Kandidatët e AfD-së gjithashtu po përdorin mediet sociale me pastime se si energjia e rinovueshme po rrit faturat e energjisë së konsumatorëve.

Mesazhi synon komunitetet rurale të cilët janë të frustruar me shtytjen e qeverisë federale të qendrës së majtë drejt energjive të rinovueshme.

Kjo mund të nxisë AfD-në në zgjedhjet në Turingi dhe Saksoni, ku ajo është në vendin e parë me rreth 30%.

Nuk ka gjasa që AfD të jetë në gjendje të formojë një qeveri pasi partitë e tjera refuzojnë çdo koalicion me të. Por, duke pasur parasysh madhësinë e votës së saj, AfD mund të ndryshojë diskursin e zakonshëm mbi energjinë e erës, siç ka bërë me migrimin, duke ngadalësuar zbatimin e projekteve, thonë anketuesit dhe analistët.

AfD mund të nxisë gjithashtu legjislacionin kundër energjisë së erës nga radhët e opozitës, siç është përpjekur të bëjë tashmë me konservatorët në Turingi.

Kjo nga ana tjetër mund të rrezikojë synimet e përgjithshme të tranzicionit të energjisë së gjelbër të Gjermanisë, pasi shtetet lindore janë ato që ofrojnë hapësirën e nevojshme për zgjerimin e infrastrukturës së energjisë së erës për shkak të densitetit më të ulët të popullsisë.

The post E djathta ekstreme gjermane “luan me erën”/ Energjia e rinovueshme pikë kyçe e fushatës appeared first on Albeu.com.

Pas mesditës, pritet shtim i vranësirave konvektike, duke sjellë rrebeshe shiu si fillim në zonat veriore dhe gradualisht në pjesën më të madhe të vendit.

Përjashtim bëjnë zonat bregdetare, të cilat mbeten me kthjellime dhe vranësira të lehta e kalimtare.

Në mbrëmje dhe gjatë natës, do të ketë përmirësim të dukshëm të kushteve atmosferike në të gjithë territorin e vendit.

Temperaturat e ajrit, do të pësojnë rritje si në orët e mëngjesit edhe në të mesditës, duke luhatur vlerat ditore 18°C minimalja deri në 43°C vlera maksimale në rang territori.

Era do të fryjë mesatare në tokë dhe e fortë në det me shpejtësi mbi 50 km/h nga drejtimi veriperëndimor, kjo do të bëjë që në brigjet detare të gjenerohet dallgëzim mbi 3 ballë.

The post Parashikimi i motit 18 Korrik 2024, vendi përvëlohet nga i nxehti ekstrem, sa do të arrijnë temperaturat sot appeared first on Albeu.com.

Ndërsa orët e pasdites do të sjellin kalime vranësirash të lehta nëpër të gjithë territorin e vendit, por më theksuara vranësirat do të jenë në skajin verior dhe verilindor të Shqipërisë, duke rrezikuar rrebeshe të izoluara shiu.

Temperaturat e ajrit do të mbeten të larta si në mëngjes edhe në mesditë, duke bërë që vlera minimale të regjistrohet në Ersekë 17°C, ndërsa maksimalja pritet në zonat Jugore dhe qendrore deri në 42°C.

Era do të fryjë mesatare në tokë dhe det e fortë në det me shpejtësi 45 km/h nga drejtimi veriperëndimor.

Kjo do të bëjë që në në brigjet detare të krijohet dallgëzim 2 – 3 ballë.

The post Parashikimi i motit 17 Korrik 2024, sa do të arrijnë temperaturat ditën e sotme appeared first on Albeu.com.

Sipas raportimeve, 30 prej tyre kanë qenë staf i organizimit të votimeve, pasi vendi ka përmbyllur të shtunën fazën e 7 dhe të fundit të procesit zgjedhor, ku kryeministri aktual Narendra Modi është para në garë por rezultatet shpallen zyrtarisht të martën.

Temperaturat përvëluese kanë kaluar 50 gradë Celsius dhe shumë qytete janë në gatishmëri të lartë, përfshirë edhe Delhi-n.

