Komentet e Rubios në emisionin “Sunday Morning Futures with Maria Bartiromo” të Fox News erdhën pasi Press TV iranian raportoi se parlamenti iranian miratoi një masë për të mbyllur Ngushticën e Hormuzit, përmes së cilës rrjedh rreth 20% e naftës dhe gazit global.

“Unë e inkurajoj qeverinë kineze në Pekin t’i kontaktojë ata për këtë, sepse ata varen shumë nga Ngushtica e Hormuzit për naftën e tyre”, tha Rubio, i cili shërben gjithashtu si këshilltar i sigurisë kombëtare.

“Nëse e bëjnë këtë, do të jetë një tjetër gabim i tmerrshëm. Është vetëvrasje ekonomike për ta nëse e bëjnë. Dhe ne kemi mundësi për t’u marrë me këtë, por edhe vendet e tjera duhet ta shqyrtojnë këtë. Do të dëmtonte ekonomitë e vendeve të tjera shumë më keq sesa tonën”.

Rubio tha se një veprim për të mbyllur ngushticën do të ishte një përshkallëzim masiv që do të meritonte një përgjigje nga SHBA-ja dhe të tjerët. Ambasada kineze në Uashington nuk dha menjëherë komente.

Zyrtarët amerikanë thanë se “shkatërruan” centralet kryesore bërthamore të Iranit duke përdorur 14 bomba bunkerësh, më shumë se dy duzina raketa Tomahawk dhe mbi 125 avionë ushtarakë. Sulmet shënojnë një përshkallëzim në konfliktin e vazhdueshëm në Lindjen e Mesme.

The post Vetëvrasje ekonomike: SHBA paralajmëron Iranin për mbylljen e Ngushticës së Hormuzit appeared first on Albeu.com.

“E keqardhur për nivelin ku kanë degraduar kolegët e opozitës. Agjenda e dhunës që po përpiqen ta imponojnë edhe në Kuvendin e Shqipërisë po kalon çdo kufi. Kjo sjellje e papranueshme, që po tejkalon në dhunë e kërcënim fizik po bëhet çdo ditë e më tepër shqetësuese.

Personalisht, ndjej detyrim të reagoj jo vetëm pse isha pjesë e kësaj situate konfrontuese, por edhe si deputete që ka zgjedhur të ushtrojë mandatin e deputetes konform rregullave dhe obligimit që kemi ndaj zgjedhësve tanë.

Asnjëherë nuk është vonë për t’ju kthyer arsyes dhe normalitetit, dhe shpresoj që deputetët e opozitës të kuptojnë që kjo formë e të bërit opozitë duhet të marrë fund njeherë e mirë në Shqipëri, ku problemet individuale tentohen të kthehen në kriza institucionale që pengojnë Shqipërinë në aspiratat intergruese në Bashkimin Europian”, shkruan Milva Ekonomi.

The post U shty nga Xhelal Mziu, reagon Ekonomi: Sjellje e papranueshme, po tejkalon në dhunë e kërcënim fizik appeared first on Albeu.com.

“Konsumatorët vlerësuan më dobët situatën e tyre financiare, situatën ekonomike të vendit në të ardhmen si dhe blerjet në shuma të mëdha. Pritjet e konsumatorëve për papunësinë në të ardhmen janë rritur në muajin maj”, thuhet në raportin e Bankës së Shqipërisë.

Ndërkohë besimi në industri dhe në ndërtim ka rënë me nga 0.6%, dhe shkaqet kryesore sipas raportit janë rënia e prodhimit në industri, reduktimi i aktivitetit në ndërtim dhe ulja e porosive. Këto dy sektorë presin përmirësim në muajt në vijim por dhe çmime më të larta.

Nga ana tjetër shërbimet janë në rritje ndikuar edhe prej shtimit të turistëve në raport me vitin e kaluar. besimi në këtë sektor është rritur me 2.1% në muajin e kaluar, si rezultat i rritjes së aktivitetit, shtimit të kërkesës dhe përmirësimi i treguesve të punësimit. Ndërkohë presin rënie çmimesh në periudhën në vijim.

