryeministrin te sfidat e politikës, Sako flet “pa dorashka” appeared first on Albeu.com.

Ky i fundit ka publikuar një pjesë të shkurtër nga podcasti që do të transmetohet të shtunën.

Sako flet për punën e saj në krye të bashkisë së Durrësit, por nuk lë mënjanë as detaje nga jeta e saj familjare.

Rama e pyet me shaka se sa herë i ka kërkuar burri që ta lërë këtë punë, ndëra Sako bën me dije se e ka paralajmëruar para se t’i futej politikës.

Sako: Kujtoj nga ju frazën, merr një krevat dhe fli në bashki tani.

Rama: Ju edhe ballë për ballë kur jeni me mua nuk i thoni gjërat siç i mendoni të gjitha

Sako: Atje duhej të merrja nja tre mjete që të shkoja në punë.

Rama: Sa herë të ka thënë burri po ca merresh me këtë punë, po lërë fare?

Sako: Para se të thoja po, i kam thënë shiko po të pyes që mos të më thuash pastaj po i lë kalamajtë rrugëve.

Rama: Për një fëmijë t’i bëre dy.

Sako: Tomas dhe Greg, binjakë, identik të dy.

 

View this post on Instagram

 

A post shared by Albeu.com (@albeucom)

/Albeu.com/

The post “Merr një krevat dhe fli në bashki”, Rama podcast me Sakon, batuta me kryebashkiaken e Durrësit: Sa herë të ka thënë burri lëre punën? appeared first on Albeu.com.

Në lidhje me Pogradecin Rama tha se është një bashki që ka filluar të marrë frymë nisur edhe nga mirëmenaxhimi në mbledhjen e plehrave.

“Pogradeci tani po hyn në një fazë që po merr mbështetje që po vitalizohen disa projekte të mbështrtura nga donatorët. Me mjetet e kufizuara që ka bashkia dhe falë këmbënguljes së kryetarit të bashkisë, qyteti merr frymë lehtësisht sot. Shkoni shikoni Matin. Një tjetër shembull i mirëPo i marr këto shembuj për të thënë që roli i çdo individi është vendimtar”, tha Rama duke vijuar me të tjerat.

“Shkoni shikoni bashkinë e Matit për të kuptuar se çfarë mund të bëjë individi kur nuk e harron në asnjë ditë pse është aty se pse është aty dhe kush e ka çuar aty dhe kur për;iqet të lerë gjurmë me punën që bën.Ne patëm një process shumë të vështirë dhe kompleks që ka vënë në vështirësi shumë shtete më të avancuara, siç ishte rindërtimi nga tërmeti. Bashkia më shembullore e të gjitha bashkive është Shijaku sa i përket rindërtimit. Përfshi edhe Tiranën. Ka patur një përgjigje e institucionit në çdo hap, sikur të ishte bnjë instuitucon perëndimor. Si ndodhi kjo? Mos vallë erdhën nga Gjermania dhe Franca që Bashkia e Shijakut nuk ka shkelur asnjë afat në bërjen e dokumenteve, ne inventariziin e dëmeve, në dhënien e bonuseve, etj? Shumica  e atyre që punjnë aty janë ata që punonin më herët. Çfarë ndryshoi? Ndryshoi lidershipi. Dy bashkitë e mëdha Tirana dhe Durrësi nga pikëpamja e funksionimit në këtë proces, pavaësisht se kanë shumë problematika, kanë çfarë të mësojnë nga Bashkia e Shijakut“, tha Rama.

The post Rama tregon bashkitë shembull, mesazh Veliajt dhe Sakos: Mësoni prej tyre appeared first on Albeu.com.

Qëndresa Qytetare shpreh vlerësimin për vendimin e marrë nga Komisioneri Shtetëror i Zgjedhjeve duke kontribuar në zbatimin e kodit zgjedhor dhe vënien pra përgjegjësisë të cdo zyrtari apo përfaqësuesi të subjekteve politike që shkelin kodin zgjedhor duke deformuar garën dhe vullnetin e qytetarëve për të zgjedhur përfaqësuesit e tyre.

Të udhëshequr nga parimi i zbatimit të ligjit, ekipi i Qëndresës Qytetare do të vijojë të ndjekë me seriozitet dhe profesionalizëm maksimal procesin e hetimit adminsitrativ për 10 kallzimet e tjera të bëra nga Qëndresa Qytetare, ku të përfshirë janë zyrtarë të lartë si ministra, kryetarë bashkie dhe drejtues institucionesh./albeu.com

The post Shkelje në zgjedhjet e 25 Prillit, gjobë ndaj Emirjana Sakos appeared first on Albeu.com.