Pavarësisht paralajmërimeve të autoriteteve për të mos dalë nga banesat, njerëzit u panë në radhë të gjata duke shtuar rastet e problemeve shëndetësore që lidhen me dehidratimin dhe goditjet në zemër.

India nuk është e panjohur për temperaturat e nxehta të verës.

Prilli, maji dhe qershori shënojnë gjithmonë rekorde të larta, përpara se shirat e musonit të sjellin temperatura më të ftohta.

Por vite të tëra kërkimesh shkencore kanë zbuluar se ndryshimi i klimës po bën që valët e të nxehtit të bëhen më të gjata, më të shpeshta dhe më intensive.

Dhjetëra miliona prej 1.4 miliardë banorëve të Indisë nuk kanë ujë të rrjedhshëm, teksa vendi shpall alarm për nxehtësinë sa herë temperaturat kalojnë 45 gradë Celsius.

The post Nxehtësia ekstreme në Indi, 50 të vdekur në 24 orë appeared first on Albeu.com.

Sipas raportit të ‘Lancet Countdown’ për Shëndetin dhe Ndryshimet Klimatike, numri i vdekjeve të lidhura me nxehtësinë mund të rritet 4.7 herë deri në mesin e shekullit.

Ngrohja globale mund të pesëfishojë vdekjet e shkaktuara nga nxehtësia nëse nuk ndërmerren hapa të menjëhershëm për të kufizuar rritjen e temperaturës nën 1.5°C . Kjo është ajo çka del nga raporti vjetor i revistës shkencore ‘The Lancet’, kushtuar shëndetit dhe ndryshimeve klimatike, i cili thekson, ndër të tjera, se “bota po përballet me dëme të pakthyeshme” dhe kjo është arsyeja pse është e nevojshme të ofrohet “një përgjigje e përqendruar drejt shëndetit”.

“Bota po shkon në drejtimin e gabuar – shpjegohet – me investime dhe subvencione të vazhdueshme në sektorin e karburanteve fosile dhe me një prioritet të ulët për tranzicionin e drejtë energjetik”.

Raporti – i kryer nga University College London, përfaqëson punën e 114 ekspertëve nga 52 institute kërkimore dhe agjenci të OKB-së nga e gjithë bota, duke përfshirë Organizatën Botërore të Shëndetësisë (OBSH) dhe Organizatën Botërore Meteorologjike (ËMO) – paraqet 47 tregues që përfshijnë të rinj dhe metrika të përmirësuara për monitorimin e ndotjes së ajrit, financimin e karburanteve fosile dhe angazhimin e organizatave ndërkombëtare për përfitimet shëndetësore si dhe zbutjen e klimës. Për më tepër, ai publikohet në një moment thelbësor, pasi tani jemi në fund të vitit më të nxehtë të regjistruar dhe pak ditë para fillimit të samitit botëror të Kombeve të Bashkuara për ndryshimet klimatike, COP28 i planifikuar në Dubai.

Sipas raportit, “mungesa e veprimeve për të luftuar ndryshimet klimatike po çon në humbje jete dhe kushte më të këqija jetese”.

Ai nënvizon se si “vdekjet e lidhura me nxehtësinë tek të moshuarit” janë “rritur me 85% në dekadën e fundit dhe ndryshimi i klimës” po “ndikon sistemet thelbësore si uji, higjiena dhe prodhimi i ushqimit”.

Për më tepër, “humbjet ekonomike të lidhura me ngjarjet ekstreme të motit po rriten dhe godasin më shumë vendet me një indeks të ulët dhe mesatar të zhvillimit njerëzor, duke përkeqësuar pabarazitë globale”.

Për herë të parë në historinë e konferencave të klimës, do të ketë një ditë të tërë kushtuar shëndetit. Me këtë rast duhet të miratohet një deklaratë për shëndetin dhe klimën, por ekspertët mendojnë se mungon njohja e shkakut kryesor të dështimit të shëndetit publik.

Një letër e hapur e nënshkruar nga 46 milionë profesionistë shëndetësorë, drejtuar presidentit të COP28, Sulltan Al Jaber, i kërkon atij që të “angazhohet për një largim më të shpejtë, më të drejtë dhe më të barabartë të karburanteve fosile dhe të investojë në një tranzicion të energjisë së rinovueshme” .

