elektricisti Archives - Albeu.com

Elektricisti humb jetën duke riparuar defektin në shtyllë, procedohen inxhinieri i OSHEE-së dhe 3 kolegët!

V K — Fri, 20 Feb 2026 14:47:44 +0000

Një ngjarje e rëndë ka ndodhur në fshatin Rrilë të Lezhës ditën e djeshme, ku humbi jetën gjatë kryerjes së detyrës elektricisti M.P., i cili në ato momente po riparonte një defekt në shtyllën elektrike të zonës, por ra në rrethana të dyshimta në kontakt me rrymën.
Në vijim të hetimeve të thelluara nga Policia e Lezhës, sot u konfirmua marrja nën akuzë për shpërdorim detyre të inxhinierit të OSHEE-së dhe 3 kolegëve të viktimës.

Ndaj tyre u ngritën akuzat “shkelja e rregullave të mbrojtjes në punë” dhe “shpërdorimi i detyrës”.

“Procedimi ka nisur ndaj shtetasit M. L., 34 vjeç, me detyrë inxhinier elektrik pranë OSHEE-së, si dhe ndaj shtetasve K. Ll., 60 vjeç, A. Xh., 62 vjeç dhe E. R., 23 vjeç, me detyrë elektricistë pranë kësaj shoqërie”, thuhet në njoftimin zyrtar.

Hetimet vijojnë për të sqaruar plotësisht rrethanat e ngjarjes dhe për të përcaktuar përgjegjësitë ligjore, kurse dosja i kaloi Prokurorisë vendore për hetime të mëtejshme dhe zbardhjen e plotë të ngjarjes.

The post Elektricisti humb jetën duke riparuar defektin në shtyllë, procedohen inxhinieri i OSHEE-së dhe 3 kolegët! appeared first on Albeu.com.

E rëndë në Lezhë, elektricisti humb jetën gjatë punës

V K — Thu, 19 Feb 2026 09:28:12 +0000

Paraditen e sotme, një ngjarje e rëndë është regjistruar në zonën e Tales, në Lezhë, ku një elektricist ka humbur jetën gjatë kryerjes së detyrës.

Burime paraprake bëjnë me dije se elektricisti ka mbetur në kontakt me rrymën elektrike, teksa po punonte për riparimin e një defekti në një shtyllë elektrike.

Në vendin e ngjarjes kanë mbërritur forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit.

Autoritetet pritet të japin detaje të tjera në vijim.

The post E rëndë në Lezhë, elektricisti humb jetën gjatë punës appeared first on Albeu.com.

E rëndë në Bulqizë/ Elektricisti rrëzohet nga shtylla, dërgohet me urgjencë në spital

V K — Sat, 01 Feb 2025 11:50:17 +0000

Një elektriçist është plagosur rëndë në Bulqizë, pasi gjatë punës ka rënë nga një shtyllë elektrike. 61-vjeçari ka marrë lëndime të shumta dhe për pasojë është dërguar në Spitalin e Traumës në kryeqytet. Shkak i incidentit, dyshohet se ka qenë mungesa e kushteve të punës. Policia ka vënë në pranga përgjegjësin e ekipit të grupit [...]

E rëndë në Bulqizë/ Elektricisti bie në kontakt me energjinë elektrike, niset me urgjencë drejt spitalit

V K — Thu, 28 Mar 2024 13:48:40 +0000

Këtë të enjte, një elektricist ka përfunduar në spital, pasi ra në kontakt me energjinë elektrike. Incidenti ndodhi ndërsa Adul Duriçi, po punonte për riparimin e një linje elektrike në Bulqizë.

50-vjeçari është transportuar me urgjencë në spital, ndërsa ende nuk duhet gjendja e tij shëndetësore.

“Me datë 28.03.2024, rreth orës 13.15, shtetasi A.D., rreth 50 vjeç, me profesion elektriçist, duke punuar për riparimin e një linje elektrike, dyshohet se ka rënë në kontakt me energjinë elektrike dhe për pasojë ka mbetur i lënduar. 50-vjeçari, është transportuar menjëherë drejt spitalit, ku po trajtohet me asistencë mjekësore”, sipas policisë.

