Presidenti francez, vlerëson krijimtarinë e pashoq të shkrimtarit të madh Ismail Kadare duke shtuar se Franca ishte vendi që i hapi dyert Kadaresë duke i dhënë azil pasi ai u largua nga regjimi diktatorial në fillim të 1990.

Macron thekson se Kadare me veprat e tij i tregoi botës për regjimin e Enver Hoxhës në Shqipëri, ndërsa shton se shkrimtari jetoi dhe krijoi si i lirë, pavarësisht se vendi nuk ishte i tillë.

Ja teksti i plotë:

Vdekja e shkrimtarit franko-shqiptar Ismail Kadaré

Publikuar më 1 korrik 2024

Sot vdiq një shkrimtar që mishëroi, me jetën, me veprën dhe me personalitetin e tij, pasurimin e dialogut, forcën e shpirtit europian dhe vokacionin mikpritës të Francës. Shkrimtari franko-shqiptar Ismail Kadare u largua nga ne këtë të hënë.

Presidenti i Republikës përshëndet një shpirt të lirë, i cili mori pjesë në këtë zgjim të madh të popujve që ngriti Perden e Hekurt dhe e nderoi Francën duke e marrë si strehë të krijimtarisë së tij. Ai u drejton të dashurve të tij, lexuesve të tij dhe popullit shqiptar, ngushëllimet e tij të ndjera.

The post Macron mesazh për ndarjen nga jeta të Kadaresë: “Jetoi si njeri i lirë në një vend që s’ishte i tillë” appeared first on Albeu.com.

Gjatë fjalës së tij, Rama u shpreh se Franca kujdeset që ëndrra evropiane e rajonit tonë të bëhet realitet.

“Në të gjitha kohërat për të gjithë shqiptarët dielli lind në Perëndim. Nuk gënjej duke pohuar që për shumë shekuj në sytë e një farë Shqipërie që kishte një farë ideje te vetes së saj Franca ishte Evropa dhe Evropa për të qenë vetja e saj nuk mund të ishte veçse një Evropë trengjyrëshe.

Franca kujdeset që ëndrra evropiane e rajonit tonë të realizohet dhe që pritshmëritë tona legjitime të marrin një përgjigje qoftë edhe me porosi.

Kjo ëndërr autentike, kjo shprese mallëngjyese për të cilën fola pak që Shqipëria dhe shqiptarët të kenë miqësinë e francezëve të mëdhenj.

Ne nuk na kanë munguar miqtë franceze. Për një kohë të gjatë ka patur francezë që na donin, pastaj një Francë që nuk kishte më interes për ne.

Zoti President në vitin e 101 të vendosjes së marrëdhënieve diplomatike vizita juaj riparon një plasaritje, forcon besimin dhe vendos lidhjet e privilegjuara që shpalosën në 2017”, tha ndër te tjera Rama.

The post Rama i drejtohet Macron: Franca kujdeset që ëndrra evropiane e rajonit tonë të realizohet appeared first on Albeu.com.

Ambasada e Francës në Prishtinë në një përgjigje për Gazetën Express kanë thënë se deklarata e presidentit të Francës, Emmanuel Macron, është shumë e qartë, me shikimin përpara dhe që nënvizon perspektivë pozitive, përfshirë edhe zgjerimin.

Nga Ambasada e Francës në Prishtinë thonë se deklarata e presidentit të Francës është një mesazh miqësor dhe i vendosur që tregon për të dy vendet se ka shumë për t’u humbur.

Ambasada e Francës gjithashtu ka theksuar se Parisi zyrtar mbështet plotësisht dialogun e lehtësuar nga Bashkimi Evropian dhe pret nga të dy palët që të angazhohen në mënyrë konstruktive. Kjo kanë thënë se padyshim përfshinë Kosovën, prej të cilës Franca pret edhe masat e de-eskalimit.

