Tërmeti shkaktoi edhe një viktimë, një të re 27-vjeçare.

Ibrahim Cerkez, komshiu i parë i 27-vjeçares Elmira Sefo që humbi jetën pas tërmetit në Bosnje ka folur për mediat. Ai tha se e ëma e vajzës ka telefonuar “na ndihmoni”.

“Aksident. Tragjedi. Çfarë të them”, – ka mbetur i shokuar Ibrahim Cerkez, fqinji i parë i familjes Sefo, të cilit mbrëmë i ka vdekur vajza Elmira.

“Ja, sheh, shtëpia e tyre është me ndërtim të mirë, por gurë nga një kodër aty pranë ranë… Po të mos ishte kështu… Nëna e saj i thirri djalit tim, “na ndihmo, guri është në korridorin tonë”. Elmira doli nga dhoma në korridor në momentin kur guri duhet të ketë rënë. Me djalin mezi e ngritëm gurin – ka thënë Cerkez për “Avaz”.

Mbi shtëpitë e lagjes kanë rënë gjithsej pesë gurë më të mëdhenj.

“Unë kam një garazh sipër shtëpisë dhe guri çau murin e garazhit dhe qëndroi atje. Po të mos ishte garazhi, do të kishte hyrë në dhomën e ndenjjes. Tek një fqinj tjetër, ai goditi cepin e çatisë”, tha Cerkez.

The post “Mezi e ngritëm gurin”, flet fqinji i familjes që humbi vajzën në Bosnjë: Elmira doli nga dhoma kur… (FOTO LAJM) appeared first on Albeu.com.

Viktima është Elmira Sefo 27 vjeçe nga Stolaci, Bosnje-Hercegovinë.

Sipas burimeve, mësohet se Elmira ndodhej në banesë bashkë me prindërit e saj në çastin e lëkundjeve të forta sizmike.

Një masiv shkëmbor rrëshqet dhe u bie atyre mbi çati.

Elmira ka humbur jetën në vend ndonëse është dërguar në spital me shpejtësi. Plagë kanë marrë edhe prindërit e saj të cilët ndodhen jashtë rrezikut për jetën.

Në spitalin e Stolacit janë paraqitur dhjetëra banorë me plagë dhe lëndime të ndryshme në trup, por nuk raportohet për viktima të tjera.

Gjithashtu sipas informacioneve nga mediat vendase, dëmet materiale janë të shumta.

The post Vajza që vdiq nga tërmeti në Bosnjë dhe guri që i mori jetën (FOTO LAJM) appeared first on Albeu.com.