“Parashqevia ka kaluar 10 vite në rrugë dhe është lënë në harresë, nuk kishte te hante, ushqehej me mbeturina. Imagjino edhe personat që atë e kane parë në rrugë atëherë edhe e dinin ku ishin, i thonin ‘fol moj ti shqip’. Unë di që edhe kolegët e saj e urrenin. Ajo është një artiste e përmasave të mëdha, një zë i rrallë që nuk do të rikthehet më në Shqipëri. Prisja që institucioni i presidentes t’i jepte një titull, por kjo nuk ndodhi. Ndërkohë, disa artiste në Tiranë e kanë marrë titullin dhe janë bërë meme,” tha Ilirjani.

Ai shtoi se populli e do shumë Parashqevi Simakun dhe e kanë quajtur “Artiste e Popullit”. “Ajo do të mbetet në histori. Artistët e tjerë nuk e duan, ajo ka kaluar një tragjedi. Është bërë një padrejtësi e madhe për të,” tha Ilirjani, duke theksuar se ajo është ende shumë e vlerësuar nga qyteti i saj dhe nga publiku.

Gjithashtu ai kujtojë një moment kur Parashqevia fa folur në telefon me Alfred Moisiun: “Ishte duke iu dridhur dora edhe kur unë e mbylla telefonin më tha pse e mbylle telefonin, duhet të kesh respekt të madh për të. Kur e takoi Alfred Moisiun dhe hodha videon në YouTube, ajo u gëzua si fëmijë dhe u përlot. I dridhej dora dhe më tha: ‘Të lutem, duhet të jesh 100% i respektueshëm për Moisiun’”.

Ilirijani tregoi gjithashtu lidhjen e veçantë që ka me Parashqevinë: “Unë atë e kam si nënën time, atë nuk e lë më. Ka ndryshuar shumë, është më e qetë, ka fituar besimin te unë dhe te Elvira që kujdeset për të. I është rikthyer buzëqeshja dhe po punojmë për ta ndihmuar të rregullojë jetën personale me të birin.”

Ai theksoi se Parashqevia dëshiron të rikthehet në skenë dhe të japë koncerte dhe dëshiron shumë që të vijë në Tiranë: “Për këtë gjë unë po punoj jam duke folur me avokatet e saj, te cilët e njohin shumë mirë atë”.

The post “Ushqehej me mbeturina”/ Elton Ilirjani për Parashqevi Simakun: Po punojmë që të rregullohet me të birin appeared first on Albeu.com.

“Nëse do të marrë mjekim ajo do të rikthehet. Nëse dikush nuk pranon të bëjë një kartë ID, kupton që kjo nuk do të çojë asgjëkundi sepse nuk do të përfitosh asgjë pa një kartë. Duhet të jetë në gjendje që të përfitojë ato që shteti amerikan i detyrohet një personi si ajo.

Situata me të nuk është ok, sepse kemi 11 muaj që përpiqemi t’iu fitojmë besimin, por ajo nuk pranon të bëjë asgjë nga ato që ne i kërkojmë. Doli nga spitali pa mjekim. Nuk është çështje parash ose se ne nuk e mbajmë dot, por problemi është deri sa do ta mbajmë ne? Sepse ajo refuzon të shkojë në spital…

Nuk mund të bëjë deklarata për shëndetin e dikujt, por di të them dhe të nënkuptoj që një person që nuk pranon të ketë një kartë ID dhe të qëndrojë në rrugë, ka nevojë për ndihmë, ndoshta dhe mjekësore. Mendoj se ajo duhet të marrë mjekim.

Me arsyetimin e saj ajo mendon se nuk është e divorcuar, dhe se çdo gjë është një lojë, dhe të tjerët janë munduar ta dëmtojnë. I biri i saj nuk dëshiron më të flasë më të dhe thotë që e dua nënën time në rikthyer në jetën normale”, tha Ilirjani.

The post “Deri sa do ta mbajmë ne?”/ Elton Ilirjani flet për situatën delikate dhe të rënduar të Parashqevi Simakut appeared first on Albeu.com.

Gjatë ditës së djeshme, në studion e Opinion, biznesmeni Elton Ilirjani, tha se “këngëtarja e madhe nuk është mirë emocionalisht dhe nga ana psikologjike”.

