Në një intervistë në studion e “7pa5”, eksperti i sigurisë, Fatjon Softa, u shpreh se për sa kohë nuk është gjetur trupi, Ervis Martinaj konsiderohet i gjallë.

“Për aq kohë sa nuk kemi një kufomë, personi mbetet i gjallë. Kemi raste të mafies italiane që janë gjetur edhe pas 30 vjetësh, persona që i kanë konsideruar të vrarë. Vazhdoj të them që personi është gjallë. Nga pikëpamja ligjore sa herë ka një emër që del kemi një urdhër për kontrollin e banesës, për shpalljen në kërkim. Policia e Shtetit, edhe pse kishte një urdhër, ka pasur disa informacione optimiste. Një person me një fuqi të tillë ishte tepër i mbrojtur edhe prej faktit që shoqërohej nga punonjës policie. Për aq kohë sa nuk ka një informacion, policia ka bërë kontrolle, kërkime, disa teza kanë qenë që e kanë parë të vrarë, të ndarë në 4 pjesë, por edhe kjo nuk është vërtetuar, nuk është gjetur kufoma”, shprehet eskperti.

Gjithashtu, ai foli edhe për mundësinë e zëvendësimit të Martinajt dhe tha që grupet kriminale ngrihen mbi bazën e disa interesave.

“Grupet kriminale kur kanë një drejtues të grupit, ose vazhdon të punojë edhe kur është i fshehur, ose zëvendësohet. Ajo që ne shohim është kur vrasin, për pjesën tjetër të aktivitetit të tyre ekonomik, nuk e shohim.

Të gjitha grupet kriminale që kanë arritur një fuqi pushteti, tregon për fuqi ekonomike të tyre. Këto grupe që janë me një fuqi të tillë, janë grupe që kanë forcën e organizimit dhe armatimit. Kanë mjete të vjedhura, snajpera, targa të vjedhura, kallashnikov.

Grupet kur krijohen ngrihen mbi bazën e disa interesave. Në këto grupe që krijohen, krijohen ose mbi baza familjesh, ose shoqërore, ose mbi baza interesash. Në momentin që krijohen, këto grupe kanë struktura. Me siguri ka pasur ndihmës dhe ka pasur në krah persona të besuar”, u shpreh eksperti Fatjon Softa.

The post Eksperti i sigurisë flet mbi zhdukjen e Ervis Martinaj: Ai është gjallë, për sa kohë nuk kemi… appeared first on Albeu.com.

Kështu u shpreh eksperti i sigurisë Fatjon Softa gjatë një interviste për Ora News.

Softa thotë se të rinjtë që janë bërë pjesë e botës së krimit janë joshur nga paraja. Sipas tij ata janë aty prej arsyeve ekonomike. Sakaq thotë se më të fortit o janë në varreza o janë në burg.

Fatjon Softa: Këta që ne shohim grupe kriminale janë thjesht ushtarët që ne shohim për shkak të konflikteve. Është hakmarrja, gjakmarrja, interesat ekonomike dhe njerëzit që paguhen për të realizuar aksione siç janë vrasjet në vend. Ata që ne themi  bosët e vërtetë, menaxherët e vërtetë ose bota kriminale e vërtetë  nuk është siç lëvizin.

Nuk ka mundësi të jetë një 22 vjeçar. Nuk ka mundësi të jetë bërë kriminel një 25 vjeçar. Ata janë mosha rinore që kanë nevojë të ndërtojnë jetën e tyre. Edhe ato i pret nj familje. Problemi është se ata sot janë aty sepse aty kanë shkuar për arsye ekonomike. Janë joshur nga të ardhurat që marrin. I kanë hyrë asaj rruge dhe sot kanë hyrë në një rrugë që duhet të japin llogari.

Sepse më të fortit o janë në varreza o janë në burg. Pjesa tjetër vjen vërdallë. Bota e krimit sot qarkullon një vlerë monetare sa 1 e 3 e GDP-së. Ndaj lufta ndaj grupeve nuk është spontane. Megjithatë e tremb atë botë se hapësirat po zvogëlohen. Deri më sot kanë lëvizur me makinat e policisë, kanë përdorur simbolet e policisë kanë përdorur radiot kanë përdorur sinjalistikën dhe kanë kaluar postblloqe e pika kufitare e kanë bërë dërgesa mes tyre.

Për Softën ndryshimi i drejtorit të Përgjithshëm të Policisë së Shtetit është një ndryshim pozitiv.