“Franca mbështet plotësisht lehtësimin evropian dhe pret nga të dy palët që të angazhohen në mënyrë konstruktive në dialog. Kjo përfshinë padyshim edhe Kosovën, prej të cilës ne gjithashtu presim masat e de-eskalimit. Qëndrimi i presidentit Macron ishte shumë i qartë dhe ne iu inkurajojmë juve që ta shikoni atë në tërësinë e tij: është me shikim përpara, nënvizon një perspektivë pozitive, përfshirë zgjerimin, dhe është një mesazh miqësor dhe i vendosur për të dy vendet, që ka shumë për t’u humbur”, kanë thënë nga Ambasada e Francës për Gazetën Express, duke bashkëngjitur edhe pjesën e fjalimit të presidentit Macron të dhënë më 28 gusht.

 “Ne do të vazhdojmë të jemi shumë vigjilentë për situatën e sigurisë dhe atë politike në Ballkanin Perëndimor. Në këtë drejtim, ne kemi ndërtuar me Gjermaninë një udhërrëfyes të ri dhe një propozim të ri për mospajtimet që kanë Serbia dhe Kosova. Unë besoj se ky udhërrëfyes është i mirë. Ai u mbështet nga  negociatori evropian dhe përfaqësuesi ynë. Prandaj ne jemi duke pritur një riangazhim të qartë nga të dy palët, e kam fjalën për riangazhim për zgjedhjet e pritura komunale, një riangazhim serb lidhur me institucionet, njohje të komunave, veçanërisht në veri nga ana e institucioneve kosovare, një qetësim të situatës, dhe e them këtë sepse Franca dhe Gjermania janë të përkushtuara dhe kanë pasur një hapje, në veçanti ndaj politikës së vizave apo në elementë të tjerë ekonomikë, të cilët mund të rishikohen nëse nuk do të ketë politikë të papërgjegjshme nga të dy palët. Por ne do të vazhdojmë me partnerët tonë gjerman që të jemi shumë vigjilent për këtë çështje dhe për gjithçka që lidhet me stabilitetin e  Ballkanit Perëndimor”, ka thënë presidenti i Francës, Emmanuel Macron.

Lidhur me këtë deklaratë të preidentit të Francës kishte folur edhe presidentja e Kosovës, Vjosa Osmani. Osmani kishte thënë se nëse ndodh shtyrje e liberalizimit të vizave për Kosovën, atëherë kjo do të nënkuptonte “vrasje të dialogut një herë e përgjithmonë”

“Unë do të thosha që kjo është mënyra për ta vrarë dialogun një herë e përgjithmonë. Në qoftë se dëshiron dikush që të mos ketë më dialog, atëherë ndërmerr masa të tilla, që janë masa ndëshkuese ndaj popullit të Kosovës. Nuk janë ndaj ndonjë lideri, nuk janë ndaj një politike, janë ndaj popullit të Kosovës. Dhe një ndëshkim i tillë i paprecedentë, që edhe ashtu ka qenë padrejtësi e madhe për popullin e Kosovës, do të rezultojë me vdekjen e dialogut. Nuk ka më askush mandat që të shkojë në Bruksel, kur populli i Kosovës ndëshkohet”, ka thënë Osmani në një vizite te Memoriali për të Pagjeturit në Prishtinë më 30 gusht.

Për këtë deklaratë të presidentit të Francës dhe përmendjen e Gjermanisë, Gazeta Express ka marrë një përgjigje nga Qeveria Federale e Gjermanisë. Berlini zyrtar kanë konfirmuar se s’kanë ndërruar qëndrim dhe se përkrahin vendimin e Këhsillit të Bashkimit Evropian për liberalizim të vizave, vendim ky që i garanton Kosovës lëvizjen e lirë nga 1 janari 2024./GazetaExpress/

The post Ambasada e Francës: Mesazhi i Macron ishte miqësor dhe i qartë, Kosova dhe Serbia kanë shumë për të humbur appeared first on Albeu.com.

Ligji ka hyrë në fuqi menjëherë pas publikimit në Gazetën Zyrtare të Francës.

