Duke folur për ndeshjen, mbrojtësi e cilësoi Poloninë si një kundërshtar të fortë me cilësi të lartë, por theksoi se Shqipëria ka një mundësi të artë për të synuar kualifikimin në Botëror.

Ai shtoi se, pavarësisht vështirësive të dy viteve të fundit në nivel klubi, me Kombëtaren ka dhënë gjithmonë maksimumin, duke e konsideruar një krenari të madhe pjesëmarrjen në këtë fazë vendimtare.

“Është e vërtetë që nuk kam pasur minutazh, por kur vjen në Kombëtare është një ndjesi tjetër, si një punë tjetër që do e bësh dhe do bësh maksimumin. Nëse do kem 60 minuta do jap më të mirën time dhe pastaj do dal, do ia lëshoj vendin dikujt tjetër, jemi të gjithë të disponueshëm për Kombëtaren. Është një ndeshje e vështirë, Polonia është një skuadër e fortë, me shumë emra, ka treguar që ka kualitet, por tani kemi rastin e vetëm që mund të na çojë në Botëror, është një mundësi e vetme, të gjithë jemi të kënaqur që kemi arritur play off-in, do japim maksimumin. Jemi pak pafat se herët e tjera kanë kaluar skuadrat e para dhe e dyta në Botëror, por tani e kemi në dorë ne, që duam të shkojmë atje, e kemi treguar që duam ti falim Shqipërisë një Botëror të bukur.

Ka dy vite që ndoshta kam pasur çalime aty ku luaj në skuadrën time, por pjesa e Kombëtares është diçka tjetër që kam bërë maksimumin, kam luajtur dhe kur kam ndenjur në pankinë i kam mbështetur nga jashtë. Kjo puna e minutazhit është pak mërzitje atje, por është krenari e madhe që do të luaj një ndeshje play off me Kombëtaren.

Ndeshja me Poloninë që kemi luajtur ka qenë shumë e bukur, nëse luajmë mirë bashkë, edhe unë do të luajë mirë, do të bëj më të mirën time. Mungesat janë të rënda se Rei dhe Daku janë të rëndësishëm, kur janë ata në fushë, kemi ndihmë më të madhe për të bërë gol dhe për avancuar, kur mungojnë disa është një mundësi për të tjerët që të tregojnë se e meritojnë të thirren në Kombëtare, këtu është diçka e madhe, respekt për ata që do vijnë dhe ata që mungojnë, kemi një trajner shumë të mirë që do të dijë c`të bëjë.

Kjo është një ëndërr qëkur kam qenë i vogël, kur bën dy Europiane kërkon edhe Botërorin. Ndonjëherë realizohen ndonjëherë jo unë por unë kam besim shumë të madh, këtë mundësi kemi, është një ndeshje teke, është e vështirë, ne shkojmë për fitore, nëse do luanim në shtëpinë tonë do të ishte më mirë, të gjithë jemi gati, një derë kemi për të kaluar nëse se kalojmë do të kthehemi mbrapsht, do të qajmë, çdo të bëjmë.

Ishalla kalojmë Poloninë njëherë, po fitove nuk mund të gëzohesh asgjë, se kemi dhe ndeshjen tjetër. Nëse kalojmë Poloninë, kemi ndeshjen e jetës. Do e bëjmë me zemër siç kemi bërë çdo ndeshje tjetër dhe do bëjmë krenar sa më shumë shqiptare”, deklaroi ai.

The post Sfida me Poloninë/ Elseid Hysaj: Besojmë te Kombëtarja, trajneri e ka të qartë çdo të bëjë appeared first on Albeu.com.

Pas 11 vitesh, mbrojtësi do të rikthehet për një tjetër përballje me Serbinë, këtë herë në kuadër të kualifikuesve të Botërorit.

Pas ndeshjes ndaj Letonisë, Hysaj foli për gjendjen e skuadrës, duke u shprehur se ekipi po luan futboll mirë, por duhet përmirësuar vetëm pjesa e sulmit pasi është vështirë të luash 90 minuta në rezultat 1-0.

Paqartësi në lojë?

