Sipas specialistëve, disa kategori janë më të ekspozuara ndaj cilësisë së keqësuar të ajrit nga flakët. Pa dyshim, grupet më vulnerabël përfshijnë forcat zjarrfikëse që luftojnë me flakët dhe komunitetet që jetojnë pranë vatrave. Këto grupe mund të hasin disa probleme shëndetësore.

Për banorët që ndodhen në afërsi të vatrave të zjarrit, specialistët këshillojnë si hap të parë të sigurohen se nuk janë në rrezik nga flakët. Më pas, për t’u mbrojtur nga tymi, duhet të qëndrojnë në distancë dhe të mbahen maska me filtra.

The post ISHP paralajmëron: Tymi i zjarreve rrezikon shëndetin, më të ekspozuarit grupet vulnerabël appeared first on Albeu.com.

Gjatë ditës janë evidentuar 22 vatra zjarri në rang vendi. Prej tyre, 12 janë aktive, 9 mbahen nën mbikëqyrje, ndërsa 1 vatër është shuar. Në operacione marrin pjesë 498 forca vendore dhe lokale, si dhe 314 efektivë të Forcave të Armatosura, të mbështetur nga mjete zjarrfikëse, mjete të tjera operacionale, autoambulanca, një dron dhe 4 operacione me helikopterë.

Në Malin e Dajtit, zjarri vijon të jetë aktiv në një zonë të mbuluar me pyll ahu dhe shkurre. Për shuarjen e tij janë angazhuar 25 efektivë zjarrfikës, 7 forca të ADM-së dhe 55 efektivë të FA, së bashku me 5 mjete, 1 autoambulancë dhe 1 helikopter. Sipas autoriteteve, zonat e banuara nuk janë në rrezik. Zjarri në Kryezi të Kavajës është shuar, ndërsa vatra në Malin e Bërzhitës është izoluar dhe po monitorohet nga strukturat vendore.

Aktive janë gjithashtu vatrat në Vajkal të Bulqizës, Lundre-Madhesh në Mat, Qafën e Helmes në Bulqizë dhe Cerrujë-Mali i Allushit në Klos. Në Lundre-Madhesh, krahas forcave vendore, pyjore dhe vullnetare, në terren janë angazhuar 22 efektivë të FA, 3 mjete dhe 1 autoambulancë. Në këto zona nuk raportohet rrezik për banesat; konkretisht, në Lundre-Madhesh zjarri ndodhet në lartësi dhe largësi të konsiderueshme nga zonat e banuara.

Vijojnë aktive edhe vatrat në Gallatë të Kurbinit dhe në aksin Kalivaç-Zimaj-Kashnjet të Bashkisë Lezhë. Terreni i vështirë po pengon ndërhyrjen në Gallatë, por banesat nuk kërcënohen. Në Kalivaç-Zimaj-Kashnjet operacioni përfshin 100 forca vendore, pyjore dhe vullnetare, të mbështetura nga 124 efektivë të FA, 16 mjete, 2 autoambulanca dhe 1 helikopter. Edhe në këtë zonë nuk ka raportime për rrezik ndaj zonave të banuara.

Vatra në Malin e Qukësit, në Prrenjas, është nën vëzhgim dhe po monitorohet nga MZSH. Ndërkohë, zjarri në Gurëshpatë të Librazhdit mbetet aktiv. Në këtë operacion marrin pjesë MZSH Librazhd, 1 automjet dhe 6 efektivë. Edhe këtu nuk paraqitet rrezik për zonat e banuara.

Në Fushë-Arrëz, vatra mbi Ludric dhe Shopel është nën mbikëqyrje. Në Mnelë të Vogël të Vaut të Dejës zjarri është ende aktiv. Për përballimin e situatës janë angazhuar strukturat vendore, 27 efektivë të FA, 3 automjete zjarrfikëse, 1 autobot dhe 1 helikopter.

Në Bardhaj-Myselim po vijojnë ndërhyrjet e forcave të MZSH-së, Shërbimit Pyjor, bashkisë dhe vullnetarëve, me mbështetjen e 43 efektivëve të FA dhe mjeteve. Sipas raportimit, banesat nuk janë në rrezik. Vatra në Bërdicë vijon të jetë nën monitorim.

