Teksa SPAK, ka shpalosur zyrtarisht një dosje penale kundër zv/kryeministres së Shqipërisë, Belinda Ballukut dhe 5 zyrtarëve të tjerë të ARRSH-së dhe Ministrisë, mësohet se një dosje paralele aktualisht po mbahen si “AS-i” nën mëngë.

Rasti lidhet me një hetim të dytë, ku subjekt kryesor është Belinda Balluku. Ndërsa objekt i këtij hetimi janë indiciet për akuza korrupsioni dhe fshehje pasurie.

Akuza këto mjaft të rënda për një zyrtar të nivelit të lartë, që nëse do arrihen të provohen nga SPAK, mund të çojnë drejt një mase sigurimi arresti për Belinda Ballukut.

Mësohet se SPAK, po kryen hetime ndaj Ballukut për akuzën e “Korrupsionit pasiv i funksionarit të lartë”, “Pastrimit të produkteve të veprës penale” dhe “Fshehjes së pasurie”, pasi janë administruar të dhëna për një transfertë bankare prej 6 milion euro të dërguara në Zvicër, transfertë e cila ka dyshime se pas saj qëndron zv/kryeministria e vendit.

Ndërkohë hetime të tjera ndaj Ballukut janë duke vijuar në SPAK ndaj Ballukut dhe zyrtarëve të saj, për kontratën e qirasë për dy anijet gjeneratorë “Tigri 1” dhe “Tigri 2”, të ankoruar në Gjirin e Vlorës.

Njëherësh hetimi po kryehen dhe për praktikën e prokurimit për ndërtimin e tunelit të Llogarasë, ku vlera financiare u fry qëllimisht në masën 50 milion euro. /Syri.net

The post Dosja e dytë që mund të çojë në arrestimin e Belinda Ballukut, hetime për korrupsion dhe transferta 6 milionë euro në Zvicër… appeared first on Albeu.com.

Prokuroria e Posaçme Kundër Korrupsionit dhe Krimit të Organizuar, zhvilloi një megaoperacion në Elbasan për të goditur aktivitetet kriminale.

Burime për mediat bëjnë me dije se me urdhër të SPAK, janë ushtruar kontrolle në disa biznese të mëdha në Elbasan të lidhura me Suel Çelën, si dhe në banesat e familjarëve apo të personave të implikuar në ngjarje të mëdha kriminale.

Për gazetarin Artan Hoxha, është caktuar masa e sigurisë “Arrest shtëpie” dhe akuzohet për veprën penale “anëtar i organizate kriminale”.

Ndaj gazetarit Elton Qyno, është caktuar masa e sigurisë “detyrim paraqitje”, teksa ky i fundit akuzohet për veprën penale “korrupsion pasiv”.

Hoxha dhe Qyno, hynë së bashku në dyert e SPAK siç shfaqet edhe në pamje.

Raportohet se ndaj dy gazetarëve ka masa lidhur me një dosje hetimore të SPAK, për të cilën u bënë disa arrestime në qytetin e Elbasanit.

The post Pas caktimit të masave të sigurimit, Artan Hoxha dhe Elton Qyno paraqiten në SPAK (VIDEO) appeared first on Albeu.com.

Për gazetarin Hoxha, është kërkuar masa e “arrestit shtëpiak”, ndërsa gazetarit Elton Qyno, i është vendosur masa “detyrim paraqitje”.

Ky operacion i SPAK, është drejtuar nga Prokurori Vladimir Mara.

Ende nuk ka një njoftim zyrtar në lidhje me këto masa./TPZ

The post SPAK lëshon urdhër arreste ndaj gazetarëve, Artan Hoxha dhe Elton Qyno appeared first on Albeu.com.

Qyno shprehet se ajo formë arrestimi nuk ka qenë e qëllimshme, sikurse pretendon vetë Meta, por Policisë i ka dalë situata jashtë kontrollit.