Edhe tregtia si rezultat i kërkesës së shtuar për konsum, është në rritje me 1.3%. sipas raportit në këtë sektor ka ndikuar pozitivisht rritja e punësimit, ecuria e biznesit, dhe pritshmëritë për rritje të çmimeve në të ardhmen.

The post Bie besimi në ekonomi, qytetarët heqin dorë nga shpenzimet e mëdha appeared first on Albeu.com.

Kompania do të shesë aksione tek një tender udhëhequr nga kompania Thrive Capital tha raporti.

Sipas marrëveshjes, punonjësit do të mund të shesin aksionet e tyre në kompani dhe nuk është një raund tradicional financimi që gjeneron para për biznesin.

Një marrëveshje e ngjashme u bë edhe vitin e kaluar. Kompanitë Thrive Capital, Sequoia Captal, Andreessen Horowitz dhe K2 Global ranë dakord të blejnë aksionet e OpenAI në një tender që vlerësoi kompaninë me 29 miliardë dollarë.

Lançimi i ChatGPT në fund të 2022 nxiti një “shpërthim” të inteligjencës artificiale duke bërë kompanitë që vihen në kërkim të aplikimit të saj. /CIO Albanian

The post OpenAI vlerësohet me 80 miliardë dollarë appeared first on Albeu.com.

Ndërsa Europa po shkon gjithnjë drejt stimulimit të automjeteve që nuk ndotin mjedisin, në rrugët tona shikon makina të vjetra, që nxjerrin tym të zi dhe shpesh mund të bëhen shkak për aksidente.

Sipas të dhënave të Eurostat, që i përkasin vitit 2022, në Shqipëri 41% e automjeteve të pasagjerëve janë mbi 20-vjeçare, më e larta në Europë.

Në Kosovë, 22.6% e automjeteve të pasagjerëve kanë vit prodhimi prej 20 vitesh ose më shumë, në Mal të Zi 25.6%. Pas Shqipërisë, makinat më të vjetra janë në Bosnjë Hercegovinë, me 35%. Për krahasim, në Gjermani, shteti nga i cili imputohen shumë automjete, vetëm 8% e automjeteve janë kaq të vjetra.

51% e automjeteve të pasagjerëve në vend kanë një vit prodhimi më të lartë sesa 10 vjet. Në total 99% e automjeteve në vend kanë një moshë mbi 10 vjeçare, sërish më e larta në Europë.

Shteti i dytë me më shumë automjete që kanë të paktën një dekadë që qarkullojnë është Maqedonia e Veriut, me 88%, ndërsa më të rejat në rajon janë makinat në Kosovë, me 75%. (të dhënat për Serbinë mungojnë). Në Itali, kjo peshë është 59%, ndërsa në Gjermani 40.5%.

Në kontrast, Shqipëria ka peshën më të ulët të automjeteve të reja, me më pak se dy vjet prodhimi, me vetëm 0.78% të totalit, nga 2.63% që është kjo peshë në Kosovë dhe 15.4% në Gjermani.

1.67% e automjeteve në vend kanë një moshë nga 2-5 vjet dhe 5.53% nga 5-10 vjet.

Sipas Eurostat, përqindjet e automjeteve më të reja të pasagjerëve (më pak se 2 vjeç) ishin më të larta në Luksemburg (18,4 %), Gjermani (15,4 %), Suedi (14,5 %), Belgjikë dhe Irlandë (të dyja 13,1 %) dhe Austri (13,0 %). ). Në të kundërt, disa Shtete Anëtare raportuan një pjesë të madhe të makinave ‘të vjetra’ të pasagjerëve (20 vjeç e lart) në 2022. Shtetet Anëtare me përqindjet më të larta ishin Estonia (34,1 %), Rumania (31,0 %), Finlanda (30,4 %), Polonia (29,3 %), Portugalia (26,4 %) dhe Malta (25,6 %).

