Zyra e Rregullatorit për Energji duhej t’i jepte licencë kompanisë serbe “Elektrosever”.

Marrëveshja duhet të fillojë së implementuari brenda 100 ditësh.

Por, ky afat pritet të mos respektohet, pasi që ende nuk janë finalizuar dokumentet ndërmjet KOSTT-it e “Elektroseverit”.

“Elektrosever” ka vendosur fusnotë në çdo pjesë të dokumentit, ku duhej të figuronte Republika e Kosovës

Nga Bashkimi Europian, këto vonesa po i quajnë teknike.

Këto vonesa nuk po konsiderohen teknike, por puro politike nga e para e grupit parlamentar të Lëvizjes Vetëvendosje, Mimoza Kusari-Lila.

Por, si e konsideron Kusari-Lila përdorimin e fusnotës nga kompania “Elektrosever”?

Kusari thotë se Qeveria e Kosovës këto probleme do t’i adresojë menjëherë tek partnerët ndërkombëtarë.

Megjithatë, kur kanë mbetur edhe dy javë deri sa të skadojë afati për zbatimin e marrëveshjes, nga opozita shprehen skeptikë.

Për Shalën është brengosëse që, ëse implementimi nuk fillon, energjia elektrike në veri do të paguhet prapë nga Qeveria e Kosovës.

Për këtë çështje T7 ka pyetur edhe kryenegociatorin kosovar në dialog, Besnik Bislimi, por nuk ka marrë përgjigje.

Megjithatë shefi i tij, kryeministri Albin Kurti, një ditë më vonë tha se marrëveshje të re nuk do të ketë./Express

The post “Elektrosever” nuk e njeh Kosovën, Qeveria hesht, BE e quan problem teknik appeared first on Albeu.com.

ZRRE do ta mbajë mbledhjen e radhës pasnesër në orën 13:00 dhe sipas njoftimit, njëra prej pikave të rendit të ditës është edhe shqyrtimi i kërkesës/aplikacionit për dhënie të licencës për furnizim me energji elektrike kompanisë serbe.

Kosova u pajtua paraprakisht që t’i japë kompanisë së shtetit serb, “Elektrosever” leje për të operuar në veri të vendit. Kryenegociatori i Kosovës, Besnik Bislimi dhe ai serb, Petar Petkoviq e nënshkruan të martën dokumentin e implementimit të marrëveshjeve të viteve 2013 dhe 2015 për energjinë, kur në krye të shtetit ishin Hashim Thaçi e Isa Mustafa.

Sipas udhërrëfyesit për të cilin Kosova dhe Serbia u dakorduan në Bruksel, kjo kompani parashihet ta nënshkruajë një marrëveshje tregtare me KEDS-in, përmes së cilës do t’i mundësohet t’i kryejë shërbimet e distribuimit (faturimin, inkasimin, mirëmbajtjen dhe kyçjen e konsumatorëve të rinj) në katër komunat me shumicë serbe në veri. Kjo, parashihet të ndodhë 10 ditë pas licencimit.

“Drustvo Elektrosever D.O.O.” është përgatitur për këtë që nga dhjetori i vitit 2020. Atëherë, kjo kompani kishte aplikuar për leje në ZRRE.

Kjo kompani është e regjistruar në Agjencinë e Regjistrimit të Bizneseve në Kosovë që në nëntor të vitit 2018. Pronare e saj rezulton të jetë shteti serb.

Sipas të dhënave në ARBK, kompania publike serbe për prodhimin, furnizimin dhe tregtimin e energjisë elektrike – “JP Elektroprivreda Srbije Beograd”, posedon 100% të aksioneve të “Drustvo Elektrosever D.O.O.”

Boban Novakoviq është i regjistruar si drejtor i kësaj kompanie, që si aktivitet primar e ka tregtinë e energjisë elektrike.

Ashtu siç paralajmëroi para një jave zëvendëskryeministri Besnik Bislimi, edhe marrëveshja parasheh se nuk do të ketë licencim të asnjë kompanie tjetër për operim në veri të vendit, përveç “Drustvo Elektrosever D.O.O.”.

Këtë, që Kurti në vitin 2018 tha se nuk do të duhej të ndodhte kurrsesi, e mirëpriti të martën./Express/

The post Marrëveshja Kosovë-Serbi nis të zbatohet menjëherë, të premten ZRRE pritet ta licensojë “Elektroseverin” appeared first on Albeu.com.