Pjesë nga intervista:

Si e patë arrestimin?

Ka qenë një nga arsyet që kjo ngjarje mori përmasa të mëdha, edhe pse flitej nën zë se do kishte mandat arresti. Mënyra si u krye tërhoqi vëmendje që të merren më shumë me formën e arrestimit se sa me akuzën.

E qëllimshme kjo?

Nuk ka qenë e qëllimshme por u doli nga kontrolli. Duhen marrë në analizë të gjitha veprimet dhe do të ketë një hetim nga AMP. Ka pasur një plan operacional. Po të shohësh makinat, ka pasur një skenar. Vendi u zgjodh për shkak të trafikut, me qëllim që të mos i jepej mundësia të largohej sepse vetë policia e ka pritur këtë mosbindje. Nga Morina e ka ndjekur në mënyrë operative dhe e bllokuan kur u krijua trafik, me idenë se ai nuk do largohet dhe të vërë në rrezik punonjësit. Duke qenë se do të jetë i bllokuar e ndaluan.

Cilin version besoni?

Unë besoj më tepër zotin Meta. Nuk i është vënë në dispozicion urdhri i arrestit. Punonjësit nuk kanë pasur letra. Ti thotë ja ku e ke vendimin e gjykatës. Në vendngjarje nuk kanë qenë oficerët e BKH për t’ia komunikuar. Policia ka marrë një urdhër dhe është ngritur struktura operacionale. Unë mendoj se kjo është e vërteta.

Policia kur u përball me moszbatimin e urdhrit dhe qëndrueshmërinë e tij, edhe policët kanë marrë urdhra nga zyra që të veprojnë sipas ligjit, për të bërë shoqërimin. Por nuk ka qenë arrestim. Nëse sheh pamjet filmike me ngadalë, Meta është shkulur nga makina. Është tërhequr zvarrë.

PËRPLASJA ME DUMANIN NË SALLËN E GJKKO-së

Po ashtu, gazetari Elton Qyno, ka zbardhur detaje nga shpërthimet dhe akuzat e Ilir Metës ndaj Altin Dumanit, gjatë seancës gjyqësore në GJKKO.

Qyno thotë se në momentin që Meta është paraqitur në GJKKO, ka pasur një shpërthim ekstrem, mbushur me akuza, fyerje dhe sharje ndaj SPAK dhe kreut Altin Dumani.

“Tani ka filluar praktikisht hetimi, pavarësisht se gjatë gjithë kësaj kohe janë marrë me marrjen në pyetje të shumë personave, faktikisht tani ka nisur hetimi.

Sot sigurisht që nuk do të kishte ndryshim për rivlerësimin e masave të arrestimit.

Në fillim fare kur Meta është paraqitur në orën 9:30 për të marrë masën e sigurisë, ka pasur një shpërthim që unë si gazetar me kaq vite punë, se kam parë kurrë në dyert e asaj gjykate.

Nga ato burime që kemi dhe me komunikimet edhe të avokatëve që kanë qenë aty, sigurisht që ka ndodhur një gjë jashtë çdo limiti.

Pasi ai ka shpërthyer në akuza ndaj kreut të SPAK, Altin Dumani, që unë si kam parë as te dosjet më të bujshme që ka pasur gjykata si Aldo Bare apo Lul Berisha, apo dosje të krimit të organizuar, nuk ishte në të tilla shpërthime”, është shprehur Qyno.

The post Gazetari i njohur tregon prapaskenat e arrestimit të Ilir Metës: Policisë i doli situata nga kontrolli, nuk e kisha parë kurrë diçka të tillë appeared first on Albeu.com.

Reagimi i Safe Journalist Albania:

Vendimi i Gjykatës së Shkallës së Parë numër 501, që lejon këqyrjen e banesës, ndërtesës, vendit të punës dhe kontrollit personal të gazetarit Elton Qyno, është lënë në fuqi.