Në Malin e Tërbunit, në Pukë, zjarri është aktiv në një sipërfaqe pyjore me pisha. Në terren ndodhen forcat vendore dhe 32 efektivë të FA, të pajisur me 3 mjete dhe 1 autoambulancë. Nuk raportohet rrezik për zonat e banuara.

Vatra në Bolenë të Himarës po mbahet nën mbikëqyrje nga MZSH Himarë. Në Qesarat të Finiqit, zjarri i shfaqur gjatë ditës në një sipërfaqe me shkurre vijon aktiv. Në operacion është angazhuar MZSH Finiq dhe është realizuar edhe ndërhyrje me 1 helikopter.

Vatrat në Peshtan të Fierit dhe Çërrilë të Mallakastrës kanë kaluar në fazën e mbikëqyrjes. Strukturat zjarrfikëse po i kontrollojnë në terren për të shmangur riaktivizimin e tyre.

Në Halil të Krujës, zjarri që ishte shfaqur pranë banesave është izoluar dhe shuar. Megjithatë, MZSH Krujë vijon ta mbajë zonën nën monitorim.

Vatra në Mamëz, në njësinë administrative Kolsh, e shfaqur gjatë ditës në një zonë me shkurre dhe pisha, është nën mbikëqyrje. Autoritetet bëjnë me dije se nuk ka rrezik për zonat e banuara.

Agjencia Kombëtare e Mbrojtjes Civile po ndjek pa ndërprerje zhvillimet në të gjithë vendin, në bashkëpunim të ngushtë me prefekturat, bashkitë dhe strukturat e sistemit të Mbrojtjes Civile.

Forcat dhe kapacitetet operacionale mbeten në terren dhe në gatishmëri për të ndërhyrë në çdo zonë ku kërkohet. Prioriteti i tyre është garantimi i sigurisë së jetës, mbrojtja e banesave dhe ruajtja e pasurisë së qytetarëve.

The post Zjarret në vend, 12 vatra vijojnë aktive; strukturat në gatishmëri për mbrojtjen e banesave appeared first on Albeu.com.

Pamjet nga vendngjarja tregojnë për një situatë të rënduar, ndërsa flakët, të favorizuara nga erërat dhe terreni i vështirë malor, po përhapen me shpejtësi dhe kanë përfshirë sipërfaqe të gjera pyjesh e kullotash.

Zjarri po avancon drejt varrezave dhe kishës së zonës, ç`ka ka shtuar frikën e banorëve se flakët mund të mbërrijnë deri te banesat e tyre.

The post Flakët përfshijnë Zimajn dhe Rrasin, kërcënohen pyjet dhe zona e banuar appeared first on Albeu.com.

Bashkia Pukë njofton se ndërhyrja është e vështirë për shkak të relievit malor, i cili pengon lëvizjen dhe depërtimin e mjeteve zjarrfikëse në zonat e prekura.

Në vendngjarje ndodhen strukturat e Bashkisë Pukë, Shërbimi Zjarrfikës, shërbimi pyjor dhe punonjës të shërbimeve, të angazhuar në përpjekjet për izolimin dhe shuarjen e vatrave të zjarrit.

Situata paraqitet alarmante pasi flakët po rrezikojnë dhe po djegin sipërfaqe pyjore në malin e Tërbunit.

Bashkia Pukë u ka bërë thirrje banorëve, të rinjve dhe të gjithë qytetarëve që dëshirojnë të ndihmojnë, t’i bashkohen përpjekjes së përbashkët për ruajtjen e pyjeve dhe pasurisë natyrore.

Solidariteti dhe vullnetarizmi qytetar konsiderohen të rëndësishëm në këtë situatë. Qytetarët që duan të kontribuojnë apo të mbështesin punën në terren mund të kontaktojnë strukturat përgjegjëse të Bashkisë Pukë.

Çdo ndërhyrje nga qytetarët duhet të kryhet vetëm në koordinim me strukturat profesionale dhe duke respektuar udhëzimet e tyre, në mënyrë që të shmangen rreziqet për jetën dhe sigurinë.

Bashkia e cilëson Tërbunin si një pasuri të Pukës dhe u bën apel të gjithëve që, në këtë moment kur pyjet kërcënohen nga zjarri, të bashkohen me përgjegjësi dhe solidaritet për mbrojtjen e tij.

Puka ka nevojë për bashkëpunimin e të gjithëve më shumë se kurrë. Apeli është për mbrojtjen e përbashkët të Tërbunit dhe pyjeve.

