Chelsea ka konfirmuar zyrtarisht afrimin e portierit argjentinas Emiliano Martinez nga Aston Villa.

Gardiani 33-vjeçar, i cili ishte pjesë e Argjentinës që fitoi Kupën e Botës në vitin 2022, ka firmosur kontratën e re me klubin londinez. Martinez bëhet kështu përforcimi më i fundit i ekipit të drejtuar nga Xabi Alonso.

Me eksperiencën e krijuar në Ligën Premier dhe në kompeticionet ndërkombëtare, Martinez shkon në “Stamford Bridge” si një nga portierët më të vlerësuar. Gjatë gjashtë viteve të kaluara te Aston Villa, ai u rendit mes emrave më të spikatur të futbollit anglez dhe ndër gardianët më të mirë në botë.

Hapat e parë në futboll i hodhi në akademinë e Independientes. Më pas, në gusht të vitit 2010, kur ishte vetëm 17-vjeçar, u transferua te Arsenali.

Përpara se të siguronte një rol të rëndësishëm në skuadrën e parë të Arsenalit, Martinez kaloi disa sezone në huazim te klube të ndryshme, ku kërkoi më shumë minuta dhe përvojë.

Gjatë sezonit 2019/20, ai u bë titullar në 11 ndeshjet e fundit të fushatës dhe kontribuoi në suksesin e “Topçinjve” në FA Cup. Në nisje të sezonit të ardhshëm, portieri argjentinas fitoi edhe Community Shield.

Transferimi te Aston Villa u realizua në shtator të vitit 2020. Në klubin nga Birminghami, ai u shndërrua shpejt në një prej portierëve më të mirë të Ligës Premier.

Me Aston Villan, gjatë gjashtë sezoneve, Martinez zhvilloi 256 ndeshje dhe ndihmoi ekipin të fitonte Ligën e Evropës në muajin maj.

Debutimin me përfaqësuesen e Argjentinës e bëri në qershor të vitit 2021. Që prej asaj kohe, ai është vendosur si portieri i parë i kombëtares.

Martinez numëron 67 paraqitje me fanellën e Argjentinës dhe ka pasur një rol të rëndësishëm në periudhën e suksesshme të ekipit kombëtar.

Me përfaqësuesen argjentinase, ai ka fituar Copa America në vitet 2021 dhe 2024, si edhe Kupën e Botës në Katar në vitin 2022.

Performancat e tij i kanë sjellë gjithashtu Yashin Trophy, çmim të cilin e fitoi në ceremonitë e “Ballon d’Or” në vitet 2023 dhe 2024.

Transferimi i Martinezit i jep Chelsea-t një përforcim të rëndësishëm në portë, duke shtuar në skuadër një gardian me përvojë të konsiderueshme në nivelet më të larta të futbollit evropian dhe ndërkombëtar.

The post Emiliano Martinez zyrtarisht pjesë e Chelsea, kampioni i botës transferohet nga Aston Villa appeared first on Albeu.com.

Chelsea ka gjetur gjuhën e përbashkët me Aston Villan për transferimin e Emiliano Martínezit, i cili pritet ta vijojë karrierën te klubi londinez.

Sipas Matt Law të “The Telegraph”, palët kanë rënë dakord për një shumë prej 8.7 milionë eurosh dhe lëvizja do të jetë transferim i përhershëm.

Marrëveshjen e ka bërë të ditur edhe eksperti i merkatos, Fabrizio Romano, përmes formulës së tij të njohur:

“Chelsea ka arritur marrëveshje verbale për transferimin e Emiliano Martínez, HERE WE GO!”, shkroi Romano.

Portieri argjentinas pritet të marrë menjëherë vendin e titullarit te Chelsea. Vendimi i klubit për të ndërhyrë në këtë repart erdhi pas paraqitjes së Robert Sánchezit në sfidën hapëse të sezonit të Ligës Premier kundër Fulhamit.

Për Martínez, ky transferim përfaqëson një hap të rëndësishëm në karrierë. Ai konsiderohet ndër portierët më të njohur të Ligës Premier dhe ka qenë një figurë e rëndësishme edhe te përfaqësuesja e Argjentinës, me të cilën është shpallur kampion bote.

Hapi i radhës është finalizimi zyrtar i marrëveshjes, pas të cilit Martínez do t’i bashkohet Chelseat si lojtar i përhershëm.

