Sipas dekretit të ri, që ka hyrë menjëherë në fuqi, qeveria italiane ka shkurtuar listën e vendeve që i konsideron të sigurta. Emigrantët që nuk do të fitojnë statusin e azilantit nuk do të deportohen drejt vendeve të pasigurta.

Numri i vendeve që Italia i konsideron të sigurta, është zvogëluar tashmë në 19, nga 22 që ishin më parë. Nga lista janë përjashtuar Kameruni, Kolumbia dhe Nigeria.

Vendimi u mor pasi gjykata në Romë rrëzoi masën e ndalimit për 12 emigrantët e parë të dërguar në qendrën e pritjes së emigrantëve në Shqipëri. Gjykata vendosi se vendet e tyre të origjinës, Bangladeshi dhe Egjipti, nuk ishin vende të sigurta për rikthimin e tyre. Pas vendimit të gjykatës, emigrantët u rikthyen në Itali, ku mund të riaplikojnë për azil, shkruan VOA.

Qeveria vendosi ta bëjë ndryshimin me një akt ligjor, në vend të një vendimi të qeverisë, duke e bërë kështu më të vështirë bllokimin e tij në gjykatë.

“Ligji është në përputhje me vendimet e Gjykatës Evropiane të Drejtësisë. Hoqëm pra nga lista origjinale tre vende, të cilat gjatë vlerësimit rezultuan se në pjesë të territorit të tyre ka probleme që nuk na lejojnë t’i konsiderojmë plotësisht të sigurta”, tha ministri i Brendshëm italian, Matteo Piantedosi.

Vendimi i gjykatës së Romë u motivua në veçanti nga një vendim i marrë rishtazi nga Gjykata Evropiane e Drejtësisë, e cila vendosi se një vend mund të konsiderohet i sigurt për rikthimin e emigrantëve, vetëm nëse i gjithë territori i atij vendi është i sigurt.

Bllokimi nga gjykatat italiane u bë pengesa e parë ligjore për marrëveshjen pesëvjeçare mes Shqipërisë dhe Italisë për strehimin e përkohshëm të rreth 3 mijë emigrantëve në muaj, që kapen në det nga roja bregdetare italiane.

Kryeministrja italiane Giorgia Meloni e ka mbrojtur marrëveshjen e arritur me Shqipërinë, si një “model” të mënyrës së trajtimit të emigrantëve të paligjshëm dhe ndryshimi i ri ligjor përpiqet të ruajë këtë imazh.

“Mbërritëm në këtë pikë, pasi gjithçka e pati origjinën nga një vendim i Gjykatës Evropiane të Drejtësisë, që është shumë kompleks dhe shumë i mirë-artikuluar dhe ndoshta nuk u kuptua dhe u lexua siç duhet”, tha ministri i Drejtësisë, Carlo Nordio.

Organizatat e të drejtave të njeriut dhe grupet e aktivistëve në Mesdhe e kanë kritikuar marrëveshjen Itali-Shqipëri, si një precedent i rrezikshëm që shkel ligjet ndërkombëtare. Disa ekspertë ligjore gjithashtu vënë në dukje se as ndryshimet më të fundit të qeverisë italiane nuk do të jenë në gjendje t’u ofrojnë zgjidhje për konfliktet e ardhshme ligjore, pasi vendimet e BE-së mbizotërojnë ndaj ligjeve të vendeve anëtare.

The post Italia miraton ligj të ri për deportimin e emigrantëve appeared first on Albeu.com.

Emigrantët e kanalit mund të mbahen në qendrën e azilit në Manston deri në 96 orë, sipas planeve të ministrave për të ndryshuar ligjin mes një rritjeje të kalimeve.

Zyra e Brendshme po përballet me veprime të shumta ligjore për mbajtjen e emigrantëve në qendrën e azilit me tenda në Kent për më shumë se kufiri aktual ligjor prej 24 orësh, pasi numrat arritën në 4,000 në nëntor, pothuajse trefishi i kapacitetit të tij maksimal .

Kjo vjen pasi numri i emigrantëve që kaluan Kanalin këtë vit vlerësohet të ketë kaluar 44,000, me rreth 800 të mërkurën pas 884 të martën dhe 426 të hënën. Kjo krahasohet me 28,500 emigrantë për vitin e kaluar.

Ndryshimi ligjor do të nënkuptojë që migrantët e Kanalit mund të mbahen për 72 orë ose tre ditë – dhe potencialisht 96 orë ose katër ditë – si një mjet për t’u dhënë zyrtarëve më shumë fleksibilitet për të përpunuar migrantët nëse përballen me rritje të mëtejshme të paprecedentë të mbërritjeve nëpër Kanal. Të dyja opsionet mendohet të jenë në tavolinë.

Sidoqoftë, Sir Roger Gale, deputeti konservator, zona elektorale e Thanet-it verior të të cilit mbulon qendrën, mbështeti një ndryshim të rregullave si një rast të arsyeshëm.

Kryeministri Rishi Sunak premtoi të prezantojë “çdo fuqi të re që na nevojitet” për të luftuar kalimet e Kanalit

Ndërkohë “Telegraph” shkruan se mund të zhvillohet një bisedë telefonike mes Sunak dhe Edi Ramës. Si ditë për këtë telefonatë është parashikuar kjo e enjte, dhe tema kryesore do të jetë pikërisht për emigracionin e paligjshëm.

Shqiptarët përbëjnë më shumë se 12,000 veta – ose 30 për qind – të emigrantëve të Kanalit këtë vit.

Ministrat po kërkojnë të zhvillojnë një rrugë të shpejtë dëbimi për t’i kthyer shqiptarët në një vend që ata gjykojnë se është “i sigurt”, ndërsa zoti Rama ka kërkuar një marrëveshje për të përfshirë një skemë të vizave të punës të stilit gjerman për shqiptarët për të ardhur në Mbretërinë e Bashkuar.

Një zëdhënës i qeverisë tha: “Stafi në të gjithë Ministrinë e Brendshme ka punuar pa u lodhur në rrethana sfiduese për të siguruar strehim alternativ sa më shpejt të jetë e mundur për ata që janë përpunuar në Manston.

The post Shqetësimi për emigratët, Edi Rama bisedë telefonike me Rishi Sunak? Propozimi i kryeministrit shqiptar appeared first on Albeu.com.