Është një moment që në fazën sulmuese nuk po ecën mirë. Duhet të jemi të qetë dhe të përgatitemi më mirë në sulm sepse nuk mund të rrimë 90 minuta në rezultatin 1-0. Në këto moment vuajmë dhe e dimë që duhet përmirësuar dhe shpresoj ta përmirësojmë sa më shpejtë.

A mjafton kjo Shqipëri për të mundur Serbinë?

Po besoj se kemi treguar që edhe këtu kemi pasur mundësi ta mundim. Shpresoj të jemi sa të gjithë në formë sa më të mirë dhe të jemi gati për të ndeshjen.

Sa e besoni ëndrrën për Botërorin?

Unë i besoj ëndrrat gjithmonë sepse edhe Europianin e parë edhe Europianin e dytë i kam pasur ëndrra dhe që i kam realizuar. Fitorja me Letoninë na jep mundësinë që të besojmë më shumë akoma.

Me një fitorë në Serbi, sa përqind i jep shanse Shqipërisë për një vend në Botëror duke menduar edhe “Play Off”?

Duhen parë gjërat. Rëndësi ka ndeshja atje dhe shpresoj të fitojmë. Pastaj, duhet të shohim edhe kush janë kundërshtarët që do të na bien ose si shkojnë gjërat e tjera. Rëndësi ka të fitojmë njëherë.

Çfarë duhet përmirësuar në ndeshjet e radhës?

Në ndeshjen e radhës thjesht taktikisht duhet sulmi. Motivimi nuk ka nevojë sepse të luash në Beograd, është kënaqësia më e madhe për te gjithë këtu. Nuk duhet menduar gjithmonë se “jo rezultati nuk tregon të vërtetën”. Kishim raste për të shënuar dhe luajtëm shumë mirë. Duhet marrë pozitivisht sepse me Letoninë luajtëm bukur. Të shfrytëzojmë rastet dhe të mbyllim lojën dhe bëhet më mirë.

Në ndeshjen e fundit në Serbi, dihet si shkuan gjërat. A i druheni ndonjë situate të tillë që mund të përsëritet?

S’e besoj që mund të përsëritet. Këtu kemi treguar si luhet futboll me qetësi dhe si luhet futboll i vërtetë. Nuk besoj të ketë probleme, jam shumë i qetë. Herën e fundit besoj se ka qenë më keq se tani, kurse për këtë ndeshje jam i qetë.

The post Elseid Hysaj: Në Beograd do të jetë ndeshje e qetë, besoj në ëndrrat që kam appeared first on Albeu.com.

Por në prag të kësaj dritare transferimesh, Hysaj ka bërë një hap pas. Mbrojtësi i Kombëtares shqiptare ka lyer flokët përsëri, duke u rikthyer në “Hysajn Bjond”.

Kujtojmë se 31-vjeçari ishte pjesë e listës së Shqipërisë këtë muaj në ndeshjet e kualifikueseve të Botërorit. Ai bëri një supersfidë kundër Serbisë, ndërsa me Letoninë nuk pati minuta në këmbë.

The post FOTO/ I përfolur në merkato, Elseid Hysaj merr vendimin e PAPRITUR appeared first on Albeu.com.

Në prag të këtij dueli të rëndësishëm, Federata Shqiptare e Futbollit ka bërë një postim në rrjetet sociale. “4 ditë”, shkruhet në fotografinë e FSHF-së duke numëruar ditët para ndeshjes, ku shikohet Elseid Hysaj.

Mbrojtësi i Lazios është zgjedhur në këtë fotografi për numrin 4 që mban në fanellë, po aq ditë sa na ndajnë nga sfida me Serbinë. Hysaj pritet të nisë si titullar të shtunën në mbrëmje.

The post “Edhe 4 ditë”, FSHF “tremb” serbët me Elseid Hysajn appeared first on Albeu.com.

Lajmin e ka bërë të ditur vetë Lazio përmes një postimi në faqen zyrtare. Një vit e pak pasi u largua nga drejtimi i bardhekaltërve, Maurizio Sarri është rikthyer të drejtojë sërish kryeqytetasit.

Tekniku 66-vjeçar ka firmosur një kontratë 2-vjeçare me opsion për një vit tjetër. Më parë, Maurizio Sarri e ka drejtuar Lazion nga vera e vitit 2021 deri në mars të vitit të kaluar.

