Pesë vezë,
pesë lugë çaji sheqer,
një filxhan salcë
rreth 300ml. qumësht
+ perberes per shije sipas deshires

Përgatitja:

Rrihni kremin e rrahur me qumësht të ftohtë dhe lëreni mënjanë.

Në një enë tjetër rrihni të bardhat e vezëve dhe shtoni sheqerin që të jetë e fortë dhe rrihni të verdhat e vezëve.

Shtoni shijet dhe përziejini çdo grimë me mikser që të bashkohen përbërësit.

Shijet:

Për çokollatën: Dy lugë kakao dhe tre çokollatë të shkrirë.

Për vaniljen: Tre gota sheqer vanilje.

Për lajthinë: Një lugë çaji kakao dhe pak lajthi të grirë hollë.

Për biskota:Biskota sipas kërkesës

Për frutat: Zgjidhni aromën e frutave sipas dëshirës.

Mbyllni enët dhe lërini në ngrirje deri nesër ose derisa të forcohen. /albeu.com/

The post Receta më e mirë për Akulloren: Ditët e ngrohta janë gjithmonë më të lehta me këtë ëmbëlsirë appeared first on Albeu.com.

Mango dhe kivi me lëng të freskët lime-i

Kivi dhe mango marrin një freski agrumesh në këtë sallatë frutash. Të duhet një kivi i pjekur, por i fortë, gjysmë filxhani mango i pjekur, por i fortë, i prerë në kube dhe gjysmë luge çaji lëng lime-i.

Rrush i ngrirë

Ëmbëlsira e përkryer e verës, këto kokrra rrushi të ngrira janë shumë të shëndetshme. Sigurisht je e lirë të ngrish edhe mjedra, thela pjeshke, kuba shalqiri.

Hurma arabe të mbushura me bajame

Zgjidh hurma Arabie të buta që ta kesh më të lehtë t’i mbushësh me bajame. Sipër pak lëng portokalli.

Mango i pjekur

Pjekja shfaq ëmbëlsinë e frutit. Pak lëng lime-i e ekuilibron. Provo këtë teknikë dhe me ananas.

Banane me kakao dhe arrë kokos

Bananet e pjekura me kakao dhe arrë kokosi janë një ëmbëlsirë e shijshme për të gjithë familjen. Duhen 4 lugë çaji pluhur kakao, 4 lugë çaji pluhur i pjekur kokosi, i paëmbëlsuar dhe dy banana të prera diagonalisht.

Qershi me Ricotta dhe bajame të pjekura

Qershitë me ricotta dhe bajame të pjekura formojnë një ëmbëlsirë me shije të pasur, por dietike. Treçerek filxhani qershi pa bërthamë 2 lugë gjelle ricotta pjesërisht e skremuar 1 lugë gjelle bajame të pjekura.

Granita me mollë dhe pjepër

Kjo granita përdor pjepër të ëmbël, të pjekur për shije, lëng molle në vend të sheqerit dhe pak lëng lime-i për të shtuar aromat. Frutat e kuqe ngjajnë shumë bukur përsipër, ose nëse gjen fiq të freskët, shto ato. Për një pamje më drithëruese, përgatite me një pjepër në ngjyrë portokalli të varietetit Charentais ose honeydew portokalli. 4 filxhanë pjepër i pjekur 1 filxhan lëng molle çerek filxhani lëng lime i freskët 1 filxhan boronica të freskëta 1 filxhan mjedra të kuqe.

The post Të haet ëmbëlsirë, por nuk do të shëndoshesh? Ja disa receta speciale që ju dhurojnë vetëm shijen, pa kalori appeared first on Albeu.com.

Për 8-10 copa koha 30 min

Përbërësit: 225 g gjalpë i zbutur, 225 g sheqer, 200 g miell, i situr, 25 g pluhur kakao, i situr, 1 lugë çaji pluhur pjekës, 1 lugë çaji ekstrakt vaniljeje, 4 vezë të rrahura, 2 lugë gjelle qumësht.

Për mbushjen: 200 ml krem djathi, 2 lugë gjelle sheqer pluhur, 2 lugë gjelle kakao, pluhur kakao.

Do të duhen: 2 tava pjekëse me diametër 20 cm, të lyera me vaj dhe të shtruara me letër kuzhine.

Përgatitja: Ndiz furrën në 190 gradë C. Vendosi të gjithë përbërësit në një enë të madhe dhe përzieji deri sa të bashkohen. Ndaji mes dy tavave dhe piqi në qendër të furrës për afërsisht 20 minuta, derisa të bëhet elastik në të prekur. Lëri të ftohen për 5 minuta në teneqetë e tyre dhe pastaj ktheji përmbys mbi një skarë hekuri.