Fatjon Softa: Me ardhjen e Rrumbullakut ka një ndryshim por patjetër që i duhet kohë. Nuk mund të jetë vetëm 100 ditshi sepse kjo e dëmton policinë. Policia bëhet duke i lënë dorë drejtorit të përgjithshëm të ndryshojë, të metodologji. Kanë dështuar shumë investime në polici. Ka humbur besimi te policia e shtetit.

The post “Më të fortit në Shqipëri sot o janë në varreza, o janë në burg” appeared first on Albeu.com.

Eksperti turk i Sigurisë dhe Terrorizmit, Abdullah Agar në një intervistë për mediat akuzoi Greqinë se po provokon Turqinë me lëvizjet e saj, duke shtuar se qëllimi është ‘Zhdukja e së ardhmes gjeopolitike të Turqisë’.

“Greqia po bën një lojë të tmerrshme,  një lojë shumë e rrezikshme. Kaq shumë armë, arrogancë, kaq shumë provokime e kërcënime. Ata kanë synime të shkatërrojnë të ardhmen gjeopolitike të Turqisë, ndërsa bashkëpunimi me organizatat YPG-PKK dhe koordinimi mes tyre është diçka jashtëzakonisht e rrezikshme për Turqinë”, tha ai, duke shtuar se do të ketë një “përgjigje” nga Ankaraja. Turqia patjetër do të bëjë diçka diku. Do të godasë diku . Tani kohën, vendin dhe mënyrën e kësaj do ta shohim të gjithë së bashku”, tha ai.

The post “Greqia po bën lojë të rrezikshme”, eksperti i Sigurisë paralajmëron: Turqia do të godasë diku, vendin dhe kohën do ta shohim appeared first on Albeu.com.

Lajmin e bëri të ditur eksperti i sigurisë, Dritan Goxhaj, përmes një interviste për Euronews Albania.

Ai tha se për këto shërbime nuk flitet fare, vetëm sepse fokusi është te rusët në Gramsh.

“Ne sot po flasim për tre blogerë që u kapën me kamera dhe dronë, ndërkohë që kemi sinjalizime të pafundme në gjithë jugun e Shqipërisë, që shtetas grekë kanë hyrë duke bredhur gjatë gjithë kufirit të Republikës së Shqipërisë, kanë paraqitur dhe fotografime dhe filmime në faqen e tyre të Facebook-ut të pajisur dhe me mjete që bëjnë matje dhe asnjëherë deri më sot nuk është marrë asnjë masë ndaj këtyre personave”, u shpreh Goxhaj.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas, Fiodor Mihailoviç u arestuan mbrëmjen e së shtunës pas një incidenti në uzinën ushtarake në Gramsh. Teksa tentuan të futeshin në uzinë ata sulmuan me spray neuro-paralizues dy ushtarët shqiptarë.

Në dëshminë e tyre, shtetasit e huaj kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

The post Eksperti: Shërbimet greke dhe serbe janë më të rrezikshme se ato ruse appeared first on Albeu.com.

Eksperti i sigurisë, Fatjon Softa, u shpreh se atentatorët mund të jenë persona që kanë shërbyer më herët në struktura të ndryshme policore.

Komentet Softa i bëri teksa foli për Fax News lidhur me atentatet e mirëorganizuara në vend, autorët e të cilëve nuk janë zbuluar ende.

Sipas tij, këto grupe janë të afta të kryejnë edhe akte terroriste nëse paguhen.

“Personalisht nuk mund të stërvitesh, si në rastin e zbërthimeve të armës dhe mënyrave të ekzekutimit, etj etj. Pra kjo tregon se këta e njohin mirë artin luftarak dhe mund të përgatiten nëpër poligone dhe nëpër zone të caktuar. Edhe poligonet duhet të kontrollohen, të dihet pse persona të caktuar shkojnë aty. Duhet të ketë një kontroll më të detajuar nga policia e shtetit.

Mund të jenë edhe persona që kanë shërbyer më herët në struktura të ndryshme. Ose janë organizatorë të sulmit, ose janë vetë që i përdorin këto armë. Pagesa të tilla për vrasje, janë kthyer në një biznes të madh.

Nëse këta grupe kriminale nesër përdoren nga grupe terroriste, mos harrojmë se shërbimi informativ ka dhënë disa herë infomracione se brenda burgjeve kishte rritje të tendencës së krimeve terroriste. Pra Shqipëria mbetet brenda hartës së rrezikut, ku këto grupe të gatshme janë të aftë të kryejnë edhe akte terroriste nëse paguhen. Fati dhe rastësia ka ndihmuar që mos të vriten njerëz të tjerë në atentate të tilla”, u shpreh Softa./albeu.com/

The post Eksperti i Sigurisë ngre “alarmin”: Personat që kryejnë atentate mund të përdoren edhe për akte terroriste appeared first on Albeu.com.