Ky publikim është bërë disa orë pasi Këshilli Kushtetues i ka dhënë dritën jeshile fuqizimit të ligjit, i cili parasheh rritjen e moshës së pensionimit nga 62 në 64 vjeç.

Sindikatat kanë paralajmëruar se do të thërrasin protesta më 1 maj, kur shënohet Dita e Punëtorëve.

Beteja për të nënshkruar këtë ligj është kthyer në sfidën më të madhe për Macronin, përgjatë mandatit të tij të dytë si president.

Kjo temë i ka kushtuar atij edhe me rënie të popullaritetit.

Sondazhet kanë treguar se dy në tre franceze janë kundër vazhdimit të punës për dy vjet më shumë.

Mirëpo, Macron i ka konsideruar ndryshimet si të “domosdoshme”, për të shmangur deficitin në buxhetin për pensione, i cili, sipas parashikimeve, mund të arrijë në 13.5 miliardë euro deri më 2030.

The post Pavarësisht protestave, Macron nënshkruan ligjin për reformën në pensione appeared first on Albeu.com.

Gazeta franceze “Liberation” raporton se, 274 deputetë pritet të votojnë pro mocionit të mosbesimit të paraqitur nga fraksioni i vogël centrist “Liot”, pas rekursit të qeverisë ndaj nenit 49 paragrafi 3, i cili kalon me dekret presidencial. reforma e pensionit pa nevojën e votimit në Asamblenë Kombëtare.

Vlen të theksohet se mocioni i paraqitur nga aleanca centriste “Liot” është bashkënënshkruar edhe nga koalicioni i së majtës së Jean-Luc Melenchon . “Alarmi Kombëtar” i Marine Le Pen ka paraqitur një mocion të veçantë, por nuk ka asnjë shans për të mbledhur numrin e nevojshëm të votave.

Macron është përfshirë nga grevat e vazhdueshme të sindikatave, pjesëmarrja e qëndrueshme e miliona francezëve në marshime proteste dhe pushtime të universiteteve, pasi duket se një shumicë e madhe e shoqërisë franceze e ka hedhur poshtë faturën e pensioneve në tërësi, thotë gazeta “Le Parisien”.

Pas dy muajsh protestash dhe grevash të qëndrueshme me një front të paprecedentë të bashkuar të të gjitha sindikatave, zemërimi u përhap gjatë fundjavës, me demonstrata dhe përleshje të gjera me forcat e policisë në disa qytete franceze. Për sot si dhe për 23 mars janë planifikuar të tjera greva hekurudhore, grevë ajrore, si dhe pushtime të shkollave dhe universiteteve.

Popullariteti i Macron është në rënie

Emmanuel Macron po kalon një nga periudhat më të vështira të presidencës së tij. Popullariteti i tij ka rënë me 13 pikë përqindjeje, në 28%, që nga rizgjedhja e tij në maj 2022.

Vlerësimi më i ulët i pëlqimit të tij ishte në vitin 2018, kur ai kishte rënë në 23% mes mobilizimeve të atëhershme të ” Jelekëverdhëve”. Shumë, në fakt, paralelizojnë protestat aktuale në masë dhe intensitet me ato të 2019-ës.

Shtatë nga dhjetë qytetarë thonë se janë të indinjuar nga këmbëngulja e Macron për reformën e pensioneve të miratuar me dekret presidencial. Ai vetë, ndonëse është përballur me krizën më të madhe politike të mandatit të tij, po qëndron në heshtje, në funksion të mocionit të mosbesimit ndërpartiak.

Megjithatë, mocioni i censurës konsiderohet se nuk ka gjasa të kalojë, pasi do të kërkonte një mbledhje të paprecedentë të të gjitha partive ndërluftuese të opozitës. Me fjalë të tjera, do të duhet të ketë një front të bashkuar nga i gjithë spektri politik, nga e majta radikale në të djathtën ekstreme të Marine Le Pen dhe e djathta e republikanëve të Nicolas Sarkozy,  në mënyrë që të arrihet pragu i lartë i shumicës absolute të 287 vota.

