Emra të spikatur të artit pamor nga Gjirokastra, Dropulli, Saranda e Vlora, erdhën në këtë ekspozitë me punimet e tyre, realizuar ndër vite.

‘Ka një gjeografi të gjerë të autorëve janë rreth 27 piktorë të arteve figurative, skulptorë dhe grafistë të cilët me punët e tyre më të bukura kanë ardhur me kënaqësi për të pasqyruar veprat e tyre. E veçanta e kësaj ekspozite është se këtu janë bashkuar artistë shqiptarë me artistë minoritarë dhe kjo bëhet me qëllim që arti i bashkon njerëzit edhe në këtë fushë.’- tha Stefan Arseni, kurator.

“Ekspozita të tilla duhet të ketë shpesh sepse ato na mbledhin të gjithëve, ato na bashkojnë të gjithëve, dhe në fund dhurojnë atë për të cilin ne kemi nevojë ushqimin shpirtëror i cili na ushqen çdo ditë dhe na mban gjallë në jetën dhe në përditshmërinë tonë”, u shpreh Llambi Margariti, pedagog i arteve figurative.

Ekspozita vjen si bashkëpunim i shoqatës “Miqësia” dhe Konsullatës së të Greqisë në Gjirokastër. Përgjatë këtij viti në qytetin e gurtë janë çelur disa ekspozita të arteve figurative që kanë tërhequr vemendjen e artdashësve.

The post Gjirokastër/ Arti bën bashkë shqiptarët dhe minoritarët grek, 27 piktorë e skulptorë në ekspozitë appeared first on Albeu.com.

Ekspozita e Barit është më përfaqësuese dhe domethënëse se kurrë, duke riinterpretuar marrëdhëniet kulturore midis Italisë dhe Shqipërisë në dy brigjet e Adriatikut. Me përfshirjen e drejtpërdrejtë të artistit, është ndërtuar një rrugë që rikthehet në fazat e fundit të karrierës së tij, rreth disa referencave dhe temave kryesore dhe përmes veprave me ndikim të madh, të marra nga një korpus kompleks dhe i artikuluar: instalime video dhe fotografike, etj.

Mediat italiane shkruajnë se nisma zhvillohet në kuadër të Marrëveshjes për zhvillimin e linjave të ndërhyrjes për vlerësimin e trashëgimisë kulturore si dhe të vendeve dhe institucioneve kulturore të menaxhuara drejtpërdrejt nga Rajoni i Pulias, ndërmjet Rajonit Pulia-Departamenti i Turizmit, Ekonomisë Kultura dhe Valorizimi i Territorit dhe Fondacioni Pino Pascali , Muzeu i Artit Bashkëkohor.

E titulluar “Ëndrra Metalurgjike”, është kulmi i punës së kryer për ekspozitat e fundit Fraktura (ndërhyrje specifike për vendin në burgun e Spaçit, Shqipëri 2023) dhe Il plotto di Tirana (Galeria Kombëtare e Arteve të Kosovës, Prishtinë, 2022).

Projekti i ekspozitës, i drejtuar nga Elton Koritari, synon të rigjurmojë në mënyrë gjithëpërfshirëse kërkimin e artistit, figurën e tij dhe veprën e gjerë, dhe në të njëjtën kohë të nënvizojë pozicionin e urës me Lindjen që Pulia mban historikisht në Mesdhe, në një kohë të përhershme.Artisti shumëvjeçar, Ardian Isufi ka marrë pjesë në shumë aktivitete ekspozuese kombëtare dhe ndërkombëtare, nga Evropa në Kinë e deri në Shtetet e Bashkuara të Amerikës dhe është profesor në Universitetin e Arteve i Tiranës, politikan, aktivist, i përfshirë në organizimin dhe kurimin e ekspozitave.

The post “Ëndrra Metalurgjike” nga Ardian Isufi/ Hapet për herë të parë në Itali ekspozita e artistit shqiptar appeared first on Albeu.com.

Në ceremoninë e organizuar me këtë rast, Presidenti Begaj u shpreh: “Sot ne mblidhemi këtu për të nderuar shpirtin e jashtëzakonshëm të një shenjtoreje që e jetoi jetën me dhembshurinë, dashurinë dhe në shërbim ndaj njeriut të pamundur, shenjtores shqiptare, Nënë Terezës. Ndërsa ne qëndrojmë këtu në mesin e kësaj ekspozite që paraqet udhëtimin e jashtëzakonshëm të saj, si dhe në iniciativat e reja për të promovuar madhështinë e figurës së saj, le të marrim një moment për të reflektuar mbi ndikimin thelbësor që ajo pati në botë.”

Sipas Kreut të Shtetit, jeta e Nënë Terezës ishte një dëshmi për fuqinë e pakufizuar të mirësisë. Përkushtimi i saj i pandalshëm për të ndihmuar më të dobëtit, shërben si një shembull i potencialit të njerëzimit për të bërë më të mirën.

“Kjo ekspozitë shërben si një kujtim për ndryshimin e madh që një individ i vetëm mund të bëjë kur udhëhiqet nga dashuria dhe një ndjenjë e thellë mirësie. Veprat e Nënë Terezës mes të varfërve dhe të margjinalizuarve, dashuria e saj për të vuajturit dhe përpjekjet e saj të mëdha për t’ju dhënë shpresë atyre në mjerim vazhdojnë të frymëzojnë brezat” – u shpreh më tej Presidenti Begaj.

Në fund të fjalës së tij Presidenti Begaj nënvizoi se është e rëndësishme që të vazhdohet përpara me trashëgiminë e Nënë Terezës, që përfaqëson vlerat e vetëmohimit, mirësisë dhe të dashurisë në jetë.

Ekspozita është një bashkëpunim midis tri institucioneve: Drejtorisë së Përgjithshme të Arkivave, Agjencisë Shtetërore të Arkivave të Kosovës, si dhe Institutit të Trashëgimisë Kulturore dhe Shpirtërore të Shqiptarëve të Maqedonisë së Veriut.

Ekspozita dokumentare dhe fotografike përmban dokumente të rralla, disa prej të cilave të zbuluara kohët e fundit, mbi jetën dhe veprën e Nënë Terezës.

The post Çelet ekspozita kushtuar Nënë Terezës në Institucionin e Presidentit, e pranishme dhe Vjosa Osmani appeared first on Albeu.com.