Pas incidentit mes tifozëve të Elbasanit dhe mbrojtësit Emiljano Musta, përplasja në distancë është përshkallëzuar edhe më tej pas deklaratave të fundit të futbollistit.

Musta, i cili tashmë është pjesë e Vllaznisë së Shkodrës, kritikoi publikisht drejtuesit e Elbasanit. Ai deklaroi se largimi nga klubi nuk ishte zgjedhja e tij, por erdhi si pasojë e ofertës shumë të ulët për rinovimin e kontratës.

34-vjeçari foli gjithashtu për mungesën e mbështetjes nga persona të rëndësishëm të klubit verdheblu. Në këtë klimë replikash, drejtori sportiv i Elbasanit, Elton Guranjaku, publikoi një “story” pa iu drejtuar konkretisht askujt: “Shumë njerëz do të binin dakord se organi më jetik është truri ose zemra. Unë mendoj se është shtylla kurrizore”.

The post Reagim i Elton Guranjakut pas deklaratave të Emiljano Mustës: “Organi më jetik është shtylla kurrizore appeared first on Albeu.com.

Vllaznia do të presë Teutën të premten, në takimin e javës së pestë të “Abissnet Superiore”. Në prag të përballjes me skuadrën durrsake, mbrojtësi i kuqebluve, Emiljano Musta, doli para mediave.

Futbollisti foli për objektivin e shkodranëve ndaj Teutës, por sqaroi edhe rrethanat që sollën largimin e tij nga Elbasani. Ai u ndal gjithashtu te ajo që ndodhi pas ndeshjes kundër verdhebluve, kur u raportua për një përplasje me tifozët.

“Jam nga Elbasani, aty kam lindur dhe jam rritur, ndërsa hapat e parë në futboll i kam hedhur në akademinë e klubit. Janë thënë shumë gjëra të pavërteta, por unë nuk kam reaguar, edhe për shkak të respektit që kam për qytetin dhe tifozërinë time. E vërteta është krejt tjetër. Në media u raportua se Musta iku nga Elbasani, por në fakt u largova, ose më saktë më larguan, pasi më paraqitën një ofertë qesharake për rinovimin. Ndonjëherë duhet parë përtej fanellës dhe qytetit, sepse jemi profesionistë dhe me këtë punë sigurojmë jetesën e familjeve tona.

Sa i përket konfliktit pas ndeshjes me Elbasanin, me sa di unë, aty nuk kishte tifozë. Ishin vetëm pjesëtarë të administratës dhe drejtues, ndaj nuk mendoj se bëhej fjalë për mbështetës të skuadrës. Sharjet dhe fyerjet nuk erdhën nga tifozët elbasanas. Natyrisht që marrëdhënia ime me qytetin është e mirë. Kam luajtur për dy vite me Elbasanin dhe më herët kam qenë gjithashtu pjesë e skuadrës së vjetër të klubit.

Kemi përjetuar sezone historike. Në vitin e parë e çuam garën deri në javën e fundit të Superligës, duke synuar kualifikimin në Europë. Në sezonin e dytë siguruam Europën dhe luftuam për titullin kampion deri në javën e fundit ndaj Vllaznisë, siç e dini të gjithë.

Jam larguar me kokën lart dhe besoj se faktet e statistikat e dëshmojnë kontributin tim. Në futboll ndodh që të duhet përballja me një skuadër të fortë për t’u zgjuar dhe për të reaguar. Vllaznia e ka potencialin që ndaj çdo kundërshtari të shfaqë versionin më të mirë dhe të marrë maksimumin.

Skuadra përbëhet nga futbollistë me përvojë dhe kemi shumë pak të rinj. Këta lojtarë kanë dëshmuar se mund ta fitojnë titullin kampion dhe kanë treguar më të mirën e tyre në Superligë. Teutën e respektojmë, pasi është një ekip shumë i mirë, ku është investuar dhe që drejtohet nga një trajner mjaft i mirë. Megjithatë, ne do të hyjmë në fushë për të fituar”, deklaroi Musta.

The post Para duelit me Teutën, Emiljano Musta zbulon arsyen e largimit nga Elbasani: Më ofruan një pagë qesharake, tifozët nuk më ofenduan appeared first on Albeu.com.

Një incident i shëmtuar ka ndodhur jashtë stadiumit “Elbasan Arena”, ku mbështetësit vendës kanë sulmuar fizikisht Emiljano Mustën. Futbollisti, i cili dikur aktivizohej me ekipin verdheblu, tashmë mbron ngjyrat e Vllaznisë dhe u bë objektiv i dhunës sapo doli nga ambjentet sportive.

Megjithëse takimi u luajt pa praninë e tifozëve, gjatë lojës u dëgjuan sharje të rënda ndaj Mustës nga disa të pranishëm. Situata u tensionua në maksimum pas vërshëllimës final, teksa lojtari po i drejtohej autobusit të skuadrës shkodrane dhe një grup personash e goditën me grushte. Pavarësisht pranisë së policisë në stadium, forcat e rendit nuk mundën të ndërhynin në kohë për të parandaluar agresionin.

Ishte ndërhyrja e shpejtë e bashkëlojtarëve të tij që shmangu një përshkallëzim më të rëndë të dhunës, duke i larguar agresorët. Pas përplasjes fizike, Musta arriti të shkëpuste kontaktin dhe të hipi në autobus për t’u tërhequr nga zona e rrezikut.

The post Tifozët elbasanas dhunojnë lojtarin e Vllaznisë, Emiljano Musta, pas ndeshjes me Elbasanin appeared first on Albeu.com.

Rruga e Emiljano Mustës me Elbasanin ka ardhur në fund. Futbollisti i krahut të majtë i dha sot lamtumirën skuadrës “verdheblu”, ndërsa 34-vjeçari zgjodhi t’i falënderonte të gjithë përmes një mesazhi në rrjetet sociale.

Në postimin e tij, Musta shkroi: “Faleminderit Elbasani, ishte kënaqësi dhe privilegj të përfaqësoja dhe udhëhiqja ngjyrat e qytetit tim të lindjes në 2 sezone fantastike që kaluam së bashku”.

Edhe e ardhmja e lojtarit tashmë është e qartë. Sipas asaj që raportoi dje “Newsport.al”, anësori i majtë, i cili aktivizohet kryesisht në rolin e mbrojtësit, do të vazhdojë karrierën te Vllaznia, me firmën që është hedhur ditën e djeshme.

The post Emiljano Musta mbyll aventurën me Elbasanin, mbrojtësi i majtë përshëndet klubin: Ishte kënaqësi dhe privilegj! appeared first on Albeu.com.

Vllaznia ka siguruar firmën e Emiljano Mustës, i cili do të vazhdojë karrierën te skuadra shkodrane.

Mbrojtësi vjen te kuqeblutë pas ndarjes me nënkampionët e Elbasanit.

Lajmi në përditësim…

The post ZYRTARE/ Emiljano Musta firmos me Vllazninë pas largimit nga Elbasani appeared first on Albeu.com.