Sipas tij, Simaku nuk beson se është divorcuar ndonjëherë, duke ia atribuar Inteligjencës Artificiale fundin e martesës së saj me Robert Nofle, me të cilin ka një djalë.

“Ajo nuk është mirë me jetën e saj sociale, nuk takohet më me të birin. Janë takuar vetëm një herë kur keni parë videot në televizion në janar të këtij viti. Kanë bërë tre ose katër telefonata dhe i biri nuk ka pranuar të vijë, thotë që mamaja e tij duhet të mjekohet në spital. Unë kam biseduar edhe me ish-bashkëshortin e saj. Parashqevia beson se është ende e martuar dhe thotë se çdo gjë e ka bërë Inteligjenca Artificiale”, tha Ilirjani.

Më tej, i bëri një thirrje direkte nga studioja.

“Unë jam i dyzuar, mendoj se ajo nuk e beson fare te procesi i divorcit, sepse nuk ka qenë pjesë, ka qenë e përfaqësuar nga një avokat i caktuar nga shteti. Parashqevia ka nevojë të merret me veten, i bëj një thirrje të drejtpërdrejtë, ka ardhur momenti të bësh maksimumin tënd, të merresh me veten!

Jam i bindur që po më ndjek, e di se i ndjek emisionet një nga një, nuk ta ka marrë Inteligjenca Artificiale Robertin, e kam dosjen tënde, ti nuk je më bashkëshortja e tij, nuk ka ndodhur asgjë në mënyrë artificiale. Duhet të ringrihemi bashkë dhe ti të jesh e zonja të këndosh dhe ta bësh djalin tënd krenar, që të bashkohet me ty”.

Sipas Ilirjanit, Simaku nuk kërkon që ti rikthehet jetës normale, ndërsa refuzon që të bëjë qoftë edhe një kartë identiteti.

“Asaj nuk i duhen para dhe shtëpi, asaj i duhet që të kthehet në jetën normale. Ajo nuk pranon se nuk beson që ka diçka që nuk shkon me të, s’pranon të bëjë edhe qoftë një kartë identiteti. Qeraja e saj është e paguar deri në fund të Janarit të vitit të ardhshëm, dhe më pas ne nuk mund të bëjmë një kontratë qeraje për të. Ajo nuk shkon dot në asnjë vend, pa një mjet identifikimi, ajo nuk pranon të shkojë dhe të marrë as ID amerikane. Parashqevia ka qenë në spital për 15 ditë, dhe më pas nuk pranoi që të merrte mjekim, edhe pse i bëri shumë mirë”, rrëfeu biznesmeni.

The post Parashqevi Simaku nuk është mirë/ Flet biznesmeni: I biri refuzon ta takojë, thotë se mamaja ka… appeared first on Albeu.com.

Por kjo histori duket se e ka lodhur disi Ilirjanin, pasi sikurse thotë, shqiptarët e pyesin vetëm për Parashqevinë. Në një intervistë për “Pushime on Top”, teksa po pushon në jug në vendit, Ilirjani tha se ‘ndihet pak xheloz’.

“Me rastin e Parashqevi Simaku, nuk e dija që kishte marrë dhenë. Ishte bërë një histori kombëtare. Dhe tani kur dal në rrugë, më pyesin për Parashqevinë, gjë që është shumë e mirë se unë atë e dua fort, e kam si mamin tim.

Por, më vjen edhe pak keq, ndihem pak xheloz. Unë jam krenar për Parashqevinë, jam krenar për çfarë kemi bërë bashkë për përmirësimin e saj.

Por, ajo që më shqetëson është që mos ndoshta kjo mbivendosje kaq e madhe, ma ka sfumuar pak karrierën mua. Kjo është hera e parë që e them. Nuk është xhelozi më shumë se sa është një merak për karrierën time. Çfarë duhet të bëj unë tani që shqiptarët të vendosin në plan të dytë shpëtimin e Parashqevi Simakut”, u shpreh Ilirjani.

The post Elton Ilirjani habit me deklaratën për Parashqevinë: Më ka sfumuar karrierën! appeared first on Albeu.com.

Por jo vetëm kaq, pasi shumë shpejt, Parashqevi Simaku do të publikojë një videoklip.

“Premtimi që Flutura do të rikthehej po bëhet realitet. Shumë shpejt një videoklip i sapo mbaruar! Parashqevi Simaku shumë shpejt vjen me videoklipin më të ri të xhiruar dje në New York City!”, shkruan biznesmeni.