Sipas Eurostat, vitet e fundit, disa vende kanë ofruar programe që mbështesin blerjen e makinave të reja me emetime të ulëta, ndërkohë që heqin dorë nga makinat e vjetra.

Synimi i përgjithshëm i këtyre programeve ka qenë rinovimi i flotës së makinave të pasagjerëve me makina me emetim më të ulët, duke stimuluar njëkohësisht ekonominë. Këto programe kanë pasur një ndikim të caktuar në përbërjen e moshës së makinave të pasagjerëve në vende të veçanta.

Shqipëria, përveçse ka peshën më të lartë të makinave të vjetra, ka dhe dominim të atyre me naftë, që janë ndotësit më të mëdhenj. Po sipas Eurostat, Shqipëria dhe Kosova kanë peshën më të lartë të automjeteve që punojnë me naftë në Europë, me rreth 74% të totalit Shqipëria dhe rreth 82% Kosova për vitin 2022.

Ajri i ndotur, Shqipëria dhe Kosova kanë më shumë makina me naftë se në gjithë Europën

Nga rreth 639 mijë automjete që kishte gjithsej në vend në 2022, rreth 471 mijë janë me naftë. Me benzinë ranë rreth 17% e automjeteve (108 mijë) dhe me energji alternative 59 mijë, ose 9.3%. Makina elektrike në vitin 2022 në vend kishte më pak se 1300, sipas të dhënave të Eurostat.

Vendet e tjera të Europës Perëndimore kanë peshë shumë më të lartë të makinave me benzinë dhe po rrisin dhe përdorimin e energjisë alternative. P.sh. Holanda ka më pak se 10% të makinave me naftë, ndërsa Turqia mban rekordin për automjetet me energji alternative, me rreth 30% të totalit.

Në raport me popullsinë, Shqipëria është ndër vendet me më pak automjete në Europë. Sipas Eurstat, në vitin 2022, në Shqipëri kishte 226 automjete për 1 mijë banorë, që na vendosin në vendin e tretë më normën më të ulët për këtë tregues, duke lënë pas vetëm Kosovën (182 automjete për vitin 2021) dhe Turqinë (169)./Monitor

The post Eurostat: Shqipëria ka moshën më të lartë të automjeteve, 40% janë mbi 20-vjeçare appeared first on Albeu.com.

Në raportin e saj të përvitshëm të tranzicionit BERZH cilësoi se ekonomia shqiptare është ndër më rezistentet në rajon dhe se do të vijojë rritjen ekonomike edhe vitin e ardhshëm në nivelin 3.3%.

Faktor kryesor për këtë është turizmi. Ndërkohë u vlerësua dhe puna që qeveria ka bërë në kuadrin rregullator për burimet e rinovueshme ku BERZH është një kontribuues kryesor

 “Pyetja më e rëndësishme që ne shtrojmë në këtë raport është si rritja ekonomike mund të përafrojë ekonomitë e Ballkanit Perëndimor me ato të BE. Ne kemi bërë disa llogaritje të reja dhe ajo çfarë shohim është se në skenarin optimist ekonomia e Shqipërisë mund t’i afrohet atyre të Europës në dy dekada, nëse rritja mesatare është 3-4%. Kjo është relativisht një kohë e gjatë, prandaj duhet që rritja ekonomike të jetë më e lartë, në nivelet 5-6%. Për këtë ne mendojmë se tre janë mënyrat: qeverisje më e mirë, ekonomi më e integruar dhe e hapur, si dhe tranzicioni drejt ekonomisë së gjelbër”, tha Peter Tabak, ekonomist i lartë për rajonin e Ballkanit Perëndimor, BERZH.

Ndërkohë guvernatori i Bankës së Shqipërisë theksoi se institucioni që drejton do të ketë fokus kryesor tranzicionin drejt ekonomisë së gjelbër

 “Së shpejti do të publikojmë një udhëzues për bankat e nivelit të dytë që të marrin si faktor risku edhe dëmin ndaj mjedisit, por edhe përputhshmërinë e projekteve me synimet e tranzicionit të gjelbër”, tha Sejko.