Apeli injoron hapur vendimin njehsues të Gjykatës së Lartë, miraton sekuestrimin e të dhënave kompjuterike të gazetarit Qyno

Këtë aktvendim e ka konfirmuar sot gjyqtarja e Apelit Danjela Shirka, e cila ka rrëzuar ankesën e gazetarit Qyno për revokimin e vendimit fillestar të marrë më 13 dhjetor 2023 nga gjyqtarja Atalanta Zeqiraj.

Ne i bëjmë thirrje gjykatës që t’i japë përparësi mbrojtjes së burimeve gazetareske, thelbësore për lirinë e shtypit dhe demokracinë.

The post Rasti ”Qyno”, reagon Safe Journalist Albania: I bëjmë thirrje gjykatës t’i japë përparësi mbrojtjes së burimeve gazetareske appeared first on Albeu.com.

Prokuroria e Posaçme Kundër Korrupsionit dhe Krimit të Organizuar (SPAK) mori në pyetje gazetarin e TV Ora Neës, Elton Qyno për disa orë duke i kërkuar të zbulonte burimet e tij për bisedat e përgjuara të SKY ECC të të penduarit të drejtësisë, Nuredin Dumani.

Më 13 dhjetor 2023, Qyno u ftua nga dy hetues për të nënshkruar një deklaratë se nuk do të publikonte asnjë informacion ose dokument konfidencial lidhur me hetimin e “Çështjes 75”. Qyno nënshkroi deklaratën dhe u zotua të mos publikojë asnjë informacion nga hetimet në vazhdim të kësaj çështjeje. Megjithatë, ndërsa takimi po zhvillohej, atij iu kërkua të zbulonte burimet e informacionit të tij dhe kur refuzoi ta bënte këtë, SPAK siguroi urdhrat e gjykatës në më pak se dy orë për të bastisur shtëpinë dhe vendin e tij të punës dhe për t’i sekuestruar punën e tij dhe pajisjet e familjes. Makina e tij private u sekuestrua pa vendim gjykate.

Pasi u kontaktua nga gazetarët, prokurori i SPAK-ut Bujar Dibra konfirmoi për BIRN Albania (reporter.al) se i kërkoi Qynos burimin e informacionit: “Po, është pyetur për burimin. Ai nuk e zbuloi burimin. Hetimet do të vazhdojnë në forma të tjera për të kuptuar se kush ka shkelur sekretin e hetimit”.

Pas reagimeve të shumta të publikut, SPAK-u të nesërmen doli me një deklaratë ku thoshte se kishin intervistuar Qyno-n për të kuptuar se si i siguronte informacionet që publikonte.

Ndërkohë që Qyno po intervistohej nga prokurori dhe hetuesit, SPAK depozitoi tre kërkesa pranë Gjykatës së Shkallës së Parë kundër Korrupsionit dhe Krimit të Organizuar në Tiranë për t’i lejuar ata të kontrollonin shtëpinë e tij, vendin e tij të punës dhe sekuestrimin e të dhënave kompjuterike dhe provave të tjera në vendin e tij të punës dhe banesën e tij private që do të çojë në identifikimin e burimeve.

Të tre urdhrat e gjykatës janë lëshuar në të njëjtën ditë në harkun kohor prej një ore e gjysmë. Vendimi i parë është dhënë në orën 14:20, i dyti është dhënë në orën 15:15 dhe i treti është dhënë në orën 15:55. Sipas të dhënave të SPAK-ut, atij i kanë konfiskuar kompjuterin, celularët, çelësin e makinës, USB, zarfe me dokumente dhe CD. Sapo u siguruan urdhrat, SPAK kaloi pasditen deri në mesnatë duke kontrolluar dhe sekuestruar materiale. Çelësi i makinës së tij iu kthye më vonë. Më 18 dhjetor 2023, avokati i Qyno-s, Dorian Matlija, apeloi urdhrin për sekuestrim në Gjykatën Speciale të Apelit Kundër Korrupsionit dhe Krimit të Organizuar. Urdhrat e gjykatës për kontrollin e zyrës dhe shtëpisë nuk janë të ankimueshme në gjykatë.

