Sipas të dhënave të INSTAT, në maj janë eksportuar mallra në vlerë 34.7 miliardë lekë, nga 39.6 miliardë lekë në maj të vitit të kaluar.

“Gjatë muajit Maj 2024, në uljen e eksporteve prej -12,4 %, negativisht kanë ndikuar grupet: “Tekstile dhe këpucë” me -7,6 pikë përqindje, “Ushqime, pije, duhan” me -2,7 pikë përqindje, “Produkte kimike dhe plastike” me -0,7 pikë përqindje, etj. Pozitivisht ka ndikuar grupi: “Minerale, lëndë djegëse, energji elektrike” me+0,4pikë përqindje”, tha INSTAT.

Kurse në 5 muaj eksportet e mallrave janë tkurrur me 16.1%, dhe ndikimi negativ ka ardhur nga Minerale, lëndë djegëse dhe energji elektrike” me -6,1 pikë përqindje, “Tekstile dhe këpucë” me -5,6 pikë përqindje, “Materiale ndërtimi dhe metale” me -2,4 pikë përqindje. Në total nga janari në maj janë shitur jashtë vendit mallra me vlerë 165 miliardë lekë.

Ndërsa importet në maj arritën në vlerën 79 mld lekë, duke u ulur me -1,6 % krahasuar me vjet kur nga jashtë u blenë mallra me vlerë 80.5 miliardë lekë. kurse për periudhën 5 mujore janë në vlerën 364 miliardë lekë duke u tkurrur me 0.02% në raport me vjet.

“Si pesërmujor, importet janë ulur me -0,02 %, krahasuar me pesë mujorin e parë 2023. Grupet që kanë ndikuar negativisht në uljen vjetore të importeve, janë: “Minerale, lëndë djegëse, energji elektrike” me -2,2 pikë përqindje, “Tekstile dhe këpucë” me -1,4 pikë përqindje, “Materiale ndërtimi dhe metale” me -0,5 pikë përqindje, etj. Ndërsa pozitivisht kanë ndikuar grupet “Makineri, pajisje dhe pjesë këmbimi” me +3,5 pikë përqindje dhe “Ushqime, pije, duhan” me +1,2 pikë përqindje”, thuhet në raportin e INSTAT.

The post Eksportet i rikthehen rënies, u tkurrën me 12.4% në maj! U shitën më pak tekstile dhe produkte ushqimore appeared first on Albeu.com.

Sipas të dhënava zyrtare në Institutin për statisikë, INSTAT, për shkëmbimin tregtar të jashtëm, në periudhën janar-mar, në Maqedoninë e Veriut janë eksportuar mallra me vlerë rreth 9,2 miliardë lekë ose 82,2 milionë euro.

Përkundrejt rritjes së eksporteve shqiptare, importi i produkteve të Maqedonisë në Shqipëri është në rënie.

2Në këtë periudhë raportuese është vërejtur rënie e importit të mallrave nga Maqedonia e Veriut për 813 milionë lekë (7,5 milionë euro). Sipas të dhënave, importet rezultojnë në shifrat 5,8 miliardë lekë (53,7 milionë euro) kundrejt 6,6 miliardë lekëve (61,1 milionë euro) në pesëmujorin e parë të vitit 2022″, thekson INSTAT.

Produktet më të eksportuara janë ende produktet e freskëta: domatet, kastravecat, peshku i freskët, agrumet e freskëta, produktet e brumit, etj.

Shqipëria dhe Maqedonia e Veriut bashkëpunojnë ngushtë në kuadër të zbatimit të marrëveshjes CEFTA 2006 dhe që nga viti 2011 tregtia mes dy vendeve është liberalizuar dhe funksionon pa detyrime doganore./ina

The post Rritet eksporti i produkteve shqiptare në Maqedoninë e Veriut, zvogëlohet anasjelltas appeared first on Albeu.com.

Ritmet e ritmet së eksporteve në vlerë janë ngadalësuar ndjeshëm në krahasim me janarin, kur shitjet jashtë vendit u zgjeruan me 20.2% me bazë vjetore, ndërsa në shkurt u zgjeruan me vetëm 2.8%.

Si rrjedhojë, për gjithë 4 mujorin, shitjet jashtë vendit ranë rezultuar me tendencë negative, duke u reduktuar me 3.4%.

Sipas INSTAT, Duke qenë se Shqipëria, kryen pjesën më të madhe të shkëmbimeve tregtare me vendet e Eurozonës, zhvlerësimi i Euros ka ndikuar në volumin tregtar, krahasuar me një vit më parë. Gjithashtu, rënia e çmimeve në tregjet botërore të produkteve, që kanë ndikim në volumin tregtar, ka ndikuar në treguesit e eksport/importit për muajin Prill 2023 krahasuar me një vit më parë.

Sipas INSTAT, në Prill 2023 eksportet e mallrave arritën vlerën 34 miliard lekë, duke u ulur me -19,2%, në krahasim me të njëjtën periudhë të një viti më parë dhe me -19,3%, në krahasim me Mars 2023.

Në këtë katër mujor eksportet e mallrave arritën vlerën 156 miliard lekë, duke u ulur me -3,4%.

Gjatë muajit Prill 2023, në uljen e eksporteve prej -19,2%, kanë ndikuar grupet: “Materiale ndërtimi dhe metale” me -10,2 pikë përqindje, “Minerale, lëndë djegëse, energji elektrike” me -4,6 pikë përqindje dhe “Tekstile dhe këpucë” me -3,8 pikë përqindje. Ndërsa pozitivisht kanë ndikuar grupet: “Ushqime, pije, duhan” me +0,2 pikë përqindje dhe “Produkte kimike dhe plastike” me +0,2 pikë përqindje.