Në vitin 2022, njerëzit u ekspozuan mesatarisht 86 ditë ndaj temperaturave të larta kërcënuese për shëndetin.

Autorët denoncojnë “neglizhencën e qeverive, kompanive dhe bankave që vazhdojnë të investojnë në naftë dhe gaz ndërsa sfidat dhe kostot e përshtatjes rriten dhe bota po i afrohet dëmeve të pakthyeshme. Autorët paralajmërojnë se pa veprime zbutëse vendimtare dhe të shpejtë për të adresuar shkaqet rrënjësore për shkak të ndryshimeve klimatike, shëndeti i njerëzimit është në rrezik serioz.”

Ata gjithashtu përshkruajnë “mundësinë që një tranzicion i drejtë i energjisë” mund të ofrojë “një reduktim të pabarazive shëndetësore dhe të përmirësojë shëndetin dhe mirëqenien e të gjitha popullsive”.

Ajo që nevojitet është “veprim urgjent klimatik i përqendruar te shëndeti”, për të zhvendosur “ekonominë globale drejt një ekonomie me zero karbon, duke ofruar njëkohësisht mundësi transformuese për të përmirësuar shëndetin e popullatave të botës përmes një aksesi më të mirë të energjisë dhe sigurisë, ajrit më të pastër, më të sigurt, ujë të pijshëm, dieta dhe stile jetese më të shëndetshme dhe qytete më të jetueshme”.

The post Ngrohja globale, eksperët japin alarmin: Deri në 2050-n mund të rritet me 5 herë numri i vdekjeve nga vapa ekstreme appeared first on Albeu.com.

Studiues nga Kina, Holanda dhe Britania paralajmërojnë se nxehtësia ekstreme do ta bëjë jetën të padurueshme në pjesën jugore të globit.

Sipas raportit “Kostoja Njerëzore e Ngrohjes Globale”, të publikuar në revistën “Nature Sustainability”, disa zona në Indi, Nigeri dhe Indonezi do të bëhen pothuajse të pabanueshme për shkak të nxehtësisë ekstreme.

India tashmë po përballet me valë të nxehtësisë ekstreme, duke lëshuar këtë vit paralajmërime për pasojat e rënda nga temperaturat e larta në shtatë shtete qendrore dhe jugore të vendit.

Tim Lenton, profesor në Universitetin Exeter dhe një nga autorët e raportit, thotë se edhe vendet e Evropës do të bëhen më të thata nga rritja e temperaturave. Ai i përshkruan zonat që do t’i mbijetojnë mirë nxehtësisë si të favorizuara.

“Temperatura dhe reshjet së bashku ndërtojnë një strukturë interesante që krijon kushtet për një jetë të mirë për njërëzit në zonat më të ftohta. Zonat me temperatura të larta nuk janë të mira për jetën, ndërsa ato që ndikohen nga shirat monsune, i nxehti dhe lagështia ofrojnë kushte më të mira për jetën. Dhe situata është e rëndë në zonat me temperatura shumë më të larta”, thotë zoti Lenton.

Sipas vlerësimeve më konservatore të studimit, në vitin 2100 temperatura do të arrijë 2.7 Celsius mbi nivelet që ishte në periudhën para zhivillimit industrial.

Studimi thotë se dy miliardë njerëz do të jetonin në kushte klimatike kërcënuese për jetën. Profesor Lenton thotë se më pak se një për qind e njerëzimit aktualisht jeton në vende me nivel të rrezikshëm të nxehtësisë, por studimi tregon se ndryshimi i klimës tashmë e ka nxjerrë nëntë për qind të popullsisë së botës, ose më shumë se 600 milionë njerëz, jashtë zonës së favorizuar.

Ai thotë se njerëzimi duhet të përqendrohet në përpjekjet kundër ngrohjes globale tani për të shpëtuar miliarda jetë në të ardhmen.

