Megjithatë, Faslli Haliti u nda nga jeta para tre vitesh, dhe tani ky koncept po bëhet realitet. Ekspozita “Faksimile” përbëhet prej pikturash dhe instalacionesh që përshkruajnë kujtimet dhe inspirimin që Helidon Haliti ka marrë nga babai i tij. Ajo gjithashtu reflekton mbi ngjarjet dhe shqetësimet sociale që kanë ndodhur pas ndarjes së babait të tij për shkak të pandemisë së Covid-19.

Ky projekt artistik shfaq filozofinë se arti vazhdon të komunikoje edhe pas vdekjes së krijuesit. Poezitë e Faslli Halitit janë shërbyer si tituj për pikturat e Helidonit, duke krijuar një dialog të vazhdueshëm midis tyre. Ekspozita është e pasur me elemente të përrallave dhe kujtimeve që babai i tij i ka treguar atij si fëmijë.

Ekspozita “Faksimile” do të hapet për publikun më 6 Nëntor, në ora 18:00. Ajo përfshin rreth 40 punime në pikturë, të shoqëruara me një peizazh onirik dhe përdorimi i ngjyrave personale të artistit. Shfaqja shtron shqetësime të botës dhe përsëritjet në histori, por gjithashtu thekson se mësimet e babait vazhdojnë të jenë relevante edhe pas vdekjes së tij.

Ekspozita është organizuar në tri salla dhe përfshin një mini-muze, duke krijuar një ambient të larmishëm dhe duke eksploruar shqetësimet dhe dilemat artistike në një mënyrë inovative. “Faksimile” është një projekt që ka zgjatur për katër vite dhe tani është gati për të ndarë shpirtin dhe inspirimin e Helidon Halitit me publikun. Helidon Haliti mban dhe titullin “Mjeshtër i Madh”, ndërkohë që vijon të jetë tepër aktiv në krijimtarinë artistike./albeu.com 

The post Realizon ëndrrën e babait, piktori Helidon Haliti sjell më 6 nëntor ekspozitën e rrallë “Faksimile” appeared first on Albeu.com.

Në foto kreu i qeverisë, i cili ndodhet për një vizitë dyditore në Athinë, shihet duke i prezantuar punën e tij homologut të tij grek Kyriakos Mitsotakis.

“Me kryeministrin e Greqisë Kyriakos Mitsotakis dhe Edi Rama në hapjen e ekspozitës së kryeministrit të Shqipërisë me titull “Improvizimet”, ku prezantohen vepra dhe skulptura”, shkruan Dendias në Twitter.

Με τον @PrimeministerGR Κυριάκο Μητσοτάκη και τον @ediramaal, στα Εγκαίνια της Έκθεσης του Πρωθυπουργού της Αλβανίας με τίτλο «Improvisations», όπου παρουσιάζονται έργα μεικτής τεχνικής και γλυπτά. pic.twitter.com/OMI5Q8ZsG5

— Nikos Dendias (@NikosDendias) March 20, 2023

Ekspozita e quajtur “Improvizimet” u përurua nga diplomati grek Dendias në “Zapion Megaro” të kryeqytetit grek.

Rama foli për të pranishmit dhe ndër të tjera falënderoi ministrin e Jashtëm grek Nikos Dendias dhe organizatorët e aktivitetit.

“Do të doja të them disa fjalë në greqisht për t’iu drejtuar këtij publiku të bukur. Unë jam shumë mirënjohës për këtë mikpritje mbresëlënëse dhe për këtë ngjarje të veçantë. Është hera e parë që vizitoj një vend si kryeministër që jo vetëm kam shënimet e mia në çantë, por edhe artin tim”, tha ai.

Edhe një herë tjetër, Rama e cilësoi veten si “artisti më i mirë ndër të gjithë kryeministrat”, ndërsa tregoi se ekspozita është një version i zyrës së tij në Kryeministri.

“Kur vizatoj në zyrën time, nuk mendoj se çfarë po bëj me duart e mia, por i lë sytë të kryejnë punën ndërsa koka ime është plotësisht e përqendruar në temat që po diskutoj me kolegët e mi apo në vendimet që duhet të marr”, tha ai.

Rama ftoi publikun të shohë veprat e tij, pasi tha se “artit nuk kanë nevojë për përkthim”, teksa nuk mungoi një falenderim për bashkëshorten Linda Rama e cila “e mbështet dhe e ndihmon të jetë një person më i mirë”.

