Në seancën dëgjimore të Nënkomitetit për Europën të Komitetit për Punë të Jashtme të Dhomës së Përfaqësuesve, me temën “Pikë e nxehtë: Rruga drejt stabilitetit në Ballkanin Perëndimor”, Joseph vuri në dukje rolin destabilizues të Serbisë, lidhjet me Rusinë dhe hezitimin e Perëndimit.

“Shtrova pyetjen kryesore: pse Ballkani Perëndimor, ku SHBA, BE dhe NATO kanë ndikim vendimtar, vazhdon të jetë i paqëndrueshëm? Kushti kryesor i papërmbushur është që Serbia të pranojë rendin perëndimor – të pranojë rezultatet e luftërave dhe të angazhohet drejt partneritetit strategjik me SHBA, BE dhe NATO-n, jo me Rusinë apo Kinën,” tha Joseph në një intervistë për gazetën boshnjake Avaz.

Ai gjithashtu kritikoi qasjen e Administratës Biden, duke vënë në dukje se SHBA duhet të qëndrojë e vendosur ndaj çështjes së Industrisë së Naftës së Serbisë (NIS), që sipas tij mund të përdoret si mjet presioni për ta orientuar Beogradin drejt Perëndimit.

Joseph theksoi se përfshirja e SHBA-së në Ballkan mund të përfundojë “dramën e papërfunduar të shpërbërjes së Jugosllavisë”, duke përfshirë anëtarësimin e Kosovës dhe Serbisë në NATO, gjë që sipas tij do të ndryshonte marrëdhëniet rajonale dhe do të përballonte sfidat historike si Srebrenica.

Eksperti amerikan nënvizoi se, pavarësisht perceptimit të zakonshëm, popullsia serbe është më e hapur ndaj NATO-s sesa mendohet, veçanërisht nëse qeveria e Aleksandar Vuçiqit ndryshon narrativën dhe niset një rrugë drejt partneritetit me Perëndimin.

Joseph kritikoi gjithashtu qasjen e pabalancuar të SHBA ndaj Kosovës dhe Serbisë, duke përmendur incidentet në veri të Kosovës, përfshirë rrëmbimin e policëve kosovarë dhe sulmet ndaj KFOR-it, ku, sipas tij, përgjegjësia i atribuhet ekskluzivisht Kosovës, duke lehtësuar veprimet e Serbisë.

Ai foli edhe për Republika Srpskan, duke e cilësuar si një gabim kardinal të Marrëveshjes së Dejtonit, që vazhdon të krijojë sfida për stabilitetin dhe marrëdhëniet ndërkombëtare në rajon.

The post Eksperti amerikan paralajmëron: Serbia duhet të pranojë rendin perëndimor për paqe të qëndrueshme në Ballkan appeared first on Albeu.com.

Eksperti i pensioneve Kujtim Hoxha, teksa ishte i ftuar në emisionin “Koha për t’u zgjuar” në News24, deklaroi se situata mbetet e paqartë për shkak të mungesës së një rishikimi të buxhetit nga qeveria e re.

“Pensionistët presin me të drejtë indeksimin, është një detyrim ligjor. Viti 2025 përkon me krijimin e qeverisë së re, e cila ka përfshirë pensionet në programin ekonomik, por deri tani nuk është bërë asnjë rishikim i buxhetit, që është i domosdoshëm për të reflektuar këtë indeksim”, tha Hoxha.

Ai theksoi se bëhet fjalë për një çështje që prek mbi 700 mijë pensionistë, ndërkohë që pensionet aktuale janë të ulëta dhe nuk mbulojnë rritjen reale të kostos së jetesës.

Sipas Hoxhës, të dhënat zyrtare të INSTAT për inflacionin nuk pasqyrojnë realitetin ekonomik me të cilin përballen pensionistët.