Për 4 mujorin, grupet që kanë ndikuar negativisht në uljen vjetore të eksporteve, janë: “Materiale ndërtimi dhe metale” me -4,9 pikë përqindje, “Produkte kimike dhe plastike” me -0,5 pikë përqindje dhe “Minerale, lëndë djegëse, energji elektrike” me -0,3 pikë përqindje. Ndërsa pozitivisht kanë ndikuar grupet: “Makineri, pajisje dhe pjesë këmbimi” me +1,1 pikë përqindje dhe “Ushqime, pije, duhan” me +1,1 pikë përqindje.

Industria tekstile ngadalësohet ndjeshëm nga rritja e kostove dhe rënia e euros

Në prill, eksportet e “Tekstile dhe këpucë”, shënuan një rënie të fortë prej 13.1% për herë të parë në shumë muaj. Kjo tendencë negative erdhi pasi ky grup ishte zgjeruar me më pak se 1% në mars me bazë vjetore, teksa në shkurt ishin rritur në 4.2% me bazë vjetore, nga 12.8% që kishte qenë ecuria pozitive në janar. Për gjithë katër mujorin, ky grup është rritur me 0.68%.

Sipas eksportuesve, ecuria e dobët e eksporteve është ndikuar nga rënia e shitjeve për shkak të shtimit të kostove. Sipas Eva Laro, nga kompania e prodhimit të këpucëve “Pro Dyn”, tendenca ka ardhur si rrjedhojë e reduktimit të kërkesës në Europë si efekt i krizës.

Një tjetër faktor i rëndësishëm, sipas saj, është braktisja e Shqipërisë nga partnerët e huaj për shkak të rritjes së kostos, që ka ardhur nga ndryshimi disa herë i pagës minimale. Por efekti kryesor lidhet me zhvlerësimin e euros, që ul të ardhurat e konvertuara në lekë të eksportuesve.

Vetëm pak ditë më parë, Shoqata e Eksportuese u dërgoi shkresa dhe organizoi takime me Bankën e Shqipërisë dhe Ministrinë e Financave, ku kërkonte që të merreshin masa për të frenuar humbjet që po vinin nga zhvlerësimi i euros). Eksportuesit kanë deklaruar se vetëm në tre muajt e parë të vitit, humbjet nga rënia e monedhës së përbashkët vlerësoheshin në rreth 45 milionë euro.

Sektori po vuan dhe mungesën e punonjësve., si rrjedhojë e emigracionit të lartë.

Edhe në sasi, eksportet e tekstileve e këpucëve janë tkurrur ndjeshëm, përkatësisht me 21% në prill dhe 9.5% për 4 mujorin.

Bien dhe mineralet e lëndët djegëse

“Mineralet dhe lëndët djegëse” ranë me 24.4% në prill. Burime nga Bankers Petroleum thanë se ndonëse ata të gjithë prodhimin po e çojnë për eksport, rënia ka ardhur si rrjedhojë e çmimeve më të ulëta të naftës.

Për 4 mujorin, tkurrja është 1.14%.

Materialet e ndërtimit dhe metalet në tkurrje të ndjeshme

Materialet e ndërtimit dhe metalet vijuan me tkurrjen e ndjeshme dhe në prill, me -40.5% (nga – 33% në mars), duke pasur ecurinë më negative nga të gjitha grupet. Sipas burimeve nga Kurum, një ndër eksportuesit më të mëdhenj në vend tha se tendenca lidhet me disa faktorë, si rënia e çmimeve, por dhe frenimi i kërkesës.

Për 4 mujorin, ky grup u tkurr me 21.5%, duke dhënë ndikimin më negativ në ecurinë e eksporteve.

Ngadalësohen dhe Ushqimet, pijet dhe duhani

“Ushqimet, pijet dhe duhani” u rritën me vetëm 1.6% në prill (nga 18.2% në mars). Përfaqësuesit e sektorit thonë se janë ndikuar nga rënia e çmimeve në tregjet ndërkombëtare për shkak të motit të favorshëm, që ka rritur prodhimin.

Për 4 mujorin, ky grup është zgjeruar me 12.2% për shkak të ecurisë së mirë në tre muajt e parë të vitit.

Industria automotive, me rënie, pas rritjes së lartë

Eksportet e Makineri, pajisje, pjesë këmbimi ishin deri në muajin mars grupi që po shënonte ecurinë më të mirë të eksporteve si rrjedhojë e zgjerimit të fabrikave që punojnë në industrinë mbështetëse automotive. Por, në prill, edhe ky grup shënoi rënie të eksporteve me 5.9% me bazë vjetore, duke u ndikuar nga zhvlerësimi i euros.

Gjithsesi, për 4 mujorin, ky grup u zgjerua me 14.4%, duke dhënë ndikimin më pozitiv në eksportet total, së bashku me ushqimet, pijet e duhanin.

Thellohet deficiti tregtar

Në Prill 2023 eksportet e mallrave arritën vlerën 34 miliard lekë, duke u ulur me -19,2%, në krahasim me të njëjtën periudhë të një viti më parë dhe me -19,3%, në krahasim me Mars 2023.

Importet e mallrave arritën vlerën 75 miliard lekë, duke u ulur me -3,9%, në krahasim me një vit më parë dhe me -7,1 %, në krahasim me Mars 2023. Deficiti tregtar i këtij muaji është 41 miliard lekë, duke u rritur me 14,1 %, krahasuar me Prill 2022 dhe me 6,4 %, në krahasim me Mars 2023.

Në këtë katërmujor eksportet e mallrave arritën vlerën 156 miliard lekë, duke u ulur me -3,4%, ndërkohë importet e mallrave arritën vlerën 283 miliard lekë, duke u ulur me -0,8%, krahasuar me një vit më parë. Deficiti tregtar arriti vlerën 127 miliard lekë, duke u rritur me 2,7%, krahasuar me të njëjtën periudhë të 2022.

Ulen eksportet drejt Italisë, Gjermanisë, e Kinës

Në muajin Prill 2023, vendet me të cilët Shqipëria ka pasur ulje më të madhe të eksporteve, në krahasim me Prill 2022 janë: Italia (16,7%), Gjermania (48.2%) dhe Kina (59.9%). Ndërsa vendi me të cilin eksportet kanë pasur rritje më të madhe, është: Greqi (5,9%), Kosova (6,1%) dhe Spanja (285,2%).

