Sipas kësaj media, burimet policore kanë bërë me dije se ka qenë pikërisht pistoleta e Salajt ajo që ka rezultuar se ka shtënë ndaj 39 vjecarit nga Delvina Pëllumb Islami në ngjarjen e 21 shkurtit 2023 në Nea Ionia të Athinës.

Pavarësisht kësaj, Salaj, i cili rezulton pjesë e grupit kriminal të vetëquajtur “Lions”, vazhdon të shëtisë i lirë. Ky grup kriminal qendrën e ka në lokalin e famshëm “BellaVita” në Athinë, nga ku akuzohen se kanë planifikuar e kryer më pasë krime të rënda në Greqi dhe janë të përfshirë në trafiqe të paligjshme. Jashtë këtij lokali nate, disa ditë më parë policia greke arrestoi me pistoletë TT pa leje një 36 vjecar bullgar, i cili rezultoi lidhje e ngushtë me shqiptarët.

Më herët për vrasjen e Pëllumb Islamit janë ndaluar edhe 34 vjecari Olsian Nurixhi alias Ernest Nurixhi si dhe një 24 vjecar shqiptar i njohur si “Dhimitri” apo “Nektarios”.

Disa kohë më parë, mediat greke zbuluan informacione të mbërritura në policinë greke se anëtarët e “Lions” kishin konflikte të hapura edhe me dy vëllezërit grekë Strato dhe Jani Lala, të arrestuar më pak se një vit më parë për vrasjen e gazetarit investigativ grek Girogos Karaivaz dhe të boksierit Hari Kontogiorgi.

Grupi “Lions” dhe lokali “BellaVita” dyshohet se kanë lidhje me një personazh të njohur të botës së krimit, i burgosur në Greqi për trafik kokaine nga Amerika Latine dhe me disa ngjarje të tjera të rënda në shtetin fqinj.

The post Vrau shqiptarin në Greqi, mediat greke publikojnë videon: Elis Salaj lëviz i lirë appeared first on Albeu.com.

39-vjeçari, Pëllumb Islami, u vra gjatë një përleshjeje të armatosur në një lokal në Nea Ionia. Ndërkohë sot janë firmosur 8 urdhër arreste nga Prokuroria greke për vrasjen e Pellumb Islamit nga Delvina. Me zbardhjen e motiveve të vrasjes, ka ndryshuar tërësisht gjithë dinamika e ngjarjes.

Pas analizës së fakteve, është zbuluar se autori i vrasjes së Pëllumb Islamit është Elis Salaj, 34 vjeç nga Fieri, bashkëpronar i një klubi të njohur nate në rrugën “Liosion” në Athinë. Në dhjetor 2022, 34-vjeçarit është tentuar të vritet me armë zjarri automatike jashtë biznesit te tij. Autorit të ngjarjes i është bllokuar arma dhe është detyruar të largohet.

Elis Salaj, kreu i një grupi kriminal në Athinë, ka dyshuar se autor i atentatit të dështuar ndaj tij është vëllai i shtetasit Pellumb Islami.

Dy vëllezërit Islami ndodheshin mbrëmjen e 21 shkurtit në lokalin në “Nea Ionia”.

Vëllai i viktimës ka debatuar me grupin rival dhe të gjitha palët kanë dalë jashtë ku ka pasur shkëmbim zjarri.

Nga të shtënat me armë ka mbetur i vrarë 40-vjeçari Islami nga Rusani i Delvinës dhe hetimi ka zbuluar se personi që ka goditur me armë është Elis Salaj./albeu.com/

The post Vrasja e shqiptarit në Greqi, dyshohet se u ekzekutua nga bashkëkombasi, 34-vjeçari bashkëpronar i një klubi nate appeared first on Albeu.com.