Eleni Foureira Archives - Albeu.com

“Të jesh shqiptare në një vend të huaj, është gjemb në këmbë”

A M — Thu, 02 Nov 2023 16:12:38 +0000

Dikur, ajo nuk e pranonte publikisht origjinën e saj, derisa një ditë mori guximin të flasë hapur. Eleni Foureira pranoi para Greqisë dhe botës se vjen nga Shqipëria dhe është krenare për origjinën e saj.

Këngëtarja ka rrëfyer peripecitë që ka hequr sepse e bullizonin dhe tregonin racizëm ndaj saj.

“Kur isha 20 vjeç dhe erdha në Greqi, mësova se ishte keq të ishe nga Shqipëria. Të shanin, por nuk e kuptoja pse ndodhte kjo

Duke u rritur, kjo m’u bë një gjemb në këmbë. Do të doja të mos kisha përjetuar racizëm dhe të thosha “Jam nga Shipëria. A nuk është super?”

Ajo që kam përjetuar më ka bërë kjo që jam tani. Do të kthehet dikush dhe do të më thotë:
“Ti që ke turp….”

Jo, nuk kam patur turp.Kisha frikë nga reagimi dhe zhurma e botës. Do të doja të ndryshonte

Eleni e vogël nuk kishte guxim ta thoshte në atë kohë. Shkova në një kompani diskografike dhe kur mbylla derën më thanë “Shqiptari do të bëjë karrierë””- tha ajo në një intervistë.

The post “Të jesh shqiptare në një vend të huaj, është gjemb në këmbë” appeared first on Albeu.com.

Eleni Foureira bëhet nënë për herë të parë

Xh — Wed, 08 Feb 2023 08:02:08 +0000

Këngëtarja Eleni Foureira solli në jetë dje, të martën, 7 shkurt fëmijën e saj të parë.

Sipas informacioneve, këngëtarja dhe partneri i saj, Alberto Botia, janë bërë prindër për herë të parë, pasi ylli solli në jetë një djalë.

Lajmin për shtatzëninë e ka publikuar Eleni Foureira më 13 nëntor me foto ku shihet barku i saj.

View this post on Instagram

A post shared by Eleni Foureira (@foureira)

E shtrirë në një shtrat pranë Alberto Botias, partnerit të saj dhe babait të vogëlushit, ajo ka bërë të ditur se do të kenë fëmijën e tyre të parë./Albeu.com/

The post Eleni Foureira bëhet nënë për herë të parë appeared first on Albeu.com.

E lidhur me ish-futbollistin e Barcelonës, këngëtarja e famshme shqiptare konfirmon shtatzëninë (FOTO LAJM)

A M — Mon, 14 Nov 2022 08:11:57 +0000

Ajo është një ndër emrat më të komentuar në showbiz. Është fjala për këngëtaren e famshme me origjinë shqiptare, Eleni Foureira. Prej kohësh është përfolur se është në pritje të ëmbël, por vetëm dje vendosi që ta pranonte përmes një postimi në profilet e saj në rrjetet sociale.

Foureira ka postuar një foto ku shihet e shtrirë me partnerin e saj, ish- futbollistin Alberto Botia, teksa bie në sy barku i rrumbullakosur.

Prej disa kohësh qarkullonin zërat se Eleni Foureira dhe ish-futbollisti do të bëhen prindër për herë të parë, por vetë çifti nuk e kishte konfirmuar.

33-vjeçari, Botia është një produkt i akademisë së Barcelonës dhe ka luajtur në sezonin 2009-2010 me katalanasit për të kaluar më pas në skuadra si Sporting, Sevilja dhe Elçe. Kulmin e karrierës e ka arritur në Greqi me Olimpiakos, aty ku u njoh edhe me Foureiran.

The post E lidhur me ish-futbollistin e Barcelonës, këngëtarja e famshme shqiptare konfirmon shtatzëninë (FOTO LAJM) appeared first on Albeu.com.