The post FOTO/ Rikthimi i fuqishëm i Parashqevi Simakut, surpriza që ka përgatitur për publikun appeared first on Albeu.com.

“Parashqevi Simaku kontrollon dhe menaxhon 100% Instagramin e saj!”,-shkruan ai.

Kujtojmë se ky lajm vjen pas një kalvari vuajtjesh që Parashqevia ka përjetuar në jetën e saj, nga ndarja me bashkëshortin, mungesën e djalin e deri tek jetesa në rrugë, por pas trajtimit për tre javë me rradhë në psikiatri, ajo shfaqet në një gjendje të mirë.

The post Elton Ilirjani jep lajmin e mirë për Parashqevi Simakun (FOTO) appeared first on Albeu.com.

Ky detaj ka ngjallur spekulime dhe kuriozitet në rrjetet sociale, duke bërë që publiku të pyesë se për kë bëhet fjalë.

Sipas Ilirjanit, Parashqevia e ka përmendur këtë miss në një moment vetmie, duke thënë se ndjehej si e kërcënuar.

“Parashqevia nuk është sëmurë. Një mik i saj madje ka thënë lëre aty ku është. Këta emra do i them në vendin ku duhet. Ajo flet me veten, unë një ditë e dëgjova. Thoshte të iki të fshihem se vjen më mban peng si… dhe më thoshte emrin e një miss-i shqiptar. Unë nuk e di kush është kjo miss-i. Ky rast duhet të ekzaminohet. Nuk gënjen ajo”, u shpreh Ilirjani.

Ish-bashkëshorti i Parashqevisë, Robert Nolfe, i cili gjithashtu ishte pjesë e intervistës, mbështeti deklaratat e Ilirjanit. Ai theksoi se njerëzit që e rrethonin Parashqevinë, shpesh kërkonin të përfitonin prej saj dhe se suksesi i saj kishte ngjallur xhelozi dhe konflikte.

“Ajo ç`ka pashë unë, mbështes atë që thotë Eltoni. Unë kam qenë me të për shumë vite, e di çfarë thotë Eltoni. Mbase ishte një mënyrë për të mbrojtur veten. Nuk besoj se ka pasur miq të mirë shqiptarë, ata prisnim të fitonin diçka, donin t’i prishnin reputacionin. Të tjerët e urrejnë suksesin, ne këtë tentuam të bënim. Kur futesh në industrinë e argëtimit… Nuk e dija që suksesi do të ishte rreziku. Në moshën kur mori hov mbase kjo ishte një lloj kërcënimi për jetën e saj”, tha Roberti.

The post Kush është ish-missi shqiptar që përmendet si ‘kërcënuese’ në historinë e Parashqevi Simakut? appeared first on Albeu.com.

Ai tha se Luke nuk e dinte fare që nëna e tij kishte qenë një artiste e madhe në Shqipëri dhe nuk kishte parë kurrë asnjë video të sajën duke kënduar.

Ai tha se Luke pasi kishte dëgjuar këngën “E duam lumturinë”, e kishte rikthyer atë 6 herë në Youtube dhe se i kishte thënë asaj se ishte krenar për të.

“Takimi ishte menduar të ishte i shkurtër, dhe zgjati gjithë natën. Roberti qante gjithë natën, i biri donte të vëzhgonte çdo video të Parashqevisë duke kënduar, nuk kishte parë asnjë video të nënës deri në ato momente.

Mesa kuptova nga komunikimet gjatë gjithë natës, ishte se ndarja e tyre nuk ka qenë e thjeshtë, ka qenë një luftë e madhe gjyqësore, dhe nuk mund të themi se kush është fajtori, nuk mund të them se është Robert, por as se Parashqevia ka qenë me qëllim fajtore. Është një dramë shumë e madhe.

Ai e ka kthyer gjashtë herë këngën ‘E duam lumturinë’ dhe në një moment i kërkon avokates time t’ia përkthejë, dhe ajo ia përktheu, dhe djalit iu mbushën sytë më lot. Ai i ka thënë Parashqevisë që ‘mama unë jam krenar për ty’ dhe kjo është arritja më e madhe që mund të ketë Parashqevia dhe që ai nuk e dinte që nëna e tij të ishte një yll, shikonte dhe një nënë shumë të bukur. Kur pa që ishte ajo që ishte, kam idenë që ai tani e do nënën e vet. Ishte një natë shumë e bukur ku ne kënduam, me shumë emocion…”, tha ai.

