Gjyqësori i Iranit nuk ka komentuar ende për rastin e Soltanit dhe as nuk ka njoftuar ndonjë ekzekutim në lidhje me protestat. Ndërprerja e internetit e vendosur nga qeveria e ka bërë gjithashtu të vështirë marrjen e informacionit mbi statusin e tij dhe të të tjerëve në situata potencialisht të ngjashme.

Aë yer Shekhi nga Hengaë i tha BBC-së se kishte frikë se kishte shumë raste si ai i Soltanit, duke theksuar shkallën dhe shpejtësinë me të cilën autoritetet iraniane po kryenin shtypje të dhunshme krahasuar me protestat e mëparshme.

Të martën, një nga të afërmit e Soltanit i tha BBC Persian se një gjykatë kishte dhënë një dënim me vdekje “në një proces jashtëzakonisht të shpejtë, brenda vetëm dy ditësh”. Soltani është banor i Fardis, Karaj, ku zotëron një dyqan rrobash. Ai u arrestua “në banesën e tij private”, tha Hengaë në një deklaratë.

Autoritetet iraniane thuhet se nuk i kanë dhënë familjes së Soltanit më shumë informacion në lidhje me rastin e tij, duke përmendur vetëm se ai ishte arrestuar në lidhje me një protestë. Motra e tij, e cila është avokate, u përpoq ta ndiqte çështjen, por autoritetet i thanë se nuk kishte asgjë për të ndjekur, tha Shekhi për programin Today të BBC Radio 4.

Shekhi tha se të burgosurve në pritje të vdekjes në Iran zakonisht u jepet një vizitë e fundit nga të dashurit e tyre para ekzekutimit. Ndërsa autoritetet iraniane i kishin thënë familjes se do të lejonin një takim me Erfanin para ekzekutimit të tij, atij nuk i ishte lejuar asnjë kontakt me familjen që nga arrestimi i tij.

Sipas Shekhi-t, kishte “një shans të lartë” që njerëz të tjerë në Iran të ishin në një pozicion të ngjashëm me Soltanin, por kishte pak informacion rreth tyre për shkak të ndërprerjes së internetit.

Presidenti Donald Trump ka thënë se SHBA-të do të ndërmarrin masa shumë të forta kundër Iranit nëse ky i fundit ekzekuton protestuesit, duke u thënë iranianëve të “VAZHDONIN TË PROTESTOJNË” në një postim në platformën e tij Truth Social.

Ai tha gjithashtu se ka anuluar të gjitha takimet me zyrtarët iranianë “derisa të NDALOJË vrasja e pakuptimtë e protestuesve. NDIHMA ËSHTË RRUGËS SË SAJ”.

Autoritetet në Teheran vendosën një ndërprerje të internetit të enjten e kaluar, ndërsa protestat u përshkallëzuan dhe autoritetet shtuan masat e tyre vdekjeprurëse të shtypjes.

BBC dhe shumica e organizatave të tjera ndërkombëtare të lajmeve gjithashtu nuk janë në gjendje të raportojnë nga brenda Iranit, duke e bërë të vështirë marrjen dhe verifikimin e informacionit.

Agjencia e Lajmeve të Aktivistëve të të Drejtave të Njeriut (HRANA) me seli në SHBA tha se deri më tani kishte konfirmuar vrasjen e 2,417 protestuesve, si dhe 12 fëmijëve dhe 10 civilëve të papërfshirë, pavarësisht ndërprerjes së energjisë elektrike. Grupi tha se janë vrarë edhe gati 150 persona të lidhur me forcat e sigurisë ose qeverinë.

Të paktën 18,434 protestues janë arrestuar gjatë trazirave, sipas HRANA-s.
Protestat, të cilat thuhet se janë përhapur në më shumë se 180 qytete dhe qyteza në të 31 provincat, u nxitën nga zemërimi për rënien e monedhës iraniane dhe koston në rritje të jetesës.

Ato shpejt u zgjeruan në kërkesa për ndryshime politike dhe u bënë një nga sfidat më serioze për establishmentin klerikal që nga revolucioni islamik i vitit 1979. Të paktën 12 burra janë ekzekutuar në Iran gjatë tre viteve të fundit, pasi u dënuan me vdekje në lidhje me protestat “Gruaja, Jeta, Liria” të vitit 2022.

Këto trazira mbarëkombëtare u shkaktuan nga vdekja gjatë paraburgimit e Mahsa Amini-t, një gruaje të re kurde e cila u akuzua nga policia e moralit për mbajtjen e hixhabit “të papërshtatshëm”.