Për mbushjen, rrih lehtë kremin me sheqerin dhe pastaj shto duke e përzier me kakaon. Vendosi në mes të dy shtresave të kekut dhe sipër hidhi pluhur kakao.

The post Ëmbëlsoni fundjavën tuaj, ky kek me çokollatë ju merr vetëm 30 minuta kohë appeared first on Albeu.com.

Nevojiten:
– 5 vezë,

– 5 lugë sheqer,

– 5 lugë miell,

– 2 lugë kakao,

– 1 qese pluhur për ëmbëlsira,

– 500 ml qumësht.

Për shtojcë:

– 250 g sheqer

– 500 ml ujë,

– Sheqer vaniljeje.

Për fill:

– 500 ml qumësht,

– 5 lugë miell,

– 100 g sheqer,

– 1 sheqer vaniljeje.

Përgatitja:

1. Tundni 5 të bardhë të vezëve me 5 lugë sheqer, shtoni 5 të verdhë të vezëve, 5 lugë miell, 2 lugë kakao dhe pluhur për ëmbëlsira.

2. Lyeni tepsinë dhe piqeni koren në furrë. Në koren e pjekur qitni shurupin e zier nga 250 g sheqer, 500 ml ujë, 1 sheqer vaniljeje. Të nxehtën në të nxehtë dhe lëreni të ftohet në tepsi.

3. Filli: nga 0,5 l qumësht, 5 lugë miell, 100 g sheqer dhe sheqer vaniljeje zieni me kremin e bardhë. Kur të ftohet, shtoni 250 g gjalpë të përzier me 1 lugë sheqer pluhur. Fillin e bardhë qiteni mbi kore. Sipër fillit të bardhë qitni 3 shtanglla çokollate të shkrirë me pak gjalpë.

The post Shefat e kuzhinës e fshehin këtë recetë, ja si ta gatuani për 10 minuta ëmbëlsirën më të shijshme në botë appeared first on Albeu.com.

Dieta për të mbajtur nën kontroll diabetin e tipit 2 nuk ka përse të jetë rigoroze, strikte apo e mërzitshme. Nëse ju duket kështu, kjo tregon se u besoni miteve që ekzistojnë rreth tij. Të mësosh të vërtetën rreth ditës ideale të diabetit, është hapi i parë i planit më efektiv. Por jo çdo gjë që dëgjojmë të thuhet rreth saj, është e vërtetë. Ja cilat janë disa nga mitet, të cilat deri më sot i kemi besuar të gjithë.

1. Diabeti shkaktohet nga konsumimi i sheqerit

Sheqeri vetë nuk shkakton diabet në mënyrë direkte. Sigurisht që nëse e kaloni masën do të keni probleme me mbipeshën dhe obezitetin, që janë dy faktorë riskozë për diabetin e tipit 2. Ky është një mit shumë i përhapur dhe është e kuptueshme- sepse niveli i rritur i sheqerit në gjak luan rol thelbësor. Vetë sheqeri, nuk është shkaktar i sëmundjes.

2. Dieta e duhur e diabetikëve është shumë e limituar.

Kjo nuk është aspak e vërtetë. Ju mund të konsumoni gjithçka, e vetmja gjë për të cilën duhet të jeni të vëmendshëm, është sasia që do të merrni. Të keni diabetin e tipit 2, nuk do të thotë të hiqni dorë nga ushqimet që doni. Thjesht duhet t’i merrni ato në masën e duhur dhe t’i kombinoni në mënyrë të shëndetshme.

3. S’do të mund të ha kurrë ëmbëlsira.

Sigurisht që mundeni. Në momentin që ju do të familjarizoheni me dietën tuaj, për të mbajtur nën kontroll diabetin, do ta shihni që një ëmbëlsirë më shumë nuk do të përbëjë asnjë lloj rreziku për shëndetin tuaj. Mjekët rekomandojnë ngrënien e porcioneve të vogla ose ngrënien e ëmbëlsirave në raste speciale.

4. Mund të ha vetëm ushqime për diabetikët

Nuk ka asnjë ushqim special për diabetikët, mos ia thoni më vetes këtë. Dieta ideale e diabetit është gjithashtu dieta më e shëndetshme për të gjithë, që përfshin proteinat, frutat dhe perimet. Ndryshimi i vetëm është masa!