“INSTAT raporton një inflacion prej 3.4%, por kjo është për gjithë popullsinë. Për indeksimin e pensioneve duhet marrë për bazë një llogaritje specifike për shportën e konsumit të pensionistëve – që përfshin medikamente dhe produktet bazë të jetesës – dhe në këtë rast inflacioni është dukshëm më i lartë”, shtoi ai.

Sipas ekspertit, qeveria mund të vendosë të marrë si referencë shifrën e INSTAT, megjithëse ajo nuk reflekton realisht rritjen e çmimeve për pensionistët.

“Në dijeninë time, ndonëse jo zyrtare, parashikimi është që rritja do të jetë më pak se 3%. Kjo do të thotë se një pensionist që aktualisht merr rreth 190 mijë lekë të vjetra, mund të marrë një rritje prej vetëm 580 deri në 600 lekë të vjetra”.

The post Indeksimi i pensioneve/ Eksperti Kujtim Hoxha: Ja me sa para pritet të rritet pagesa që do të marrin të moshuarit appeared first on Albeu.com.

Por, nëse një person i siguruar ka periudha vjetërsie në punë më të favorshme, ka të drejtën të zgjedhë midis ligjit aktual 7703 apo atij të miratuar së fundmi.

Të gjitha këto detaje mbi mënyrën se si do implementohet ligji, procedura dhe përllogaritja e masës së pensionit i jep eksperti i pensioneve, Riza Ashimi.

Sipas tij, nëse një person i siguruar në punë ka periudha vjetërsie në punë të vështira, siç janë punëtorët e minierave nëntokë dhe traktoristët që kanë një pagë referuese më të lartë nga sa parashikon ligji, çdo person i siguruar ka të drejtë të zgjedhë pensionin më të favorshëm për të.

Por ajo ç`ka është më e rëndësishme, asnjë vit pune nuk do të humbasë. Veçanërisht, ata që kanë dalë në punë që 14-vjeç.

“Nuk janë periudha të munguara, pasi kjo kohëzgjatje nga 14 deri në 18 vjeç nuk do të refuzohet si periudhë pune dhe nuk do të mungojë në përllogaritjen e vjetërsisë në punë për çdo person të siguruar. Nëse ai ka qenë i siguruar në ish-kooperativa apo ish-ndërmarrje shtetërore dhe bujqësore, kjo periudhë do të përllogaritet sipas dokumentacionit të dorëzuar në Institutin e Sigurimeve Shoqërore, sipas regjistrit dhe me letra, listëpagesave apo dokumentacioneve të tjera në atë periudhë edhe për atë periudhë”, – sqaron Ashimi.

KUSHTET PËR NJOHJEN E VITEVE

Çdo vit përllogariten mbi 20 mijë persona, të cilët mbushin moshën për pension. Me ligjin e ri, si procedura dhe dosja është më pak voluminoze dhe e lehtësuar, ndërkohë që ka edhe facilitete e përfitime të tjera. “Janë lehtësuar si aplikimi dhe dokumentacioni që duhet të dorëzojë. Çdo person i siguruar veç njohjes së periudhave të sigurimit ka dhe një favorizim në lidhje me llogaritjen e masës fillestare të pensionit.

Nëse një person i siguruar ka qenë i punësuar në një ndërmarrje shtetërore në një detyrë si mekanik, elektrik apo pozicione të tjera pune për të cilat deri më sot zbatonim ligjin për pagat referuese, tashmë e gjithë periudhat nga mosha 18-vjeç do të njihet si përvojë pune në të gjitha ndërmarrjet shtetërore të asaj kohe e pagë referuese 3288 lekë. Dhe kjo rrit masën fillestare të pensionit, duke llogaritur një pagë më të lartë të pensionit në krahasim me pagat paga marsit të këtij viti”. Por në këtë pikë duhet pasur kujdes, pasi kjo masë pensioni llogaritet vetëm për ata të siguruar që kanë banuar në qytet.

