Carja dha një paraqitje spektakolare, duke thyer tre rekorde europiane në kategorinë Youth (63 kg) dhe madje edhe një rekord bote në shkëputje për Youth.

Për këtë sukses të jashtëzakonshëm të sportistes Carja, ka reaguar edhe kryebashkiakja e Durrësit, Emiriana Sako.

“Urime të përzemërta peshëngritëses sonë të jashtëzakonshme, Enkileda Carja, që shkëlqeu në Kampionatin Europian për të Rinj & U23 që po zhvillohet në Durrës, duke u shpallur kampione e trefishtë e Europës!

Me një performancë fantastike, Enkileda theu 3 rekorde europiane dhe madje edhe 1 rekord bote, duke treguar forcë, vendosmëri dhe përkushtim shembullor”, shkruan Sako.

Carja i realizoi me sukses të gjashta provat, duke ngritur 98 kg në shkëputje, 118 kg në shtytje dhe 216 kg në dygarësh, duke shfaqur një performancë të shkëlqyer dhe plot vetëbesim.

Ky është një sukses i madh për talenten e Teutës, por edhe për trajneren e saj të palodhur, Eglantina Kalemi.

The post Enkileda Carja, kampione e trefishtë e Europës! Emiriana Sako: Performancë fantastike! appeared first on Albeu.com.

Ndërsa kryetarja dhe kabineti i saj do të përfitojnë rritje të ndjeshme pagash, krahasuar me punonjësit e nivelit bazë, këshilltarët e opozitës braktisën mbledhjen, duke e cilësuar vendimin si të padrejtë dhe të papërshtatshëm, veçanërisht kur në port qëndron anija me mbetje toksike.

“Dritan Burgija, kryetar i grupit të këshilltarëve demokratë, kur thotë se nuk është kundër rritjes se pagave por duhet një shpërndarje me e drejtë”.

Me këtë vendim Kryetarja e Bashkisë Durrës, Emiriana Sako, rriti pagën e saj me 56,7 %, duke e çuar atë nga 1 milion e 850 mijë lekë në 2 milion e 900 mijë lekë të vjetra në muaj.

Rritje me 40,6 % u bë edhe për tre zv.kryetarët e saj, Renis Mullaj, Elio Jani dhe Gentian Kallmi, të cilët që nga data 1 shtator, sipas vendimit, do të paguhen 2 milion e 250 mijë lekë të vjetra, nga 1 milion e 600 mijë lekë që merrnin më parë. 55,6 % është rritur paga për sekretarin e përgjithshëm të bashkisë.

Në përqindje të njëjtë me pagën e kryetares së bashkisë, është rritur edhe pagesa mujore për këshilltarët bashkiakë, nga 185 mijë lekë të vjetra në 290 mijë lekë.

Për drejtorët e drejtorive, rritja është në masën 55 %. Rritjen më të madhe e ka përfituar drejtuesja e kabinetit me 86,7 %, si dhe këshilltari i kryetares së bashkisë dhe zëdhënësi i institucionit me 90.8 % rritje, duke u ngritur në nivelin e drejtorit të drejtorisë. Rritjet në nivelet e tjera variojnë, por jo në të njëjtin nivel. Për specialistët në aparatin e bashkisë, rritja është 14.3%.

Ndërkaq, për strukturat në varësi të bashkisë që kanë funksione ligjzbatuese dhe shërbimesh rritja për inspektorë dhe specialistë është më e ulët.

Për kryeinspektorin e Mbrojtjes së Territorit paga rritet me 49,4 %, ndërsa për vartësit e tij vetëm 7 %, ose 50 mijë lekë më shumë se deri tani. Diferenca më të vogla ka dhe në sektorë të tjerë si Tregu Agro-Bujqësor dhe Qendra Ekonomike e Arsimit, ndërsa për specialistët e sektorit mbështetës të stacionit zjarrfikës nuk do të ketë rritje page.

Po ashtu, kritike është rritja e pagave mujore për magazinierë, shoferë, roje, pastrues dhe punonjës të tjerë administrativë, paga e të cilëve varionte nga 400 mijë-470 mijë lekë të vjetra në muaj dhe tani unifikohet në 470 mijë për të gjithë.

Rritja e pagave në nivele të ndryshme të administratës bashkiake në Durrës, ka thelluar kontrastin mes të zgjedhurve, funksionarëve të lartë dhe punonjësve të shërbimeve bazë, duke nxitur debat mbi përparësitë e vendimmarrjes, veçanërisht në kohë krizash si ajo e mbetjeve toksike në port, ndërsa këshilltarët e opozitës nuk kanë pritshmëri nga institucioni i prefektit të qarkut.

The post Zbulohen shifrat/ Kryebashkiakja e Durrësit e bëri rrogën e saj 2.9 milionë lekë, shoferët dhe sanitarët asnjë rritje appeared first on Albeu.com.

Ende nuk dihet se për çfarë është thirrur.

Lajmi në përditësim….

The post Kryebashkiakia e Durrësit Emiriana Sako paraqitet në SPAK appeared first on Albeu.com.

Në një postim në rrjetet sociale, Sako falenderon ata që iu gjendën pranë në këto momente të vështira dhe është shprehur e prekur nga mesazhet e shumta.