Në raportin e saj BERZH ka vlerësuar se qeveria duhet të ketë në fokus të punës uljes e treguesit të varfërisë, i cili në mënyrë kokëfortë është ndër më të lartit në rajon, pavarësisht rritjes ekonomike të vendit.

The post BERZH: Shqipëria do rritet 3.3%!! “Ekonomia më stabël në rajon. Faktor turizmi. Rrezik nga ndryshimet klimatike” appeared first on Albeu.com.

Kërkohen jo vetëm zanatcinjtë, por dhe mjekë, mësues e profesionistë të teknologjisë, sipas të dhënave të publikuara nga Agjensise Kombetare te Punesimit!

Kryesojnë kërkesat për specialistë IT, punëtorë në ndërtim dhe agjentë shitjes në Call Centera!

Bie në sy se më pak kërkesa ka për punëtorë në fabrika, në një kohë kur fasoneritë kanë ngritur si shqetësim mungesën e fuqisë punëtorë dhe humbje për shkak të zhvlerësimit të euros.

Ministri i financave pak dite me pare deklaroi se Shqiperia po hyn ne një faze te re te zhvillimit dhe orientimin e tregut të punësimit drejt shërbimeve.

Por teksa kerkesat nga ana e bizneseve eshte ne rritje per puntore, nga ana tjeter Insztat raportoi se jane 77 mije te papune qe jane regjistruar ne zyrat e punes,kryeisht ata nga mosha 15 deri 29 vjec

Mungesa e fuqise puntore te lire dhe te kualifikuar jep nje ndikim negative ne shume sektore te ekonomise kjo per shkak edhe te emigrimit.

Kete e vertetojne edhe shifrat e Instat qe raportojne nje pakesim te popullsise ne 50 bashkite e vendit.

Nga ana tjeter Ministri i Finacave Ervin Mete ne prezantimin e bilancit vjetor te 2023 u shpreh se synon qe brenda ketij viti niveli i papunesine te ulet ne 10%. /oranews

The post Bizneset në krizë për punëtorë, jep ndikim negativ në shumë sektorë të ekonomisë appeared first on Albeu.com.

Mbase, keni kohë që po mendoni me veten ‘si të filloj një biznes’ apo duke konsideruar me dikë tjetër ‘si të hapim një biznes’.

Cilado qoftë situata juaj tani, dekada e kaluar na ka treguar se vendet e punës nuk janë më aq të sigurta siç mund ta kemi menduar në të kaluarën.

Në të njëjtën kohë, raporti i suksesit për bizneset e reja mbetet mjaft i ulët ku shumica e tyre dështojnë brenda disa viteve.

Ndërkohë, asnjëherë nuk ka diçka ‘tërësisht të sigurtë’ ndaj nëse jeni duke menduar ta lini punën aktuale për të filluar biznesin tuaj, ka shumë avantazhe nëse zgjidhni të përgatiteni mirë para se t’i futeni sipërmarrjes private.

Këto janë nënë këshilla që të siguroheni nëse jeni përgatitur mjaftueshëm para se të filloni biznesin tuaj, duke i dhënë vetes shanset maksimale për të qenë të suksesshëm. Këto hapa janë përshtatur nga libri i autores me titull ‘The Entrepreneur Equation’.

1. Saktësoni dhe shqyrtoni synimet tuaja të vërteta
Është shumë e vështirë të gjesh rrugën për të shkuar diku nëse më parë nuk e dini se ku doni të shkoni. Më tej, edhe nëse keni një synim të saktë, ju duhet të gjeni rrugën më të drejt-për-drejtë që do t’ju çojë aty ku doni të shkoni.

Ndaloni për t’i shqyrtuar mirë arsyet pse i keni thënë vetes ‘dua të filloj biznesin tim’.