“Ajo ka fituar konkursin si artiste mes nesh, pasi ka krijuar Zahon, që është një kryevepër”, tha Rama mes batutave. /albeu.com

The post Rama hap ekspozitën në Greqi: Jam artisti më i mirë mes kryeministrave appeared first on Albeu.com.

Vizita e Ramës në Greqi është jozyrtare dhe zhvillohet në kuadër të ekspozitës së pikturave të tij që do të hapë në Zappeion para darkës me Mitsotakis.

Axhenda e Ramës do të plotësohet me pjesëmarrjen e tij në forumin ekonomik të Delphi ku do të marrin pjesë biznesmenë dhe drejtues kompanish të mëdha. /albeu.com

The post Rama në Greqi për të hapur ekzpozitë, Mitsotakis e pret për darkë jozyrtare appeared first on Albeu.com.

Mediet greke bëjnë me dije se do të jetë një ekspozitë e veprave të tij të artit që do të prezantohet në Zappeio Megaro.

Vizita do të jetë jozyrtare por kjo nuk do ta pengojë atë të ketë takime me lidershipin politik të Greqisë.

Në mënyrë të veçantë, ai pritet të mbërrijë në aeroportin ndërkombëtar “Eleftherios Venizelos” mesditën e së hënës dhe do të nisë menjëherë një sërë takimesh, fillimisht me ministrin e Jashtëm Nikos Dendias me të cilin do të ketë edhe një drekë pune. E pranishme pritet të jetë edhe ministrja e Jashtme, Olta Xhaçka.

Pasdite Rama do të hapë ekspozitën me pikturat e tij, në shoqërinë e kryeministrit grek Kyriakos Mitsotakis, me të cilin do të darkojë në mbrëmje, ndërsa të nesërmen, të martën, do të shkojë në Pallatin Presidencial ku do të takohet me Presidenten e Republikës Katerina Sakellaropoulou.

Axhenda e kryeministrit shqiptar do të plotësohet me pjesëmarrjen e tij në forumin ekonomik të Delphi ku do të marrin pjesë biznesmenë dhe drejtues kompanish të mëdha./Albeu.com/

The post Veprat e Ramës tashmë në Athinë, kryeministri hap sot ekspozitën me piktura në kryeqytetin grek appeared first on Albeu.com.

Nëse po pyesni se sa e rëndësishme mund të jetë një ekspozitë që e bën Ramën të marrë vendimin për të udhëtuar në kryeqytetin grek, përgjigja është e thjeshtë: Është një ekspozitë e veprave të tij të artit që do të prezantohet në Zappeio Megaro.

Vizita do të jetë jozyrtare por kjo nuk do ta pengojë atë të ketë takime me lidershipin politik të vendit fqinj.

Ai pritet të mbërrijë në aeroportin ndërkombëtar “Eleftherios Venizelos” mesditën e së hënës dhe do të nisë menjëherë një sërë takimesh, fillimisht me ministrin e Jashtëm Nikos Dendias me të cilin do të ketë edhe një drekë pune ku do të marrë pjesë edhe ministrja e Jashtme Olta Xhaçka.

Pasdite Rama do të hapë ekspozitën me pikturat e tij, në shoqërinë e kryeministrit grek Kyriakos Mitsotakis, me të cilin do të darkojë në mbrëmje, ndërsa të nesërmen, të martën, do të shkojë në Pallatin Presidencial për një takimme Presidenten e Republikës Katerina Sakellaropoulou.

Agjenda e kryeministrit do të plotësohet me pjesëmarrjen e tij në forumin ekonomik të Delphi ku do të marrin pjesë biznesmenë dhe drejtues kompanish të mëdha. /albeu.com

The post Rama çon veprat e artit në Greqi, nesër hap ekspozitën në Athinë appeared first on Albeu.com.

U përfol gjatë për këtë mungesë të tij dhe hipotezat se ai po përfshihet në politikë e madje se po krijon një parti të tijën ishin kryesoret.

Por ka qenë vetë aktori i cili ka ndarë sot lajmin e largimit nga “Portokalli” dhe “Top Channel” dhe ka hedhur poshtë fjalët se është përfshirë në polikë. Në fakt ai po largohet me një mision dhe ky ka të bëjë më të drejtat e autorit në Shqipëri.

Gjatë kësaj kohe, ai ka organizuar një ekspozitë fotosh në shkodër, ku ka mbledhur 8 fotograf me shkrepje nga jeta e egërAfrikane./albeu.com

The post U largua pas 18 vitesh nga aktrimi, zbulohet me çfarë po merret aktualisht Flor Binaj (FOTO LAJM) appeared first on Albeu.com.

