Udhëheqësit do të shqyrtojnë marrëveshjen e eksportit të grurit të mbështetur nga OKB-ja dhe do të diskutojnë “nevojen për një zgjidhje politike të këtij konflikti” si dhe situatën në termocentralin bërthamor Zaporizhzhia të kontrolluar nga Rusia në Lviv në Ukrainën perëndimore.

Të premten, Guterres do të vizitojë portin e Odesës në Detin e Zi, ku kanë rifilluar eksportet e drithit.

Të shtunën, zyrtari i lartë i OKB-së do të vizitojë Qendrën e Përbashkët të Koordinimit në Stamboll, e cila përbëhet nga ruse, ukrainas, turq dhe nga zyrtarë të OKB-së që mbikëqyrin eksportet e drithit dhe plehrave të Ukrainës në Detin e Zi.

The post Eksporti i drithërave dhe siguria bërthamore, shefi i OKB-së do të vizitojë Ukrainën appeared first on Albeu.com.

Portet e Odesës, Hornomorskut dhe Pivdenit, të destinuara për eksportet e drithërave rifilluan nga puna, njoftoi Marina e Ukrainës. Por anijet e transportit janë ende në pritje deri sa të përcaktohen itineraret e sigurta për lundrim.

Ndërkohë në qytetin turk të Stambollit është hapur një qendër për kontrollin e eksporteve të drithërave të Ukrainës përmes Detit të Zi. Turqia beson se qendra do të japë një kontribut të rëndësishëm për tejkalimin e krizës ushqimore, tha ministri turk i Mbrojtjes, Hulusi Akar, në ceremoninë e hapjes.

Kontroll i anijeve në Bosfor

Anijet e ngarkuara me drithëra që do të largohen nga portet e Ukrainës përmes Detit të Zi do të kontrollohen në Ngushticën e Bosforit, si kur hyjnë dhe edhe kur dalin nga Deti i Zi, për t’u siguruar që nuk kanë të ngarkuara armë ose objekte të ngjashme.

Qendra e koordinimit do t’i regjistrojë anijet tregtare dhe do të gjurmojë ndër të tjera lëvizjet e tyre nëpërmjet satelitit, tha Akar.

Qendra e koordinimit është pjesë e një marrëveshjeje të ndërmjetësuar nga Kombet e Bashkuara dhe Turqia të premten në Stamboll për heqjen e bllokadës së porteve të Ukrainës. Sipas Akarit në Ukrainë ka rreth 25 milionë tonë drithëra që presin të eksportohen.

Rusia paralajmëron për dështimin e marrëveshjes së drithërave
Zëvendësministri i Jashtëm rus, Andrei Rudenko, kërkoi në Moskë që eksportet e drithërave nga Ukraina dhe Rusia të fillojnë njëkohësisht dhe që pengesat për eksportin e drithërave nga Rusia të hiqen shpejt.

Rudenko tha për agjencinë e lajmeve Interfax: “Ne gjithmonë shpresojmë për më të mirën dhe besojmë se partnerët tanë do t’i zbatojnë të dy komponentët e marrëveshjes, që kanë të bëjnë me eksportet e drithërave nga Ukraina dhe heqjen e kufizimeve për eksportet ruse të drithërave në tërësi”.

Para marrëveshjes Rusia kishte deklaruar qartë se do t’i jepte fund bllokadës së porteve ukrainase në Detin të Zi, vetëm kundrejt lehtësimit të sanksioneve perëndimore kundër saj./DW/

The post Rifillon puna për eksportin e drithërave, Rusia paralajmëron për dështimin e marrëveshjes appeared first on Albeu.com.

Rusia ka marrë nën kontroll disa prej porteve më të mëdha detare të Ukrainës dhe marina e saj tani kontrollon rrugët kryesore të transportit në Detin e Zi, duke bllokuar dërgesat ukrainase dhe duke thelluar krizën globale të ushqimit.

“Ne u bëjmë thirrje shteteve, të cilat mund të preken më shumë nga kriza e ushqimit për shkak të agresionit rus kundër Ukrainës, të përdorin kontaktet e tyre me Moskën dhe ta detyrojnë atë që të heqë bllokadën nga portet ukrainase dhe t’i japë fund luftës”, tha Nikolenko përmes një postimi në Facebook.

Dhjetëra anije me mallra janë bllokuar në portet ukrainase të cilat janë të rrethuara nga forcat ruse, duke ndërprerë eksportin e grurit dhe produkteve të tjera nga Rusia dhe Ukraina. Këto dy shtete eksportojnë pothuajse 30 për qind të eksporteve të grurit në botë.

Por, presidenti rus, Vladimir Putin, e ka lidhur heqjen e bllokadës në portet ukrainase me lehtësimin e sanksioneve që Perëndimi ka vendosur ndaj Moskës pas nisjes së pushtimit të Ukrainës më 24 shkurt./REL

The post Ukraina kërkon ndihmën e OKB-së për eksportet e drithërave appeared first on Albeu.com.