The post Flakët përfshijnë malin e Tërbunit, Bashkia Pukë e cilëson situatën alarmante appeared first on Albeu.com.

Sipas Tavos, po kryhet vlerësimi i dëmeve dhe po mbahet kontakt i drejtpërdrejtë me familjet e prekura. Rikthimi i energjisë elektrike, furnizimi me ujë dhe normalizimi i jetës në zonat e dëmtuara mbeten ndër çështjet kryesore.

Në njoftimin e tij, Tavo bëri të ditur se gjatë ditës, së bashku me stafin e bashkisë të angazhuar për menaxhimin e situatës, zhvilloi inspektime në zonat më të prekura nga zjarri dhe u takua me banorët për të dëgjuar nga afër shqetësimet dhe nevojat e tyre.

Grupet e Bashkisë Himarë po evidentojnë pasojat e zjarrit në bashkëpunim me grupin e verifikimit të Agjencisë Kombëtare të Mbrojtjes Civile. Në terren ishte e pranishme edhe Ministrja për Marrëdhëniet me Parlamentin, Erjona Ismaili.

Një tjetër prioritet është rikthimi i furnizimit me energji elektrike dhe ujë në të gjitha zonat e prekura. Ndërkohë, rrugët janë hapur dhe qarkullimi ka rifilluar normalisht.

Puna do të vijojë për dokumentimin dhe vlerësimin e plotë të dëmeve të shkaktuara nga zjarri. Bashkia dhe institucionet qendrore po bashkëpunojnë për të garantuar që çdo familje e prekur të marrë mbështetjen e nevojshme.

“Në këto momente të vështira, prioriteti ynë është të qëndrojmë pranë banorëve dhe të rikthejmë sa më shpejt normalitetin në çdo zonë të prekur”, u shpreh Vangjel Tavo.

The post Vangjel Tavo: Po punojmë për rikthimin e normalitetit pas zjarreve në Himarë, pranë familjeve të prekura appeared first on Albeu.com.

Sipas tij, pas një riaktivizimi të favorizuar nga era gjatë mesditës, ndërhyrja e ekipeve nga toka dhe ajri ka bërë të mundur vënien nën kontroll të flakëve.

Në operacion morën pjesë zjarrfikësit, Shërbimi Pyjor, Emergjencat Civile, Forcat e Armatosura, punonjës të njësive administrative, vullnetarë dhe banorë të zonës.

Ndihmë në shuarjen e vatrave më problematike dhanë edhe dy helikopterë, të cilët ndërhynë nga ajri për të izoluar flakët, ndaluar përhapjen e tyre dhe mbrojtur banesat.

Benet Beci ka njoftuar se Bardhaj dhe Myselimi vijojnë të monitorohen nga ekipet e emergjencave, me qëllim parandalimin e çdo riaktivizimi të mundshëm.

The post Benet Beci: Zjarret në Bardhaj dhe Myselim janë izoluar, banesat nuk rrezikohen appeared first on Albeu.com.

“Himara dhe Fieri kaluan një natë shumë të vështirë mbrëmë. Aktualisht situata është nën kontroll dhe nuk ka rrezik për banorët apo zonat e banuara”, shkruan kryeministri.

Rama bëri me dije gjithashtu se; bashkitë do të vijojnë identifikimin dhe vlerësimin e dëmeve të shkaktuara, ndërsa do të evidentohen edhe rastet që kanë nevojë për ndihmë urgjente.

“Strukturat përgjegjëse vijojnë punën në terren për monitorimin e situatës dhe evidentimin e dëmeve. Bashkitë do të vijojnë identifikimin dhe vlerësimin e dëmeve, si dhe evidentimin e rasteve që kanë nevojë për ndihmë urgjente”, shkuan Rama.

The post Zjarret masive në Himarë dhe Fier rrezikuan banorët, Rama: Kaluan një natë shumë të vështirë, situata nën kontroll! Nis vlerësimi i dëmeve appeared first on Albeu.com.

Ekipet zjarrfikëse po përpiqen të neutralizojnë vatrat në terren, por përhapja e flakëve po e vështirëson ndërhyrjen.

Banorët kanë kërkuar ndihmë urgjente nga ajri, pasi zjarri po avancon në drejtim të banesave të tjera.

The post Zjarri në Himarë del jashtë kontrollit, shkrumbohen dy banesa dhe rrezikohen rreth 40 të tjera appeared first on Albeu.com.