U përfol se ishte shtatzënë, këngëtarja shqiptare pozon joshëse nga Greqia

E S — Fri, 05 Aug 2022 10:19:47 +0000

Këngëtarja shqiptare Eleni Foureira ka anuluar të gjita koncertet ku ajo do të merrte pjesë në Greqi për shkak të një problemi shëndetësor.

Ishte vetë kënëtarja e cila e ka bërë të ditur lajmin. Ndërkohë thashethemet zbulonin se Eleni ishte prekur nga COVID-19, por jo vetëm këtë pasi lart e poshtë po qarkullonin fjalë se këngëtarja është shtatzënë.

Ndërsa zërat për një shtatzëni të mundshme kanë “ndezur” internetin, këngëtarja ka ndarë së fundmi disa foto ku shfaqet joshëse./albeu.com

View this post on Instagram

A post shared by Eleni Foureira (@foureira)

The post U përfol se ishte shtatzënë, këngëtarja shqiptare pozon joshëse nga Greqia appeared first on Albeu.com.

Kënduan bashkë pak para aksidentit tragjik, këngëtarja shqiptare në zi për reperin grek

A M — Fri, 03 Sep 2021 09:09:59 +0000

Mad Clip, reperi i njohur me origjinë greke ka ndërruar jetë pas një aksidenti automobilistik në Vouliagmeni, Athinë. Makina “Porsche” që po ngiste, devijoi nga rruga dhe u përplas në një shtyllë.

Përplasja ishte shumë e fortë pasi mjeti u shkatërrua plotësisht dhe madje grupit hetimor iu desh kohë të zbulonte që viktima ishte reperi, emri i vërtetë i të cilit është Peter Anastasopoulos. Mediat fqinje raportojnë se shërbimet zjarrfikëse u përpoqën me orë të tëra për të nxjerrë trupin nga automjeti.

Mad Clip po kthehej në shtëpi nga dasma e mikut të tij, Giorgos Benioudakis, por pas largimit ai u aksidentua për vdekje. Mediat greke kanë zbuluar se në këtë event Mad Clip ka kënduar bashkë me këngëtaren e famshme me origjinë shqiptare, Eleni Foureira.

Para tre muajsh reperi grek bashkoi forcat me këngëtaren shqiptare dhe publikuan këngën me titullin “Mundet”.

Pas këtij lajmi të trishtë, Foureira ka postuar në Instagramin e saj një foto totalisht të zezë, në feed, dhe në Instastory, duke treguar dhimbjen e madhe që ndjen pa mundur të thotë dot asnjë fjalë.

The post Kënduan bashkë pak para aksidentit tragjik, këngëtarja shqiptare në zi për reperin grek appeared first on Albeu.com.

Këngëtarja shqiptare nis pushimet, “çmend” grekët me pozat joshëse (FOTO LAJM)

A M — Mon, 05 Jul 2021 09:25:27 +0000

Eleni Foureira ka filluar zyrtarisht pushimet verore. Këngëtarja me origjinë shqiptare ka gjetur pak kohë përpos angazhimeve muzikore dhe është “arratisur” drejt ishulli grek, Tzia.

Ajo ka ndarë disa foto joshëse me ndjekësit në rrjete sociale ndërsa merrte rreze dielli dhe ku dukej më në formë se kurrë më parë. Nuk munguan as komentet nga fansat që e vlerësuan për trupin mbresëlënës.

View this post on Instagram

A post shared by Eleni Foureira (@foureira)

Ylli shqiptar po shijon lidhjen e dashurisë me futbollistin spanjoll, Alberto Botia. Pak ditë më parë, ajo konfirmoi thashethemet e romancës me lojtarin ndërsa së fundmi është spekuluar se dyshja pritet të shkojë së shpejti drejt altarit.

The post Këngëtarja shqiptare nis pushimet, “çmend” grekët me pozat joshëse (FOTO LAJM) appeared first on Albeu.com.

