Eksperti Karamuco Archives - Albeu.com

“Nuk duan që Meksika të përsëritet në Ballkan”, eksperti: Prezenca e DEA-s në vend ka shqetësuar shumë njerëz dhe institucione

E S — Wed, 29 Jun 2022 11:36:27 +0000

Profesori i Kriminologjisë, Ervin Karamuço deklaroi se prezenca e DEA-s në Shqipëri ka shqetësuar shumë njerëz dhe institucione në vend, për mirë apo dhe për keq.

Ai pohoi se asistenca e ndërkombëtarëve është një lajm i mirë për ato që pritet të ndodhin në vijim sa i përket punës së SPAK dhe BKH-së.

“DEA nuk bën marrëveshje me policinë e shtetit. Nuk do ta shihni kurrë me armë dhe antiplumb në mes të Tiranës. Vetëm për koordinim informacioni. Me BKH dhe SPAK. DEA e ka një zyrë dhe kontakte me këto institucione…ata e kanë një zyrë, një post punë në Shqipëri që koordinojnë këto gjërat. Por përderisa kanë ardhure, dmth që kanë punë këtu. Ka institucione financiare nga mund të pastrohen të ardhurat kriminale, banka të nivelit të dytë. Janë 7 banka me risk…Shohin pushtetin, imuniteti që u është dhënë këtyre organizatave. Nuk duan që Meksika të përsëritet në Ballkanin Perëndimor.”, tha Karamuço në ABC Live.

Sipas tij, po hetohen raste konkrete dhe mund të ketë edhe zyrtarë të shtetit apo edhe funksionarë të policisë së shtetit, edhe persona të krimit që po vëzhgohen.

“Fakti që ka hetime në Belgjikë, Francë, Spanjë, Mbretëria e Bashkuar. Ka dalë një lajm që do ketë arrestime të policisë së shtetit, janë pjesë e diçkaje që po ecën përpara.”, pohoi ai.

The post “Nuk duan që Meksika të përsëritet në Ballkan”, eksperti: Prezenca e DEA-s në vend ka shqetësuar shumë njerëz dhe institucione appeared first on Albeu.com.

13 shqiptarë u riatdhesuan nga Siria, Karamuço: Pritej të mbushej një avion i tërë, çfarë i pengon të kthehen në atdhe

E S — Thu, 02 Jun 2022 10:57:02 +0000

Me finalizimin e operacionit të koduar “Extraction 4”, në Shqipëri u riatdhesuan 13 shqiptarë nga kampet e “ferrit” në Siri, por në fakt pritshmëritë ishin që të mbushej një avion i tërë. Detajet i bën të ditura, eksperti i kriminalistikës Ervin Karamuço, i ftuar në Abc Live. Sipas tij, shumë prej tyre duket se kanë refuzuar që të riatdhesohen, për arsye të ndryshme.

Kurse, ata që janë sjellë në Shqipëri, shton Karamuço, nuk kanë qenë në gjendje të mirë shëndetësore. Disa prej tyre madje kanë edhe sëmundje ngjitëse të lëkurës.

“Disa gjëra dalin me vonesë, sepse ka qenë shumë sekret. Është udhëhequr nga inteligjenca amerikane. U vendos fillimisht Prishtina, sepse është pistë e veçantë që të ruhet sekreti i fluturimeve… Avionë me fonde të taksapaguesve amerikane. Në dy raste efektivë të anti-terrorit në Kosovë kanë pasur momente kur mund të rrezikonin jetën seriozisht. Nga ky operacion e në vijim, duhet ta ndjekim vetë. Kapacitet i kemi, këtë na e ka lehtësuar si procedurë SHBA. Nuk duhet të mbetet kaq.”

Kujtojmë se riatdhesimi i 10 fëmijëve dhe tre grave shqiptare nga kampet në Siri u bë më 28 maj pas një operacioni të realizuar nga Drejtoria e Antiterrorit në Policinë e Shtetit, në bashkëpunim me homologët nga Kosova. Operacioni u koordinua nga partnerët amerikanë. /abcnews.al/

The post 13 shqiptarë u riatdhesuan nga Siria, Karamuço: Pritej të mbushej një avion i tërë, çfarë i pengon të kthehen në atdhe appeared first on Albeu.com.