Sipas disa studimeve, kjo ndodh kryesisht për shkak se ata janë të shtyrë të mendojnë që e vërteta do të dalë në shesh dhe nuk ka arsye për t’u mërzitur.

Megjithatë, ky mendim përfundon duke i dëmtuar, i bën ata më pak të motivuar për të mbrojtur veten dhe për këtë arsye më të ekspozuar ndaj rënies në grackat e marrjes në pyetje.

Kjo u verifikua nga një grup studiuesish nga Universiteti Shtetëror i Ioëa-s, të cilët, në eksperiment, akuzuan disa studentë të universitetit se kishin ndihmuar një student tjetër gjatë kryerjes së një detyre individuale, për disa studentë ishte e vërtetë, për të tjerët jo. Rezultati ishte se pavarësisht se janë më pak të stresuar se fajtorët, 43% e të pafajshmëve kanë pranuar.

Është gjithashtu e qartë se ata që akuzohen në mënyrë të rreme përfundojnë duke rrëfyer për t’u çliruar nga presionet e marrjes në pyetje. Në një studim tjetër u zbulua se shumë të akuzuar për veprime imorale preferojnë të rrëfehen në vend që të shmangin një seri të gjatë pyetjesh, edhe nëse paralajmërohen se kjo do të përfshijë një takim me policinë.

Në thelb, rrëfimtarët e pafajshëm zgjedhin të shmangin pasojat e menjëhershme të pakëndshme dhe, të mbrojtur nga pafajësia e tyre, nënvlerësojnë pasojat afatgjata të një rrëfimi.

The post Pse ndodh ndonjëherë që njerëzit e pafajshëm të pranojnë fajësinë? appeared first on Albeu.com.

Njoftimi i prokurorisë erdhi pas transmetimit të një emisioni të rrjetit Laboratori për Gazetari Hulumtuese – IRL, i titulluar “Gjaku i papastër”.

Skandali, sipas raportit të këtij rrjeti hulumtues, ka të bëjë me trajtimin e të sëmurëve me COVID-19, të cilët i janë nënshtruar filtrimit të gjakut si terapi kundër kësaj sëmundjeje.

“Çështja i është caktuar prokurorit publik kompetent, i cili do të ndërmarrë veprime për verifikimin e pretendimeve për vepër penale kundër shëndetit të njerëzve”, thuhet në njoftimin e Prokurorisë Publike të Maqedonisë së Veriut.

Ndërkohë, Ministria e Shëndetësisë e këtij vendi ka urdhëruar kontrolle të jashtëzakonshme në këtë spital, derisa pret përfundimin e hetimeve për masa të mëtejme.

Qeveria i ka dhënë dy ditë afat Ministrisë së Shëndetësisë që të përgatisë raportin për të zbardhur sa më shpejt rastin.

“Kam mirëpritur veprimin e prokurorisë. Ministria e Shëndetësisë do të jetë e gatshme për bashkëpunim. Çdo gjë do të jetë transparente, presim të vijnë raportet nga institucionet relevante, për të parë nëse ka pasur parregullsi gjatë trajtimit të pacientëve”, ka deklaruar ministri i Shëndetësisë, Bekim Sali.

Sipas hulumtimit të kryer nga IRL, trajtimi i tillë nga klinika ka qenë i jashtëligjshëm, por edhe ka infektuar shumicën e pacientëve me baktere vdekjeprurëse.

Sashka Cvetkovska, një nga gazetarët që kanë hulumtuar rastin, tha për mediat se “dyshimet bazohen në 24 tragjedi familjare”.

Sipas saj, denoncime në prokurori ka pasur edhe më parë, por nuk janë ndërmarrë masa.

“Vetëm sot nga mëngjesi, qytetarët na kanë dërguar fotografi nga katër kallëzime penale: njëri prej tyre nga Kosova, tre nga këtu. Rastet që i kemi punuar, bazohen në 24 tragjedi familjare”, ka thënë Cvetkovska.

Studimi klinik me metodën e hemofiltrimit në këtë klinikë, sipas hulumtimit, është bërë pa leje nga Agjencia shtetërore për Medikamente dhe Pajisje Mjekësore.

“Klinika ‘Zhan Mitrev’ është tronditur nga reagimet e opinionit”, thuhet në reagimin me shkrim të spitalit.

Aty shtohet se ky “informacion është i fabrikuar për të krijuar një imazh të rremë”.

Spitali thotë se ka punuar për të mirën e qytetarëve prej 22 vjetësh, duke ofruar shërbime të certifikuara me standarde botërore./rel

The post Vdekja e pacientëve prej hemofiltrimit në spitalin “Zhan Mitrev”, Prokuroria e RMV nis hetimet appeared first on Albeu.com.

“Filtrimi i gjakut” apo Hemofiltrimi që Zhan Mitrev u ofronte pacientëve me COVID-19 si shpresë e vetme për shpëtim nga vdekja, po del të ketë qenë eksperiment mjaft i rrezikshëm që u kushtoi me jetë shumë pacientëve. Ky trajtim ju u ofronte pacientëve në paketë nga 3 mijë deri në 5 euro për seancë.