Në Tiranë dhe vend, ka plot të rinj që janë të lidhur ngushtë me artin dhe përmes tij shprehin botëkuptimin e tyre. Të tillë janë dhe 7 të rinj që përmes pikturës i tregojnë botës se ka plot mënyra për tu shprehur si ndihesh dhe çfarë po përjeton, pa folur.

Së fundmi, Tirana Ekspres ka çelur  TE’Galeria ekspozitën me artistët  e rinj Resina Meçani, Kristian Zara, Albi Yzo, Enea Ziu, Edinjo Jahja, Herta Pataj, Stefania Balla, e cila do t’i ketë dyert e hapura deri më 4 Prill.

Në një intervistë për albeu.com, piktorja Resina Meçani u shpreh se ekspozita, me kurator Andi Tepelenën, është pritur mirë nga artdashësit.

Secila nga pikturat, kryesisht të punuara me vaj në kanavacë, shprehin ndenja të ndryshme.

“Akti i fundit”, titullohet njëra prej tyre, që tregon përmes ngjyrës  Teatrin Kombëtar që u shemb më 17 maj 2020, apo “Mendësi Konceptuale 2” një tjetër pikturë që shpreh koncepte të vet mendjes njerëzore.

“Frut Market” është një tjetër pikturë e punuar nga Resina, e cila e përshkruan kështu punimin e saj:

“Ndryshova rutinë e mendova se kishte ndryshuar dhe qyteti bashkë me mua. Por kuptova se në fakt qyteti e ka pasur gjithmonë këtë anë. Një qetësi e pazakontë për një qytet që gumëzhin gjatë gjithë kohës. Kuptova se nuk e njihja dhe aq mirë. Lëvizjet e makinave e të njerëzve ishin rralluar. Çdo gjë ishte pakësuar duke ia lënë vendin dritave. Dritat nga dritaret përcaktonin numrin e kateve të ndërtesave duke ia lënë vendin njëra-tjetrës nën një lojë të fshehtë midis tyre.

Në gjithë këtë situatë  gjithsesi jeta vazhdonte, edhe pse më e qetë. Ajo që më bënte më tepër përshtypje ishin tregjet e fruta dhe perimeve.  Fillova të pyes veten se kush i përcakton shumë procese të jetës që në mendje i kemi të vizatuara ndryshe. Kush e përcakton se kur duhen ndezur e fikur dritat e dhomës apo në cilën orë duhet të bësh pazar? Sa e kemi ne në dorë ta përcaktojmë procesin e rutinës tonë? Sa jam unë e aftë të krijoj rendin që më përshtatet?”.

Përveç pikturave të teknikës vaj në kanavacë, nuk mungonin as ato të teknikës dry point dhe pen në letër, të punuara nga Herta Pataj dhe Stefania Balla, që shprehin ndjenjën e iluzionit, vetmisë, dyshimet etj.

Në fakt, të flasësh për artin është disi e vështirë, pasi të gjithë kanë mënyrën e tyre sesi e kuptojnë dhe interpretojnë dhe kjo është një arsye më shumë pse ju duhet të shkoni vetë “TE’ Galeria” për të parë nga afër pikturat shumë të veçanta dhe të punuara me plot pasion nga të rinjtë që zgjedhin të jetojnë në një botë që është kaq e bukur, por që pak jetojnë në të./albeu.com

The post Çelet ekspozita pa titull, pse duhet të shkoni patjetër “TE’ Galeria” appeared first on Albeu.com.

Organizatorët po ftojnë qindra të rinj të kryeqytetit për të mësuar mbi ngjarjet tragjike të Luftës së Dytë Botërore në familjet shqiptare dhe ato hebreje, të cilat i mbijetuan nazizmit.

Ekspozita në Muzeun Historik Kombëtar po vizitohet nga grupe të rinjsh të gjimnazeve, të cilët dalin prej saj me mbresa të forta, pasi dëgjojnë më shumë detaje mbi ngjarjet tragjike të kombit shqiptar.

Një pjesë pak e njohur është ndëshkimi i shqiptarëve njëlloj si hebrenjtë me trotura, kampe pune dhe krematoriume shfarosjeje.

Shqiptarët shpëtuan mbi 3 mijë e 500 hebrenj gjatë Luftës së Dytë Botërore, ndërkohë që disa qindra shqiptarë u vranë nga nazistët në kampin famëkeq të Mathauzenit.

Nxënësit pohojnë se ngjarjet e Luftës së Dytë Botërore janë katastrofale dhe mjaft të dhimbshme.