Pasi konfirmoi lidhjen, këngëtarja shqiptare fotografohet me futbollistin spanjoll (FOTO LAJM)

A M — Wed, 30 Jun 2021 08:15:47 +0000

Pak ditë më parë, Eleni Foureira konfirmoi thashethemet se është në një lidhje me Alberto Botia. Këngëtarja me origjinë shqiptare, e cila jeton në Greqi e ka mbajtur larg vëmendjes së publikut romancën me futbollistin spanjoll, por vendosi të postojë së fundmi disa foto me të, të cilat i shoqëroi me një emoji zemër.

Së fundmi, Eleni është fotografuar gjatë një shëtitjeje në Glyfada me partnerin. Ylli i muzikës pop shfaqej me një look totalisht të thjeshtë, ku pantallonat e zeza dhe bluzën që i nxirrte në pah barkun i kishte kombinuar me një çantë në të njëjtën ngjyrë.

Partneri i saj ndoqi stilin casual, me pantallona të shkurtra sportive, bluzë të zezë dhe atlete të bardha. Çifti, që rrallë bën paraqitje publike së bashku, ecën në rrugët e Athinës, disa ditë pas thashethemeve se janë fejuar dhe po përgatiten për t’i dhënë fund beqarisë.

The post Pasi konfirmoi lidhjen, këngëtarja shqiptare fotografohet me futbollistin spanjoll (FOTO LAJM) appeared first on Albeu.com.

Nuk fshihen më! Këngëtarja shqiptare konfirmon lidhjen me futbollistin spanjoll (FOTO LAJM)

A M — Sat, 26 Jun 2021 06:52:49 +0000

Para 2 vitesh mediat greke zbuluan se artistja me origjinë shqiptare, Eleni Foureira ishte një lidhje me biznesmenin dhe futbollistin, Alberto Botia. Në fakt lidhja për ata të dy ka nisur që në vitin 2016-të dhe pavarësisht se ata nuk kishin folur për këtë marrëdhënie, në mediat rozë kanë dalë disa foto të tyre.

Madje para pak muajsh është mësuar se lidhja e tyre ka kaluar në një tjetër nivel. Në një spektakël në Greqi u bë e ditur se Botia i ka propozuar për martesë artistes me origjinë shqiptare. Gazetarja greke, Marena Kardigiannopoulou, është shprehur se Foureira e ka pranuar propozimin për martesë të bërë nga partneri i saj.

“Në një moment në revistën Hello ne kishim disa fotografi të Eleni që ishte me Alberton dhe kishim shumë kohë për t’i parë së bashku. Alberto kishte ardhur nga Arabia Saudite për ta parë, ne bëmë një lajm dhe e kishim kërkuar shumë dhe i vendosëm titullin se ata janë përsëri së bashku dhe kështu publikuam një lajm ekskluziv. Pastaj e kuptuam që ata të dy në atë kohë i kishin dhënë një shans të dytë njëri-tjetrit, sepse ishin larg për një kohë, por kur dy njerëz duan të jenë së bashku, unë mendoj se pengesat dhe distanca mund t’i kapërcejnë të gjitha dhe ne e kuptuam kur bisedonim me shumë njerëz që Eleni donte ta merrte atë me shumë seriozitet. Ajo ishte e interesuar për karrierën e saj, por njëkohësisht edhe për jetën personale. Ky burrë arriti t’i provojë asaj pavarësisht nga distanca se ai është gjithmonë pranë saj në të mirë e në të keq. Ai hoqi dorë nga gjithçka dhe erdhi për ta parë atë dhe padyshim që i dha këtë shansin e dytë dhe sot përfundojmë me propozimin për martesë që thotë Marena “, është shprehur gazetari Aris Kavatzikis.

E kësaj here, ajo ka vendosur që të mos e mbajë më të fshehtë marrëdhënien e saj me futbollistin Alberto Botian.

Ajo ka publikuar disa foto me gjysmën e saj duke i treguar të gjithëve gjithë dashurinë që ka për të.

The post Nuk fshihen më! Këngëtarja shqiptare konfirmon lidhjen me futbollistin spanjoll (FOTO LAJM) appeared first on Albeu.com.