Grupet e të drejtave të njeriut thonë se ekzekutimi i fundit i tillë ndodhi më 6 shtator, kur Mehran Bahramian u var në Isfahan. Grupi me seli në Norvegji, Iran Human Rights, raportoi në atë kohë se autoritetet e kishin torturuar Bahramianin për të marrë rrëfime dhe se ai nuk pati një gjykim të drejtë.

The post Protestat në Iran/ Kush është 26-vjeçari Erfan Soltani, që thuhet se do përballet me ekzekutim appeared first on Albeu.com.

Pas pesë orësh arrati, policia ka arritur të arrestojë autorin e dyshuar të ngjarjes së ndodhur në fshatin Gjorm të Selenicës.

Sipas burimeve zyrtare, personi u lokalizua dhe u kap në zonën malore të Gjormit, ku ishte fshehur pas ngjarjes.

Forcat e policisë kanë ndërhyrë pas një operacioni të shpejtë kërkimi, ndërsa pritet që në vijim të bëhen publike detaje të tjera mbi motivet dhe rrethanat e ngjarjes

Njoftimi i Policise

Pas rreth 5 orësh kërkimesh intensive, me përdorimin edhe të dronit, Policia e Vlorës bëri të mundur arrestimin e autorit të dyshuar të vrasjes së ndodhur mbrëmjen e djeshme.

Zbardhet dhe dokumentohet ngjarja e ndodhur në fshatin Gjorm, ku mbeti i vrarë me armë zjarri, nga kushëriri i tij, një 36-vjeçar.

Sekuestrohet arma e zjarrit pistoletë, e dyshuar si e përdorur në këtë ngjarje, së bashku me 10 fishekë.

32-vjeçari i vënë në pranga, person në kërkim me rrezikshmëri të lartë shoqërore, i dënuar me 35 vite burg për vrasje.

Pas marrjes së njoftimit nga familjarët se në fshatin Gjorm ishte gjetur pa shenja jete shtetasi D. A., 36 vjeç, banues në Fier, të cilit gjatë këqyrjes i janë konstatuar plagë të shkaktuara me armë zjarri, nga strukturat e Drejtorisë Vendore të Policisë Vlorë, nën drejtimin e Prokurorisë Vlorë, u ngrit një grup hetimor me qëllim zbardhjen dhe dokumentimin e ngjarjes, i përbërë nga specialistë të Seksionit për Hetimin e Krimeve ndaj Personit dhe ekspertë kriminalistikë.

Falë veprimeve hetimore të shpejta dhe profesionale, u bë e mundur identifikimi dhe shpallja në kërkim e autorit të dyshuar, shtetasit Bertil Alliaj, 32 vjeç, banues në fshatin Gjorm, Selenicë, i cili pas ngjarjes ishte larguar në zonën malore përreth. Menjëherë shërbimet e DVP Vlorë u organizuan dhe nisën kërkimet për kapjen e tij.
Falë kontrolleve intensive të shtrira gjatë gjithë natës dhe përdorimit të dronit për krehjen e zonës, rreth orës 01:05 të mëngjesit, u bë arrestimi në flagrancë i shtetasit Bertil Alliaj, pasi mbrëmjen e djeshme, rreth orës 20:00, në rrugën përpara banesës së tij, gjatë një konflikti për motive të dobëta, dyshohet se ka vrarë me armë zjarri kushëririn e tij, shtetasin D. A.

Gjatë kontrollit fizik të autorit, iu sekuestrua në cilësinë e provës materiale një armë zjarri pistoletë “Beretta FS92”, e dyshuar si arma e përdorur në këtë ngjarje, së bashku me një krehër dhe 10 fishekë.

Gjatë këqyrjes së vendit të ngjarjes u gjetën dhe u sekuestruan si prova materiale 6 gëzhoja dhe 1 predhë arme zjarri.

Shtetasi Bertil Alliaj rezulton gjithashtu person në kërkim, menjëherë pas kapjes së tij, u ekzekutua edhe vendimi i datës 20.01.2016, i Gjykatës së Shkallës së Parë Vlorë, e cila e ka dënuar me 35 vite burg për veprat penale “Vrasje në rrethana cilësuese, kryer në bashkëpunim” dhe “Armëmbajtje pa leje”.

Materialet iu referuan Prokurorisë për veprime të mëtejshme procedurale.

