Për shkak se gjykata ka vendosur bashkimin e të dyja dosjeve që do t’i gjykojë në të njëjtën seancë paraprake, prokurori kërkoi kohë të njihet me akuzën e dytë të hetuar nga një prokuror tjetër. Pasi mbylli dënimin me 25 vite burgim për vrasjen e Andi Hasanit, Sokol Alushit dhe Gazment Zenelit, Kotorri la burgun në 2019. Ndërsa më herët i kishte shpëtuar burgut të përjetshëm pasi Strasburgu gjeti shkelje gjatë gjykimit të 50-vjeçarit.

Në vjeshtën e 2024 pasi një e afërme e tij njoftoi policinë për konflikt mbi pronën, Eldion Kotorri nuk pranoi të shoqërohej në komisariat dhe për këtë arsye policia e arrestoi dhe i referoi dosjen në prokurori për kundërshtim. Gjykata e liroi duke i ndryshuar masën nga burg në arrest shtëpiak.

Prokuroria e Tiranës hapi një hetim të dytë ndaj Elidon Kotorrit pasi u gjet jashtë banesës dhe u konstatua se e kishte thyer arrestin shtëpiak. Në të njëjtën kohë Kotorri u hetua për dy akuza, duke ju dorëzuar gjykatës penale për dy akuza që u bashkuan në një të vetme nga gjyqtari paraprak, i cili pritet të vendosë ta kalojë në gjykim themeli.

The post Gjykata e Tiranës shtyn seancën ndaj Elidon Kotorrit, zbardhen dy akuzat e ngritura ndaj tij appeared first on Albeu.com.

Mësohet se bëhet fjalë për Elidon Kotorrin, një emër i njohur i botës së krimit, i dënuar për tre vrasje dhe plagosje, e njëkohësisht subjekt i OFL-së.

“Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin Elidon Kotorri, 49-vjeç, banues në Tiranë, pasi ka kundërshtuar me forcë një punonjës Policie gjatë ushtrimit të detyrës”, njoftoi policia.

Kotorri u prangos pasi mbrëmjen e djeshme, ka kundërshtuar me forcë punonjësit e policisë kur ata shkuan për ta shoqëruar në komisariat.

49-vjeçari kishte pasur konflikt me një person tjetër, por në momentin kur efektivët kanë ndërhyrë, ai ka kundërshtuar policinë duke mos iu bindur urdhrit.

Kush është Elidon Kotorri?

Ai ka qenë një personazh i njohur gjatë fundit të viteve ’90 pasi u dënua me 25 vite burg për vrasjen e tre personave dhe plagosjen e një tjetri.

Ai u akuzua për vrasjen e trefishtë të Andi Hasanit, Sokol Alushit dhe Gazmend Zenelit si edhe plagosjen e një tjetri. Vrasja ndodhi për hakmarrje pasi i vranë shokun e tij, Elton Zajmi në vitin 1998.

Po kështu Kotorri ka qenë në hetim në gjendje të lirë nga Policia e Tiranës për vendosjen e kamerave të sigurisë, në kundërshtim me ligjin, operacion ky, i cili në 2023 u shtri në disa qytete të vendit.

Mësohet se gjithashtu Kotorri ka qenë subjekt i OFL-së pasi i është dërguar formulari për deklarimin e pasurisë.

The post U arrestua pasi kundërshtoi policin, kush është 49-vjeçari, i dënuar për 3 vrasje (EMRI) appeared first on Albeu.com.