Sipas policisë, grupi hetimor po kryen hetimet në vendngjarje dhe po punohet për zbardhjen e plotë të rrethanave.

The post E rëndë në Bulqizë/ Elektricisti bie në kontakt me energjinë elektrike, niset me urgjencë drejt spitalit appeared first on Albeu.com.

Ra nga shtylla dhe ndërroi jetë, ky është elektricisti 32-vjeçar

Xh — Wed, 31 Jan 2024 14:26:09 +0000

Personi në foto është Ylli Boba, 32-vjeçari i cili humbi jetën ditën e sotme në Bulqizë. Me profesion elektricist, Boba u rrëzua nga shtylla teksa po punonte në fshatin Koshavicë të njësisë administrative Shupenzë. Ai u dërgua në spital për ndihmë mjekësore, por ndërroi jetë. Ngjarja ka ndodhur rreth orës 13:30. Grupi hetimor po kryen hetimet [...]

Emri/ Bie nga shtylla ku po punonte, humb jetën elektricisti në Bulqizë

V K — Wed, 31 Jan 2024 13:35:49 +0000

Një ngjarje e rëndë ka ndodhur në fshatin Kovashicë të Bulqizës, ku elektricisti Ylli Boba, ka humbur jetën, pasi është rrëzuar teksa po punonte në një shtyllë.

Si pasojë e rrëzimit, shtetasi Ylli Boba, nuk u mbijetoi dot plagëve të marra dhe për pasojë humbi jetën.

Bulqizë /informacion paraprak

Me datë 31.01.2024, rreth orës 13.30, shtetasi Ylli Boba., me profesion elektricist, gjatë punës në fshatin Kovashicë, në njësinë Administrative Shupenzë, dyshohet se është rrëzuar nga shtylla dhe për pasojë ka humbur jetën

Shtetasi Ylli Boba, është dërguar në spital për ndihmë mjekësore.

Grupi hetimor po kryen hetimet në vendngjarje dhe po punohet për zbardhjen e rrethanave të kësaj ngjarjeje.

The post Emri/ Bie nga shtylla ku po punonte, humb jetën elektricisti në Bulqizë appeared first on Albeu.com.

Po riparonte defektin, ndërron jetë elektricisti në Elbasan, fshati kishte mbetur pa drita

Xh — Sat, 11 Nov 2023 12:51:55 +0000

Një ngjarje e rëndë ka ndodhur ditën e sotme në Elbasan, ku një elektricist ka humbur jetën Mësohet se 60-vjeçari ka humbur jetën gjatë kohës që po punonte për riparimin e një defekti në fshatin Muçan të Elbasanit. Gjatë kësaj fundjave fshati Muçan i Elbasanit kishte mbetur pa energji elektrike për shkak të motit të [...]

I mituri dhunohet vazhdimisht nga elektricisti i fshatit në Librazhd! Tenton t’i japë fund jetës, hidhet nga kati i tretë

Xh — Tue, 21 Feb 2023 10:54:05 +0000

Një i mitur u dhunua për tre vite rresht nga elektricisti i fshatit Funare në Librazhd, prej klasës së V-të deri në klasën e VIII-të që është sot.

Pas dhunimit ai u bullizua gjë që e çoi të ndërmerrte një akt të rëndë, atë të hedhjes nga kati i tretë i konviktit ku qëndronte. E gjithë historia u mbajt e fshehtë dhe asnjë institucion nuk mori asnjë masë.

Rast i rëndë u soll në emisionin investigativ Fiks Fare, ku u shfaqën video tronditëse të dhunës që ushtrohej ndaj të miturit, ku përveç elektriçistit dhunues, dikush tjetër xhironte skenën pa iu dridhur dora.

Kjo ka qenë edhe arsyeja që i mituri ka braktisur shkollën dhe është bullizuar nga bashkëmoshatarët.