Gjatë këtij katërmujori vendet me të cilët Shqipëria ka pasur ulje më të madhe të eksporteve, në krahasim me një vit më parë, janë: Italia (10,6%), Gjermania (28,9%) dhe Kina (52,0%). Ndërsa vendi me të cilin eksportet kanë pasur rritjen më të madhe, është: Kosova (3,3%), Greqi (51,3%) dhe Maqedoni (31,9%).

Në muajin Prill 2023, vendet me të cilët Shqipëria ka pasur uljen më të madhe te importeve, janë: Itali (0,2%), Turqi (42,4%) dhe Greqi (14,8%). Ndërsa vendet me të cilat importet kanë pasur rritjen më të madhe të importeve, në krahasim me Prill 2022 janë: Kina (44,0%), Gjermani (8,8%) dhe SHBA (161,5%).

Gjatë këtij katërmujori, vendet me të cilët Shqipëria ka pasur uljen më të madhe të importeve, në krahasim me një vit më parë, janë: Italia (2,7%), Turqia (21,0%) dhe Greqia (17,8%). Ndërsa vendet me të cilat importet kanë pasur rritjen më të madhe janë: Kina (32,3%), Gjermani (8,1%) dhe SHBA (75,0%)./monitor

The post Thellohet rënia e eksporteve në prill, zhvlerësimi i euros dhe ulja e çmimeve “fundosin” eksportuesit appeared first on Albeu.com.

Megjithëse tregtia midis dy vendeve ka ngecur në disa sektorë kyç, si makineri dhe orët, eksportet e produkteve farmaceutike në Rusi kanë arritur nivele rekord, theksoi gazeta Neue Zurcher Zeitung am Sonntag pas analizimit të të dhënave nga Shërbimi Federal i Doganave. dhe Forca e Sigurisë Kufitare (OFDF).

Ilaçet konsiderohen si mallra humanitare, ndaj janë të përjashtuara nga sanksionet.

Eksportet zvicerane në Rusi arritën në 2.9 miliardë franga zvicerane (3.2 miliardë dollarë) midis marsit 2022 dhe shkurtit 2023.

Kjo është më pak se 3.5 miliardë franga zvicerane të regjistruara në dymbëdhjetë vitet e mëparshme, por eksportet zvicerane në Rusi kanë tejkaluar vetëm 2.9 miliardë tre herë në vitet e fundit, vëren NZZ am Sonntag.

“Duke pasur parasysh listën e gjatë të produkteve që nuk mund të dorëzohen më në vendin e shkatërruar nga lufta, ndikimi është i kufizuar”, vuri në dukje e përjavshmja.

Eksportet e produkteve farmaceutike u rritën me 40%, dhe nga 1.4 miliardë franga zvicerane, ato u rritën në rreth dy miliardë pas pushtimit të Ukrainës, duke përfaqësuar sot pothuajse një të tretën e eksporteve zvicerane në Rusi.

Zvicra është shtëpia e shumë grupeve farmaceutike, si Novartis dhe Roche.

Sipas kompanisë Novartis të cituar nga NZZ am Sonntag, “shitjet në Rusi u favorizuan nga shumë faktorë, si fluksi i pacientëve që kishin shtyrë kujdesin shëndetësor për shkak të pandemisë” Covid-19.

“Një nga faktorët ishte grumbullimi i stoqeve nga pacientët dhe spitalet në pritje të ndërprerjeve të mundshme” për shkak të luftës, sipas Novartis.

Zvicra është rreshtuar me sanksionet e miratuara nga vendet e Bashkimit Evropian kundër Rusisë, por për sa i përket dërgesave të materialit ushtarak ruan neutralitet të rreptë.

Pavarësisht thirrjeve nga Kievi dhe aleatët e saj, Zvicra deri më tani ka refuzuar t’i lejojë vendet me armë të prodhimit zviceran t’i rieksportonin ato në Ukrainë. /albeu.com

The post Në mes të luftës në Ukrainë, eksportet zviceriane “lulëzuan” në Rusi, rekord produktet farmaceutike appeared first on Albeu.com.

Nga Blerina Hoxha

Që nga 17 Shkurti i vitit 2008, kur Kosova shpalli Pavarësinë, dy shtetet e të njëjtit komb kanë bërë hapa të ngadaltë në drejtim të bashkëpunimit ekonomik. Në sfond të retorikës patriotike dhe marrëveshjeve të bashkëpunimit kanë prevaluar shpesh pengesat, konfliktet tregtare, barriera, të cilat ende po mbajnë peng përfitimet që mund të vijnë nga krijimi i një tregu të përbashkët.

Në qershor të vitit të kaluar, kryeministrat Edi Rama dhe Albin Kurti firmosën 19 marrëveshje dhe memorandume të reja bashkëpunimi, që nga harmonizimi i politikave në arsim, shkencë dhe ekonomi, por situata në terren vazhdon e njëjtë, kurse zbatimi i marrëveshjes “Open Balkan” me Serbinë dhe Kosovën duket se ka shtyrë përpara tregtinë.

Të dhënat zyrtare nga INSTAT mbi tregtinë tregojnë se gjatë vitit të kaluar, eksportet shqiptare në Kosovë u rritën me vetëm 0.2% në vlerë, ndërsa me Serbinë pati një rritje me 35%, me Maqedoninë e Veriut, 54% dhe me Malin e Zi, 27%.

Në raporte të ngjashme ishin edhe importet nga Kosova. Më 2022, importet në vlerë nga Kosova në Shqipëri shënuan rritje me 7,3%, ndërsa nga Serbia dhe Maqedonia e Veriut, rritja ishte dyshifrore.