Në ankimin e tij, avokati argumentoi se prokurori duhet të kishte përdorur mënyra alternative për të hetuar personat që nxirrnin informacion nga SPAK, urdhri ishte shumë i gjerë dhe i lejonte SPAK-ut të kuptonte të gjitha burimet e tjera të gazetarit dhe urdhri nuk i mundësonte gazetarit të ishte i pranishëm. ndërkohë që të dhënat janë duke u sekuestruar nga pajisjet. Në një çështje të mëparshme lidhur me mbrojtjen e burimeve dhe materialeve gazetareske të Lapsi.al, Gjykata e Lartë vendosi një sërë kriteresh që duhen plotësuar përpara se të jepen urdhra të tillë. Avokati thotë se urdhrat e shkallës së parë janë në kundërshtim me standardet e vendosura nga Gjykata e Lartë për mbrojtjen e burimeve dhe materialeve gazetareske.

The post Mbajtja e Qynos në SPAK / Federata Europiane e Gazetarëve: Shqipëria, vend i rrezikshëm për gazetarët! appeared first on Albeu.com.

Ai u mbajt brenda SPAK, me kërkesë të prokurorit Behar Dibra, lidhur me pretendimin për nxjerrje të akteve hetimore.

Ndaj tij është bërë presion duke i kërkuar emrin e personit që i ka vënë në dispozicion materialin, në shkelje të të drejtës së gazetarit përcaktuar në Kodin e Procedurës Penale sa i përket ruajtjes së burimit të informacioni.

Gjyqtarja e GJKKO-së Atalanta Zeqiri që ka dhënë vendim që Qynos t’i kontrollohet banesa, zyra te Ora News si dhe telefoni personal.

Sipas vendimit, Qyno ka nxjerr informacione që as SPAK nuk i ka dhe dyshohet se po i përdor ato për shantazh në favor të grupeve kriminale.

Ndërkohë që për mbajtjen në ambientet e tyre për disa orë rresht, vetë gazetari Qyno deklaron se prokurorët i kanë bërë presione nga të gjitha format për të treguar burimet i informacionit.

The post SPAK kontroll të menjëhershëm në zyrën dhe banesën e Qynos, gazetari: Më bën presion për t’i treguar burimet appeared first on Albeu.com.

Pavarësisht se nuk ka informacion zyrtar se kush ishte objektivi, dyshohet se shënjestër e autorëve ishte pikërisht Fation Murati.

Gjykata e Tiranës i kishte vendosur këtij të fundit masën e sigurisë “Arrest shtëpie”, masë e cila ishte thyer.

Gjatë kontrollit të djeshëm në shtëpinë e Muratit nga uniformat blu, ai nuk u gjet në shtëpi.

Gazetari investigativ Elton Qyno së fundmi ka treguar se gjatë një komunikimi me familjarët e Muratit ka mësuar se ai disa ditë më parë është larguar drejt Turqisë ku dhe do të kryejë një ndërhyrje kirurgjikale në një nga spitalet e këtij shteti.

“Faktikisht që prej ditës së djeshme dhe deri më sot është raportuar që Fatjon Murati ka qenë epiqendra e këtij atetnati, por ai ska qenë farë në lokal, aq më tepër policia ka shkuar edhe në banesën e tij që ndodhet jo shumë larg lokalit, për ta shoqëruar dhe marrë në pyetje lidhur me rethanat e kësaj ngjarje, por sërish në banesën e tij ai nuk është gjendur dhe në këto kushte është bërë një shpallje e dytë në kërkim policor i këtij personi.