The post Dyshohet se ekzekutoi djalin e xhaxhait në Selenicë, arrestohet pas 5 orësh arrati Bertil Alliaj appeared first on Albeu.com.

Sipas informacioneve, shënjestra e atentatit ishte pronari i firmës Ardjan Gjeloshi, i cili mbeti i plagosur, ndërkohë ky i fundit është dërguar në spital dhe ndodhet nën kujdesin e mjekëve.

Personi në foto, është 70-vjeçari të cilin e kapën plumbat, ndërsa ishte në zyrën e punës.

The post U vra aksidentalisht brenda zyrës në firmën e inerteve në Kurbin, ky është ekonomisti Selman Mihana appeared first on Albeu.com.

Konkretisht në vitin 2007, ai ka themeluar një kompani me qendër në Labinot Fushë të Elbasanit.

Objekti i veprimtarisë së kësaj kompanie, është tregtia me shumicë e pakicë e mallrave të ndryshëm industrialë, elektroshtëpiake, transport udhëtarësh, hotel dhe bar.

Burime konfidenciale nga Greqia bëjnë me dije se, 59-vjecari dyshohet se zotëron prona edhe në Tiranë.

Ndryshe nga sa u tha dje se gruaja e tij shqiptare ishte vrarë vite më parë, informacionet e saktësuara orët e fundit bëjnë me dije se në vitin 2018 atij i kanë ekzekutuar me armë ish-gruan greke Frederiki Karzi.

Mes autorëve të vrasjes atëherë ishte një shtetas shqiptar, i cili ishte arratisur më parë nga burgu dhe motiv i ngjarjes ishte grabitja.

Kur ka ndodhur vrasja, Gialias ishte ndarë me shtetasen greke dhe kishte nisur marrëdhënien me një shtetase shqiptare nga Librazhdi, me të cilën vazhdonte të ishte në një lidhje pavarësisht një ndarje, që dyshohet fiktive, të regjistruar disa vite më parë.

Gialias rezulton pronar biznesesh të mëdha në Greqi, ku janë të punësuar rreth 4000 persona, shumë prej të cilëve shqiptarë.

Mësohet se ai qarkullonte me bodyguard, shtetas shqiptarë, të cilët në momentin e vrasjes nuk ndodheshin me të. Gialias rezulton me precedentë penalë, pasi i janë gjetur sasi të mëdha armësh, kryesisht “Kallashnikovë”.

Ai gjithashtu, ka precedentë në fushën e narkotikëve, si dhe në punësimin e paligjshëm të punëtorëve nga Pakistani në Greqi. Dyshimet e deritanishme të policisë kanë të bëjnë me kontrabandën e cigareve, për shkakun e së cilës janë ekzekutuar shumë krerë të mafias greke vitet e fundit.

Pas këtyre vrasjeve policia ka gjetur lidhje të shtetasve nga Europa Lindore dhe Shqipëria, por nuk përjashtohen edhe pista të tjera hetimi.

Mbrëmjen e djeshme, u bë e ditur se një tjetër bashkëpunëtor i Gialias, ishte vrarë në 31 nëntor 2023. Bëhet fjalë për 56-vjecarin nga Berati, Thimi Droboniku alias Thimi Prifti.

Ai u ekzekutuar në “Palio Faliro” të Athinës dhe vrasja e tij mbetet e pazbardhur. Nuk dihet nëse ngjarjet kanë lidhje me njëra-tjetrën, por ka dyshimet se përmes një kushërirës së tij grekë, Gialias furnizonte me cigare Drobonikun.

Ky i fundit kishte precedentë penalë në këtë fushë, por edhe në tregtinë e kokainës. Madje edhe Gialias kryente tregti me kontejnerë nga Amerika Latine, por ende nuk ka indicie për ndonjë transport të paligjshëm narkotikësh brenda tyre.

The post U ekzekutua mbrëmë në Greqi, zbulohet biznesi i grekut në Labinot të Elbasanit, vite më parë i vranë edhe ish-gruan, dyshohet se… appeared first on Albeu.com.

Historia daton në vitin 2014, kur një 43-vjeçar shqiptar në Greqi, u ekzekutua në mënyrë mizore në një krim me porosi.

Shqiptari, i cili ishte i divorcuar dhe me 2 fëmijë, kishte krijuar lidhje dashurie me një vajzë 30-vjeçare, 13 vjet më të vogël se ai.

Të dy ata u martuan në Maj të vitit 2014.