Tregtia me vendet e “Open Balkan” është lehtësuar ndjeshëm, ndërsa me Kosovën ka mbetur njësoj, tha kryetari i Dhomës së Tregtisë dhe Industrisë, Nikolin Jaka, e cili nëpërmjet kompanive të tij bën tregti me vendet e rajonit.

Në të kundërt të mallrave, lëvizja e njerëzve po bëhet më intensive nga viti në vit. Në 11-mujorin e vitit të kaluar, shtetasit nga Kosova që hynë në Shqipëri arritën në rreth 3.1 milionë, me rritje gati 20% në raport me vitin e kaluar. Në 6 muajt e parë të vitit 2022, prurjet nga turizmi arritën në 1.13 miliardë euro, nga të cilat, rreth 40% e tyre janë kontribut i shtetasve nga Kosova.

Investimet nga Kosova në Shqipëri, një zë me ecuri të dobët që nga shpallja e Pavarësisë, shënuan hov vitin e kaluar. Në 9- mujorin 2022, Investimet e Huaja Direkte nga Kosova në Shqipëri arritën ne rreth 46 milionë euro, me një rritje 45% në krahasim me vitin e kaluar. Të dhënat nga Banka Qendrore e Kosovës tregojnë se 11-mujorin 2022, investimet nga Shqipëria në Kosovë arritën në 71 milionë euro, me rritje vjetore 25%.

Përtej rutinës së bashkëpunimit në tregti dhe investime, si dhe turizëm, Kosova e Shqipëria do të mund të forcojnë bashkëpunimin ekonomik nëse do të realizojnë projektet e mëdha të investimeve në infrastrukturën e përbashkët. Ndërtimi i hekurudhës Shqipëri – Kosovë dhe ndërtimi i një porti të thatë për Kosovën do t’i bashkojë edhe më shumë tregjet.

“Open Balkan” “penalizon” tregtinë me Kosovën

Tregtia e Shqipërisë me Serbinë dhe Maqedoninë e Veriut mori vrull vitin e kaluar, dhe kjo ecuri tashmë është materializuar në të dhënat zyrtare. Importet dhe eksportet me Kosovën shënuan zgjerim modest.

Vitin e kaluar, volumi tregtar ndërmjet Shqipërisë dhe Serbisë në vlerë arriti 45 miliardë lekë, me zgjerim 20% në krahasim me vitin 2021. Me Maqedoninë e Veriut, volumi tregtar arriti në 34 miliardë lekë, me zgjerim gati 32% në raport me vitin 2021, ndërsa volumi tregtar me Kosovën arriti në 54 miliardë lekë, me zgjerim me vetëm 2.4%. Të dhënat tregojë se, tregtia e jashtme e Shqipërisë me vendet e tjera të rajonit është rritur shumë më intensivisht se sa me Kosovën.

Z. Jaka thotë se për shkak të marrëveshjes “Open Balkan”, tregtia është lehtësuar ndjeshëm, pasi janë hequr certifikata e dyfishta që shoqërojnë mallrat, ndërsa me Kosovën ka mbetur njësoj.
Shqipëria kanë nënshkruar me Kosovën marrëveshje bashkëpunimi më shumë se me çdo vend tjetër, por në realitet, një seri konfliktesh tregtare numërohen që kur Kosova shpalli Pavarësinë, të cilat shpesh morën parametrat e një lufte tregtare. Shembulli tipik është viti 2013, ku një seri konfliktesh tregtare në të cilat u përfshinë edhe qeveritë, ndikuan për keq tregtinë ndërmjet shteteve.

Bllokimi i qumështit shqiptar në tregjet e Kosovës u pasua me bllokimin nga pala shqiptare të importit të mishit dhe të miellit nga Kosova. Konflikti me miellin u përsërit gjatë vitit 2016-2017. Në 10 vitet e fundit, barra tarifore në tregtinë mes dy vendeve u rrit me tarifa e taksa indirekte. Kosova vuri në vitin 2014 një tarifë 40 euro për çdo natë qëndrimi të kamionëve nga Shqipëria, duke rritur në mënyrë të konsiderueshme kostot për eksportuesit shqiptarë.

Ndërsa këto tarifa u baraspeshuan nga Shqipëria, e cila nga viti 2014 filloi zbatimin e tarifës së skanimit në dogana në 22 euro për çdo deklaratë doganore. Më vonë, në vitin 2019, qeveria e Shqipërisë dha me koncesion mirëmbajtjen e Rrugës së Kombit, ku automjetet e vogla që kalojnë në të paguajnë 5 euro me TVSH, autobusët 11 euro, kamionët e mesëm, 16 euro dhe kamionët e rëndë, 23 euro. Këto tarifa i rënduan më tej kostot për lëvizjen e njerëzve dhe mallrave ndërmjet dy vendeve.

Që kur vendi hapi tregtinë me jashtë në vitet 1990, shkëmbimet me vendet e Ballkanit Perëndimor ishin shumë të ulëta dhe mbeten peng i luftërave dhe konflikteve ndëretnike, ndonëse afërsia gjeografike ishte në favor. Deri në vitin 2017, Shqipëria ishte deficitare sistematikisht me rajonin.

Pas vitit 2018, situata ndryshoi pasi eksportet shqiptare në rajon ishin më të larta se importet. Kjo vjen për shkak të eksporteve më të larta në Kosovë, të nxitura nga ndërtimi i Rrugës së Kombit, e cila e rriti ndjeshëm tregtinë. Vlera më e lartë e suficitit tregtar ishte në 10-mujorin e vitit 2021, kur eksportet tona në rajon ishin 25%, ose 10 miliardë lekë më të larta se importet.

Në vitin 2022, Shqipëria eksportoi 37.7 miliardë lekë mallra në Kosovë dhe importoi 16.6 miliardë lekë. Suficiti tregtar arriti në 21.1 miliardë lekë, me zgjerim 0.2% në krahasim me vitin 2021.

