Hernan Dario Velasquez, me nofkën El Paisa, thuhet se u qëllua për vdekje në shtetin Apure të Venezuelës.

Vdekja e tij nuk është konfirmuar zyrtarisht dhe ushtria kolumbiane tha se nuk kishte njohuri për vrasjen.

Mediat lokale kanë spekuluar se mercenarët mund të kenë vrarë Velasquez, duke kërkuar shpërblime për kapjen e tij.

Autoritetet kolumbiane tha për gazetën El Tiempo se nuk do ta konfirmojnë vdekjen derisa zyrtarët të kenë parë trupin e tij.

Një zëdhënës i presidentit kolumbian Ivan Duque tha për agjencinë e lajmeve Reuters se zyra e tij po kërkonte më shumë informacion.

Rebelët e Farc ishin një grup marksist që zhvilloi një luftë të ashpër kundër qeverisë kolumbiane për më shumë se 50 vjet, përpara se të shpallte përfundimisht një armëpushim në 2016.

Komandanti i një prej njësive më të frikshme të Farcit, Velasquez u bë i famshëm për ashpërsinë e sulmeve të tij. Ai ishte pas një sulmi me makinë bombë në kryeqytetin kolumbian, Bogata, që vrau 36 njerëz dhe plagosi gati 200 të tjerë në 2003./albeu.com

The post Vritet komandanti rebel kolumbian “El Paisa” appeared first on Albeu.com.