Por familja e vajzës, të cilët e njihnin shqiptarin dhe kishin miqësi, nuk e pranonin këtë martesë me argumentin se ai ishte i varfër, i divorcuar dhe me 2 fëmijë.

Babai i 30-vjeçares kishte tentuar disa herë të ndante çiftin, duke shkuar në shtëpinë e tyre dhe debatonte me të bijën që të braktiste 43-vjeçarin.

Dhëndri shqiptar, pas shqetësimeve të herë pas hershme nga vjehrri, kishte marrë urdhër mbrojtje në polici dhe babait të vajzës nuk i lejohej që t’ju afrohej.

Në këto kushte, babai i vajzës pajtoi një shtetas çeçen që kishte dalë nga burgu për vrasje kohët  e fundit dhe i kërkoi që të vriste shqiptarin.

Për këtë i ofroi 2500 Euro, nga të cilat 1500 ia dha paradhënie dhe pjesën tjetër më pas.

Shtetasi çeçen, së bashku me nipin e tij, hartuan planin për vrasjen e 43-vjeçarit shqiptar.

Një ditë i bllokuan rrugën me makinë dhe e bindën të dilte nga automjeti me pretendimin se donin të bisedonin me të.

Pasi doli nga mjeti, e morën me forcë dhe e futën në makinën e tyre, duke e çuar në një zonë të pyllëzuar.

Aty e dhunuan dhe e mbytën me litar, më pas trupin e groposën.

Krimi u zbardh në atë kohë nga autoritetet greke dhe gjykata e Selanikut e dënoi çeçenin me burgim të përjetshëm.

Por tashmë ky i fundit ka apeluar dënimin dhe kërkon anulimin e këtij vendimi.

The post E rëndë, nuk e donin shqiptarin dhëndër për vajzën e tyre, familja greke pagoi 2500 Euro çeçenin për ta ekzekutuar appeared first on Albeu.com.

Burimet nga Gjykata, njoftuan se megjithëse njoftimi i masave ishte planifikuar për ditën e hënë, të akuzuarit do të dalin para gjykatës ditën të marten 10.00.

Prokurori i çështjes Xhelian Seferi, dorëzoi të dielën kërkesat për caktimin e masave arrest me burg,  të cilat do të shqyrtohen nga gjyqtarja Yrfet Shkreli.

Përveç autorit direkt të ngjarjes Sokol Mjacaj, prokuroria ka kërkuar burg edhe për ish-drejtorin e burgut të Peqinit Kamber Hoxha, shefin e regjimit të brendshëm të burgut, Qani Muça, si dhe 10 punonjës mes tyre edhe ish shefi i policisë së burgut Nikolin Gjonpali.

Ata akuzohen se kanë shkelur rregullat e sigurisë në burg, që nga moskryerja e kontrolleve ndaj të dënuarit Mjacaj, i cili lëvizte prej të paktën 20 ditësh me armë brenda institucionit të vuajtjes së dënimit.

Hetimi paraprak i prokurorisë, ka gjetur se aty nuk kishin funksionuar skanerët e kontrollit në hyrje të burgut- që ishin riparuar së fundi, dhe një pjesë e kamerave të sigurisë për vëzhgimin dhe dokumentimin e ngjarjeve.

I dënuari Sokol Mjacaj, dyshohet se e vrau me porosi Arben Lleshin për hakmarrje dhe plagosi shokun e tij të qelisë, Indrit Shaqja.

Mënyra e futjes së pistoletës me mulli në burg ka mbetur mister, megjithatë, dyshimet janë se kjo është bërë me anë të pakove të ushqimeve gjatë kohës që skanerat nuk punonin.

Kontrolli në hyrje të burgut gjatë kësaj kohe është bërë manualisht nga punonjësit, ndërsa skanerat janë vënë në punë vetëm pak ditë më parë, pasi Sokol Mjacaj kishte arritur të pajisej me armën që përdori në krim.

Viktima Arben Lleshi, ishte dënuar me 32 vjet burg për vrasjen në Angli të Agim Hoxhës në vitin 2012 dhe po e vuante dënimin në Shqipëri.

Pak orë para vrasjes në qeli më 15 dhjetor, ministria e drejtësisë njoftoi se Sokol Mjacaj, do izolohej sërish në sistemin 41 bis, dhe kjo dyshohet se ka përshpejtuar planet e tij.

Atë ditë ai shkoi tek dritarja e qelisë së Arben Lleshit dhe e qëlloi me armë duke duke plagosur edhe shokun e qelisë.