Shqipëria është suficitare në tregtinë rajonale më 2022, përveçse me Serbinë, ku importet ishin dy herë më të larta se eksportet. Ritmet më të ulëta të eksporteve shqiptare në Kosovë u ndikuan nga rënia e hekurit dhe materialeve të ndërtimit.

Tani bizneset e Kosovës furnizohen drejtpërdrejt në Portin e Durrësit, pas funksionimit të doganës së posaçme. Disa mallra si hekuri, çimento etj., importohen me kosto më të lirë se sa nga fabrikat shqiptare.

Tregtia me Kosovën është shumëfishuar në dekadën e fundit. Gjatë vitit 2022, volumi tregtar u 5-fishua në krahasim me vitin 2008 kur u shpall pavarësia. Shkëmbimi tregtar mes Shqipërisë dhe Kosovës nisi pas përfundimit të luftës në vitin 2000.

Në rreth dy dekada tregti shihet se përfituesja më e madhe është Shqipëria, e cila eksporton më shumë se sa importon mallra në Kosovë. Në vitin 2022, vlera e mallrave që Shqipëria eksportoi në Kosovë ishte dy herë më e lartë se vlera e mallrave që importoi.

Eksportet shqiptare në Kosovë dominohen kryesisht nga materialet e ndërtimit, lëkurët dhe prodhimet e tyre dhe ushqimet, ndërsa importet nga Kosova përfaqësohen kryesisht nga materialet e ndërtimit, të cilat zënë gati 50% të importeve, ushqimet dhe produktet kimike dhe plastike.

Turizmi “bashkon” trojet

Kur bie fjala te bashkimi kombëtar, njerëzit kanë qenë shumë para qeverive në Shqipëri dhe Kosovë. Nisi si turizëm patriotik pas luftës së Kosovës në vitin 2000, por tani shtetasit nga ana tjetër e kombit zotërojnë kërkesën për turizëm në Shqipëri. Vit pas viti, numri i turistëve nga Kosova rritet me ritme dyshifrore, por kjo nuk vlen për turistët shqiptarë në Kosovë.

Vetëm gjatë vitit të kaluar, nga janari në nëntor, numri i turistëve nga Kosova i kaloi 3,1 milionë, me rritje vjetore 20%. Të dhënat zyrtare nga Agjencia e Statistikave të Kosovës tregojnë se në vitin 2019 (e dhëna e fundit) e vizituan vendin për turizëm vetëm 34,000 shtetas nga Shqipëria, me rënie 6% në krahasim me vitin 2018.

Edhe pse shtetasit nga Shqipëria renditen të parët nga turistët e huaj sipas shtetësisë në Kosovë, ata janë sërish shumë të pakët në numër. Për turizmin dimëror, destinacionet e Malit të Zi dhe Maqedonisë së Veriut mbeten më të pëlqyera edhe pse Boga, Sharri dhe Brezovica janë po aq të bukura.

Turistët nga Kosova janë bërë furnitori kryesor i të ardhurave në sektorin shqiptar të shërbimeve. Strukturat akomoduese në zonën e Durrësit, Shëngjinit dhe Velipojës fillimisht janë ngritur për t’iu përgjigjur kërkesës për turizëm nga Kosova. Vit pas viti, kërkesa ka qenë e qëndrueshme dhe në rritje duke u shndërruar në një burim të sigurt të ardhurash për ekonominë tonë.

Gjatë vitit pandemik 2020, kur lëvizjet u bllokuan për shkak të koronavirusit, shqiptarët nga Kosova mbajtën gjallë turizmin në Shqipëri dhe parandaluan thellimin e humbjeve në sektor.

Me hapjen e Rrugës së Kombit në vitin 2009-2010, numri i udhëtarëve që hynë në Shqipëri u rrit ndjeshëm. Tani shtetasit nga Kosova, përveç muajve të verës, nisën të vizitojnë Shqipërisë masivisht edhe për fundjava, duke u bërë burimi kryesor i të ardhurave edhe për disa qytete jobregdetare si Gjirokastra, Berati, Korça, etj.

Të dhënat zyrtare për hyrjen e turistëve nga Kosova datojnë pas vitit 2016, por të dhënat më të hershme për hyrjen e turistëve në rrugë tokësore tregojnë se pas përfundimit të Rrugës së Kombit, fluksi i tyre u rrit shpejt. Në vitin 2009, kur u hap Rruga e Kombit, fluksi i hyrjeve të turistëve nga toka u rrit me 38% në krahasim me vitin 2008, si rrjedhojë e ardhjes në Shqipëri të më shumë turistëve nga Kosova.

Rritet intensiteti i investimeve më 2022

Teksa tregtia pati zgjerim modest në vitin 2022, u pa një përmirësim i qartë në sektorin e investimeve. Investimet shqiptare në Kosovë arritën në 71 milionë lekë në janar-nëntor 2022, me zgjerim vjetor 25%.

Burimet nga institucionet e Kosovës thonë se rritja vjen kryesisht nga investimet në sektorin e ndërtimit në objekte rezidenciale në kryeqytetin e Prishtinës. Bizneset shqiptare janë duke çuar modelin e Shqipërisë me investime në ndërtim edhe në Kosovë.

Investimet nga Kosova në Shqipëri arritën në fund të 9-mujorit 2022 në 46 milionë euro, me rritje vjetore 45%. Shumica e këtyre investimeve janë të përqendruara në bërjen e pasurive të paluajtshme në Shqipëri, kryesisht banesa në Tiranë dhe në zonat turistike të vendit.

Qeveria e Kosovës dhe ajo e Shqipërisë, që nga viti 2014 mbajnë mbledhjet e përbashkëta, ku premtohet në vazhdimësi për bashkëpunim të ndërsjellë dhe nënshkruhen marrëveshje në fusha të ndryshme. Deri më tani janë mbajtur shtatë mbledhje të përbashkëta, përfshirë mbledhjen e 26 nëntorit 2022, dhe janë nënshkruar rreth 150 marrëveshje, duke filluar nga ekonomia e deri tek arsimi.