Në të njëjtën kohë, kreu i qendrës së djathtë “Les Republicains” nxitoi të deklarojë se shumica dërrmuese e partisë së tij nuk do të votonte për asnjë mocion censure. Në një intervistë për radion “BFM Nice”, kreu i “LR”, Eric Ciotti, ka bërë të qartë se partia e tij mbështet fuqishëm reformën e pensioneve të promovuar nga qeveria e Parisit.

Megjithatë, sipas disa sondazheve,, shumica dërrmuese e francezëve janë në favor të përmbysjes së qeverisë Macron.

Sipas një sondazhi të institutit kërkimor “Elabe” në emër të rrjetit francez BFMTV, 68% e francezëve, ose pothuajse shtatë në dhjetë francezë, duan që mocioni i censurës kundër qeverisë së Parisit të miratohet.

Në të njëjtën gjatësi vale dhe sondazhi i kompanisë kërkimore “Cluster 17” në emër të revistës franceze “Le Point”, me 74% të francezëve (pothuajse tre nga katër) francezë, që kërkojnë miratimin e mocionit të censurës së fraksioni i vogël centrist “Liot”.

The post “Gjykohet” sot mbijetesa politike e Macron, presidenti francez do të përballet me dy mocione për shkarkim appeared first on Albeu.com.

Presidenti i Francës, Emanuel Macron është një ndër politikanët, i cili është sulmuar disa herë.

Ndërsa kësaj radhe Macron është gjuajtur me shpullë në fytyrë nga një grua teksa ecte në publik.

Pamjet janë bërë virale në Twitter. Në pamje shihet teksa Macron mes badigardëve i afrohet një vajzë, e cila pasi e qorton, e godet me shpullë.

Una mujer le dio una cachetada a Emmanuel Macron, presidente de Francia, mientras platicaba con los ciudadanos de Paris. pic.twitter.com/beJICjXc8q

— Adela Micha (@Adela_Micha) November 21, 2022

Fill pas kësaj, truprojat e Macron kanë neutralizuar vajzën. Kujtojmë se një vit më parë Macron u godit me vezë./albeu.com

The post Macron përfshihet në një incident, momenti kur një vajzë gjuan me shpullë Presidentin francez (VIDEO) appeared first on Albeu.com.

Ai e shihte Uber-in si një burim rritjeje dhe kishte shumë nevojë për punë të reja dhe ishte i etur për të ndihmuar. Atë tetor, ai zhvilloi një takim me Kalanick dhe drejtues e lobistë të tjerë, i cili shënoi fillimin e një qëndrimi të gjatë por pak të publikuar si një kampion i interesave të firmës kontroverse brenda qeverisë.

Lobisti i Uber, Mark MacGann e përshkroi takimin si “spektakolar. Emmanuel dhe Travis u takuan të paktën katër herë, sipas dosjeve në Paris dhe në konferencën e Forumit Ekonomik Botëror në Davos, Zvicër.

Më parë është raportuar vetëm takimi i Davosit. Në një moment Uber i shkroi Macron duke thënë se ishte “jashtëzakonisht mirënjohës.”

Taksistët francezë u indinjuan veçanërisht nga lansimi i UberPop në vitin 2014 – një shërbim që lejoi shoferët e palicensuar të ofrojnë udhëtime, me çmime shumë më të ulëta. Gjykatat dhe parlamenti e ndaluan atë, por Uber vazhdoi punën pavarësisht kundërshtimeve, raporton abcnews.al.

Macron nuk mendoi se kishte një të ardhme për UberPop, por ai pranoi të punonte me kompaninë për të rishkruar ligjet e Francës që rregullojnë shërbimet e tjera të saj. Më 25 qershor 2015, protestat u bënë të dhunshme dhe një javë më vonë, Macron i dërgoi mesazh Kalanick duke i ofruar një ofertë.