The post Si reagoi Luke kur takoi Parashqevinë? Elton Ilirjani: S’e dinte që nëna e tij ishte artiste, 6 herë ka parë videon e… appeared first on Albeu.com.

Ai tregoi momentin e takimit para se Luke të largohej, ndërsa tha se Parashqevia i kërkoi atij që të bëhej menaxherë i karrierës së saj, gjë që ai e pranoi dhe i premtoi se do të takohen sërish dhe se do t’ia plotësonte këtë dëshirë.

“Parashqevia bëri plane më të birin që i biri t’i menaxhojë dhe karrierën. Ishte një takim motivues.

Ndarja ishte një pikturë e gjithë plagës disa vjeçare. Aty kuptova që nuk mund të mbulohet një plagë e dhimbshme dhe e thellë me një lule.

Ai takim është fillimi i diçkaje tjetër.

Parashqevia është në gjendje të rënduar emocionale dhe për momentin nuk është mirë. Nuk mund të them që është e sëmurë, por di të them që nuk është mirë emocionalisht dhe plaga e saj është hapur dhe dhemb dhe është në kontroll të vazhdueshëm nga ne, një skuadër që është shtuar tashmë, dhe psikologë, dhe po mundohemi ta bindim dhe për një kontroll dhe ajo pranoi. Nuk duhet spekuluar që ajo është e sëmurë. E prisja këtë ngarkesë të saj emocionale.

I biri kur iku i premtoi se do të takohen, i premtoi dhe menaxhim të karrierës dhe mbledhjen e gjithë videove dhe krijimin e profileve në rrjetet sociale sepse nuk ka, dhe ajo ia la këtë të drejtë birit të saj. Kur erdhi mëngjesi, Parashqevia mendonte se kjo nuk do të ndalonte aty. U rrëzua emocionalisht brenda vetes dhe aty kërkova ndihmë nga të gjithë dhe nuk arritëm dot ta ndihmonim”, tha ai.

The post Elton Ilirjani tregon premtimin që djali i bëri Parashqevisë: Ndarja ishte një pikturë e plagës, pranoi kërkesën e saj appeared first on Albeu.com.

Ky lajm ka tërhequr vëmendjen e publikut, pasi ngjarja ka shkaktuar një valë shqetësimi për mirëqenien e këngëtares.

Ndër të tjera ai ka theksuar se deri më tani nuk ka parë asnjë biznesmen të kontribuojë dhe ndihmojë Parashqevinë, ndonëse më herët kishin premtuar që do e bënin.

Reagimi i plotë i Eltonit:

“Dua të jap informacion lidhur me ndihmën që i është dhënë Parashqevi Simakut dhe me premtimet që janë bërë nga biznesmenë të ndryshëm të Shqipërisë, Kosovës, Maqedonisë, Malit të Zi dhe biznesmenë që jetojnë këtu, në SHBA, me origjinë nga Shqipëria. Për momentin, ne si grup dhe familjarë të Parashqevi Simakut, nuk kemi parë asnjë ndihmë konkrete nga këta biznesmenë, të cilët u deklaruan me të madhe që në orët e para se do ta ndihmonin Parashqevi Simakun me ndihma.

Deri në këtë moment, pra deri sot, më 22 dhjetor 2024, unë Elvira, vëllai i Parashqevi Simakut, nipi dhe mbesa, nuk kemi marrë asnjë njoftim dhe as nuk jemi kontaktuar nga asnjë biznesmen, i madh, i vogël apo mesatar shqiptar, të cilët kanë shprehur dëshirën për ta ndihmuar në mënyrë konkrete Parashqevi Simakun. Pra, më vjen shumë keq të pranoj faktin e trishtueshëm që askush nuk është ofruar nga këta persona për ta ndihmuar. Nuk e di arsyen, ndoshta nuk besojnë te unë, ndoshta nuk besojnë te Elvira, te vëllai i Parashqevi Simakut, te nipi, te mbesa, pra te familjarët e afërt të Parashqevi Simakut”.