“Kufizimi i rritjes së ngrohjes globale me një gradë Celsius do të kishte një rëndësi shumë të madhe sepse do të shpëtonte 140 milionë njërëz nga nxehtësia e padurueshme. Pra, është një sasi spektakolare për t’u fituar përmes veprimeve më vendimtare klimatike që mund të merren tani.”

Dr. Friederike Otto, shkencëtare klimatike nga Instituti Grantham për Ndryshimet Klimatike dhe Mjedisin në Kolegjin Imperial të Londrës, e cila nuk është anëtare e ekipit që përpiloi raportin, thotë se shumë njerëz tashmë po vdesin nga nxehtësia ekstreme.

“Ajo që thekson ky raport është se me rritjen e nxehtësisë ekstreme, do të rritet edhe numri i njerëzve që do të jetojnë në kushte të rrezikshme dhe i atyre që do të vdesin nga nxehtësia ekstreme.”

Zonja Otto thotë se ka një arsye të mirë pse valët e të nxehtit ekstrem quhen vrasës të heshtur.

“Shpesh nuk i vërejmë këto vdekje sepse njerëzit nuk vdesin në mes të rrugës. Por, zakonisht të varfërit dhe ata që jetojnë në banesa me kushte jo të mira vdesin në shtëpitë e tyre dhe më vonë bëhën pjesë e statstikave mbi pasojat e ngrohjes globale”, thotë ajo./VOA

The post Studimi: Një e pesta e popullsisë së botës do të kërcënohet nga nxehtësia ekstreme appeared first on Albeu.com.

“2023 është viti që do të kujtohet shumë gjatë për shkak të temperaturave të larta”.

Shkencëtarët thonë se atmosfera e mbinxehur nga dioksidi i karbonit dhe gazrat e tjerë e bëri valën e të nxehtit në Evropë 2.5 gradë Celsius më e nxehtë (se do të kishte qenë pa ndotjen e ajrit), në Shtetet e Bashkuara dhe Meksikë 2 gradë Celsius më lart dhe në Kinë 1 gradë më të ngrohtë.

Sipas studimeve të fundit, klima nuk pritet të stabilizohet, ndërsa shtohet se valët e të nxehtit si ato që përjetuam në korrik do të bëhen më të shpeshta. Valët e të nxehtit si të këtij viti në Greqi, Itali, Spanjë dhe disa shtete të Ballkanit ka të ngjarë të përsëriten çdo dekadë, me gjendjen aktuale të klimës, ose do të bëhen shumë më të shpeshta nëse ngrohja globale vazhdon.

Kjo është edhe arsyeja pse Sekretari i Përgjithshëm i OKB-së Antonio Guterres ka paralajmëruar për një periudhë ekstreme në të cilën kemi hyrë tashmë.

Ndërkohë këtë herë El Niño është shumë i fortë, duke nxitur OKB-në të përshkruajë një “kulm të paprecedentë” të temperaturave të sipërfaqes së detit në Atlantikun e Veriut, duke përshpejtuar shkrirjen e akullit në Antarktidë.

Ky fenomen përhapet edhe në Mesdhe, duke shkaktuar temperatura dhe rekorde të papara në shtetet mesdhetare dhe jo vetëm.

The post Fenonemi El Nino dhe ndryshimi i klimës, si u bë Europa një “oxhak vullkani”?! appeared first on Albeu.com.

Zemërimi, habia dhe indinjata e njerëzve ishte në kulm. Si është e mundur të vrasë makina një njeri? Nuk kishte ndodhur deri atë ditë që njeriu të humbiste jetën në rrugë. Askush nuk ishte vrarë në rrugë nga kuajt apo karrocat me kuaj. Si është e mundur të të vrasë makina? Çfarë duhet të bëjmë?!

Pavarësisht tronditjes kolektive,  në atë kohë, nuk u bllokuan makinat as nuk i shkoi mendja njeriu që të ndalonte prodhimin e makinave. Në vend të ndalimit u rregulluan rrugët, u bënë rregullore, u hartua sinjalistika, u vendos marrja e lejes së drejtimit të makinës. Etj etj. Dhe njerëzimi në harkun e një shekulli ka mbërritur sot te makinat pa shofer.

