Çuçi deklaroi se është e natyrshme që njerëzit duan të lëvizin për një jetë më të mirë.

Gjithashtu sipas tij numri i azilkërkuesve është ulur ndjeshëm në krahasim me vitin 2015.

Sipas ministrit, shqiptarët që udhëtojnë drejt Britanisë së Madhe janë emigrantë në shtete të tjera të Europës që largohen drejt një shteti tjetër.

“Në 2015 kanë qenë 65 mijë azilkërkues, në 2021 kemi vetëm 11 mijë. Shiko çfarë rënie nga viti 2015 dhe deri më sot. Kjo është çështje shumë dimensionale. Nuk është vetëm për ministrin e Brendshëm. Njerëzit duan të lëvizin dhe të gjejnë një jetë më të mirë.

Kjo është e natyrshme. Por numri është ulur. Për emigrantët e paligjshëm drejt Mbretërisë ë Bashkuar nuk kemi pasur ndonjëherë marrëdhënie më të ngushtë mes agjencive ligjzbatuese të dy vendeve. Është problem i Britanisë së Madhe. E dimë që pjesa më e madhe janë shqiptarë.

Jemi partner te kjo gjë. Kemi çuar njerëz atje për t’u marrë me këto  çështje. E keqja që ka rritur numrin është legjislacioni që ata kanë për këtë gjë. Shqiptarët që kanë shkuar atje janë shqiptarë që kanë emigruar në vendet e Europës dhe ikin nga vendet e Europës drejt Britanisë së Madhe”, u shpreh Çuçi./albeu.com/

The post Shqiptarët me gomone drejt Anglisë, ministri Çuçi: Është problemi i Britanisë, jo i joni appeared first on Albeu.com.

Në një lidhje me Skype për “ABC e Mëngjesit”, ai ndau disa detaje nga jeta e tij e vështirë, nga aksidenti te Rruga e Kombit, ku humbi njërën këmbë, marrëdhënia me të ëmën që i ka qendruar gjithmonë pranë deri te videot duke bërë palestër që janë bërë virale.

“Në moshën 24-vjeçe në Rrugën e Kombit më ka goditur një makinë dhe humba njërën këmbë. E mora në mënyrë shumë sportive sepse e kuptova që s’kisha mënyrë tjetër. Kam pasur një përkrahje shumë të madhe nga familjarët dhe veçanërisht nga nëna, e cila është gjëja më e shtrenjtë që kam.

Gjithmonë më thoshte mua që ça bën gjithë kohën me stërtvitje, por pasi kalova aksidentit që ishte shumë i rëndë për mua nuk më thoshte më.

Tashmë i vetmi problem që kam është se nuk vrapoj dot. Kam punuar më shumë se dy vite, 8-9 orë qendroj në këmbë nuk e kam problem. Isha në një moment që nuk e dija që do shpëtoja. Nëna më ka qendruar gjithmonë pranë. Madje, është dobësuar shumë nga ai moment.

Të gjithë ata që nuk më njohin, nuk e kuptojnë që kam një protezë, plus kam edhe fizikun e mirë. Kam punuar instruktor palestre.

Tani jetoj në Angli dhe me pagat aty nuk ja dalim dot. Nuk arrin dot të mbyllësh muajin, kam ikur për një jetë më të mirë”, u shpreh Niku.

The post “Nuk mbyllja dot muajin”, Niku i Për’Puthen: Ja pse “ndava mendjen” të vija në Angli appeared first on Albeu.com.