Nga ana tjetër, unë kam mundur të komunikoj me të dëmtuarit e familjes Murati, sepse janë dy persona që janë dëmtuar nga kjo familje dhe më kanë konfirmaur që personi në fjalë Fatjon Murati është larguar para pak ditësh në drejtim të Turqisë për shkak të një ndërhyrje kirurgjikale që duhet të kryente në një spital të këtij shteti dhe pas përfundimit të operacionit do tëk thehej përsëri në Shqipëri ku dhe do të izolohej sërish në ambientet e shtëpisë”, tha gazetari./Albeu.com.

The post Masakra në Tiranë mes të pafajshmëve, Murati në arrati, gazetari: Ndodhet në Turqi, do t’i nënshtrohet një ndërhyrjeje kirurgjikale appeared first on Albeu.com.

“Duhet të keni pak durim për të marrë një përgjigje përfundimtare dhe do ta keni shumë shpejt. Një përgjigje e kemi pak a shumë që sot për Ervis Martinaj, por që Policia e Shtetit duhet të flasë me prova dhe shumë shpejt do ta kemi”-deklaroi kryeministri i Vendit, Edi Rama.

Lidhur me këto deklarata të Ramës, përmes një postimi Qyno shprehet se përgjigja për fatin e Ervis Martinajt është në xhepin e Edi Ramës, ndërsa policia pret “habere” nga njerëzit e oborrit të qeverisë.

“Pra, ky zotëria aktualisht e ka një përgjigje definitive, mbi fatin e Ervis Martinaj. Por sa të vijnë dhe ca prova në tavolinë, atëherë do shprehet Policia e Shtetit, nëse Martini është gjallë apo ka vdekur.

Shikoni se gjatë kësaj kohe, mos i ndryshojnë provat rrugës kryeministrit.

Dukshëm që me deklaratën e parë në fushatën elektorale në Lezhë, me të dytën para policëve të Shtetit, dhe sot me të tretën, këtë ngjarje dhe këtë personazh të biznesit dhe botës së krimit në Shqipëri, e ka kthyer çështje personale.

Njësoj siç dikur ktheu Sali Berisha në personale emrin e Aldo Bares, duke sulmuar politikisht përmes emrit të Bares, zyrtarë të PS të asaj kohe. Njësoj edhe Rama sot ka kthyer në personale emrin e Ervis Martinit, duke sulmuar politikisht segmente të caktuara të PD-së.

Njëherësh personalizimi vjen edhe për faktin se Martini dihet tashmë publikisht, që është kundër njerëzve të oborrit, me të cilët Rama ulet çdo ditë dhe flet për plane biznesi dhe baste sportive.

Gjallë apo vdekur Ervis Martini, kjo nuk ka shumë rëndësi për Ramën. Ai që sot e tha, se përgjigjia definitive, e cila i jep fund spekullimeve, është në xhepin e tij.

Por do bëhet publike sa të sjellin dhe ca prova tek Rama, njerëzit e oborrit që janë koordinatorë politikë tek Grupet Kriminale. Se realisht këtë ngjarje, po e hetojnë paralelisht biznesmenët e oborrit dhe policia. Por me sa duket, kjo e fundit përparimin e hetimeve, e ka shumë të ngadaltë në këtë drejtim. Policia ushqehet me infot e fundit nga njerëzit e oborrit të Ramës.

Avdylët e Shijakut, kanë të njëjtën përgjigje që ka dhe mban në xhep sot, Edi Rama. Policia jonë, di çfarë i thonë ata. Kur ti thonë ata që dil e thuaje kështu, do e thotë policia. Por sido që të jetë puna, në të dyja variantet si gjallë apo si vdekur, policia nuk di asnjë nga autorët.