The post ZYRTARE / Në prag të sfidës me Serbinë, Elseid Hysaj bëhet me trajner të ri appeared first on Albeu.com.

Një sfidë e cila dashur pa dashur ka një histori nga mbrapa, një histori që vazhdon prej vitesh. Pavarësisht se është një ndeshje futbolli, për shqiptarët flet shumë.

Por nëse qëndrojmë te futbolli, të gjithë e mbajnë mend atë përballje në Beograd më 14 tetor 2014, e cila vec për futboll nuk u fol.

NJë sfidë e cila doli krejtsisht nga kontrolli dhe ku futbollistët shqiptar u përballën me dhunë në një stadium që u pushtua nga serbët.

E tashmë pas thuajse 11 vitesh, dy ekipet do të sfidohen sërish, këtë herë me skuadër të ndryshuar, por me të njëjtin shpirt në fushë, për të kërkuar hakmarrjen.

Por i vetmi futbollist që ka përjetuar tmerrin e asaj nate është Elseid Hysaj. Shkodrani është i vetmi i mbijetuar te Kombëtarja gjatë këtyre viteve. Të gjithë futbollistët e tjerë që kanë zbritur në fushë e Beogradit nuk janë më pjesë e kuqezinjve.

Nga 23 futbollistë që kanë qenë të grumbulluar për atë përballje nga Gianni De Biasi, Përveç Hysajt, janë 10 lojtarë të tjerë që luajnë akoma, por kanë mbyllur aventurën e tyre me Kombëtaren, ndërsa të tjerët janë pensionuar nga futbollit.

Kështu Hysaj përveç se do të zbresë në fushë me ekipin e Sylvinhos, do të ketë një arsye më shumë për të “shkelur” kundërshtarin më të urryer.

The post I vetmi i “mbijetuar” nga viti 2014, Kombëtarja shqiptare “var shpresat” te Elseid Hysaj appeared first on Albeu.com.

Kuqezinjtë do të zhvillojnë pasditen e sotme seancën e parë stërvitore, ndërkohë që Elseid Hysaj dhe Qazim Laçi dolën në konferencë për mediat dhe folën për ndeshjet me Serbinë dhe Letoninë.

Elseid Hysaj u shpreh se kjo ndeshje është shumë e rëndësishme, pasi Serbia është kundërshtari direkt për vendin e dytë. Mbrojtësi kuqezi theksoi faktin që kjo ndeshje duhet të shihet vetëm si një sfidë futbolli dhe ekipi duhet të jetë i përqendruar për të dhënë maksimumin në fushë.

Ndeshja me Serbinë? – Kjo është ndeshje e rëndësishme sepse janë ndër kundërshtarët më direkt me ekipin tonë. Marrëdhëniet në vendet tona nuk duhet të hyjmë ne futbollistët, ka kush merret me këtë punë. Ne duhet të luajmë ndeshjen tonë, të jemi të përqëndruar, të qetë, e dimë që është kundërshtari jonë direkt, dhe mos mendojmë për probleme anasjellas siç mund të kenë.

Ndeshja me Serbinë? – Kjo është një ndeshje shumë e rëndësishme, sepse ata janë kundërshtarët më të drejtpërdrejtë të ekipit tonë. Marrëdhëniet mes dy vendeve tona nuk janë çështje për ne futbollistët, ka të tjerë që merren me këtë. Ne duhet të përqendrohemi në lojën tonë, të jemi të qetë, të përqendruar. E dimë që është kundërshtari jonë direkt. Nuk duhet të merremi me probleme të tjera që mund të ekzistojnë jashtë fushës.

Mendoni se keni një rol kyç për atë që duhet t’u transmetoni lojtarëve për këtë ndeshje? – Të gjithë futbollistët janë të përqendruar dhe e dinë shumë mirë sa e rëndësishme është kjo ndeshje, si për ne, por edhe jashtë futbollit. Ka shumë tifozë që e presin me padurim. Sigurisht që kam folur me disa lojtarë, si për lidhjet tona të mëparshme, ashtu edhe për ndeshjet që kemi luajtur së bashku. Të gjithë e njohin historinë e Shqipërisë. U kam thënë vetëm të jemi të qetë dhe të japim më të mirën në fushë.