4 vite më parë në Arizona u shënua dhe viktima e parë. Elaine Herzberg humbi jetën nga përplasja e një makine pa shofer, ndërkohë që po përpiqej të kalonte rrugën me një biçikletë. Edhe në këtë rast nuk u bllokua testimi i makinave pa drejtues. Për rastin prokuroria bëri një hetim.  Autoriteti rregullator kërkoi më shumë kujdes dhe garanci nga kompania dhe jeta vijoi.

Këto histori me aksidente  të kujtohen nga bllokimi total i mjeteve lundruese në ujë nga policia pas vrasjes tragjike të një fëmije 7 vjeçar në Himarë. Rasti tipik i reagimit të policisë; nga një ekstrem në tjetrin. Nga injorimi total i ligjit dhe i rregullit te situata që “ligjin e bëjmë ne”.

Kaq absurd ishte vendimi sa njerëz të dërguar me varka dje në Karaburun rrezikuan të kthehen në  këmbë për shkak të bllokimit të çdo mjeti lundrues. Për analogji a mund të bllokoheshin makinat dhe sepse pati aksident me viktimë në Rrogozhinë?!

Në vend që të kujdeset për zbatimin e ligjshmërisë dhe të bëj një analizë të shpejtë dhe të nxjerrë përgjegjësinë për ngjarjen e krijuar, policia kalon në veprim arbitrar. Metoda klasike e aksioneve të zhurmshme, pas aksidenteve të bujshme.

Mbarëvajtja e sezonit turistik nuk bëhet me masa urgjente në muajin gusht dhe aq më tepër pasi të ka ndodhur gjëma. Vetëm pasi ndodh gjëma kujtohemi të themi se kemi më shumë mjete lundruese se leje drejtimi, se një pjesë e mirë e lejeve të ndërtimit janë dhënë në mënyrë korruptive, se nuk është përcaktuar zona ku do të vozitin mjetet lundruese  etj.

Aksidentet ndodhin kudo. Mund të jenë edhe të ngjashme si dy pika loti me njëri-tjetrin. Ajo që e bën dallimin është mënyra se si reagohet pasi ndodh aksidenti.

Ka transparencë apo përpjekje për fshehje dhe manipulim?

Ka marrje përgjegjësie apo ping-pong përgjegjësie?

Kërkohet ndjesë apo shfaqet arrogancë e mos përfillje?!

Institucionet po bëjnë punën e tyre me shpejtësi dhe profesionalizëm apo janë në pritje të direktivës?

Drejtësia do të bëj drejtësi apo do të ketë pandëshkueshmëri si në rastet e mëparshme?!

Në varësi të përgjigjes së këtyre pyetjeve njerëzit marrin vendimin për të ndenjur në shtëpi duke pritur të dëshmohet përgjegjshmëri dhe drejtësi apo për të dalë në rrugë për të shkundur “institucionet” dhe drejtuesit e tyre.

The post Ekstremet takohen edhe në ujë! appeared first on Albeu.com.

Reshje intensive dhe përmbytje, më shumë uraganë në oqeanet Atlantik dhe Paqësor, më shumë valë nxehtësie nga Australia në Europë dhe deri në Siberi…..PO ASHTU acari i rrethit polar do zbresë shpesh drejt Europës Jugore madje duke prekur edhe brigjet e Afrikës (rasti I dëborës vjet por edhe para pak ditës në shkretëtirat e afrikës).

Pas Marveshjes së Glasgout fundvitit të shkuar SIGURISHT që gjërat do të ndryshojnë pasi do të REDUKTOHET clirimi i gazit CO2 nga shtetet ndotës, do të pyllëzohen sipërfaqet pyjore të dëmtuara, do të kërkohet për energji të rinovueshme në vend të naftës dhe gazit natyror……..

DHE NËSE PIKAT Më LART DO Të ZBATOHEN me përpikmëri gjatë kësaj decade, SHPEJT klima e tokës do e ndjejë përmirësimin d.m.th do të tentojë drejt NORMALIZIMIT./meteoalb

The post Verë ekstreme dhe dimër ekstrem, ç’do të ndodh me motin deri në fund të kësaj dekade? appeared first on Albeu.com.