Eliot Bujupi është kthyer të punojë me Stuttgartin U21, pas një periudhe prej plot 10 muajsh jashtë fushës.

Sulmuesi 18-vjeçar i Kosovës kaloi një sezon të vështirë, pasi këputja e ligamentit e detyroi të qëndronte larg futbollit për afër një vit.

Pas rikuperimit, qendërsulmuesi ka lënë pas dëmtimin dhe tani synon të rikthehet gradualisht në nivelin e tij të mëparshëm.

“Shikoni kush është kthyer. 10 muaj pasi pësoi një lëndim serioz në gju, Elioti është rikthyer në stërvitje”, bëri të ditur klubi gjerman në njoftimin e tij.

Bujupi, i cili debutoi me Kosovën në vitin 2024 në moshën 18-vjeçare, pritet të punojë gjatë këtyre dy muajve deri në janar për të rifituar formën. Më pas, nuk përjashtohet mundësia që ai të huazohet në një ligë tjetër.

The post Eliot Bujupi rikthehet në stërvitje pas 10 muajsh mungesë për shkak të lëndimit appeared first on Albeu.com.