• Doni thjesht të bëheni i pasur shpejt?
• Doni që të tregoni talentin tuaj, idenë për një produkt apo shërbim?
• Apo thjesht jeni lodhur nga shefi i cili merr vazhdimisht meritat për punën tuaj?

Këto lloj arsyesh mund t’ju udhëheqin në drejtimin e gabuar. Në anën tjetër, nëse ju pëlqen ideja e menaxhimit të një sipërmarrje, nëse ju pëlqen

• të krijoni sisteme dhe procedura,
• e adhuroni shërbimin ndaj klientit apo
• balancimin e shumë përgjegjësive,

atëherë sipërmarrja mund të jetë udha e duhur për ju.

2. Krijoni një fond kursimesh
Kostot e fillimit të një biznesi të ri në shumë industri kanë rënë ndjeshëm. Gjithsesi, kjo është vetëm njëra pjesë e realitetit. Shpesh bizneseve i’u duhen disa vite për t’u stabilizuar, ndaj do t’ju duhen fonde të mjaftueshme për ta filluar, operuar deri sa të stabilizohet dhe gjithashtu për të jetuar vetë.

Nëse nuk i dispononi të gjitha fondet e nevojshme vetë, atëherë përpiquni të identifikoni burimet e mundshme për financimin e nevojshëm.

Kohët e vështira që po kalojmë e kanë bërë edhe më të vështirë sigurimin e financimit.

Njëherazi, askush nuk do dëshironte ta fillonte një biznes që për tre apo katër muaj do t’i duhej të përballonte dilemën e mbajtjes hapur të biznesit kundrejt pagimit të qirasë apo të kredisë – kjo do ishte një betejë e humbur.

3. Akumuloni eksperiencën e nevojshme
Menaxhimi i një biznesi në fakt lidhet me aftësinë e menaxhimit të punonjësve dhe furnitorëve, aftësi që duhet fituar para se të hapni biznesin tuaj.

Gjithashtu, do duhet ta njihni mirë industrinë në të cilën do operoni, përfshi edhe ato aspekte me të cilat mund të mos jeni të familjarizuar apo që mbase nuk i keni me qejf si p.sh. marketingu, kontabiliteti, etj.

Ju mungon eksperienca e nevojshme?

Atëherë, mbase është më mirë të shpenzoni ca kohë duke punuar për një biznes të ngjashëm apo të gjeni mënyrën për të punuar pranë pronarit të një biznesi në sektorin tuaj ose mund të filloni të punoni part-time, p.sh. në fundjavë, pranë një sipërmarrje të ngjashme. Thënë ndryshme, testoi më parë ujërat para se të filloni biznesin tuaj.

4. Rrisni njoftuninë/rrjetin tuaj (networking)
Në mjaft raste, suksesi në biznes nuk varet thjesht nga njohuritë se sa nga njoftunitë (të njohurit)! Rrjedhimisht, nëse nuk keni njohje të mjaftueshme apo keni kohë që nuk investoni për të rritur njoftuninë tuaj, atëherë ky mund të jetë momenti i përshtatshëm për ta forcuar dhe zgjeruar më tej rrjetin tuaj.

Lidhjet e forta mund t’ju ndihmojnë me këshilla biznesi apo lidhjet e nevojshme që do ju lejojnë të gjeni financimin, çmimet apo kushtet e favorshme me furnitorët apo shërbimet e tjera nga të cilat varet biznesi juaj.

Njëherazi, njoftunia është burimi më i mirë i marketingut dhe referimeve nga klientët, elemente të cilat janë vërtetë kritike për një biznes të ri.

5. Njihni vetveten
Mbase ju i preferoni gjërat ashtu siç janë (status quo) dhe i shmangeni vazhdimisht gjërave të papritura! Mbase nuk jeni shumë i prirur të përballeni me luhatjet e forta si p.sh. ato financiare!

Mbase ju mungojnë kursimet e nevojshme për t’u përballur me situata të paparashikuara!