Këto marrëveshje kanë për qëllim një qeverisje të përbashkët strategjike, në veçanti eliminimin e barrierave tregtare mes dy shteteve. Marrëveshja më e rëndësishme është ajo qytetarët e Kosovës, me një aplikim dhe pa dokumente, do të marrin menjëherë lejen e qëndrimit për 5 vjet në Shqipëri dhe brenda kësaj leje, do të jetë edhe leja e punës.

Qytetarët shqiptarë që jetojnë në Kosovë do të marrin leje qëndrimi në Kosovë me procedura shumë më të lehtësuara./monitor

The post “Open Balkan” lë në sfond bashkëpunim patriotik Shqipëri-Kosovë appeared first on Albeu.com.

The post Japonia ndalon eksportet në Rusi appeared first on Albeu.com.

Kosova duket se blen goxha shumë mallra në Shqipëri. Por, kjo nuk po ndodh ngjashëm me Shqipërinë.

Nga të dhënat e fundit të Doganës së Kosovës, ka dalë se qytetarët dhe bizneset e Kosovës kanë importuar mallra nga Shqipëria në vlerë të 254 milionë eurove.

Kurse, eksporti për në shtetin “vëlla” nuk ka qenë shumë i lartë, është sjell tek 100 milionë euro.

“Kosova gjatë vitit 2022 ka importuar mallra nga Shqipëria në vlerë prej 254 milionë euro, derisa ka eksportuar mbi 100 milionë euro mallra”, thuhet në të dhënat e doganës.

Sipas të dhënëve Kosova, Shqipërinë e ka partnerin e tetë sa u përket importeve, derisa kjo e fundit renditet si partneri i tretë i Kosovës për nga eksportet.

Në bazë të këtyre shifrave, Shqipëria mbulon rreth 4.5 për qind të importeve të përgjithshme të Kosovës, derisa 11 për qind e eksporteve të Kosovës shkojnë në Shqipëri.

Si për import ashtu edhe për eksport, Kosova me Shqipërinë më së shumti shkëmbime tregtare kanë pasur me hekur dhe energji elektrike.

top 15 produktet që Kosova importoi dhe eksportoi në Shqipëri gjatë vitit 2022, duke u bazuar në të dhënat e Doganës së Kosovës.

Importet nga Shqipëria në Kosovë

1-Shufra çeliku në vlerë prej 107.6 milionë euro

2-Energji elektrike – 16.4 milionë euro

3-Çimento Portland, jo e bardhë – 22.3 milionë euro

4-Preparate sipërfaqësore për fasada, mure të brendshme, dysheme, tavane – 6.9 milionë euro

5-Profile alumini – 6.6 milionë euro

6-Bitum nafte – 5.1 milionë euro

7-Ujë mineral 3.3 milionë euro

8-Qumësht me yndyrë mbi 1% – 3 milionë euro

9-Domate te freskëta – 3 milionë euro

10-Shalqinj – 2.3 milionë euro

11-Xeherore dhe koncentrate nikeli – 2.2 milionë euro

12-Pije freskuese – 2.1 milionë euro

13-Speca të freskëta – 2 milionë euro

14-Tranguj – 1.9 milionë

15-Patate – 1.2 milionë euro

Eksportet e Kosovës në Shqipëri

1-Mbetje të hekurit – 16.7 milionë euro

2-Energji elektrike – 6.6 milionë euro

3-Skrap dhe mbetje tjera alumini – 6 milionë euro

4-Pije freskuese – 4.9 milionë euro

5-Kafshë për therje dhe mish gjedhi – 2.6 milionë euro

6-Pllaka, fleta, filma, prej plastike – 1.9 milionë euro

7-Vaj ushqimor luledielli – 1.7 milionë euro

8-Dyshekë të ndryshëm – 1.5 milionë euro

9-Krunde gruri – 1.1 milionë euro

10-Sapun për tualet 1.1 milionë euro

11-Birrë me dhe pa alkool – 907 mijë euro

12-Miell gruri – 872 mijë euro

13-Jorganë dhe jastëkë të ndryshëm – 820 mijë euro

14-Zhavorr i lyer me katran për të shtruar rrugët – 640 mijë euro

15-Serra – 550 mijë euro

Qeveritë shqiptare të Kosovës dhe Shqipërisë janë mbledhur disa herë vitet e fundit me qëllim për të lehtësuar tregtinë mes dy vendeve dhe shtuar shkëmbimet tregtare.

Kosova vazhdon të jetë e varur nga importi i mallrave nga shtetet e huaja.

Vlera e mallrave të importuar është 5 miliardë e 603 milionë euro apo 20 për qind më shumë se vitin paraprak, ndërsa vlera e mallrave në eksport ishte 869.5 milionë euro.

Vetëm gjatë vitit 2022 në vendin kanë hyrë mbi 5 miliardë euro mallra, derisa 371 milionë vetëm nga Serbia.

Dogana e Kosovës ka treguar se të hyrat e mbledhura për në vitin 2022 ishin 1 miliard e 531 milionë euro apo 11.23 për qind më shumë.

The post Nga uji te pijet energjike, dyshekët dhe specat, çfarë eksportohet dhe importohet më shumë mes Shqipërisë dhe Kosovës appeared first on Albeu.com.

Sipas të dhënave zyrtare të INSTAT-it për tregtinë e jashtme, gjatë periudhës janar-nëntor u eksportuan drejt Maqedonisë së Veriut mallra me vlerë rreth 140 milionë euro.

INSTAT bëri të ditur se, gjatë 11-mujorit të vitit që shkoi edhe importet shënuan një rritje me 17 milionë euro. Referuar të dhënave, importet rezultojnë në shifrat e 121 milionë eurove, kundrejt 103 milionë eurove që ishin në 11 muajt e 2021-shit.

Produktet më të eksportuara vazhdojnë të mbeten produktet e freskëta: domate, tranguj, peshk i freskët, agrumet e freskëta, prodhime brumi etj.