The post Emiliano Martínez transferohet te Chelsea, arrihet marrëveshja me Aston Villan appeared first on Albeu.com.

Emiliano Martinez pritet të largohet nga Aston Villa gjatë kësaj vere, ndërsa klubi anglez ka afruar tashmë Zion Suzukin si zëvendësues të tij. Pas mosrealizimit të kalimit te Juventusi, portieri argjentinas është bërë objektivi i radhës i Chelseat.

Fabrizio Romano raporton se londinezët kanë nisur kontaktet me përfaqësuesit e Martinezit dhe se gardiani ka dhënë miratimin e tij për një transferim te Blutë.

Marrëveshja me Aston Villan mund të arrihet pa pengesa të mëdha, pasi klubi është pajtuar me largimin e portierit, i cili ka kontratë me të deri në vitin 2029 në Villa Park.

Interesimi i Chelseat lidhet edhe me problemet që skuadra ka shfaqur prej vitesh në këtë pozicion. Robert Sanchez shihet si pika më e dobët e formacionit aktual, ndërsa edhe portierët që e kanë paraprirë nuk kanë bindur. Në fakt, vështirësitë e klubit në portë datojnë që nga largimi i Thibaut Courtois.

Martinez vlerësohet si një ndër portierët më të mirë në botë gjatë viteve të fundit. Megjithatë, për Chelsean mbetet shqetësuese gjendja e tij fizike, pasi ‘Dibu’ po pret të rikthehet nga një dëmtim në gisht.

Portieri argjentinas ishte përmendur më herët si përforcim i mundshëm i Juventusit, por Zonja e Vjetër e ndërpreu interesimin për shkak të pikërisht këtij dëmtimi.

The post Chelsea hap negociatat për Emiliano Martinez pas dështimit të transferimit te Juventusi appeared first on Albeu.com.

Emiliano Martinez është rikthyer në planet e Juventusit, i cili tashmë ka paraqitur një ofertë zyrtare për portierin e Aston Villas.

Sipas raportimit të “The Athletic”, klubi italian ka ofruar 7 milionë euro si pagesë fikse, ndërsa vlera totale e marrëveshjes mund të shkojë në 10 milionë euro, nëse aktivizohen edhe 3 milionë euro bonuse të lidhura me paraqitjet e tij.

Aston Villa nuk e ka pranuar ende propozimin, por e ardhmja e portierit mbetet e pasigurt. Klubi anglez mund të marrë në konsideratë shitjen e 33-vjeçarit, veçanërisht për shkak të afrimit të pritshëm të Zion Suzukit nga Parma.

Që prej transferimit në Aston Villa në vitin 2020, Martinez është shndërruar në një prej futbollistëve më të rëndësishëm të skuadrës. Ai ka pasur rol vendimtar edhe me përfaqësuesen e Argjentinës, duke kontribuar në triumfin në Kupën e Botës 2022 në Katar dhe në fitimin e dy titujve të Copa America.

Juventusi synon të shtojë alternativat në portë dhe me këtë ofertë ka hedhur hapin e parë konkret për të siguruar shërbimet e portierit të përvojës.

The post Juventusi bën ofertë prej 10 milionë eurosh për portierin argjentinas të Aston Villas appeared first on Albeu.com.

Emiliano “Dibu” Martinez vazhdon të kryesojë listën e Juventusit për përforcimin e portës gjatë afatit kalimtar veror. Megjithatë, bisedimet nuk po përparojnë, pasi kushtet e vendosura nga Aston Villa po pengojnë arritjen e një marrëveshjeje.

Klubi nga Birminghami kërkon rreth 12 milionë euro për kartonin e 33-vjeçarit, shifër që drejtuesit bardhezi e vlerësojnë si tepër të lartë. Palët kanë dallime edhe për pagën: kërkesa është afro 9 milionë euro bruto në sezon, ndërsa oferta aktuale e Juventusit arrin në rreth 6.5 milionë euro.

Kampioni i botës me Argjentinën është i lidhur me Aston Villan me një kontratë që përfundon në qershor të vitit 2029. Për këtë arsye, drejtuesit e klubit anglez nuk synojnë të lehtësojnë largimin e tij.