Ndërsa për të gjithë personat e siguruar që kanë qenë në fshat do të merret si pagë referuese 1619 lekë, si punëtorët e ish-kooperativave bujqësore.

Por me çfarë koeficienti do llogariten këto paga? Eksperti Ashimi vë në dukje se krahas ligjit të ri, ai i vjetri, ligji në fuqi 7703, nuk është shfuqizuar. E rrjedhimisht, mënyra e llogaritjes së pensionit nuk ka ndryshuar.

“Mënyra e llogaritjes së masës së pensionit do të jetë e njëjtë dhe gjithë pagat referuese për gjithë personat e siguruar me banim në qytet do të indeksohen me të njëjtin koeficient për llogaritjen e masës fillestare të pensionit. Nuk do të ketë asnjë ndryshim në tabelën e koeficienteve për efekt të llogaritjes së masës së pensionit”, – deklaron eksperti, duke shtuar më tej se vendimi me koeficientet do të jetë i pandryshueshëm deri në miratimin e vendimit të radhës të Këshillit të Ministrave.

DIFERENCIMI NË PENSIONE

Diferencimi midis pagës referuese sipas pozicionit të punës ka një rritje në masën fillestare të pensionit për një person të siguruar që ka 38 vjet e 8 muaj, aq sa kërkon ligji për të përfituar një pension të plotë pleqërie.

Diferencimi në pensione është mbi 2355 lekë vetëm nga ndryshimi i llogaritjes së pagës referuese. Llogaritja e masës fillestare të pensionit do të ndikojë edhe pagat mbi të cilat janë paguar kontributet pas 1 janarit 1994 e në vazhdim.

“Sa më të larta të jenë pagat mbi të cilat janë paguar kontributet ose baza e vlerësueshme, aq më e lartë do jetë masa fillestare e pensionit. Kuptohet që edhe diferencimi do jetë edhe më i lartë. Gjithë periudha e vjetërsisë në punë nëse gjatë kësaj periudhe kanë punuar në punë të vështira që kanë një pagë referuese më të lartë se të tjerat, për ato vite pune, ata qytetarë nuk kanë përse të kërkojnë të llogarisin gjithë periudhën me ligjin nr.7, por duhet ta ndajnë duke zgjedhur pagën që kanë më të favorizuar për të rritur pagën e vlerësueshme dhe masën fillestare të pensionit”, – shpjegon eksperti Ashimi.

The post Daljet e reja në pension/ Procedura dhe mënyra e përllogaritjes së vlerës, eksperti zbërthen ligjin e ri për njohjen e viteve të punës: Ja kush përfiton appeared first on Albeu.com.

Eksperti ka theksuar se të drejtën për të përfituar nga ky pension, e ka bashkëshortja apo bashkëshorti i personit që ka ndërruar jetë dhe fëmijët deri në moshën 25-vjeç, nëse janë në vijim të shkollës.

“Pensione familjare trajtohen me ligjin e ri të ndryshuar. Përfitohen kur në një çift humb jetën një nga partnerët përfitojnë gruaja e ve ose burri i ve, por të plotësojnë kushtet kur gruaja është 55-vjeç merr gjysmën e pensionit të burrit deri në moment që del vetë në pension.

Më pas bëhet krahasimi i pensionit të saj dhe bashkëshortit të ndjerë dhe zgjedh të mbajë atë që është më me leverdi.

Pension fitojnë edhe fëmijët e të ndjerit ose të ndjerës, 25 përqind deri në 25-vjeç kur janë në marrëdhënie shkolle, ndryshe e përfitojnë deri në 18-vjeç”, ka sqaruar ai.

Gjithashtu, eksperti Hoxha, ka sqaruar edhe formulën me anë të të cilës përfitohet pensioni i invaliditetit, për të cilën tha se trajtohet nga disa ligje të ndryshme për shkak të specifikave të secilit.