“kanë qenë kampe të tmerrshme, kështu si tregohen nga historianët. Atje njerëzit janë trajtuar në mënyrë kriminale e çnjerëzore. Kjo është një histori që nuk duhet të harrohet dhe duhet të kujtohet nga njerëzit për gjurmët e rënda që ka lënë dhe për rrezikun që të mos përsëritet më e njëjta problematikë” – thotë Trista, nxënëse e shkollës “Aleks Buda”.

Në vitet 1943-45 nazistët arrestuan në Shqipëri rreth 530 vetë kryesisht në Vlorë, Durrës e Tiranë dhe i nisën në burgjet e Prishtinës, Zemunit dhe Bajnicës në Jugosllavi dhe më as në kampet e përqëndrimit në Mathauzen.

Atje është një pllakë, ku shkruhet se këtu kanë hyrë 427 shqiptarë, nga të cilët mbijetuan vetëm 24 persona, të cilët pothuaj të gjithë u kthyen në atdhe.

Pjesa më e madhe e këtyre shqiptarëve të pakët që u kthyen nga kampet naziste, përsëri u persekutuan dhe u dënuan nga regjimi komunist.

Albin Pogoni, nxënës i gjimnazit “Ismail Qemali”, thotë se problemi më i madh i brezave të rinj është harresa dhe se shoqëria duhet të nxjerrë mësime nga gabimet e të shkruarës.

“Nga kjo ekspozitë del si mesazh për gjithë shoqërinë shqiptare dhe që gabimet e të shkuarës janë ato që na japin mësimet e të ardhmes. Nëse ne vazhdojmë me të njëjtat filozofi antihumnane dhe me të njëjtat qëndrime që mbajtëm në të shkuarën, atëherë nuk ka për të patur asnjëherë progres. Ne duam progresin dhe mund të ecim përpara vetëm nëse ndryshojmë dhe mësojmë nga gabimet e të shkuarës” – thotë Albini.

Këto ekspozita historike po vizitohen nga të rinjtë e gjimnazeve, ku ata po mësojnë se si

nazizmi dhe komunizmi janë dy ngjarje kulmore totalitare. Drejtori i Muzeut Historik Kombëtar, Dorian Koçi, thotë se këto zhvillime duhen studiuar vazhdimisht dhe me detaje, e nuk harruar kurrë dhe kujtesa botëtore i përkushtohet asaj errësire të arsyes njerëzore.

“Dy periudhat kryesore të totalitarizmit duhen përkujtuar dhe studiuar vazhdimisht për të mos mbërritur në atë që thotë Primo Levi dhe më herët Bertold Breht në dy vargjet e fundit të dramës Arturo Ui: Kurrë mos harroni, se barku që e lindi, ende nuk është shterpëzuar” – thotë zoti Koçi.

Drejtuesja e organizatës Destination Management, Albania, Eva Kushova, bashkautore e ekspozitës, krahas Remember.al, thotë se Holokausti i herbrejve nga nazistët ka ndodhur njëkohësisht me krimet dhe masakrat, që ata kanë kryer edhe kundër popujve të tjerë, pa kursyer as shqiptarët, që ishin mbrojtësit më të mëdhenj të hebrenjve gjatë Luftës së Dytë Botërore. Shqiptarët u garantuan hebrenjve një mbrojtje të pashembullt, thotë ajo, duke sakrifikuar edhe jetët e tyre, pasi u dhanë Besën, ndaj diktaturat nuk duhet të përsëriten më.

“Mësimi që u japim brezave të rinj është që ditaturat nuk duhen përsëritur. Pse jo, të flasim edhe për diktaturën tonë, që ende e kemi tabu. Janë shumë të rinj, përfshi edhe vajzën time adoleshente 16 vjeçe, që unë i flas e i flas dhe ajo ende nuk e kupton se çfarë ka ndidhur në atë sistem, e jo më ta dënojë, e jo më ta mendojnë që të mos e lejojnë të ndodhë më. Gjithçka fillon me kufizim të drejtash dhe mund të përfundojë në diktaturë” – thotë zonja Kushova.

Ekspozita është pjesë e një projekti dyvjeçar të organizatës DMO, studiues të të cilës kanë vizituar shpesh kampet famëkeqe naziste të shfarrojes në Dakau, Mathausen dhe Aushvic, për të ndricuar pjesën shqiptare të asaj tragjedie dhe për të shkruar mbi pasojat e Holokaustit, për të cilin në Shqipëri zhvillohen vazhdimisht ngjarje përkujtimore./voa

The post Holokausti ndaj hebrejve dhe fatet e shqiptarëve në kampet e shfarosjes, në një ekspozitë appeared first on Albeu.com.