Ndeshje me presion? – Po, mund të ketë presion, por mendoj që është presion pozitiv, që të shtyn të zbresësh në fushë me forcë dhe guxim. Është një ndeshje e veçantë, por mbi të gjitha është një ndeshje futbolli. Të gjithë duhet ta kuptojnë këtë. Duhet të futemi në fushë të qetë dhe të japim maksimumin për të fituar dhe për të marrë tri pikë.

Ndeshja me Serbinë në vitin 2014? – Të gjithë e panë atë ndeshje. Nuk ishte një imazh i mirë për futbollin dhe nuk duhet të përsëritet ajo që ndodhi atëherë. Kjo është një ndeshje shumë e rëndësishme. Luajmë për shtetin, për tifozët, për kombin. Nëse fitojmë, do të jetë një krenari e madhe për të gjithë ne. Duhet të jemi të qetë dhe të kuptojmë se jemi futbollistë. Jemi këtu për të kënaqur tifozët dhe për të dhënë gjithçka për fitoren.

Gjendja fizike? – Unë jam mirë. Jam rikthyer nga një dëmtim dhe tani ndjehem shumë mirë. Edhe të tjerët janë në gjendje të mirë. Është fundi i kampionatit, ndoshta ka pak lodhje, por nuk mendoj se do të ndikojë. Në stërvitje djemtë janë shumë të përqendruar. Kjo është një ndeshje e veçantë që duhet ta luajmë me zemër dhe shpirt, siç kemi bërë gjithmonë. Edhe pse mund të ketë një tifozeri të zjarrtë, ne duhet të jemi të qetë në fushë.

Trajneri Silvinjo? – Trajneri bën punën e tij. Gjithmonë na këshillon të jemi të qetë dhe të mos e marrim me presion këtë ndeshje. Jemi të gjithë profesionistë dhe të vetëdijshëm për rëndësinë e ndeshjes. E dimë që Serbia ka lojtarë të mirë dhe një skuadër të fortë. Shumë prej nesh kemi luajtur kundër tyre në Serie A dhe në kampionate të tjera. Edhe ata e dinë që jemi një ekip që lufton dhe që mund ta fitojë këtë ndeshje.

Sa të rëndësishme janë këto tri pikë për objektivin “Botëror”? – Të gjitha ndeshjet në grup janë të rëndësishme, por kjo është direkte për objektivin tonë. E dimë që Anglia është një skuadër shumë e fortë, por kundër Serbisë mund të luajmë shumë mirë letrat tona. Kemi mundësinë ta fitojmë ndeshjen.

Qazim Laçi tha se ndeshja me Serbinë është e fortë dhe se ekipi do të përgatitet për të marrë maksimumin nga kjo sfidë. Mesfushori luftarak shtoi se lojtarët janë profesionistë dhe do të japin zemrën në fushë.

Serbia shihet në letër si një kundërshtar më i fortë se Shqipëria, a është ky një avantazh për ne? – Kemi një ndeshje shumë të fortë, luajmë brenda në shtëpi, nuk është njëra apo tjetra skuadër e favorizuar, jemi të barabartë dhe do të duket brenda në fushë. Ne do të përgatitemi nga ana jonë për fitoren, ajo ka rëndësi për momentin. Do të mundohemi ta marrim ndeshjen si profesionistë dhe mos emocionohemi aq shumë si njerëzit jashtë. Është gjë e mirë kjo, se dhe ne në fushë mund të japim më shumë.

Thirrje për tifozët? – Besoj tifozët do të jenë gjithmonë pas nesh, siç kanë qenë gjithmonë. Patjetër është ndeshje shumë e veçantë, vetëm duhet me pas kujdes. Tifozët në gjithë këto vite që jam këtu nuk kanë bërë asnjëherë gjëra të këqija. Besoj do të jenë korrektë. I presim në stadium, na ndihmojnë dhe mbështesin sa më shumë.

Gjendja fizike e skuadrës? – Nga ana fizike të gjithë lojtarët do të përgatitemi mirë, por mentalisht besoj do të jetë më e rëndësishme. Fizikisht shumë lojtarë nuk do të jetë e lehtë të jenë në nivelin e duhur, por nga ana e mentalitetit duhet të jesh aty dhe këtë do ta tregojmë. Kur je mentalisht i fortë, ndihmon edhe trupin të jesh fizikisht mirë.