Pas miqësores kundër Baselit, Luciano Spalletti bëri të ditur se Juventusi është ende në kërkim të një portieri të ri, me synimin për të shtuar konkurrencën në këtë pozicion. Kjo lëvizje po shqyrtohet pavarësisht se në ekip ndodhen Mattia Perin dhe Michele Di Gregorio, e ardhmja e të cilëve vazhdon të jetë e paqartë.

Martinez do të përpiqet të hapë rrugën e transferimit

Pasi të mbyllë angazhimet me përfaqësuesen e Argjentinës në Kupën e Botës 2026, Martinez pritet të takohet me drejtuesit e Aston Villas. Në këtë bisedë do të trajtohet mundësia që ai të transferohet gjatë kësaj vere.

Ideja për t’u larguar nga Birminghami nuk është e re për portierin argjentinas. Edhe gjatë verës së kaluar ai e kishte marrë në konsideratë nisjen e një aventure tjetër, por përfundimisht zgjodhi të vazhdonte me skuadrën e Unai Emeryt.

Trajneri spanjoll, ndërkohë, e sheh ende Martinez si një prej futbollistëve kyç të ekipit. Emery nuk dëshiron që portieri të largohet përpara fillimit të sezonit të ri.

Bardhezinjtë synojnë të reduktojnë shpenzimet e marrëveshjes

Në Torino ekziston bindja se vlera e operacionit mund të ulet, duke marrë parasysh disa rrethana që lidhen me portierin.

Mes argumenteve të Juventusit janë mosha e Martinez, i cili gjatë sezonit të ardhshëm do të mbushë 34 vjeç, si dhe dëmtimi në gisht që e shqetëson prej përfundimit të sezonit të kaluar.

Për të qenë në dispozicion të Argjentinës në Kupën e Botës, Martinez kishte zgjedhur ta shtynte ndërhyrjen kirurgjikale. Si rrjedhojë, gjendja e tij fizike do të ndiqet me vëmendje gjatë periudhës përgatitore.

Juventusi nuk synon të tejkalojë kufijtë e planifikimit financiar dhe shpreson që vetë portieri të luajë rol në gjetjen e një zgjidhjeje, pasi të bisedojë me drejtuesit e Aston Villas.

Nëse palët nuk afrohen në negociata, bardhezinjtë kanë filluar të vlerësojnë edhe kandidatura të tjera për portën. Sidoqoftë, Emiliano “Dibu” Martinez mbetet alternativa e preferuar e Luciano Spallettit, ndërsa takimi i tij me drejtuesit e Aston Villas pritet të përcaktojë vazhdimësinë e kësaj sage transferimi.

The post Juventusi këmbëngul për portierin argjentinas, Aston Villa vështirëson marrëveshjen appeared first on Albeu.com.

Emiliano Martinez, gardiani i skuadrës së Argjentinës, ka dhënë sinjale se fundi i aventurës së tij me fanellën “Albiceleste” mund të jetë afër, pas disfatës kundër Spanjës në finalen e Kupës së Botës.

Megjithëse bëri 11 pritje, duke vendosur një rekord absolut në një finale të Botërorit për numrin e ndërhyrjeve, Martinez nuk mundi të ndalte golin e Ferran Torresit që erdhi në minutat shtesë dhe i dha trofeun spanjollëve.

Kjo ishte paraqitja e tij e tetë në këtë turne, ku luajti si titullar në çdo ndeshje të Argjentinës, duke e çuar numrin total të përfaqësimeve me kombëtaren në 67.

Portieri i Aston Villas tashmë ka siguruar një vend të përjetshëm në panteonin e futbollit argjentinas, falë rolit të tij vendimtar në fitoren e Kupës së Botës në vitin 2022.

Pas vërshëllimës finale të sfidës së zhvilluar të dielën në zonën e New York/New Jersey, Martinez ishte i pikëlluar, duke qëndruar në pankinë me lot në sy, teksa lojtarët spanjollë shpërthenin në festë për trofeun e fituar.

Me organikën e Argjentinës që kishte një moshë mesatare rreth 30 vjeç në këtë Botëror, ndryshimet në gjirin e ekipit përpara edicionit të vitit 2030 duken të pashmangshme. Gjithashtu, e ardhmja e figurave si Lionel Messi dhe trajneri Lionel Scaloni mbetet në mjegull.