Trajtimi me hemofiltrim ishte bërë duke mos u treguar pacientëve dhe familjarëve të tyre se në ta po bëhet eksperiment shkencorë. Nuk u ishte treguar as për rreziqet e as për pasojat që sillte ky trajtim.

Ky skandal u zbulua nga një hulumtim i bërë nga IRL (Investigative Reporting Lab) te të cilët kishin ardhur mbi 24 ankesa nga familjarët që humbën më të dashurit e tyre në Zhan Mitrev nga trajtimi që morën kundër COVID-19.

Jo të pakta ishin rastet e pacientëve që përfundonin tragjikisht pas “Pastrimit të gjakut” si pasojë e infeksioneve bakteriale në gjak që më pas u sillte edhe vdekje.

I tillë është edhe rasti i familjes Brezevi, të cilët në Zhan Mitrev humbën kryefamiljarin pikërisht nga kjo arsye. Sipas tyre, doktorët e Zhan Mitrev ua fshehën rezultatet laboratorike që dëshmonin se familjari i tyre po merrte infeksione bakteriale intraspitalore të njëpasnjëshme. Ndërsa në vend të pasqyrës së vërtetë klinike, u jepnin raporte të rrejshme me rezultate negative për prezencë të baktereve në gjak.

Ndërsa analizat që ata vetë i siguronin nga burime të tjera dëshmonin se familjari i tyre që po mjekohej në Zhan Mitrev, po merrte infeksione bakteriale intraspitalore të njëpasnjëshme. Pavarësisht insistimit për të zbuluar të vërtetën, spitali u tregua jo transparent me ne, thonë familjarët. Pacientit nga familja Brezevi iu përkeqësua gjendja, morri sulm dhe më pas ndërroi jetë.

Por ai nuk ishte i vetmi. Si Brezevi përfunduan edhe shumë të tjerë që u trajtuan me “Hemofiltrimin” magjik, ndërkaq sipas IRL, asnjë nga këto raste me helmim gjaku nuk u paraqitën në institucionet shëndetësore shtetërore, edhe pse me ligj është e obligueshme.

Vetëm gjatë kohës së pandemisë, klinika Zhan Mitrev përfitoi mbi 17 milion euro vetëm nga trajtimi i pacientëve më COVID.  Aso kohe ishin mjaftë të shpeshta paraqitjet publike të vetë pronarit dhe doktorit kryesor, Zhan Mitrev nëpër mediat vendase, duke proklamuar “Pastrimin e gjakut” si zbulimi më i avansuar për trajtim të pacientëve me COVID.

IRL gjithashtu ka dalë me disa fakte mahnitëse, që vendosin në pikëpyetje edhe titujt shkencorë dhe profesional të Zhan Mitrevit. Sipas tyre, një pjesë e madhe e titujve po del të jenë të rrejshëm dhe të blerë nga organizata të huaja që nuk ekzistojnë ose që kanë qenë pjesë e mashtrimeve.

Hulumtimi i bërë ndjek rrugën dhe metodologjinë e funksionimit të një prej mjekëve më të paguar në vend. Në fokus të hetimit është periudha 2020-2021 gjatë trajtimit të pacientëve me COVID-19, ku ishte aplikuar metoda e hemofiltrimit. Kjo metodë zbatohej vetëm në këtë klinikë, bazuar tek një rekomandim i përkohshëm dhe tejet strikt i një organizate shëndetësore.

Hulumtimi i IRL gjithashtu zbërthen dëshmi se si institucionet përgjegjëse shëndetësore nuk kanë ditur për veprimet e paligjshme të kësaj klinike, për trajtime që duhen dhënë leje dhe miratime përkatëse, por edhe mbikëqyrje e specializuar institucionale./GazetaExpress/

The post Skandal në klinikën Zhan Mitrev në Shkup, pacientëve u ofrohej “kurë” por në fakt bëheshin pjesë e një eksperimenti appeared first on Albeu.com.

Shekncëtarët kanë pranuar se eksperimenti i tyre nisi fillimisht si një shaka, por urina e lopëve është e pasur me azot, që mund të jetë i dobishëm për klimën në planin afatgjatë.

Douglas Elif, nga Universiteti i Auckland, tha se, nitrogjeni i përmbajtur në urinën e lopëve zbërthehet me kalimin e kohës në dy kimikate problematike: oksid nitrozin, i cili kontribuon në efektin serrë dhe nitrat, i cili grumbullohet në tokë dhe më pas shpërndahet në lumenj..

Oksid azotuar përfaqëson rreth 5% të gazrave që shkaktojnë efektin serë dhe pak më pak se 10% të emetimeve në Zelandën e Re, në bazë të shifrave zyrtare. Më shumë se gjysma e kësaj përqindjeje vjen nga kafshët e fermës. /albeu.com

The post Zelanda e Re trajnon lopët për të shkuar në tualet, arsyeja do t’ju çudisë appeared first on Albeu.com.