Zyra e Presidentes së Republikës së Kosovës ka bërë të ditur se ka kërkuar nga institucionet përkatëse të sigurisë verifikimin e kandidatëve të propozuar për anëtarë të Komisionit Qendror të Zgjedhjeve.

Kjo kërkesë është dërguar pasi subjektet politike kanë paraqitur me shkrim propozimet e tyre për përbërjen e KQZ-së.

Afati pesëditor për pranimin e propozimeve ka përfunduar të premten.

Procedura e emërimit nuk ka marrë ende epilog, pasi Zyra e Presidentes po pret përgjigjet e institucioneve kompetente për verifikimet e kërkuara.

Pasi të pranohen këto përgjigje, Zyra e Presidentes do të vazhdojë me hapat e nevojshëm për finalizimin e emërimit të anëtarëve të Komisionit Qendror të Zgjedhjeve.

The post Presidenca sqaron hapat për përzgjedhjen e anëtarëve të KQZ-së appeared first on Albeu.com.