Vetë 33-vjeçari la të nënkuptohej një lamtumirë e mundshme përmes një postimi në Instagram të hënën.

“Ëndërroja të ngrija sërish trofeun; dëshiroja ta sillja edhe një herë këtë gëzim në Argjentinë dhe të krijonim një tjetër kapitull historie,” shkroi ai.

“Per të qenë i sinqertë, kjo dhimbje është e papërshkrueshme. Tani më duhet të ndalem, të analizoj thellë dhe të vendos nëse momenti për t’u tërhequr ka ardhur vërtetë.”

“Më vjen tejet keq për këtë. Dhashë maksimumin tim për t’i shërbyer vendit dhe bashkëlojtarëve të mi,” përmbylli mesazhin e tij.

The post Portieri argjentinas lë të hapur mundësinë e tërheqjes nga kombëtarja appeared first on Albeu.com.

Emiliano Martinez shkëlqeu në portën e Kombëtares së Argjentinës gjatë finales së Kupës së Botës 2026, por paraqitja e tij nuk mjaftoi për të shmangur humbjen ndaj Spanjës.

Portieri argjentinas realizoi disa ndërhyrje vendimtare gjatë takimit, ndërsa futbollistët e repartit ofensiv nuk i dhanë mbështetjen e nevojshme ekipit.

Pas një pjese të parë të dobët nga Argjentina, Martinez tentoi t’i motivonte bashkëlojtarët në tunel, pak përpara se skuadrat të riktheheshin në fushë për pjesën e dytë.

Tashmë është bërë publik fjalimi i zjarrtë në të cilin ai u kërkonte shokëve të luanin me zemër, të sulmonin dhe të mos tërhiqeshin prapa.

“Hajdeni, me zemër, djema, hej. Të luash me zemër do të thotë të ecësh përpara, jo të kthehesh prapa, përpara. Përpara, përpara, përpara, përpara”.

“Vetëm frikacakët luajnë mbrapa, le të ecim përpara. Tre pasime dhe e gjejmë Leon, le të na shoh duke e ndërtuar edhe nga mbrapa”, u ka thënë Martinez bashkëlojtarëve.

Edhe Lionel Messi u përpoq ta ngrinte moralin e skuadrës, duke u kërkuar lojtarëve të rrisnin nivelin e paraqitjes dhe të “tregonin më shumë karakter”. Megjithatë, thirrjet e tij nuk e ndryshuan rrjedhën e finales, pasi Spanja vijoi ta dominonte Argjentinën, ndërsa Ferran Torres shënoi golin vendimtar në kohën shtesë dhe vulosi triumfin e spanjollëve.

The post “Përpara luajnë trimat”: Publikohet mesazhi motivues i Emiliano Martinezit në finalen e Kupës së Botës appeared first on Albeu.com.

Ndërsa “Albiceleste” përgatitet për finalen e Kupës së Botës 2026 kundër Spanjës, gazeta MARCA ka sjellë dëshmitë e trajnerit Lionel Scaloni dhe 25 lojtarëve, të cilët shprehin me pasion admirimin e tyre për njeriun që shumë e konsiderojnë më të madhin e të gjitha kohërave.

Në Argjentinë, një thënie e njohur tregon se Diego Maradona ndërtoi një “mit” rreth vetes, por Messi ka fituar miliona “besimtarë”. Ata që kanë fatin të luajnë përkrah tij janë “pasuesit e D10S”, të vetëdijshëm për privilegjin e të ndarë fushën me një legjendë të gjallë.

Edhe në moshën 39-vjeçare, kapiteni vazhdon të shkruajë faqe të reja në historinë e futbollit. Pas epokave të lavdishme me Barcelonën dhe Paris Saint-Germain, dhe tani duke shkëlqyer te Inter Miami, Messi e ka çuar sërish Argjentinën në një finale Botërori — e treta për të personalisht, pas atyre të 2014-ës dhe 2022-ës.

Me 8 gola dhe 4 pasime vendimtare në këtë kompeticion, ylli argjentinas mbetet në luftë për Topin e Artë të nëntë dhe për titullin e golashënuesit më të mirë. Ai ka shënuar 21 herë në Kupat e Botës, vetëm një gol pas Kylian Mbappé. Megjithatë, për ata që e rrethojnë, shifrat janë vetëm një pjesë e vogël e tablosë. Messi për ta është i pamatshëm.