Të akuzuarit

Drejtori i burgut, Kamber Hoxha 59-vjeç

Shefi i policisë së burgut Qani Muça, 60-vjeç

Ish-shefi i policisë së burgut Nikolin Gjonpali, 54-vjeç

Shefi i regjimit në burg Vilson Shima, 37-vjeç

Specialisti në sallën operative të burgut Arben Dulellari, 52-vjeç

Policë shërbimi: Ilir Balla, Florene Mile, Fatos Pire

Policë të burgut: Genci Muça, Klement Haka, Erjon Çilaj, Indrit Dubali

The post Ekzekutimi në burgun e Peqinit/ Sokol Majcaj dhe 12 zyrtarët, dalin nesër para gjykatës së Elbasanit appeared first on Albeu.com.

AlbEu.com, ka siguruar foton e 59-vjeçarit i cili u vra nrenda në lokalin e tij, ndërsa pak kohë më parë kishte dalë nga burgu.

Bardhi ndodhej në lokalin e tij në qendër të Rrëshenit, në prani edhe të disa miqve dhe të afërmve, kur dy persona të maskuar, kanë zbritur nga një automjet tip Jeep dhe janë afruar në drejtim të objektivit, ndaj të cilit kanë lëshuar breshëri të shtënash.

Plumbat i shkaktuan vdekjen e menjëhershme Bardhit, ndërsa 3 personat e tjerë mbetën të plagosur. Ata u dërguan në spitalin e Traumës në Tiranë, për ndihmë të specializuar mjekësore.

Atentati zgjati vetëm pak sekonda. Me të zbrazur breshëritë, autorët u larguan. Makina e përdorur prej tyre u gjet e djegur në fshatin Gëziq të Mirditës.

Mjeti i llojit “Jeep Cherokee” ngjyrë e zezë, për të cilin po kryen verifikime se kujt i përket dhe nëse është denoncuar e vjedhur, është djegur plotësisht.

Martin Bardhi ose Marku, është person i njohur për autoritetet, teksa në muajin mars të këtij viti bashkë me djalin dhe nipin e tij u përfshinë në një konflikt me armë zjarri në dalje të qytetit të Rrëshenit.

59-vjeçari u arrestua dhe sipas informacioneve kishte fituar lirinë në rrethana ende të paqarta disa kohë më parë, teksa në kërkim ishte djali dhe nipi i tij.

Drejtori i Policisë së Lezhës, Alfred Elezi, tha për mediat se hetimet janë në fazën e parë dhe po sqarohen konfliktet që fisi Bardhi ka pasur me fise të tjerë.

“Jemi akoma në fazën e parë. Dihen konfliktet që ka pasur fisi Bardhi me fise të tjera dhe po punojmë për zbardhjen dhe identifikimin e autorëve”, tha ai.

Policia tha se kishte nxjerrë në terren forcat speciale RENEA dhe FNSH, duke vendosur postblloqe në Rrugën e Kombit, në drejtim të Kukësit, të Laçit, Lezhës dhe Dibrës. Gjithashtu Policia njoftoi se po ushtrohej kontroll edhe nga ajri, përmes helikopterëve dhe dronëve, ndërsa disa ora pas krimit ende nuk ka të ndaluar ose identifikim të autorëve.

The post DEL FOTO/ Ky është 59-vjeçari që u ekzekutua në mes të Rrëshenit! Detaje appeared first on Albeu.com.

Autorët të cilët lëvznin me një “Audi” me targa italiane, e kanë ndjekur 41-vjeçarin Leartiad Lekaj, i cili ishte duke lëvizur me motor, për ta qëlluar atë pranë Kishës Othodoke, përballë Biblotekës së Qytetit.

Burime bëjnë me dije se 41-vjeçari i ka pikasur autorët e dyshuar, dhe ka tentuar që të ikë, por ata kanë arritur që ta mbërrinë dhe e kanë qëlluar, ndërsa një nga personat ka dalë nga makina për të kryer ekzekutimin.

“Rreth orës 21:50, në lagjen “28-Nëntori”, në rrethana ende të paqarta, është vrarë me armë zjarri shtetasi Leartiad Lekaj alias Laert Keka, 41 vjeç. Nga kontrolli i zonës, në aksin rrugor “Kotë-Sevaster”, shërbimet e Policisë kanë konstatuar një automjet tip “Audi”, duke u djegur. Janë ngritur menjëherë pika kontrolli në hyrje/daljet e qytetit të Vlorës dhe në akset “Vlorë-Fier”, “Vlorë-Tepelenë” dhe “Vlorë-Himarë”.