5. Nëse tregoheni strikt me dietën, diabeti do të zhduket. 

Një dietë e shëndetshme ushqimore nuk e shëron diabetin, thjesht e mban atë nën kontroll. Nëse ju keni diabetin e tipit 2, insulina që prodhon trupi juaj, nuk funksionon siç duhet për të zhvendosur glukozën që merrni nga ushqimet në qelizat tuaja, ku do të përdoret për energji. Kjo shkakton rritjen e sheqerit në gjak dhe një dietë e shëndetshme nuk mundet ta shërojë përfundimisht atë, por e sigurt është që do të mund ta mbani nën kontroll dhe do të shmangni përfundimisht komplikimet.

6. Frutat janë të shëndetshme, mund të konsumojë sa të dua.

Frutat përmbajnë karbohidrate, kështu që ju duhet t’i llogarisni ato me kujdes. Frutat janë burim i mirë vitaminash, mineralesh dhe fibrash, element të cilët duhet patjetër të jenë në dietën tuaj. Por nese do t’i konsumoni pa kriter, rreziku që situata t’ju dalë jashtë kontrollit, është më i madh.

7. Përderisa mbaj ilaçe, pse duhet të mbaj dietë?

Këtu gabojnë të gjithë. Mendimi se ilaçi është gjithçka duhet për të mbajtur diabetin nën kontroll bën që shumë njerëz të abuzojnë me dietën ushqimore dhe dihet në fund rezultati. Për të shmangur çdo lloj komplikimi duhet patjetër që në stilin tuaj të jetesës të jetë një ushqim i shëndetshëm dhe aktivitet fizik i vazhdueshëm. Nëse nuk i bëni këto, sheqeri në gjak do të vazhdojë të rritet, pavarësisht dozës së ilaçeve që merrni zakonisht.

8. Obeziteti shkakton gjithnjë diabet

Obeziteti rrit shanset për diabet, por jo domosdoshmërisht të çon drejt kësaj sëmundjeje.

The post Nuk ha kurrë ëmbëlsira? 8 mite rreth diabetit që s’duhet t’i besoni më appeared first on Albeu.com.

Po si e shpjegojnë studiuesit këtë rënie?

Raporti citon dy elementë kryesorë: e para është fokusi tek të ushqyerit e shëndetshëm dhe e dyta prirja për të mos ngrënë në pjatë.

Nëse përpiqesh për të rënë nga pesha, prerja e një cope ëmbëlsirë është një zgjidhje e lehtë, ndërsa ngrënia në pjatë (gjellë me perime, oriz apo bishtajore) kërkon më shumë kohë dhe i bën vaktet më të komplikuara. Kjo është një arsye, e cila, sipas specialistëve, ndikon në shtimin në peshë në pjesën më të madhe të njerëzve. Pra, prirja për të ngrënë më shpejt, i çon ata drejt gabimeve më të mëdha me ushqimet.

Sidomos gjatë pushimeve, adhuruesit e ëmbëlsirave e kanë zakon të hanë një copë ëmbëlsirë gjatë ose pas darkës.

Sipas nutricionistëve, nuk ka asgjë të keqe të hash diçka të ëmbël pas darke, por, kuptohet, çelësi është tek masa. Nëse nuk do ta kontrollosh veten për biskotat, çokollatat apo çdo lloj tjetër ëmbëlsire pas darke, sasia e sheqerit do të rritet dhe rezervat në trup po ashtu. Zgjidhja më e mirë që këshillojnë dietologët është të hash darkë jo më shumë se ora shtatë e mbrëmjes, në mënyrë që disa orë më pas të mund të hash një copë të vogël ëmbëlsirë me çaj.

The post Çfarë po i shkaktoni trupit nëse keni ngrënë ëmbëlsira pas darkës? appeared first on Albeu.com.

Përbërësit:

– 4 lugë pluhur kako

– 4 lugë miell misri

– 120 gram sheqer

– 800 ml qumësht

Në vazhdim:

– Përzieni bashkë përbërësit e thatë me 300 ml qumësht.

– Pjesën tjetër të qumështit (500 ml) vendoseni të nxehet në një tenxhere.

– Pasi qumështi është nxehur, hidhni përzierjen në qumështin e nxehtë dhe përzieni derisa masa të trashet.

– Hiqeni nga nxehtësia dhe ndajeni në tasa të vegjël.

– Mund ta dekoroni me copëza çokollate ose çfatë dëshironi!

The post Me vetëm 4 përbërës mund të bëni ëmbëlsirën më të mirë me çokollatë! appeared first on Albeu.com.