Në të njëjtën ditë, Uber njoftoi pezullimin e UberPop në Francë. Muaj më vonë, Macron nënshkroi një dekret që lehtësonte kërkesat për licencimin e shoferëve të Uber. Forcimi i marrëdhënieve të tani-presidentit të Francës me firmën e diskutueshme globale që ishte në kundërshtim me ligjin francez nuk është zbuluar deri më tani.

Uber tha se “pezullimi i UberPop nuk u pasua në asnjë mënyrë nga rregullore më të favorshme” dhe një ligj i ri që hyri në fuqi në 2018 rezultoi që Franca të miratonte “rregulla më të rrepta” që “në asnjë mënyrë nuk ishin të dobishme për Uber”.

Dosjet zbulojnë gjithashtu se si marrëdhënia e Uber-it me një nga zyrtarët më të lartë të Europës, nënpresidenten e Komisionit Europian Neelie Kroes, filloi shumë më herët dhe ishte më e thellë se sa dihej më parë, duke shkelur në këtë mënyrë ligjet.

Sipas dosjeve, ajo ishte në bisedime për t’u bashkuar me bordin këshillues të Uber para se të linte postin e saj të fundit europian në nëntor 2014. Si komisionere, Kroes mbikëqyri politikën dixhitale dhe luajti një rol kryesor në goditjen e Microsoft dhe Intel me gjoba masive.

Por nga të gjitha kompanitë për të cilat ajo mund të kishte punuar pas largimit, Uber ishte një zgjedhje veçanërisht e diskutueshme. Drejtuesit e Uber u arrestuan në tetor 2014 dhe atë dhjetor një gjykatës në Hagë e ndaloi UberPop, duke kërcënuar me gjoba deri në 100,000 euro.

Në mars 2015, zyra e Uber në Amsterdam u bastis nga policia holandeze. Emailet thonë se Kroes thirri ministrat dhe anëtarët e tjerë të qeverisë për t’i bindur ata të tërhiqeshin gjatë bastisjes, raporton abcnews.al.

Ajo i shkroi Komitetit Ad Hoc Etik të komisionit duke kërkuar leje për t’u bashkuar me bordin këshillues të Uber para se të përfundonin 18 muajt dhe i bëri thirrje presidentit të komisionit Jean-Claude Juncker. Kjo leje u refuzua, por dokumentet tregojnë se Kroes vazhdoi të ndihmonte kompaninë në mënyrë joformale derisa u shpall emërimi i saj.

Kjo nënvizon se  Kroes kishte shkeluar qartë rregullat, tha Alberto Alemanno, profesor Jean Monnet i së drejtës së Bashkimit Europian në HEC Paris. Duke parë të gjitha zbulimet në lidhje me marrëdhënien e Kroes me Uber, ai tha: “Më bën të ndihem se sistemi ynë ndoshta nuk është i përshtatshëm për qëllimin, sepse kjo situatë duhet të ishte parandaluar”.

Kroes ka mohuar nga ana tjetër akuzat se ka pasur një “rol formal ose informal në Uber” përpara majit 2016. Ajo tha se si komisionere e BE-së ka bashkëvepruar me kompani të shumta teknologjike, gjithmonë e nxitur nga interesi publik.

Gjatë asaj periudhe, qeveria holandeze emëroi të dërguarin e saj të posaçëm për bizneset fillestare, e cila përfshinte ndërveprime me një “gamë të gjerë biznesesh, qeverish dhe subjektesh joqeveritare” me synimin për të promovuar një “ekosistem miqësor ndaj biznesit dhe mikpritës në Holandë”, tha ajo.

Një zëdhënës i ministrisë holandeze të çështjeve ekonomike thotë se “Uber nuk u konsiderua si një start-up në 2015”. Sipas Uber, Kroes u largua nga bordi këshillues në vitin 2018 dhe thotë se që atëherë ka prezantuar udhëzime të reja “duke forcuar mbikëqyrjen” e “lobimit dhe angazhimeve të jashtme me politikëbërësit” në Europë.