Gjithashtu, shërbimet e Policisë vijojnë krehjen e zonës, me qëllim lokalizimin dhe kapjen e autorëve. Grupi hetimor ndodhet në vendngjarje dhe në drejtimin e prokurorit, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, me qëllim identifikimin dhe kapjen e autorëve”, thuhet në njoftimin zyrtar për mediat

Një nga pistat kryesore ku po heton policia është ajo e konflikteve të hershme mes viktimës dhe autorëve të dyshuar.

Ndërkohë që pak minuta pas ekzekutimit, policia ka gjetur të djegur “Audin” me të cilin dyshohet se lëviznin autorët, pranë ish-fushës së aviacionit.

The post Ekzekutimi në Vlorë/ 41-vjeçari i pikasi autorët dhe tentoi të ikë, u qëllua nga një “Audi”, makina u gjet e djegur pak minuta pas ngjarjes appeared first on Albeu.com.

Simpson kishte mbërritur në Shqipëri si pjesë e skuadrës të vrasësve me rolin e vëzhguesit të viktimës.

Top Channel duke iu referuar prokurorisë angleze CPS raporton se Simpson, ka precedentë penal dhe dënime në të shkuarën.

Ky në këtë foton e mëposhtme është Harry Simpson banues në Abbey Wood në Jug të Londrës.

Një prej precedentëve penal lidhet me shitjen e drogës në rrugët e kryeqytetit anglez.

Sipas prokurorisë angleze të cilës i referohet Top Channel, në Shkurt të vitit 2015, Simpson, është arrestuar për shitje kokaine më një pastërti prej 89% dhe shitje kanabisi me vlerë 40.000 sterlina. Atëherë 24 vjeç, Simpson po udhëtonte me një makinë tip BMË kur u ndalua dhe u kontrollua nga policia.

Rezultoi se ai po drejtonte një mjet pasi i ishte hequr patenta dhe pa siguracion. Për mos të marrë një dënim maksimal ai pranoi akuzat. Gjykata e dënoi Simpson me 5 vite dhe 3 muaj burg. Paratë ‘cash’ të gjetura në shtëpinë e tij, policia lokale ia dhuroi një organizate të mbrojtjes së kafshëve.

Mbrëmjen e së premtes dhe paraditen e së shtunës për vrasjen e Ardian Nikulaj u arrestuan dhe dolën përpara gjykatës të ekstradimeve në Londër, Edmond Haxhia, Stephen Hunt dhe Thomas Mithan. E vetmja grua e zbuluar deri më tani si pjesë e grupit të vrasësve Harriet Bridgeman, është arrestuar, paraditen e të shtunës. Ajo do të dalë përpara kësaj gjykate të Hënën. /TCh

The post Nga shitja e “miellit” në rrugët e Anglisë te vëzhgimi i Nikulajt derisa u ekzekutua, e shkuara e errët e Harry Simpson appeared first on Albeu.com.

Sipas medive vendase bëhet fjalë për Tomislav Sabljo.

Sipas informacioneve të deritanishme, fillimisht disa persona janë përleshur në klub dhe pas përleshjes, 41-vjeçari ka mbetur i vrarë pas të shtënave me armë.

Sablja u arrestua në vitin 2019 në kuadër të operacionit Tebra. Ai akuzohej si kreu i një grupi kriminal që kontrabandoi 15.7 ton marijuanë në Kroaci.

Bashkë me Sabljo, gjatë operacionit Tebra u arrestuan edhe Tomislav Suçiq, Gjorgje Vuletiç dhe 17 persona të tjerë që janë të lidhur me zinxhirin e kontrabandës së drogës nga Shqipëria dhe Mali i Zi, përmes Bosnjës dhe Hercegovinës në Kroaci.

Marijuana fillimisht u fsheh afër Ljubuški-t në Bosnje dhe Hercegovinë dhe më pas u transportua në Kroaci me ndihmën e një oficeri të policisë kufitare.

Droga më pas shitej me pakicë dhe në këtë mënyrë, sipas policisë, të paktën 15.7 ton marijuanë u kontrabanduan në Kroaci, raportojnë mediat kroate./Albeu.com/

The post Drejtues i kartelit që kontrabandoi drogë nga Shqipëria dhe Mali i Zi, ekzekutohet në Zagreb 41-vjeçari appeared first on Albeu.com.