Trajneri Lionel Scaloni nuk ka asnjë dyshim: “Pa diskutim, ai është më i miri i çdo epoke. Është pothuajse e pamundur që dikush të arrijë atë nivel. Gjëja më e bukur që mund të na ndodhë si adhurues të këtij sporti është që ai të luajë sa më shumë dhe ne ta admirojmë. Edhe rivalët kënaqen duke e parë.” Scaloni shton se Messi do të qëndrojë në majë për aq kohë sa të dojë, duke theksuar se ka një atmosferë të veçantë rreth tij, sepse çdo gjë që bën duket krejtësisht e natyrshme.

Portieri Emiliano Martínez shprehet me vendosmëri të rrallë: “Jam gati të sakrifikoj jetën për të. Ne kemi një superyll që na shpëton në çdo sfidë. Kurrë nuk do të shohim një tjetër futbollist si Messi. Ai është unik dhe më i miri i historisë.”

Ndërkohë, Juan Musso vlerëson se Lamine Yamal është një talent fantastik, por ajo që ka realizuar Leo është e pakrahasueshme. Ai thekson se Messi ka mbajtur një nivel të paarritshëm për vite me radhë dhe se nuk i ka mbetur asgjë për të dëshmuar.

Geronimo Rulli mbetet i habitur nga ndikimi global i kapitenit. Duke kujtuar një udhëtim nga Uashingtoni në Nju Jork, ai përshkruan se si një autokolonë me rreth 100 makina i ndoqi thjesht për të parë Leon. “Ai është më i miri në botë dhe e provon vazhdimisht,” shton portieri.

Për mbrojtësin Gonzalo Montiel, shikimi i Messit në fushë është një përvojë që duhet shijuar në çdo moment, sepse është një lojtar i veçantë. Lisandro Martinez thekson se ata nuk kanë nevojë ta krahasojnë me askënd tjetër; ai qëndron i vetëm në krye. “Kur e sheh atë duke u përleshur dhe duke vrapuar, ndihesh i detyruar të japësh 200% për të. Jemi krenarë që po ndërtojmë këtë histori me Leon,” thotë Lisandro.

Marcos Senesi e quan një privilegj të ndash skuadrën me Messin, duke zbuluar se çdo herë që shkon në kombëtare, shokët e tij te Bournemouth i kërkojnë t’u sjellë fanella të tij. Ironikisht, Senesi vetë nuk zotëron asnjë.

Nicolás Tagliafico e sheh atë si shtysën kryesore: “Ai është lideri që na jep atë diçka më shumë. Të dish se e ke atë pranë në fushë të jep besim se mund të kapërcesh kufijtë.”

Cristian Romero pohon se prania e Messit sjell qetësi te të gjithë. “Nëse ai nuk është mirë, unë do të vrapoja dy herë më shumë për të. Ai është flamuri dhe simboli ynë, dhe ndikon edhe në psikologjinë e kundërshtarëve.”

Nicolas Otamendi, me emocion të thellë, i drejtohet drejtpërdrejt shokut të tij: “Ajo që shohin të tjerët nuk është asgjë në krahasim me atë që përjetojmë ne duke luajtur pranë teje. Ti përfaqëson historinë e këtij sporti. Të dua, miku im.” Ai shton se nuk dëshiron të mendojë për fundin, por vetëm ta jetojë ditë pas dite këtë periudhë.

Rodrigo De Paul shpreh përkushtimin e tij absolut: “Leo të bën të shkosh në luftë nëse ai ta kërkon. Jam shumë i lumtur që ai po e shijon këtë moment dhe vazhdon të na ndihmojë. Ai kurrë nuk mendon për rekordet personale; gjithmonë vendos ekipin përpara.”

Exequiel Palacios dëshiron që Messi të qëndrojë përgjithmonë në kombëtare, sepse kontributi i tij është i jashtëzakonshëm për të gjithë futbollin. Giovani Lo Celso e përshkruan atë si unik dhe të pazëvendësueshëm, ndërsa Leandro Paredes thekson se Messi vazhdon t’i befasojë në çdo seancë stërvitore dhe se është njeri spektakolar edhe jashtë fushe.