Shqipëria dhe Maqedonia e Veriut bashkëpunojnë ngushtë në kuadër të zbatimit të marrëveshjes CEFTA 2006 dhe, që nga viti 2011, tregtia mes dy vendeve është liberalizuar dhe operohet pa tarifa doganore.trt

The post Shqipëria shënon rritje të eksportit drejt Maqedonisë së Veriut appeared first on Albeu.com.

Rama po ashtu shtoi se sot Shqipëria punon dyfishin e tokës që punonte në 2013 sepse sipas tij, kjo qeveri i krijoi kushte.

“Ne po synojmë 500 milion euro eksporte, nga 130 milion që eksportohej kur ne niusëm këtë rrugë. Po synojmë gjysmë miliardashin e eksporteve të fruta dhe perimeve, produkteve të punës me tokën, produkte të një Shqipërie që punon dyfishin e tokës që punonte kur nisëm detyrën.

Po punohet sepse ne i vumë në dispozicion ujin, duke pastuar kanalet ujitëse dhe duke i rivënë në punë punë. Sot, në ndjehemi mirë sepse shikojmë që bujqësia dhe fshati ka të ardhme, krejt e kundërta e asaj që predikohet”, tha ndër të tjera Rama./albeu.com

The post “Synojmë 500 milion euro eksporte”, Rama nga Fieri: Shqipëria po punon dyfishin e tokës që punonte kur ne nisëm detyrën appeared first on Albeu.com.

Në shtator, eksportet u rritën me 16.3%, sipas INSTAT, që është zgjerimi më i ulët i këtij viti, ndërsa në gusht shifra ishte +48.1%.

Peshën kryesore në rritjen e eksporteve në shtator e mbajtën tekstilet e këpucët, ndërsa për herë të parë që nga pandemia shënuan tkurrje shitjet e materialeve të ndërtimit e metaleve, që deri tani kishin qenë një nga nxitësit kryesorë të eksporteve.

Sipas INSTAT, Në Shtator 2022 eksportet e mallrave arritën vlerën 39 mld lekë, duke u rritur me 16,3 %, në krahasim me të njëjtën periudhë të një viti më parë dhe me 9,5 %, në krahasim me Gusht 2022.

Në këtë nëntëmujor eksportet e mallrave arritën vlerën 366 mld lekë, duke u rritur me 37,9 %, nga 41% që kishte qenë rritja për 8 mujorin.

Gjatë muajit Shtator 2022, në rritjen e eksporteve prej 16,3 %, pozitivisht kanë ndikuar grupet: “Tekstile dhe këpucë” me +5,8 pikë përqindje, “Minerale, lëndë djegëse dhe energji elektrike” me +5,2 pikë përqindje dhe “Makineri, pajisje dhe pjesë këmbimi” me +3,0 pikë përqindje. Ndërsa negativisht kanë ndikuar grupet: “Materiale ndërtimi dhe metale” me -1,3 pikë përqindje dhe “Lëkurë dhe artikuj prej tyre” me -0,01 pikë përqindje.

Për 9 mujorin, Grupet që kanë ndikuar pozitivisht në rritjen vjetore të eksporteve, janë: “Minerale, lëndë djegëse dhe energji elektrike” me +11,1 pikë përqindje, “Materiale ndërtimi dhe metale” me +10,9 pikë përqindje, dhe “Tekstile dhe këpucë” me 6,6 pikë përqindje.

Fasoni vijon me rritje

Tekstilet dhe këpucët kanë parë rritje të porosive, por problem mbetet fuqia punëtore. Sipas INSTAT, eksportet e Tekstile dhe këpucë, që janë grupi më i madh në vend, me 27% të totalit, u rritën me 19.4% për 9 mujorin, duke ngadalësuar gjithsesi ritmet (zgjerimi ishte 22% me bazë vjetore për 8 mujorin).

Edvin Premçe nga Shoqata e Eksportuesve pohon se ka rritje dhe mendon qe ky trend do jetë në rritje, për tu ndalur më pas në varësi të kostove globale të karburantit, energjisë e ecurisë së luftës në Ukrainë. Ai thotë se ka një rritje për mbushje magazinash nga porositësit por jo se kanë rritje edhe ato në shitje. Sipas tij, frika dhe paqartësia për të ardhmen mund të sjellë nje ngërç dhe ulje të porosive, maksimumi nga janar-shkurti.

Materialet e ndërtimit dhe metale, bien pasi Kurum ndërpreu prodhimin nga energjia e shtrenjtë

Materialet ndërtimit dhe metalet kanë shënuar rënie për herë të parë në gusht, që nga periudha e pandemisë, duke u tkurrur me 5.4%.

Në gusht, Kurum International, një ndër eksportuesit më të mëdhenj njoftoi mbylljen e përkohshme të fabrikës së prodhimit të çelikut për shkak të çmimeve të larta të energjisë. Kompania vijoi eksportet edhe në gusht, pasi kishte stok, ndërsa efekti u ndie në shtator. Çmimi i energjisë i ishte i papërballueshëm për “Kurum”, i cili mbylli përkohësisht prodhimin e çelikut. Arif Shkalla, drejtor ekonomik i “Kurum”, tha më herët për “Monitor” se arsyeja kryesore lidhet me çmimin e shtrenjtë të energjisë, pasi nuk mund të prodhohet çeliku, kur energjia ka arritur 750 euro MWH dhe një ton çelik shitet 700 euro. Sipas tij, me çmimet e hekurit që janë rreth 700 euro, duhet që energjia të zbresë në 200-250 euro/KWH që fabrika të jetë në eficiencë

Për 9 mujorin, ky grup është rritur me 51%, si rrjedhojë e çmimeve të larta që i kanë nxitur eksportet në vlerë.