Ndeshje përballë rivalit direkt ndaj vendit të dytë, çfarë duhet të bëjë Shqipëria për të fituar ndeshjen? – Kemi një shans të madh sepse e luajmë në shtëpinë tonë. Kjo do të jetë forca jonë, besoj. Nga minuta e parë duhet të futemi me mendimin për të fituar ndeshjen, emocionet t’i lëmë jashtë. Duhet të punojmë në stërvitje, disa gjëra që kemi biseduar me trajnerin shpresoj të dalin edhe në fushë.

Më mirë në Shqipëri apo Serbi ndeshja e parë? – Nuk ka rëndësi, jemi profesionistë, do të merremi në aspektin e futbollit. Është gjë e mirë që kemi ndeshje në shtëpinë tonë, do të kemi mbështetjen e tifozëve, do të mundohemi të japim maksimumin për 3 pikëshin që do të jetë i rëndësishëm dhe për kualifikimin në Botëror.

Sa zemër do të kërkojë sfida me Serbinë? – Nuk besoj që ekipit kombëtar i mungon zemra. E kemi treguar gjithmonë. Lojtarët kanë edhe mentalitetin dhe zemrën për ta fituar këtë ndeshje.

Sa ekziston rreziku të nënvlerësojmë ndeshjen me Letoninë, që është pas përballjes me Serbinë? – Për mendimin tim nuk kemi pasur asnjëherë ndeshje të lehtë. Duhet me pas gjithmonë në mendje që kemi dy ndeshje. Nuk është vetëm ndeshja me Serbinë, edhe me Letoninë. Një fitore me Serbinë duhet të lidhet me fitoren në Letoni dhe do të jetë aq më mirë për të gjithë.

E keni pyetur Hysajn se çfarë mbart një ndeshje përballë Serbisë. Çfarë ju ka sugjeruar? – Thjesht ka ndihmuar nga aspekti psikologjik si ta mendojmë këtë ndeshje dhe ta fitojmë. Gjëra të tjera janë për njerëz të tjerë.

The post Hysaj dhe Laçi: Përballja me Serbinë vetëm një ndeshje futbolli, të jemi të përqendruar në fushë appeared first on Albeu.com.

Ndërkohë që lojtarët janë grumbulluar dhe kanë nisur përgatitjet, por kanë kohë edhe për pak argëtim.

Në një video të publikuar nga mbrojtësi kuqezi, Elseid Hysaj, shihet se ai vetë, Juljan Shehu, Alen Sherri dhe Armando Broja po shijojnë një lojë me letra.

Megjithatë, ky i fundit duket i pakënaqur nga loja. “U prish loja, u prish komplet”, dëgjohet të thotë sulmuesi i Chelsea-t, duke treguar qartë pakënaqësitë e tij.

The post VIDEO / “U prish loja komplet”, Elseid Hysaj nxjerr zbuluar Armando Brojën para sfidës me Serbinë appeared first on Albeu.com.

Hysaj, i cili ishte njëri nga “rebelët”, nuk pranoi që të gjente gjuhën e përbashkët me klubin dhe për këtë motiv çështja e tij u dërgua në gjyq.

Pas plot pesë vitesh e gjysmë më vonë drejtësia italiane mori një vendim sipas të cilit Hysaj ishte fajtor.

Tani shqiptarit i duhet që të dëmshpërblejë ish-skuadrën e tij me 40.000 mijë euro si dhe të paguajë të gjitha shpenzimet e gjyqeve.

The post Kasacioni i jep të drejtë Napolit, Hysaj duhet të dëmshpërblejë ish-skuadrën me 40 mijë € appeared first on Albeu.com.

Sipas “Il Messaggero” të dy futbollistët, të cilët priteshin që të riktheheshin në aksikon pas ndeshjeve të kombëtareve të muajit mars, mund të jenë në fushë edhe më shpejt.

Sipas të përditshmes romane mbrojtësi shqiptar së bashku me argjentinasin nuk janë kursyer këto ditë duke u lehtësuar shumë punën stafit mjekësor.

The post Hysaj djeg etapat e rikthimit në fushë pas dëmtimit në kofshë appeared first on Albeu.com.