Nëse policia do të dontë të ndërhynte, Uber kishte një linjë të dytë mbrojtjeje,  gjë që e bënte të pamundur hyrjen e organeve të zbatimit të ligjit në kompjuterët e kompanisë. Kjo do të kufizonte aksesin e oficerëve në të dhënat e ndjeshme të kompanisë, të tilla si listat e shoferëve, të cilat kompania besonte se do të dëmtonin rritjen e saj.

Një zëdhënës i Kalanick tha se ai kurrë nuk autorizoi ndonjë veprim apo program që do të pengonte drejtësinë në asnjë vend dhe çdo akuzë që ai bëri është krejtësisht e rreme. Ai tha se Uber “përdori mjete që mbrojnë pronën intelektuale dhe privatësinë e klientëve të tyre” dhe se “këto protokolle të sigurta nuk fshijnë asnjë të dhënë apo informacion dhe janë miratuar nga departamentet ligjore dhe rregullatore të Uber”.

Uber Files është një rrjedhje e 124,000 regjistrimeve, duke përfshirë email dhe tekste që ekspozojnë bisedat dhe takimet midis drejtuesve të Uber dhe zyrtarëve publikë, ndërsa firma e taksisë e drejtuar nga teknologjia kërkonte të zgjeronte biznesin e saj.

Dosjet u zbuluan në Guardian, e cila i ndau ato me Konsorciumin Ndërkombëtar të Gazetarëve Investigativë në Uashington DC dhe partnerë mediatikë në 29 vende, duke përfshirë Panorama të BBC-së./abcnews.al

The post Skandali me Uber: Nga bankier u bë ministër i Ekonomisë, si loboi Macron fshehurazi për gjigantin amerikan të taksive appeared first on Albeu.com.

Për këtë çështje ka folur edhe presidenti i Francës, Emanuel Macron i cili ka shtuar se ata do të bëjnë mëtë mirën për të siguruar heqjen e vetos Bullgare.

Macron: Presidenti Michel foli për diskutimet tona mëngjesin e sotëm për Ballkanin Perëndimor. Ne do të bëjmë më të mirën për t’u siguruar që Veto-ja të hiqet nga Parlamenti bullgar. Është detyra jonë ta bëjmë që RMV të ndërmarrë hapin e fundit sepse ka bërë shumë së fundmi. E po ashtu edhe për Shqipërinë./albeu.com

The post Shqipëria dhe RMV nuk i çelën negociatat, Macron: Do bëjmë më të mirën për të hequr veton bullgare appeared first on Albeu.com.

Kryeministrja franceze, Elisabeth Borne, ka thënë se situata është e pashembullt. Sipas saj, Franca moderne nuk ka pasur kurrë një përbërje të tillë parlamentare.

“Kjo situatë përbën rrezik për shtetin tonë, duke marrë parasysh rreziqet me të cilat jemi duke u përballur si në aspektin kombëtar, ashtu edhe në atë ndërkombëtar”, ka thënë ajo.

“Ne do të punojmë prej nesër për të krijuar një shumicë funksionale”, ka deklaruar ajo, ndonëse dy grupet tjera më të mëdha në parlament nuk duken të interesuara për të bashkëpunuar.

Kush sa fitoi?

Sipas Ministrisë së Brendshme, kampi qendror i Macronit ka fituar 245 ulëse, në krahasim me 289 që i janë dashur për të krijuar një shumicë absolute. Pas sigurimit të mandatit të dytë si president, në prill të këtij viti, ai ka shpresuar për përkrahje më të madhe parlamentare. Në vendin e dytë është renditur blloku Nupes, i krahut të majtë, i cili ka fituar 131 ulëse.

Ky bllok drejtohet nga Jean-Luc Melenchon.

Partia e ekstremit të djathtë, Marshi Kombëtar, nën udhëheqësi të Marine Le pen, ka fituar 89 ulëse, duke shënuar fitore më madhe sesa është parashikuar nëpër sondazhe.Partia konservatore e Republikanëve, ka fituar 61 ulëse, mirëpo mund të  rezultojë si parti shumë e rëndësishme, pasi platforma e saj është goxha e ngjashme me atë të Macronit.