The post Eksperti shpjegon përfitimin nga pensionet familjare, kushtet që duhet të plotësohen, fëmijët deri në 25-vjeç dhe… appeared first on Albeu.com.

Eksperti i ekonomisë Enriko Ceko, teksa ishte i ftuar në Vila24, sqaroi për shikuesit se nuk kemi të bëjmë me rritje pensionesh por indeksim, duke zbuluar dhe shtresat që përfitojnë nga kjo skemë.

“VKM-ja për të rritur pensionit, vendim që meqë çmimet e vitit që kaloi u rritën me 4.1 përqind, aq do të rritet edhe pensioni.

Nëse do kemi një VKM për rritjen e pensionet, kjo do të ishte e mirëpritur.
Në përgjithësi pensionet në vend janë të ulëta. Para viteve ’90 pensioni ishte 70 përqind e pagës që kishe para daljes në pension”, u shpreh ai.

The post Nuk ka rritje pensionesh, por indeksim, flet eksperti Enriko Ceko: Ja si bëhet përllogaritja appeared first on Albeu.com.

Sipas ekspertëve, kjo shifër është një tregues e dëshira për t’u larguar nga Shqipëria është një trend në rritje.

Konkluzioni i anketimit të Barometrit për ballkanin Perëndimor, se 16% e shqiptareve preferojne te emigrojne sipas ekspertit Erion Muça eshte nje trend ne rritje.

Kjo ecuri sipas Muces vjen edhe per shkak te kushteve joshëse që ofrojne vendet e Bashkimit Evropian

“Kjo vjen në një kohë kur shumë vende në BE kanë liberalizuar maksimalisht procedurat për punë sepse vuajnë nga nevoja për forcw dhe mendje pune në shumë sektorë dhe industri. Dhe duke I liberalizuar ato bëhen edhe më joshëse dhe tërheqëse kryesisht për punonjësit nga vendet e Ballkanit Perëndimor”.

Sipas Muces klima politike, pamundësia ekonomike dhe cilësia jo e mirë e jetesës janë shkaqet që cojnë drejt emigrimit.

“Ka të bëj edhe me një mënyrë rebelimi ndaj pakënaqësisë së akumuluar gjithë këto vite brenda vendit, kur një profesionist me pagën që merr nuk përballon dot as shpenzimet minimale të të ushqyerit, duke lënë pas shumë nevoja e domosdoshmëri të tjera”.

Më tej, Muca thekson se mosha më  prekur që shfaq interes për t`u larguar jashtë  vendit janë të rinjtë.

“Grupmosha më vurnelabër janë të rinjtë, kryesisht të pa arsimuar, pra që nuk kanë një shkollë të mesme profesionale apo arsim të lartë, por janë me arsim 9-vjeçar deri të mesëm, kryesisht nga zonat rurale të vendit që synojnë emigracionin. Gjithashtu janë familje në nevojë”.

Në përfundim, Muca theksoi si të domosdoshme marjen e masave konkrete dhe krijimin e disa strategjive për mbështetjen e sektorëve në ekonomi dhe vlerësimin e punonjësve në vendet e punës.

The post Emigrimi në rritje/ Flet eksperti: Pamundësia ekonomike nxit shqiptarët të largohen appeared first on Albeu.com.

Karamuço solli shembullin e mafias në vendet fqinje, por tha se në Shqipëri janë ende grupe kriminale të strukturuara.

Gjithashtu, ai shtoi se familja mafioze ka fuqinë të komandojë edhe shtetin.

“Ka një tendencë që e kemi ndarë në disa diskutime lidhur me krijimin e një familjeje mafioze të mirëfilltë. A ekzistojnë kushtet, po! Janë këto goditje falë SKY dhe Encrochat të cilat atrofizojnë mundësinë që të avancojnë dhe të jenë një luftë për autoritet tona që do ndihen të pafuqishme.

