Elvir Gashijani është zyrtarisht futbollist i Bodrumsporit, pasi klubi turk ka konfirmuar transferimin e sulmuesit kosovar.

Futbollisti 20-vjeçar ka firmosur një kontratë katërvjeçare me skuadrën që garon në kategorinë e dytë të futbollit turk.

Gashijani largohet nga Llapi për t’iu bashkuar Bodrumsporit, në një marrëveshje me vlerë 150 mijë euro. Klubi nga Podujeva do të mbajë gjithashtu 20 për qind të kartonit të tij.

“I urojmë shumë suksese me fanellën tonë kuq e bardhë Elvir Gashijanit, i cili është një nga pjesët e rëndësishme të projektit tonë afatgjatë”, thuhet në njoftimin zyrtar të Bodrumsporit.

Gashijani ishte pjesë e Llapit prej vitit 2023. Në futbollin kosovar, ai ka luajtur më herët edhe për 2 Korrikun dhe Trepçën ’89.

Sulmuesi kosovar ka përfaqësuar gjithashtu Kosovën në grupmoshat U17, U19 dhe U21.

The post Elvir Gashijani nis aventurën në Turqi, zyrtarizohet transferimi te Bodrumspor appeared first on Albeu.com.

Elvir Gashijani do ta vazhdojë karrierën në futbollin turk, pasi ka arritur marrëveshje për transferimin te Bodrumspor, klub që garon në kategorinë e dytë të futbollit të Turqisë.

Sulmuesi 19-vjeçar pritet të nënshkruajë kontratë me skuadrën turke deri në vitin 2030. Për kalimin e tij nga Llapi, Bodrumspor do të paguajë 150 mijë euro.

Përveç shumës së transferimit, Llapi ka mbajtur edhe 25 për qind të kartonit të futbollistit, çka i garanton klubit përfitime nëse Gashijani transferohet sërish në të ardhmen, mëson Telegrafi.

Gjatë periudhës së tij te Llapi, Gashijani zhvilloi 103 ndeshje, duke realizuar 7 gola dhe duke kontribuar me 14 asistime.

Para se të bëhej pjesë e Llapit, ai hodhi hapat e parë në futboll te 2 Korriku dhe Trepça ’89, ku u aktivizua në grupmoshat e reja.

Gashijani ka qenë njëkohësisht pjesë e rregullt e Përfaqësueses së Kosovës në nivelet U17, U19 dhe U21.

Me Kosovën U21 ka luajtur gjashtë ndeshje, ndërsa statistikat e tij më të mira me ekipet kombëtare i ka regjistruar te U19, ku në 10 paraqitje ka shënuar tri gola.

Kalimi te Bodrumspor i hap tashmë mundësinë për të provuar veten në futbollin turk dhe për të vijuar progresin e tij në karrierë.

The post Elvir Gashijani transferohet te Bodrumspor në Turqi, Llapi përfiton 150 mijë euro dhe ruan përqindje të kartonit appeared first on Albeu.com.

Klubi turk Kayserispor, që aktualisht garon në Ligën e Parë, ka shfaqur dëshirën për të transferuar talentin e Llapit, Elvir Gashijan.

Anësori i djathtë ka qenë në radarin e skuadrave turke edhe në të kaluarën, por Llapi kishte hedhur poshtë një ofertë me vlerë qindra mijëra euro disa vite më parë.

Kayserispor e ka vendosur si objektiv kryesor ngjitjen në Superligë për sezonin e ardhshëm dhe pikërisht për këtë arsye kërkon shërbimet e Gashijanit, të cilin e konsideron zëvendësuesin ideal të Miguel Cardoso.

Një dokument zyrtar që vërteton interesin e klubit turk ka arritur tashmë në selinë e ekipit podujevas, sipas konfirmimit të dhënë nga trajneri Tahir Batatina gjatë një komunikimi me Telegrafin.

“Kemi pranuar njoftimin nga ana e tyre dhe tani jemi në pritje të propozimit konkret financiar për të filluar bisedimet”, deklaroi ai.

Kur u pyet rreth shumës së mundshme për lojtarin e shpejtë, Batatina sqaroi se fokusi kryesor nuk është aspekti monetar. “Çmimi nuk është thelbësor. Ne i japim rëndësi projektit sportiv, dëshirojmë që futbollisti të ketë minuta të sigurta dhe të ambientohet mirë në ekip, sepse kur ai të hedhë një hap më tej në karrierë, ne të nxjerrim dobi nëpërmjet përqindjes së të drejtave federative”.

Ai theksoi më tej: “Synimi ynë është që lojtari të ketë garanci për arritje dhe të mos përsëritet situata me futbollistë të tjerë, të cilët kryejnë një transferim të madh, por rikthehen në Kosovë pas vetëm disa muajsh”.

Gjatë sezonit të fundit, Gashijani u aktivizua në 29 ndeshje me fanellën e Llapit, duke regjistruar dy pasime vendimtare në këtë periudhë.

The post Llapi konfirmon interesimin e Kayserispor për Elvir Gashijanin, pret propozimin financiar appeared first on Albeu.com.