Ministri i Ekonomisë, Bruno Le Maire, ka thënë se është i bindur që Franca nuk është e paqeverisshme, mirëpo që do të ketë nevojë për shumë imagjinatë. Lideri i së majtës ekstreme, Jean-Luc Mélenchon ka qenë i kënaqur për suksesin e tij, pas bashkimit të partive të komunistëve dhe të gjelbërve në një aleancë të quajtur Nupes.

Ai u ka thënë mbështetësve se partia presidenciale ka pësuar humbje të madhe dhe secila mundësi tani është në duart e tyre. Edhe Marine Le Pen është dukur e lumtur pas sigurimit të 89 ulëse nga tetë sa ka pasur deri më tani.

Sipas analistëve, pesë vjetët e mandatit të dytë të Macronit do të jenë përplot me negociata me kompromise parlamentare. Në prill të këtij viti situata ka qenë krejtësisht ndryshe, kur Macron ka mposhtur bindshëm Le Penin dhe ka fituar mandatin e dytë si president,

Më shumë se gjysma e votuesve kanë abstenuar në zgjedhjet ku ka marrë pjesë 46.23 për qind e popullsisë.

Cilat reforma janë në rrezik?

Macron është zotuar se do të luftojë krizën e rritjes së çmimeve të jetesës, mirëpo rivalët e tij kanë krejt ide tjera për këtë çështje. Propozimet e tij përfshijnë edhe reformat në përfitime, në ulje të taksave dhe në rritje të moshës së pensionimit nga 62 në 65 vjet. Reforma e tij për moshën e pensionimit do të jetë vështirë e realizueshme, ndonëse në këtë pikë do të mund të ketë mbështetjen e republikanëve.

Ai më pas ka bërë edhe propozime për neutralitet në karbon dhe punësim të plotë.

Së fundi ai ka përmendur edhe një “metodë të re” të qeverisjes, me përfshirje më të madhe të shoqërisë civile, duke përmendur një fondacion të krijuar nga banorët lokalë, ashtu që Franca të bëhet më demokratike./REL

The post Macron humb shumicën në Parlament, Borne: Kjo përbën rrezik për shtetin appeared first on Albeu.com.

Presidenti francez Emmanuel Macron thotë se udhëheqësit vizitorë janë të gjithë mbështetës që Ukraina të fitojë statusin e kandidatit “të menjëhershëm” për t’u bashkuar me Bashkimin Evropian.

Macron ka premtuar gjithashtu se Franca do t’i dorëzojë Ukrainës gjashtë armë shtesë me rreze të gjatë veprimi Cezar, ndërsa ajo përpiqet të luftojë pushtimin rus.

Kancelari gjerman Olaf Scholz thotë se ai erdhi në Ukrainë me një mesazh të qartë: Ukraina i përket familjes evropiane.

Ai shton se Gjermania do të mbështesë një vendim pozitiv për anëtarësimin e Ukrainës dhe Moldavisë në BE.

Scholz thotë gjithashtu se Gjermania do të vazhdojë të mbështesë Ukrainën për aq kohë sa i nevojitet.

Ai shtoi se Gjermania ka pranuar 800,000 refugjatë ukrainas, ndërsa theksoi po e mbështet Ukrainën financiarisht dhe ushtarakisht.

Pritësi, presidenti Zelensky, thotë se pushtimi i Rusisë përbën agresion kundër të gjithë Evropës dhe shton se sa më shumë armë të marrë Ukraina nga vendet perëndimore, aq më shpejt do të jetë në gjendje të çlirojë tokat e saj të okupuara. Ai thotë se ka folur për mundësinë e sanksioneve të mëtejshme kundër Moskës me vizitorët e tij./albeu.com

The post Macron mbështet kandidaturën e Ukrainës për t’u bashkuar me bllokun e BE, Scholz: I përket familjes europiane appeared first on Albeu.com.