Ka tendenca, sidomos në Shqipërinë e mesme dhe në Veri qe mund të çojnë që formën e bashkimit të strukturave të caktuara ne na ngjajnë si sindikata. Bëhen bashkë por jo të kenë krijuar një komision të mirëfilltë nga ato që njohim ne që nga Silcilia, Ndragheta e kështu me radhë.

Ne biem dakord me një gjë, jo në kuptimin e elementeve te traditës mafioze, por kemi tendencën që disa nga këto organizata të bashkuara mund të komandojnë shtetin. Ata na thonë mafia shqiptare, por aktualisht janë organizata kriminale por që mund të kthehen në familje mafioze”,-u shpreh Karamuço.

The post Ervin Karamuço: Në Shqipëri po krijohet një familje mafioze, ka fuqinë të komandojë edhe shtetin appeared first on Albeu.com.

Edhe pse mund të tingëllojë e çuditshme, arsyeja e tij ka kuptim. Dera është vendi më i ngrohtë dhe ku temperatura ndryshon vazhdimisht për shkak të hapjes dhe mbylljes. Kjo është arsyeja pse, si të gjitha ushqimet që prishen, është më e sigurt t’i vendosni në raftin e sipërm, që është më i ftohti.

Gjithashtu ai këshillon që vezët të mos i nxirrni nga kutia e kartonit në të cilën janë blerë. Lëvozhga e vezës është e mbuluar më mijëra pore të vogla që thithin aromat dhe bakteret e padëshiruara. “Mbajtja e vezëve nëkuti është mënyra më e mirë për të parandaluar që bakteret të përfundojnë në to”, tha eksperti.

Përndryshe, vezët që ruhen siç duhet në frigorifer ruajnë cilësinë dhe freskinë e tyre për të paktën dy herë më shumë se ato të lëna në temperaturën e dhomës. Më pas ato duhet të hahen brenda një deri në tre javë, ndërsa mund të qëndrojnë deri në gjashtë javë në frigorifer.

The post Nëse i mbani vezët te dera e frigoriferit, po bëni gabim! Eksperti tregon vendi e duhur për to appeared first on Albeu.com.

Eksperti i rendit Artan Rexhepi, teksa ishte i ftuar në “Breaking”,  ka folur për ngjarjen e rëndë që ka ndodhur në Shënavlash të Durrësit, ku fëmijët vranë babain e tyre

Sipas tij, “fëmijët pas këtij krimi kanë përjetuar ndjenja triumfalizmi sikur kanë vendosur drejtësinë”.

Madje Rexhepi shprehet se “djali i madh duhet të hetohet më shumë ndoshta për përfshirje në trafik droge, borxhe etj”.

Artan Rexhepi: “Mua një gjë që më ka bërë shumë përshtypje ndjenja e triumfalizmit që kishin ata në realizimin e vrasjes”.

Artan Rexhepi: “Jo në një krim në familje, por me një bandë shumë të njohur, nuk ia them dot emrin, erdhën shumë triumfalist në polici, por gradualisht filluan të binin dhe të zbërtheheshin. Në të njëjtën situatë jemi edhe me fëmijët. Ata kanë ardhur me një ndjenjë triumfalizmi, sikur kanë vendosur drejtësi”.

Pyetje: Çfarë dyshoni se mund të jetë?

Artan Rexhepi: “Nuk e di nuk e them dot, por që në fillim e kam thënë që ajo fejese, ajo shkolla etj nuk qëndrojnë. Nuk i mbetën poezitë e Naim Frashërit pa bërë, ishte kot ajo, nuk ka lidhje. Aty është vërtete një gjë e madhe. Djalit duhet t’i zbardhet historia, mund të ketë trafik droge, mund të ketë ndonjë borxh i transferuar, mund të ketë lidhje me ndonjë kompani bastesh etj dhe rri i sforcuar, mund t’i ketë kërkuar ndonjë shitje prone për të larë borxhet etj. Hipoteza janë të gjitha pistat që po ngremë”.