Nëse jeni lloji i personit që e doni fort stabilitetin dhe kontrollin, apo që kërkoni që gjithçka të shkojë sipas planifikimit, atëherë luhatjet e pashmangshme të fillimit të një biznesi të ri mbase nuk janë për ju.

Ndaj, është më mirë që të jeni të sinqertë me vetveten përpara se t’i niseni kësaj rruge.

6. Konsultohuni me avokatin tuaj
Nëse synoni të hapni një biznes i cili konkuron (direkt apo indirekt) me atë të punëdhënësit tuaj aktual apo nëse planifikoni t’i bëni një telefonatë ish-klientëve dhe kontakteve tuaja, atëherë mund ta gjeni veten në një situatë të vështirë ligjore, sidomos nëse këto elemente kanë qenë pjesë e kritereve të kontratës që ju mund të keni firmosur me punëdhënësin aktual apo të kaluar.

Ndaj, konsultohuni paraprakisht për këto çështje me avokatin tuaj që të siguroheni që nuk do keni probleme apo nëse do t’ju duhet të ndërmerrni veprime për t’i shmangur këto lloj situatash të vështira ligjore.

7. Studioni me shumë kujdes konkurencën
Përpara se t’i futeni rrugës së sipërmarrjes private studioni me kujdes tregun dhe konkurencën. A është i mbushur ky treg me biznese të ngjashme të suksesshme? Apo mbase sektori/industria juaj është e mbushur me biznese të këqija që sakaq i kanë dhënë një nam të keq për të gjithë?

Suksesi i biznesit tuaj do të ndikohet shumë nga konkurenca, qoftë ajo e mirë apo e keqe.

Rrjedhimisht, juve do t’ju duhet ta promovoni mjaftueshëm biznesin tuaj që ta dalloni atë nga konkurenca ose edhe për t’ia rregulluar reputacionin vetë sektorit/industrisë në të cilin do operoni.

8. Vlerësoni se si mund të zgjerohet/rritet ideja juaj e biznesit
Bizneset më të suksesshme mbështeten te automatizimi dhe delegimi i punës.

Pyetja është, a do jenë punonjësit e tjerë të aftë për ta bërë punën që dini të bëni ju? Nëse jo, a është diçka që ju mund t’ua mësoni të tjerëve në një format/procedurë që ata mund ta ndjekin lehtësisht?

Nëse biznesi juaj varet tërësisht nga aftësitë tuaja dhe vetëm tuajat, atëherë ju mund të keni një biznes të suksesshëm por në të njëjtën kohë mund të mos jetë lloji i biznesit që ju po kërkoni për të ardhmen.

9. Shisni që në fillim!
Shumë sipërmarrës shpenzojë kohë dhe para për të ndërtuar/krijuar që në fillim dyqanin (pikat e shitjes), apo për të prodhuar produkte dhe shërbime pa verifikuar më parë ‘vlefshmërinë’ dhe ‘nevojën’ e tregut për to.

Ndaj, shihni nëse mund të gjeneroni interes të mjaftueshëm (në formën e kërkesave për blerje, paradhënieve, etj.) përpara se të investoni shuma të mëdha parash.

Nëse vërtetoni se ka interes të mjaftueshëm për atë që ju do ofroni, atëherë kjo do e reduktojë edhe riskun e hapjes së biznesit apo angazhimit me kohë të plotë.

Ndryshe, nëse nuk gjeneroni interesim dhe blerës të mjaftueshëm, atëherë mbase këto janë shenja që do t’ju duhet të rishqyrtoni ofertën, çmimet apo modelin tuaj të biznesit, para se të investoheni me kohë, financa dhe përpjekje të plota.

Koha e shpenzuar për t’u sigurua që gjërat janë vërtetë në favorin tuaj do t’ju ndihmojë të shmangni krijimi e një prej atyre bizneseve që më pas kategorizohen si dështime!

The post 9 hapa si të hapim një biznes të suksesshëm appeared first on Albeu.com.