Policia sot për sot, ka një përgjigje jo publike për gjithçka cfarë ka ndodhur me Ervis Martinin. Por s’di kush janë autorët e vrasjes ose anasjelltas inskenimit. Nëse do na thotë një version, duhet të na thotë dhe autorët. Rama dhe Patronazhistët e tij, i dinë të gjitha. Madje dhe targën e makinës së Drejtorit të Basteve”, shkruan ai./albeu.com/

The post Rama tha se policia ka një përgjigje për Ervis Martinajn, gazetari “zbërthen” deklaratën e kryeministrit: Njësoj si me Aldo Baren dikur appeared first on Albeu.com.

Qyno shkruan se mister i madh si Rama, nuk e dinte që Gent Prizreni hipotekuesi i Palasës, ku tashmë është ngritur kompleksi i Vilave “Green Coast” të Samir Manes, u përplas me Ervis Martinaj.

Postimi i Qynos:

Misteri, ka mbushur këtë kasabanë e voçkël tonë, që në raport me vendet e tjera dhe dominancën në arenën ballkanike, europiane dhe botërore, jemi një hiç gjë. Të papërfillshëm, në çdo drejtim.

Veç rastit që Rama, zbuloi përmes prokurorit të Partisë misterin e agjentëve rusë në Çekin dhe se sulmi kibernetik në e-Albania, kishte ndodhur nga hakera Iranianë, të tjërat mistere, janë të mbuluara nga një vorbull e ndërlikuar. Dhe që habitshëm Rama nuk di asgjë.

Kjo vorbull të jep përshtypjen se, Rama këto 9 vjet qeverisje, është në “mjegull” dhe s’mer vesh ku ndodhet dhe asgjë çfarë bëhet, sidomos nga vetë njerëzit e tarafit të tij.

Mister ndërtimi i pallatit që kosovari i Fierit, Lulzim Morina, kishte ndërtuar në zonën e Liqenit të Thatë. Mister i madh si doli ky përbindësh pikërisht pas një dite, nga sa foli Rama në takim me krerët e policisë në ambjentet e Ministrisë së Brendshme.

Mister se si vetë Rama, nuk e dinte që Morina po ndërtonte aty pa lejë, kur në lokalin-restorant të tij ka shkuar disa herë Rama dhe vëllai i tij, Olsi Rama dhe i biri Gregori.

E bëri njësoj si Berisha pas tragjedisë së Gërdecit, që doli e tha se: “…dëgjoni o njerës, unë nuk e dija ku ishte Gërdeci…”. Por nga ana tjetër, kishte miratuar dhe firmosur një deng të mirë me letra shtetërore për Gërdecin.

Mister pse Rama, pasi e identifikoi pallatin pa lejë dhe zbuloi se ishte i Lul Morinës, përmes Belës i ofroi Morinës dy opsionet e zgjidhjes, por çuditërisht nuk e arrestoi dhe as e procedoi për “Ndërtim pa lejë”.

Mister dhe Marrëzi pa fund. Një fshatar apo qytetar, qoftë dhe Bojken Lako, nëse kapet me ndërtim pa lejë të tre dritareve, fillimisht arrestohet nga policia dhe procedohet, e më pas dënohet. Ndërsa Lul Morina nuk procedohet por i ofrohen variante zgjidhjeje.

Në rastin konkret ndërtimi pa lejë është për qëllime përfitimi dhe dënohet nga 3 deri në 7 vjet heqje lirie. Ashtu siç ndodhi për një shtesë lokali, që kishte bërë Mark Frroku, tek “Colosseu”, në rrugë të “Durrësit”.

Po ashtu mister që Rama dhe Çuçi, nuk dinë se kush janë drejtorët aktualë dhe ish-drejtorat, të cilët i shërbenin me devotshmëri biznesmenit-kriminolog të lojrave të fatit, Ervis Martinaj.

Mister i madh për vëtë Ramën, prezenca e lajmeve për zhdukjen pa adresë të Ervis Martinaj. Për luanët, kunadhet, Oligarkët, liçensat e basteve dhe politikën.