The post Vrasja e Pëllumb Metës/ Flet eksperti: Vajza nuk do shkruante poezitë e Naim Frashërit, djali i madh të hetohet për… appeared first on Albeu.com.

“Është një rritje spektakolare e dy muajve të fundit e bitcoin në radhë të parë dhe e kriptomonedhave në përgjithësi dhe nuk mungojnë edhe analizat për të kuptuar faktorët që kanë çuar në këtë rritje. Përtej analizës së faktorëve, është edhe optimizmi dhe shqetësimi i përgjithshëm se cila do të jetë e ardhmja e tyre, nëse do të jenë investime fitimprurëse, me risk të lartë apo do jetë një fluckë monetare. Nga analizat profesionale, evidentohen 5 faktorë që bitcoin ka këtë rritje. Në radhë të parë, tashmë është një kriptomonedhë e stabilizuar, me besim të lartë. Përveç kësaj duke u futur në asetet financiare, ka arritur në vend të 8-të me një vlerë investimesh që kalon 1003 miliadë dollarë dhe fakti që po investohen kaq shumë para në këto përmasa në bitcoin tregojnë vëmendje të madhe të investitorëve të ndryshëm për të investuar në këtë aset financiar dhe monetar. Ky është faktori i parë më i rëndësishëm për vëmendjen që ka. E dyta, është një lloj institucionalizimi i tyre ose pranimi i bitcoin si një formë shkëmbimi monetar që tashmë gjithnjë e më shumë po rregullohet me ligje. Janë rritur numri i vendeve që e pranojnë aktivitetin në bitcoin.

Tregu i aktiveve financiare e ka këtë antyrë, funksionon mbi bazën e besimit, e optimizmit ose pesimizmit që kanë në blerjen dhe shitjen e tyre dhe sa më i madh të jetë ky besim, edhe vlera e tyre rritet. Faktori i tretë që ka të bëjë me mënyrën se si sillen aktorët financiarë dhe monetarë në treg, në ato tregje me risk të lartë por që kanë edhe fitime të larta. Në kushtet ku normat e interesit të Bankat Qendrore kanë tendencë të ulet dhe njëkohësisht një disa nga tregjet kryesore të aktiveve monetare, përfshirë naftën, disa minerale të ndryshme, norma e fitimit po vjen duke u zvogëluar, tregjet që kanë risk të lartë por fitim të madh, marrin hov dhe zhvillim.

Dhe kjo reflektohet tek bitcoin. Faktori tjetër ka të bëjë me faktin se ndryshe nga monedhat e tjera, bitcoin ka një numër të limituar coin-esh, dhe njëkohësisht viti 2024 është viti ku bëhet përgjysmimi i numrit të bitcoin të rinj të krijuar. Kontrolli i numrit rrit dhe vlerën. Të gjitha bashkë shkojnë me kontersktin tjetër që kanë të bëjnë me faktin se Autoriteti i Kontrollit Financiar në SHBA autorizoi fondet për të tregtuar në bursë, së fundmi ka autorizuar edhe termin që është kriptomonedha e dytë më e rëndësishme dhe natyrisht kur një aset aktiv financiar qarkullon në bursa të ndryshme, vlera dhe besimi rriten, investimet shtohen dhe aktiviteti që ka të bëjë me pagesa dhe qarkullimine  vlerave të ndryshme në bitcoin, rritet. Këta faktorë kanë bërë që ashtu sic pritej, sepse ka që në muajin tetor të vitit të kaluar, ku thuhej se viti i ri 2024 do të jetë një vit ku bitcoin dhe disa kriptomonedha do të kenë rritje spektakolare, tendencë që po vërtetohet”, tha Civici për Abcnews.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut.

The post Bitcoin rekord të ri çmimi, eksperti shpjegon faktorët që çuan në rritjen historike të kriptomonedhës appeared first on Albeu.com.