“Po na mungon një trup qeveritarë që do t’i mbikëqyrte në baza të rrepta ditore implemtimin e këtyre marrëveshjeve. Kur po takohen dy qeveritë, dy kryeministrat po i nënshkruajnë marrëveshjet, por implementimi po varet prej stafit civil dhe aty çalon për shkak të interpretimeve. Ka marrëveshje që ende nuk ka filluar me u zbatu, ne kemi ankesa të shumta nga bizneset tona që eksportojnë në Shqpëri për barrierave të ndryshme, që nuk janë eliminua përkundër asaj që janë nënshkruar shumë marrëveshje”, thotë Rafuna.

Kosova dhe Shqipëria kanë nevojë për dialog dhe partneritet të mirëfilltë, vlerëson për Radio Kosovën, njohësi i ekonomisë, Safet Gërxhaliu.

Sipas tij, bashkëpunimi ekonomiko-politik në mes dy shteteve, është në pikën më kritike.

“Nuk mund të avancojmë vetëm me një fotografi nga mbledhjet e qeverive, por kemi nevojë për implementim të këtyre marrëveshjeve, kemi nevojë të shqyrtohet kjo ekonomi ne mes të dy vendeve, dhe nëse krahasohet këmbimi tregtarë apo bashkëpunimi ekonomik në mes dy vendeve, do të ishte një këmbim tregtarë në mes dy kompanive të mëdha dhe jo mes dy shteteve. Këto raporte duhet të depolitizohen, të ketë transparencë me tepër dhe në këtë drejtim”, thotë Gërxhaliu.

Ekspertët vlerësojnë se Kosova dhe Shqipëria, duhen që të bëjnë më shumë në aspekt të rritjes së fuqisë prodhuesve në mënyrë që të mos varemi shumë nga importet e vendeve të ndryshme.

The post Ekspertët: Bashkëpunimi Kosovë -Shqipërisë në ekonomi, lë për të dëshiruar appeared first on Albeu.com.

Për të mundësuar vijimin e zbatimit me një VKM disa deklarata tatimore do vijojnë të kryhen sipas ligjit të vjetër, në mënyrë të thjeshtëzuar

“Në aktin normativ ne kemi parashikuar që një sërë deklaratash të cilat lidhen me listë pagesat do të fillojë të aplikohet nga data 1 janar 2025 apo deklarata e tatimit në burim, po ashtu dhe deklarata e të ardhurave individuale.”- shprehet v. ministrja e Financave, Vasilika Vjero.

Por, sa do të jetë numri i plotë i bizneseve që përfshihen në tatim dhe të ardhurat që qeveria pritet të mbledhë në buxhet prej tyre?

“Nga 120 mijë janë rreth 29 mijë subjekte që deri më sot kanë paguar një tatim zero. Ne kemi parashikuar efekte në masën 6.8 miliardë lekë dhe këto efekte dalin drejtpërsëdrejti nga deklaratat që këto subjekte kanë bërë përgjatë vitit 2023”

Tatimit përfshin edhe kategoritë e atyre që merren me dhënien me qira ditore të strukturave të akomodimit në platforma online si Airbnb dhe Booking.

“Nëse një subjekt është I regjistruar pranë Airbnb, si një individ tregtar do të duhet të hyjë në tatimin progresiv me normat 15- 23%. Dhe në rastin kur kemi të bëjmë me individë, pra ka shumë individë që regjistrojnë njësitë e tyre të banimit në AirBnb apo platforma të tjera, atëherë individët do duhet që të paguajnë një normë tatimi 15%. Nuk është e nevojshme që kjo normë të paguhet çdo muaj, por ajo do paguhet një herë në vit nëpërmjet deklaratës së të ardhurave individuale që dorëzohet në tremujorin e parë të vitit.”

Në ligjin e ri, qeveria ka përcaktuar se një fashë tjetër biznesesh, gati 90 mijë prej tyre, të konsiderua biznese të vogla familjare do të kthehen në regjim tatimor në 2029-ën. /TCH

The post Viti i ri vjen me taksa të reja: Nis tatimi për profesionistët e lirë appeared first on Albeu.com.