Deklaruan se do ta ndihmonin Parashqevi Simakun, Elton Ilirjani: Asnjë

Më tutje ai vazhdoi: “Deri në këto momente, shuma në GoFund ka arritur shifrën e 98 mijë dollarësh, ku vihet re që ata që kanë kontribuar, rreth 1400 e disa kontribues, kanë dhënë shuma modeste, por shumë të vlefshme që kanë dalë nga shpirtrat dhe dashuria që ata kanë për këtë këngëtare të madhe të historisë së muzikës shqiptare. Më vjen shumë keq, por, unë aty nuk shikoj asnjë biznesmen të fuqishëm shqiptar që të ketë kontribuar dhe, siç e thashë edhe më lart, nuk e kuptoj arsyen pse. Nuk e kuptoj pse nuk duan të bëhen pjesë e rehabilitimit dhe rikthimit në jetë të një dive kaq të madhe që ka prekur zemrat e milionave shqiptarëve dhe këndohet nga fëmijë të vegjël shqiptarë.”

“Për të gjithë ndjekësit e mi, e dinë që për mua është e pazakontë të dal dhe të bëj fjalime në Instagram, por dua që të ndaj me ju disa mesazhe që janë shumë të rëndësishme. Dje, kur po flisnim me Parashqeviën për nismën GoFund dhe kur pamë që aty kishte plot dashuri me mijëra zemra që donin ta ndihmonin, nuk kishte asnjë nga emrat që folën që në fillim që donin ta ndihmonin dhe Parashqeviën nuk i njeh shumicën e tyre, ashtu siç nuk më njohu edhe mua dhe më tha: ‘Elton, mos u mërzit, nuk ka rëndësi, ne kemi një shtëpi dhe kemi një vatër të ngrohtë.’ Dhe më tha për mua është një fjalë e urtë popullore: ‘Është më mirë të kesh një mik, se sa një çiflik.’”

“Dua të bëj një thirrje për të gjithë këta biznesmenë, të cilët u shprehën se do ta ndihmonin ose mund ta kenë në mendje që duan ta ndihmojnë realisht Parashqevi Simakun. Në qoftë se nuk kanë dëshirë ta kalojnë këtë ndihmë nëpërmjet meje ose Elvirës, mund ta kalojnë këtë ndihmë nëpërmjet vëllait të saj, Arben Simakut, nipit të saj Ani Simakut, që i ndodhet asaj pranë fizikisht këto ditë. Pra, janë të lirë ta bëjnë këtë gjë. Ndoshta nuk duan që të jem unë personi që ta menaxhoj ndihmën e tyre, por mund ta ofrojnë atë. Unë jam thjesht miku i saj në ditët më të vështira dhe do të jemi të tillë, ju siguroj, përgjithmonë. Por kjo nuk do të thotë që ju nuk duhet ta ndihmoni atë. Në fund të fundit, ajo do ta vlerësonte nesër ndihmën që ju po jepni sot.”

“Gjithashtu, thirrja është e vlefshme edhe për të gjithë bashkatdhetarët tanë në qytetin e New Yorkut, në Brooklyn, Bronx, Staten Island, New Jersey, kushdo që e do dhe e vlerëson dhe ka simpati për këngëtaren tonë të madhe Parashqevi Simakun. Mund të më kontaktojë me ndihmë konkrete. Parashqevia është shumë mirë për momentin, por ajo duhet të ketë dinjitetin e vet, duhet të ketë një strehëz të saj, një shtëpi ku ajo të jetojë me nipin, me vëllain kur t’i bashkohet së shpejti, me mbesën, me djalin e saj. Pra, do ta vlerësoja shumë në qoftë se ne i gjejmë asaj një shtëpi të denjë ku ajo të jetojë, dhe të gjithë të kontribuojmë. Dikush mund të ofrojë diçka tjetër, të më kontaktojë. Pra, të gjithë le të bëhemi bashkë ta ndihmojmë atë. Dua ta përsëris, thjesht ta ndihmojmë, dhe ajo të ketë një jetë… u shpreh Eltoni.

Ai shton që kushdo që dëshiron të ndihmojë këngëtaren e madhe t’i shkruajë atij në Instagram.

The post Elton Ilirjani flet sërish për gjendjen e Parashqevi Simakut: Asnjë biznesmen s’ndihmoi appeared first on Albeu.com.