Ngadalësohen mineralet dhe lëndët djegëse

“Mineralet, lëndë djegëse, energjia” ngadalësuan ndjeshëm ritmet e rritjes në shtator, duke u zgjeruar me 27.5%. nga mbi 50% muajin e mëparshëm, ndërsa në korrik eksportet e këtij grupi ishin dyfishuar. Për 9 mujorin shitjet u rritën me 58%, nga 62% për 8 mujorin,.

Bankers Petroleum, eksportuesi më i madh i naftës në vend pohon se rritja e eksporteve të tij ka ardhur si rrjedhojë e çmimit më të lartë, ndërsa në sasi pothuajse nuk kanë ndryshuar.

Një nga eksportuesit më të mëdhenj të mineraleve Albchrome pothuajse ka ndalur aktivitetin në shtator. Kompania zotëron 4 furra prodhimi në uzinat në Elbasan dhe Burrel ku vetëm njëra prej tyre vijon punën. Nuk dihet ende edhe për sa kohë do të vijojë aktivitetin furra e fundit.

Kompania pohoi për “Monitor” se mbyllja përkohësisht e prodhimit është ndikuar nga shtrenjtimi i lartë i çmimit të energjisë dhe rënia e kërkesës për ferrokrom nga fabrikat e çelikut në Europë dhe botë. Çmimi i energjisë për këtë kompani është rritur në nivele të frikshme. Çmimi ka qenë rreth 60 euro/MWh dhe para pak ditë më parë shkoi deri në 1,000 euro/MWh.

Ushqimet dhe pijet rritje e ngadaltë

Eksporti i ushqimeve dhe pijeve u rrit me 15% për 9 mujorin, nga 20% në 5-mujor.

Vitet e tjera eksportet e ushqimeve kishin ritmet më të lartë të rritjes, për shkak të bazës së ulet eksporteve dhe rritjes së prodhimit në sera. Bujqit në zonën e Myzeqesë pohojnë se këtë vit çmimet e eksporteve ishin më të larta, por sasia ka qenë e ulët për shkak se një pjesë e serave nuk u mbollën nga çmimet e larta të inputeve.

Makineritë e pajisjet në rritje pas shtimit të numrit të fabrikave, por…

Makineritë e pajisjet kanë shënuar ecuri pozitive duke u zgjerua me  37% për 9 mujorin. Ky grup është nxitur vitet e fundit nga ngritja e fabrikave që montojnë pjesë elektrike për automjetet. Por edhe ky sektor po vuan mungesën e fuqisë punëtore dhe shtrenjtimin e kostove të energjisë dhe nuk ëhstë shumë optimist për ecurinë në muajt në vijim.

Thellohet deficiti

Në këtë nëntëmujor eksportet e mallrave arritën vlerën 366 mld lekë, duke u rritur me 37,9 %, ndërkohë importet e mallrave arritën vlerën 695 mld lekë, duke u rritur me 25,1 %, krahasuar me një vit më parë. Deficiti tregtar arriti vlerën 329 mld lekë, duke u rritur me 13,4 %, krahasuar me të njëjtën periudhë të 2021.

Rriten eksportet me Italinë, bien me Kosovën

Sipas INSTAT, Në muajin Shtator 2022, vendet me të cilët Shqipëria ka pasur rritje më të madhe të eksporteve, në krahasim me Shtator 2021 janë: Itali (16,8 %), Gjermani (110,5 %) dhe Maqedoni (30,5 %). Ndërsa vendet me të cilat eksportet kanë pasur uljen më të madhe, janë: Kosova (24,8 %) ,Spanja (1,6 %) dhe Greqia (26,5 %).

Gjatë këtij nëntëmujori vendet me të cilët Shqipëria ka pasur rritje më të madhe të eksporteve, në krahasim me një vit më parë, janë: Italia (45,0 %), Kosova (1,8 %) dhe Gjermania (79,2 %). Ndërsa vendi me të cilin eksportet kanë pasur uljen më të madhe, është: Spanja (15,4 %) .

Në muajin Shtator 2022, vendet me të cilët Shqipëria ka pasur rritje më të madhe të importeve, në krahasim me Shtator 2021 janë: Italia (7,5 %), Turqia (102,4 %) dhe Greqia (32,4 %). Ndërsa vendet me të cilat importet kanë pasur uljen më të madhe, janë: Kosova (21,6 %), Rusia (28,7 %) dhe SHBA (29,3 %).

Gjatë këtij nëntëmujori, vendet me të cilët Shqipëria ka pasur rritje më të madhe të importeve, në krahasim me një vit më parë, janë: Italia (10,4 %), Turqia (41,8 %) dhe Greqia (33,6 %). Ndërsa vendet me të cilat importet kanë pasur uljen më të madhe janë: SHBA (17,4 %), Rusia (19,6 %) dhe Zvicra (27,7 %).

Shkëmbimet tregtare me vendet e BE-së zënë 58,4 %, të gjithë tregtisë. Në Shtator 2022, eksportet drejt vendeve të BE-së zënë 77,0 % të eksporteve gjithsej dhe importet nga vendet e BE-së zënë 50,3 % të importeve gjithsej. Partnerët kryesorë tregtarë janë: Italia (26,4 %), Turqia (10,7 %), Gjermania (8,3 %) dhe Greqia (7,8 %).

Shkëmbimet tregtare, për nëntëmujorin 2022, me vendet e BE-së zënë 59,5 % të gjithë tregtisë. Në periudhën Janar – Shtator 2022, eksportet drejt vendeve të BE-së zënë 73,6 % të eksporteve gjithsej dhe importet nga vendet e BE-së zënë 52,1 % të importeve gjithsej. Partnerët kryesorë tregtarë janë: Italia (29,4 %), Turqia (8,4 %), Greqia (7,2 %) dhe Gjermania (6,6 %) . /Monitor

Burimi: INSTAT

Burimi: INSTAT

Burimi: INSTAT

The post Eksportet fillojnë të ndiejnë krizën, ngadalësohet rritja, tkurren metalet pas mbylljes së Kurum appeared first on Albeu.com.