Vetë fëmija në prezencën e të ëmës tregoi për gazetarët, se elektricisti Hysen Balliu e dhunonte, i zinte rrugën me motor dhe nuk e lejonte të shkonte në mësim.

Ai shprehet se nuk është ankuar për atë person te familjarët pasi nuk ka dashur t’i shqetësojë.

Situata bëhet akoma më e rëndë kur e ëma e të miturit tregon se fëmijën për shkak të bullizimit dhe mos vajtjes në shkollë vendosi ta çonte në një shkollë në Librazhd dhe të qëndronte në një konvikt fetar , i cili ishte pa pagesë, por që aty u hodh nga kati i tretë i godinës.

Dhe nga ai moment fëmijën e risolli në fshat, ku e riregjistroi në shkollën që kishte qenë , por që nuk e frekuenton. E ëma mohon të ketë dijeni për dhunën e ushtruar ndaj djalit.

Gazetarët e Fiksit kërkuan një përgjigje në shkollë , por drejtuesi i shkollës nuk dha asnjë koment me arsyetimin se nuk ishte i autorizuar nga zyra arsimore për të folur për rastin.

Ndërkohë ish drejtori i shkollës në një telefonatë tregoi se e ka denoncuar këtë rast në polici, por nuk ka marrë asnjëherë përgjigje.

Drejtori i konviktit ku i mituri qëndroi pak ditë, tregon se ai u hodh nga kati i tretë, dhe e përjashtoi. Por nuk lajmëroi asnjë institucion, vetëm i kërkoi familjes që ta merrte.

Gazetarët takuan edhe elektricistin i cili kishte një sjellje të çuditshme ndërkohë që gazetarët i tregonin videon ku dhunonte të miturin ai qeshte, për të kjo nuk është dhunë.

Emisioni investigativ në pak ditë mblodhi fakte tronditëse për të miturin, video në të cilat dhunohej barbarisht, dëshmi nga drejtuesi i konviktit ku pranon se i mituri u hodh nga kati i tretë, dhe kjo ngjarje u mbajt e fshehtë.

Ish drejtuesi i shkollës tregon se e ka denoncuar rastin, por nuk është bërë asgjë. Dhe në fund askush asnjë përgjegjësi. I mituri që i përket një familje me probleme të mëdha sociale dhe ekonomike vendos të mos përballet më as me bashkëmoshatarët, por të qëndrojë në shtëpi me të ëmën.

Nga heshtja e institucioneve dhe mosveprimi i tyre edhe i mituri është dorëzuar duke u mbyllur në shtëpi./tch/

The post I mituri dhunohet vazhdimisht nga elektricisti i fshatit në Librazhd! Tenton t’i japë fund jetës, hidhet nga kati i tretë appeared first on Albeu.com.

Vdekja e elektriçistit shqiptar në Greqi, tre te arrestuar

admin — Fri, 02 Apr 2021 10:23:52 +0000

Një shqiptar gjeti vdekjen ditën e djeshme në Greqi. Ai punonte si elektriçist dhe ditën e djeshme, në zonën e Eretria-s ka humbur jetën bashkë me dy elektricistë grekë nga goditja elektrike.

Shqiptari, i identifikuar si Aleks Bruka, ishte nga Rrësheni dhe baba i tre fëmijëve.

Një ditë pas ngjarjes është bërë arrestimi i tre personave që janë dërguar në Prokurori. Të arrestuar janë përgjegjësi, inxhinieri përgjegjësi i projektit dhe mbikëqyrësi i punëve. Ata po përballen me akuzën e vrasjes nga pakujdesia. Megjithatë, hetimi për të sqaruar rrethanat e sakta të ngjarjes vijon ende.

Kujtojmë së nga ngjarja e ndodhur dje, pati edhe një të plagosur i cili është dërguar në spital dhe po merr ndihmën mjekësore. /albeu.com/

The post Vdekja e elektriçistit shqiptar në Greqi, tre te arrestuar appeared first on Albeu.com.