Ajo thotë se babai u ka mësuar që në fëmijëri të thonë të vërtetën, punën me nder dhe modestinë.

Postimi i plotë:

Miq të dashur, e kisha të vështirë ti shkruaja këto rreshta, e dyzuar nëse duhej ndarë apo jo ky çast-këtu, por e prekur nga mesazhet tuaja të shumta dua t’ju falenderoj nga zemra që në këto momente të vështira u gjendët pranë meje e familjes sime, për të ndarë hidhërimin dhe dhimbjen e ndarjes nga jeta të babait tim.

Që fëmijë, im atë na ka mësuar, mua e vëllezërve të mi, respektin për tjetrin, gjithmonë të themi të vërtetën, të mësonim e studionim sa më shumë, dashurinë për librin, e më vonë punën me nder, modestinë, e shumë virtyte të tjera që sot na kanë bërë ata çfarë jemi, e që nga sot, kujtimi i jetës së tij do të na shoqërojë përgjithmonë!

Babi do të na mungosh shumë!

The post Kryebashkiakja e Durrësit humb babanë: Na mësoi punën me nder, do të na mungojë shumë appeared first on Albeu.com.

Në momentin e nisjes, pajisja e identifikimit është bllokuar dhe procesi i votimit është pezulluar pëerkohësisht.

Sako ka qëndruar për disa minuta në korridor dhe më pas është larguar për t’u rikthyer në një moment të dytë. /albeu.com

The post Dështon votimi i kryetares së Bashkisë së Durrësit, pajisja e identifikimit e “lë në baltë” appeared first on Albeu.com.

Për të dëshmuar, sot ka qenë kryetarja e emëruar e Bashkisë së Durrësit, Emiriana Sako, e cila gjatë debatit me kryetaren e Komisionit të Inceneratorëve shpërtheu në ofendime.

Pjse nga debati:

Ina Zhupa: Si i depozituat mbetjet pa kontratë?

Emiriana Sako: Kësaj pyetje i dhashë përgjigje.

Jorida Tabaku: Mos flisni me arrogancë, ju lutem respektoni komisionin.

Emiriana Sako: Arrogancën dhe injorancën e gjej këtu, pasi shoh që nuk e keni lexuar ligjin dhe nuk keni parë procedurat me një objekt që është tërësisht jashtë objektit tuaj. Kontratën me Sharrën nuk e kam lidhur unë si individ, praktika është online dhe transparente.

Ina Zhupa: Nuk kam arritur te tenderi, që keni shkelur. Cili nen ua garanton ta bënit negocimin 10 mln euro pa shpallje?/albeu.com

The post “Arrogantë dhe injorantë”, Sako shpërthen në ofendime në Komisionin Hetimor për Inceneratorët appeared first on Albeu.com.

Të arrestuarit janë 6 zyrtarë të Bashkisë së Durrësit dhe 2 administratorë të kompanive private që ishin bërë përfituese të tenderit, ndërkohë është caktuar detyrim paraqitje dhe arrest shtëpi për dy prej ortakeve të njërës prej kompanive, përfituese në tender.

Në shpalljen e fituesit, njësia e prokurimit ka njoftuar se është zgjedhur kompania me ofertë më të ulët e cila sipas anëtarëve të Komisionit të Ofertave është përcaktuar ekonomikisht më e favorshme.

Fillimisht ata kanë skualifikuar dy kompani në garë me argumentin se nuk plotëson kriterin për gjatësinë e shkallës dhe numrin e akseve të mjetit. Ndërsa kompania tjetër nuk ka paraqitur autoshkallë në garë për mjet të tipit autokullë. Tenderi mban firmën e Emiriana Sakos, aktualisht kryetare në detyrë e Bashkisë së Durrësit Emiriana Sako.

Të dhënat e tenderimit: Numri i referencës së procedurës/lotit: REF-57495-05-06-2020, Përshkrim i shkurtër i kontratës : “Blerje autoshkallë për MZSH ”, me fond limit 7’083’300 lekë.

The post Kandidatët u skualifikuan një nga një, kush e firmosi tenderin abuziv të autoshkallës në Durrës? appeared first on Albeu.com.

Së fundmi gjatë një takimi elektoral, kryebashkiakja e Durrësit  Emiriana Sako duke dashur të premtojë se do të punojë për turizmin në këtë qytet dhe për monumentet e kulturës, tha:

“Monumentet e Kulturës në Durrës do t’i bëjmë të jetueshme për qytetarët…”

Nuk është hera e parë që një kryebashkiake në Durrës bën gafa të tilla, pasi gjatë tërmetit shkatërrimtar me dhjetra viktima, ish-kryebashkiakja e Durrësit Valbona Sako bëri një gafë të pafalshme.

“Ky ishte një tërmet shkatërrimtar. Por të jemi të kënaqur edhe me 50 viktima pasi në raste të tjera kanë qenë mbi 100 viktima”, thotë Sako, duke shkaktuar reagime të forta që sollën dhe dorëheqjen e saj.

The post Gafa e kryebashkiakes së Durrësit: Do t’i bëjmë të jetueshme monumentet e Kulturës!(VIDEO) appeared first on Albeu.com.