Për talentin e ri Thiago Almada, takimi i parë me Messin në një stërvitje ishte një përvojë e pabesueshme. “Ai është fenomenal, por mbi të gjitha është një person normal dhe i afrueshëm,” tregon ai. Nico Paz e konsideron të pakuptueshme fatin e tij për të luajtur një Kupë Bote me Leon, duke e vlerësuar atë si më të mirin në histori dhe të paimitueshëm.

Alexis Mac Allister nënvizon se prania e Messit e thjeshton çdo gjë dhe frikëson kundërshtarët, ndërsa Enzo Fernández flet për frymëzimin që buron nga kapiteni, sidomos në mënyrën se si përballet me sfidat. Julian Alvarez e sheh si nder të luajë me dikë që për 20 vite ka qenë në majë dhe vazhdon të tregojë magjinë e tij edhe në këtë moshë.

Nico González e përmbledh ndjenjën e përbashkët: “Ai na bën të themi: ‘Do të jap jetën për ty, vëlla’. Ndonjëherë në stërvitje përpiqem të parashikoj çfarë do të bëjë, por ai bën diçka krejt tjetër dhe unë vetëm falënderoj Zotin që e kemi.” Giuliano Simeone shton se nuk kanë alternativë tjetër veçse të japin gjithçka dhe të vrapojnë për të, sepse të shohësh më të mirin në histori çdo ditë të bën t’ju shkëlqejnë sytë.

Lautaro Martínez përmbyll me admirim të thellë: “Duke parë mënyrën si punon dhe përmirësohet, kupton pse është aty ku është. I thashë në fushë se duhet të qajë, sepse e meriton. Ai është udhërrëfyesi ynë dhe ai që na mbështet gjithmonë.”

Për bashkëlojtarët e tij, Lionel Messi nuk është thjesht kapiteni i Argjentinës. Ai është personifikimi i besimit se çdo ëndërr mund të arrihet.

The post Pse shokët e skuadrës janë gati të japin gjithçka për Lionel Messin appeared first on Albeu.com.

“Janë 10 ekipe në grupin e Amerikës së Jugut, gjashtë avancojnë dhe ekipi i shtatë luan një ndeshje eliminatore kundër ekipit të Oqeanit. Ky është zhgënjimi. Patjetër që duhet t’i rimendojmë gjërat”, u shpreh Gatuzo pas fitores ndaj Moldavisë.

Kjo deklaratë gjeti menjëherë përgjigjen e Emiliano Martinez.

“Ata gjithmonë luajnë në fusha perfekte dhe të lagura. Nuk e dinë se si është Amerika e Jugut. Ka vështirësi të tjera që nuk i shohin në Europë”, u shpreh Martinez.

The post Deklarata e fortë, ikona e Argjentinës i shpall “luftë” Gatuzos tek Italia: Nuk e dinë si është appeared first on Albeu.com.

Portieri argjentinas është një nga më të vlerësuarit në Ligën Premier, megjithatë dëshiron të bëj një hap para në karrierën e tij dhe të nënshkruaj për një top klub.

Edhe pse Martinez ka një kontratë me Aston Villa deri në verën e vitit 2027 dhe është pjesë integrale e planeve të trajnerit Unai Emery, klubi anglez mund të joshet ta shesë atë në afatin kalimtar të ardhshëm për të balancuar llogaritë e tyre financiare.

Chelsea, i vetëdijshëm për këtë situatë, ka ringjallur interesin për portierin argjentinas dhe është i gatshëm të bëjë një ofertë joshëse për të siguruar nënshkrimin e tij.

Blutë e Londrës, të cilët nuk kanë gjetur një portier të fortë startues në sezonet e fundit, e shohin Martinezin si zgjidhjen ideale për të forcuar portën e tyre.

Pavarësisht se kanë nënshkruar verën e kaluar me Robert Sanchez dhe Djordje Petrovic, asnjëri prej tyre nuk ka arritur të bindë plotësisht, gjë që ka bërë që klubi të kërkojë alternativa si ai argjentinas.

Chelsea është gati ta testojë Aston Villan me një ofertë prej 40 milionë eurove për Martinez, gjithsesi në ofertë mund të përfshihet edhe portieri spanjoll Robert Sanchez si pjesë e një shkëmbimi. /Telegrafi/

The post Emiliano Martinez do të largohet nga Aston Villa, afër transferimit te gjiganti anglez appeared first on Albeu.com.