Mister i Ramës, nëse biznesmeni-kriminolog Ervis Martinaj është gjallë apo ka vdekur. Rama çuditërisht s’di gjë për këtë enigmë dhe porosit Rrumbullakun, që t’ia rrumbullakosë informacionin Ramës në këtë drejtim.

Rama s’di gjë për Martinaj, por në fjalën e tij herë flet në formën e shkuar me “ishte” pra që ka ikur ka mbaruar, dhe herë në kohën e tashme me “është”, duke nënkuptuar që vijon të jetë ende në qarkullim.

Mister për Ramën, janë dyshimet se Ervis Martinaj ka hyrë dhe s’ka dalë më, tek fisi Avdyli në Shijak. Fis ky që ka bërë fushatë elektorale pa fund në 2017 për Ramën.

Rama kërkon që këtë mister t’ja shoshitë Policia e Rrumbullakut. Ashtu siç ka kërkuar që misterin e pallatit të Lul Morinës, të ndërtuar në teritor të Lali Erit dhe 300 metra në vija ajrore me zyrën e Ramës, t’ia shoshitë Belinda.

Rama kërkon të dijë rreth misterit të Ervis Martinaj, që nëse biznesmeni-kriminolog ka vdekur, policia të dali dhe të japi sihariqin në publik, në media.

Por Rama, nuk kërkoi nga policia që pasi të zbulonte misterin e versionit të vrasjes, duhet me patjetër të thotë dhe në publik se kush person, e ka rrëmbyer dhe vrarë Ervis Martinaj. Dhe nëse është e vërtetë, të dali dhe ta thotë publikisht, në media, policia. Madje dhe të gjendet dhe arrestohet Ervis Martinaj, duke ja dërguar SPAK-ut.

Por ashtu si me versionin e parë të vrasjes, Rama nuk e thotë edhe në versionin e dytë të inskenimit, që policia duhet të zbulojë dhe arrestojë, protagonistët kryesorë të këtij inskenimi.

Mister vijon të mbetet, se pse Rama në fjalën e djeshme para policëve e personalizoi, direkt problemin me Ervis Martinaj. E vetëetiketoi këtë të fundit, si llumin dhe njeriun më të zi që ka bota e krimit në Shqipëri.

Një gjuhë e personalizuar që mund ta shprehë vetëm dikush, i cili e ka sëkëlldinë personale dhe jo shtetërore dhe të përgjithshme. Se kjo tokë veç Martinaj, nga Veriu në Jug, mban dhe prapësira të tjera, por ja që Rama nuk flet personalisht.

Mister i madh për vetë Ramën që në këtë “Big-Brother” me Martinaj e pa Martinaj, ka dhe Luanë, Kuçedra dhe Oligargë.

Dhe në fakt nëse ka Oligarkë, ai e di shumë mirë se kush mund të jetë, veç ai me të cilin Ervis Martinaj ka pasur konflikt për pronat në Palasë. Mister pse Rama nuk e di që Gent Prizreni hipotekuesi i Palasës, ku tashmë është ngritur kompleksi i Vilave “Green Coast” të Samir Manes, u përplas me Ervis Martinaj.

Mister pse Rama nuk e di, që Ervis Martinaj rezulton në trungun trashëgimor të familjes Dhërmiote me mbiemrin Nina, dhe që kanë me dokumenta mijëra metra tokë në Palasë.

Mister po ashtu që Ramadan Troci, drejtuesi i prokurorisë Vlorë mbylli dosjen e kallëzimit penal, të bërë nga 4 familje Dhërmiote, të cilat pretendonin pronësinë e sipërfaqes së tokës në Palasë.

Mister për Ramën është dhe fakti që 4 familjen Dhërmiote, kanë çuar shtetit Shqiptar në Gjykatën e Strasburgut, për të kërkuar dëmshpërblim financiar për pronat e tyre.

The post “Hyri dhe s’doli më”, gazetari tregon emrin: Ky është grupi në Shijak ku shkoi për herë të fundit Ervis Martinaj appeared first on Albeu.com.