Sipas raportit operacional të 01.09.2026, ora 20:00, janë evidentuar gjithsej 17 vatra zjarri. Prej tyre, 11 janë shuar, 4 vijojnë të jenë aktive dhe 2 ndodhen nën mbikëqyrje.

Për menaxhimin e situatës në terren janë angazhuar 164 forca operacionale dhe 13 automjete zjarrfikëse. Në mbështetje të operacioneve, Forcat e Armatosura kanë vënë në dispozicion 90 efektivë dhe 2 helikopterë.

Vatrat aktive ndodhen në Dajt, Vajkal, Lundre dhe Therepel.

Në zonën e Dajtit, ndërhyrja vijon në drejtim të Qafë-Priskës, ku operojnë 68 forca. Sipas njoftimit, banesat nuk janë të rrezikuara.

Në Vajkal të Bulqizës, zjarri po përhapet në një terren shkëmbor. Deri tani janë përshkuar mbi 13 ha, ndërsa në operacion janë angazhuar 48 forca. Edhe në këtë zonë nuk raportohet rrezik për banesat.

Në Lundre të bashkisë Mat, era po ndikon në ecurinë e situatës. Për shuarjen e flakëve janë mobilizuar strukturat vendore, vullnetarë, 30 efektivë të FA dhe 1 helikopter.

Ndërhyrja në Therepel të Skraparit po zhvillohet me pjesëmarrjen e forcave të MZSH-së nga Skrapari, Berati dhe Poliçani, vullnetarëve dhe 1 helikopteri të FA.

Vatrat e zjarrit në Qafën e Lugut–Vithkuq dhe në malin e Qukësit–Prrenjas vijojnë të jenë nën monitorim, ndërsa nuk paraqesin rrezik për zonat e banuara.

Agjencia Kombëtare e Mbrojtjes Civile po e monitoron situatën në mënyrë të vazhdueshme në të gjithë vendin, në bashkëpunim të ngushtë me prefekturat, bashkitë dhe strukturat e sistemit të Mbrojtjes Civile.

Forcat dhe kapacitetet operacionale mbeten në terren dhe në gatishmëri për të reaguar në çdo zonë ku nevojitet ndërhyrje, duke pasur si përparësi mbrojtjen e jetës, banesave dhe pasurisë së qytetarëve.

The post Zjarret në vend, 4 vatra vijojnë të jenë aktive ndërsa 2 të tjera monitorohen appeared first on Albeu.com.

Për menaxhimin e situatës janë vënë në dispozicion 214 forca operacionale, 6 automjete zjarrfikëse, 75 efektivë të Forcave të Armatosura dhe 3 helikopterë.

Vështirësitë më të mëdha janë evidentuar në Dajt, në drejtim të Qafë-Priskës dhe përballë Farkës, ku zjarri është riaktivizuar dhe ka vijuar të zgjerohet.

Në këtë zonë po punojnë 25 forca zjarrfikëse dhe të AZM-së, si dhe 20 efektivë të FA-së. Ndërkohë, në operacion janë përfshirë edhe 2 helikopterë.

Edhe në Vajkal të Bulqizës janë përqendruar forca të shumta për shuarjen e flakëve. Ndërhyrja po mbështetet nga 1 helikopter dhe 30 efektivë të FA-së, së bashku me ekipet e MZSH-së, forcat pyjore dhe vullnetarët.

Vatra aktive raportohen gjithashtu në Qafë të Helmës, ku situata po monitorohet pa shfaqur zhvillime dhe pa paraqitur rrezik për banesat, si dhe në Sllatinë të Dibrës.

Në këtë të fundit janë angazhuar 78 forca nga MZSH-ja, shërbimi pyjor, ADZM-ja, bashkia dhe grupet e vullnetarëve.

Ndërsa vatrat në Komsi, malin e Dardhës dhe malin e Qukësit, janë izoluar ose ndodhen nën mbikëqyrje dhe nuk kërcënojnë zonat e banuara, zjarri në Delisuf të Vlorës është shuar tërësisht. Flakët atje përfshinë rreth 2 ha sipërfaqe me shkurre.

The post Ministria e Mbrojtjes raporton situatën e zjarreve: Dajti dhe Bulqiza vijojnë të jenë zonat më problematike appeared first on Albeu.com.